Surah Ar-Rad - Kendayan Translation by Unknown
الٓمٓرۚ تِلۡكَ ءَايَٰتُ ٱلۡكِتَٰبِۗ وَٱلَّذِيٓ أُنزِلَ إِلَيۡكَ مِن رَّبِّكَ ٱلۡحَقُّ وَلَٰكِنَّ أَكۡثَرَ ٱلنَّاسِ لَا يُؤۡمِنُونَ
Alif lâm mîm râ’. Nianlah ayat-ayat kitab (Al-Quran). Man (Kitab) nang dituruntatn ka’ kao (Muhammad) dari Tuhannyu koa ialah banar; tatapi kamanyakatn talino nana’ baiman
Surah Ar-Rad, Verse 1
ٱللَّهُ ٱلَّذِي رَفَعَ ٱلسَّمَٰوَٰتِ بِغَيۡرِ عَمَدٖ تَرَوۡنَهَاۖ ثُمَّ ٱسۡتَوَىٰ عَلَى ٱلۡعَرۡشِۖ وَسَخَّرَ ٱلشَّمۡسَ وَٱلۡقَمَرَۖ كُلّٞ يَجۡرِي لِأَجَلٖ مُّسَمّٗىۚ يُدَبِّرُ ٱلۡأَمۡرَ يُفَصِّلُ ٱلۡأٓيَٰتِ لَعَلَّكُم بِلِقَآءِ رَبِّكُمۡ تُوقِنُونَ
Allah nang ningian langit nana’ batihakng (sabage mae) nang kao tele’ kamudian Ia basamayam ka’ atas Arsy. Ia nundukatn mata’ari man bulatn; masing-masing baedar manurut waktu nang udah ditantuatn. Ia ngatur urusan (makhluk-Nya), man nyalasatn tanda-tanda (kabasaratn-Nya), supaya kita’ yakin patamuan mang Tuhannyu
Surah Ar-Rad, Verse 2
وَهُوَ ٱلَّذِي مَدَّ ٱلۡأَرۡضَ وَجَعَلَ فِيهَا رَوَٰسِيَ وَأَنۡهَٰرٗاۖ وَمِن كُلِّ ٱلثَّمَرَٰتِ جَعَلَ فِيهَا زَوۡجَيۡنِ ٱثۡنَيۡنِۖ يُغۡشِي ٱلَّيۡلَ ٱلنَّهَارَۚ إِنَّ فِي ذَٰلِكَ لَأٓيَٰتٖ لِّقَوۡمٖ يَتَفَكَّرُونَ
Man Ia nang ngamparatn dunia man nyadiatn gunung-gunung man sunge-sunge ka’ atasnya. Man Ia nyadiatn samua buah- buahan bapasang-pasangan; Ia nutupatn malam ka’ siakng. Sungguh, nang ampakoa ada tanda-tanda (kabasaran Allah) ka’ urakng-urakng nang bapikir
Surah Ar-Rad, Verse 3
وَفِي ٱلۡأَرۡضِ قِطَعٞ مُّتَجَٰوِرَٰتٞ وَجَنَّـٰتٞ مِّنۡ أَعۡنَٰبٖ وَزَرۡعٞ وَنَخِيلٞ صِنۡوَانٞ وَغَيۡرُ صِنۡوَانٖ يُسۡقَىٰ بِمَآءٖ وَٰحِدٖ وَنُفَضِّلُ بَعۡضَهَا عَلَىٰ بَعۡضٖ فِي ٱلۡأُكُلِۚ إِنَّ فِي ذَٰلِكَ لَأٓيَٰتٖ لِّقَوۡمٖ يَعۡقِلُونَ
Man ka’ duniaada bagian-bagian nang basamakatn, kabon-kabon anggur, tanaman- tanaman, puhutn kurma nang bacabang, man nang nana’ bacabang disirami’ mang ai’ nang sama, tatapi Kami labihatn tanaman nang sote’ dari nang lainnya dalapm hal rasanya. Sungguh, nang macam nian koa tadapat tanda-tanda (kabasaran Allah) ka’ urakng-urakng nang ngarati
Surah Ar-Rad, Verse 4
۞وَإِن تَعۡجَبۡ فَعَجَبٞ قَوۡلُهُمۡ أَءِذَا كُنَّا تُرَٰبًا أَءِنَّا لَفِي خَلۡقٖ جَدِيدٍۗ أُوْلَـٰٓئِكَ ٱلَّذِينَ كَفَرُواْ بِرَبِّهِمۡۖ وَأُوْلَـٰٓئِكَ ٱلۡأَغۡلَٰلُ فِيٓ أَعۡنَاقِهِمۡۖ وَأُوْلَـٰٓئِكَ أَصۡحَٰبُ ٱلنَّارِۖ هُمۡ فِيهَا خَٰلِدُونَ
Man kade’ kao marasa heran maka nang labih heran ialah ucapatn nyaka’koa, “kade’ kami udah jadi tanah, ahe ke’ kami (dikambaliatn) manjadi makhluk nang baharu?” iaka’koa lah nang ingkar ka’ Tuhannya; man ia ka’koalah (nang dilakatatn) balanggu ka’ tage’nya. Ia 13. AR-R ka’koalah panghuni naraka, iaka’koa kakal ka’ dalapm nya
Surah Ar-Rad, Verse 5
وَيَسۡتَعۡجِلُونَكَ بِٱلسَّيِّئَةِ قَبۡلَ ٱلۡحَسَنَةِ وَقَدۡ خَلَتۡ مِن قَبۡلِهِمُ ٱلۡمَثُلَٰتُۗ وَإِنَّ رَبَّكَ لَذُو مَغۡفِرَةٖ لِّلنَّاسِ عَلَىٰ ظُلۡمِهِمۡۖ وَإِنَّ رَبَّكَ لَشَدِيدُ ٱلۡعِقَابِ
Uga’ iaka’koa minta ka’ kao supaya dipacapat (atakngnya) siksaatn, sanape’ (iaka’koa minta’) kabaikan, padahal udah tajadi bamacam-macam contoh siksaatn sanape’ iaka’koa. Sungguh, Tuhannyu banar-banar mamiliki’ amponan ka’ talino atas kajaliman nyaka’koa, man sungguh, Tuhannyu miah karas siksaatn-Nya
Surah Ar-Rad, Verse 6
وَيَقُولُ ٱلَّذِينَ كَفَرُواْ لَوۡلَآ أُنزِلَ عَلَيۡهِ ءَايَةٞ مِّن رَّبِّهِۦٓۗ إِنَّمَآ أَنتَ مُنذِرٞۖ وَلِكُلِّ قَوۡمٍ هَادٍ
Man urakng-urakng kapir bakata, “Ngahe nana’ dituruntatn ka’ia (Muhammad) tanda (mukjizat) dari Tuhannya?” Sabatolnya kao enggelah saurakng pamare’ paringatatn; man bagi ka’ satiap kaum ada urakng nang mare’ patunjuk
Surah Ar-Rad, Verse 7
ٱللَّهُ يَعۡلَمُ مَا تَحۡمِلُ كُلُّ أُنثَىٰ وَمَا تَغِيضُ ٱلۡأَرۡحَامُ وَمَا تَزۡدَادُۚ وَكُلُّ شَيۡءٍ عِندَهُۥ بِمِقۡدَارٍ
Allah nau’an ahe nang dikandong satiap nang bini, ahe nang kurang sampurana man ahe nang batambah dalapm kandongan. Man sagala sasuatu ada ukuran ka’ sisi-Nya
Surah Ar-Rad, Verse 8
عَٰلِمُ ٱلۡغَيۡبِ وَٱلشَّهَٰدَةِ ٱلۡكَبِيرُ ٱلۡمُتَعَالِ
(Allah) Nang nau’an samua nang gaib man nang nyata; Nang Maha Aya’, Maha Tingi
Surah Ar-Rad, Verse 9
سَوَآءٞ مِّنكُم مَّنۡ أَسَرَّ ٱلۡقَوۡلَ وَمَن جَهَرَ بِهِۦ وَمَنۡ هُوَ مُسۡتَخۡفِۭ بِٱلَّيۡلِ وَسَارِبُۢ بِٱلنَّهَارِ
Sama ma’an (ka’ Allah), sae ka’ antara kita’ nang ngarasiaatn pakataannya mang sae nang batarus tarang mang ia; mang sae nang nosok ka’ malam ari man nang bajalatn ka’ siakng ari
Surah Ar-Rad, Verse 10
لَهُۥ مُعَقِّبَٰتٞ مِّنۢ بَيۡنِ يَدَيۡهِ وَمِنۡ خَلۡفِهِۦ يَحۡفَظُونَهُۥ مِنۡ أَمۡرِ ٱللَّهِۗ إِنَّ ٱللَّهَ لَا يُغَيِّرُ مَا بِقَوۡمٍ حَتَّىٰ يُغَيِّرُواْ مَا بِأَنفُسِهِمۡۗ وَإِذَآ أَرَادَ ٱللَّهُ بِقَوۡمٖ سُوٓءٗا فَلَا مَرَدَّ لَهُۥۚ وَمَا لَهُم مِّن دُونِهِۦ مِن وَالٍ
Ka’ ia (talino) ada mala’ekat-mala’ekat nang salalu bajaga bagiliratn, dari adapatn man balakangnya iaka’koa nyaganya atas parentah Allah. Sabatolnya Allah nana’ akan mangubah kaadaan kaum sanape’ iaka’koa ngubah kaadaan diri’nya babaro. Man kade’ Allah ngahendaki’ kaburukatn tahadap kaum maka nana’ ada nang dapat nolaknya man nana’ ada pangingu bagi nyaka’koa salain Ia (Allah)
Surah Ar-Rad, Verse 11
هُوَ ٱلَّذِي يُرِيكُمُ ٱلۡبَرۡقَ خَوۡفٗا وَطَمَعٗا وَيُنشِئُ ٱلسَّحَابَ ٱلثِّقَالَ
Ia-lah nang nele’atn late’ ka’ kita’, nang nimulatn kagali’anan man harapan, man Ia nyajiatn patakng
Surah Ar-Rad, Verse 12
وَيُسَبِّحُ ٱلرَّعۡدُ بِحَمۡدِهِۦ وَٱلۡمَلَـٰٓئِكَةُ مِنۡ خِيفَتِهِۦ وَيُرۡسِلُ ٱلصَّوَٰعِقَ فَيُصِيبُ بِهَا مَن يَشَآءُ وَهُمۡ يُجَٰدِلُونَ فِي ٱللَّهِ وَهُوَ شَدِيدُ ٱلۡمِحَالِ
Man guruh batasbih muji-Nya, (ampakoalah) sigana mala’ekat karana gali’ ka’ Ia (Allah), man Allah ngalapasatn late’, lalu Ia kanai’ ka’ sae nang dikahandaki’-Nya, samintara iaka’koa baolek tantang Allah, man Ia Maha karas siksaan-Nya
Surah Ar-Rad, Verse 13
لَهُۥ دَعۡوَةُ ٱلۡحَقِّۚ وَٱلَّذِينَ يَدۡعُونَ مِن دُونِهِۦ لَا يَسۡتَجِيبُونَ لَهُم بِشَيۡءٍ إِلَّا كَبَٰسِطِ كَفَّيۡهِ إِلَى ٱلۡمَآءِ لِيَبۡلُغَ فَاهُ وَمَا هُوَ بِبَٰلِغِهِۦۚ وَمَا دُعَآءُ ٱلۡكَٰفِرِينَ إِلَّا فِي ضَلَٰلٖ
Ngge ka’ Allah ihan do’a nang banar, man nang iaka’koa sambah salain Allah nana’ dapat ngabulatn ahe pun ka’ iaka’koa, nana’ ubahnya saparati urakng nang muka’atn ka- dua talapak kokotnya ka’ dalapm ai’ supaya sampe ka’ molotnya. Padahal ai’ koa nana’ akan sampe ka’ molotnya, man do’a urakng- urakng kapir koa, nggelah toa’-toa’ ihan
Surah Ar-Rad, Verse 14
وَلِلَّهِۤ يَسۡجُدُۤ مَن فِي ٱلسَّمَٰوَٰتِ وَٱلۡأَرۡضِ طَوۡعٗا وَكَرۡهٗا وَظِلَٰلُهُم بِٱلۡغُدُوِّ وَٱلۡأٓصَالِ۩
Man ngge ka’ Allah sujud nang ka’ langit man ka’ dunia,mang karelaan ato tapaksa. Man(ka’ Allah uga’) iaka’koa balindung ka’ waktu alapm man gumare’
Surah Ar-Rad, Verse 15
قُلۡ مَن رَّبُّ ٱلسَّمَٰوَٰتِ وَٱلۡأَرۡضِ قُلِ ٱللَّهُۚ قُلۡ أَفَٱتَّخَذۡتُم مِّن دُونِهِۦٓ أَوۡلِيَآءَ لَا يَمۡلِكُونَ لِأَنفُسِهِمۡ نَفۡعٗا وَلَا ضَرّٗاۚ قُلۡ هَلۡ يَسۡتَوِي ٱلۡأَعۡمَىٰ وَٱلۡبَصِيرُ أَمۡ هَلۡ تَسۡتَوِي ٱلظُّلُمَٰتُ وَٱلنُّورُۗ أَمۡ جَعَلُواْ لِلَّهِ شُرَكَآءَ خَلَقُواْ كَخَلۡقِهِۦ فَتَشَٰبَهَ ٱلۡخَلۡقُ عَلَيۡهِمۡۚ قُلِ ٱللَّهُ خَٰلِقُ كُلِّ شَيۡءٖ وَهُوَ ٱلۡوَٰحِدُ ٱلۡقَهَّـٰرُ
Kataatnlah (Muhammad), ”Sae ke’ Tuhan langit man dunia? “Kataatnlah, ”Allah”. Kataatnlah pantas ke’ kita’ na’ap palindung- palindung selain Allah, padahal iaka’koa nana’ kuasa ngatakngkatn manpa’at mao’ pun nolak mudarat ka’ diri’nya babaro?”batakatnlah, “sama ke’ urakng nang buta’ man urakng nang bisa nele’? ato sama ke’ nang galap mang nang tarang? ahe ke’ iaka’koa nyajiatn sakutu-sakutu nu’ Allah nang mamuat saparati ciptaan-Nya sahingga kadua ciptaan koa sarupa mang panele’atn nyaka’koa? Kataatnlah, “Allah adalah Pancipta sagala sasuatu man Ia Tuhan nang Maha Esa, Maha Pakasa.”
Surah Ar-Rad, Verse 16
أَنزَلَ مِنَ ٱلسَّمَآءِ مَآءٗ فَسَالَتۡ أَوۡدِيَةُۢ بِقَدَرِهَا فَٱحۡتَمَلَ ٱلسَّيۡلُ زَبَدٗا رَّابِيٗاۖ وَمِمَّا يُوقِدُونَ عَلَيۡهِ فِي ٱلنَّارِ ٱبۡتِغَآءَ حِلۡيَةٍ أَوۡ مَتَٰعٖ زَبَدٞ مِّثۡلُهُۥۚ كَذَٰلِكَ يَضۡرِبُ ٱللَّهُ ٱلۡحَقَّ وَٱلۡبَٰطِلَۚ فَأَمَّا ٱلزَّبَدُ فَيَذۡهَبُ جُفَآءٗۖ وَأَمَّا مَا يَنفَعُ ٱلنَّاسَ فَيَمۡكُثُ فِي ٱلۡأَرۡضِۚ كَذَٰلِكَ يَضۡرِبُ ٱللَّهُ ٱلۡأَمۡثَالَ
Allah udah nuruntatn ai’ (ujatn) dari langit maka ngalirlah (ai’) ka’ arokng-arokng manurut ukurannya maka arus koa ngincakng popo’ nang ngambang. Man dari ahe (logam) nang iaka’koa labur dalapm api nto’ manjuat pariasan ato alat-alat, ada (uga’) popo’nya saparati (popo’arus) koa. Ampakoalah Allah mamuat parumpamaan tantang nang banar man nang batil. Adapun popo’, akan ilang sabage sasuatu nang nana’ ada gunanya;tapi nang bamanpa’at ka’ talino, akan tatap ada ka’ dunia, ampakoalah Allah mamuat parumpama’an-parumpama’an
Surah Ar-Rad, Verse 17
لِلَّذِينَ ٱسۡتَجَابُواْ لِرَبِّهِمُ ٱلۡحُسۡنَىٰۚ وَٱلَّذِينَ لَمۡ يَسۡتَجِيبُواْ لَهُۥ لَوۡ أَنَّ لَهُم مَّا فِي ٱلۡأَرۡضِ جَمِيعٗا وَمِثۡلَهُۥ مَعَهُۥ لَٱفۡتَدَوۡاْ بِهِۦٓۚ أُوْلَـٰٓئِكَ لَهُمۡ سُوٓءُ ٱلۡحِسَابِ وَمَأۡوَىٰهُمۡ جَهَنَّمُۖ وَبِئۡسَ ٱلۡمِهَادُ
Ka’ urakng-urakng nang manohi’ saru’atn Tuhan, iaka’koa (dinyiapatn) balasan nang baik, man urakng-urakng nang nana’ nangar parentah-Nya, sakiranya iaka’koa ngampui’ 13. AR-RA samua nang ada ka’ dunia man (ditambahi’) samanyak koa agi’, pasti iaka’koa mao’ nabu- satn diri’nya mang koa. Urakng-urakng koa napati, hisab (paretongan) nang buruk man tampat kadiamannyaka’koa Jahanam, man koalah saburuk-buruk tampat kadiaman
Surah Ar-Rad, Verse 18
۞أَفَمَن يَعۡلَمُ أَنَّمَآ أُنزِلَ إِلَيۡكَ مِن رَّبِّكَ ٱلۡحَقُّ كَمَنۡ هُوَ أَعۡمَىٰٓۚ إِنَّمَا يَتَذَكَّرُ أُوْلُواْ ٱلۡأَلۡبَٰبِ
Maka ahe ke’ urakng nang ngatahui’ bahwa’ ahe nang dituruntatn Tuhan ka’ kao ialah kabanaratn, sama mang urakng nang buta’?Nggeurakng nang barakal ihan nang bisa namu palajaran
Surah Ar-Rad, Verse 19
ٱلَّذِينَ يُوفُونَ بِعَهۡدِ ٱللَّهِ وَلَا يَنقُضُونَ ٱلۡمِيثَٰقَ
(koalah) urakng nang napati’ janji Allah nang nana’ ngalanggar pajanjian
Surah Ar-Rad, Verse 20
وَٱلَّذِينَ يَصِلُونَ مَآ أَمَرَ ٱللَّهُ بِهِۦٓ أَن يُوصَلَ وَيَخۡشَوۡنَ رَبَّهُمۡ وَيَخَافُونَ سُوٓءَ ٱلۡحِسَابِ
Man urakng-urakng nang ngubungkatn ahe nang diparentahatn Allah supaya diubungkatn,418 man iaka’koa gali’ ka’ Tuhan-Nya man gali’ ka’ hisab nang buruk
Surah Ar-Rad, Verse 21
وَٱلَّذِينَ صَبَرُواْ ٱبۡتِغَآءَ وَجۡهِ رَبِّهِمۡ وَأَقَامُواْ ٱلصَّلَوٰةَ وَأَنفَقُواْ مِمَّا رَزَقۡنَٰهُمۡ سِرّٗا وَعَلَانِيَةٗ وَيَدۡرَءُونَ بِٱلۡحَسَنَةِ ٱلسَّيِّئَةَ أُوْلَـٰٓئِكَ لَهُمۡ عُقۡبَى ٱلدَّارِ
Man urakng nang sabar karana ngarapi’ karela’atn Tuhannya, ngalaksanaan salat, man ngimpakatn (mare’atn) sabagian rajaki nang Kami barentatn ka’ iaka’koa, sacara nosok-nosok ato tarang-tarangan sarata nolak kajahatatn mang kabaikatn; urakng koalah nang napati’ tampat kasudahatn (nang baik)
Surah Ar-Rad, Verse 22
جَنَّـٰتُ عَدۡنٖ يَدۡخُلُونَهَا وَمَن صَلَحَ مِنۡ ءَابَآئِهِمۡ وَأَزۡوَٰجِهِمۡ وَذُرِّيَّـٰتِهِمۡۖ وَٱلۡمَلَـٰٓئِكَةُ يَدۡخُلُونَ عَلَيۡهِم مِّن كُلِّ بَابٖ
(koalah) saruga-saruga ‘Adn, iaka’koa tama’ ka’ dalapmnya barage mang urakng nang saleh dari da’ ne’ nangenya, pasangan- pasangannya man anak ucu’nya, samintara mala’ekat tama’ ka’ tampat-tampat nyaka’koa dari samua talobo’
Surah Ar-Rad, Verse 23
سَلَٰمٌ عَلَيۡكُم بِمَا صَبَرۡتُمۡۚ فَنِعۡمَ عُقۡبَى ٱلدَّارِ
(sambil ngucapatn), Salamun ‘alaikum bima shabartum (salamat sampurana ka’ kita’ karana kasabaratnn kita’). Maka sidi nyaman tampat kasudahatn koa
Surah Ar-Rad, Verse 24
وَٱلَّذِينَ يَنقُضُونَ عَهۡدَ ٱللَّهِ مِنۢ بَعۡدِ مِيثَٰقِهِۦ وَيَقۡطَعُونَ مَآ أَمَرَ ٱللَّهُ بِهِۦٓ أَن يُوصَلَ وَيُفۡسِدُونَ فِي ٱلۡأَرۡضِ أُوْلَـٰٓئِكَ لَهُمُ ٱللَّعۡنَةُ وَلَهُمۡ سُوٓءُ ٱلدَّارِ
Man urakng-urakng nang ngalanggar janji Allah salaka’ diikraratn, man mutusan’ ahe nang diparentahatn Allah sapaya disambungkatn man babuat karusakatn ka’ dunia; iaka’koa namu kutukatn man tampat kadiaman nang buruk (Jahanam)
Surah Ar-Rad, Verse 25
ٱللَّهُ يَبۡسُطُ ٱلرِّزۡقَ لِمَن يَشَآءُ وَيَقۡدِرُۚ وَفَرِحُواْ بِٱلۡحَيَوٰةِ ٱلدُّنۡيَا وَمَا ٱلۡحَيَوٰةُ ٱلدُّنۡيَا فِي ٱلۡأٓخِرَةِ إِلَّا مَتَٰعٞ
Allah ngalapangan man matasi’ rajaki ka’sae nang Ia maoi’. Iaka’koa repo mang ka’idupatn dunia, padahal ka’idupatn dunia nggelah karepoatn (nang saebet) dibanding ka’idupatn naherat
Surah Ar-Rad, Verse 26
وَيَقُولُ ٱلَّذِينَ كَفَرُواْ لَوۡلَآ أُنزِلَ عَلَيۡهِ ءَايَةٞ مِّن رَّبِّهِۦۚ قُلۡ إِنَّ ٱللَّهَ يُضِلُّ مَن يَشَآءُ وَيَهۡدِيٓ إِلَيۡهِ مَنۡ أَنَابَ
Man urakng-urakng kapir bakata, “ngahe nana’ dituruntatn ka’ (Muhammad) tanda (mukjizat) dari Tuhannya?” kataatnlah (Muhammad), “sabatolnya Allah nyasatatn4 sae nang Ia kahandaki’ man mare’ patunjuk ka’urang nang batobat ka’ Ia”
Surah Ar-Rad, Verse 27
ٱلَّذِينَ ءَامَنُواْ وَتَطۡمَئِنُّ قُلُوبُهُم بِذِكۡرِ ٱللَّهِۗ أَلَا بِذِكۡرِ ٱللَّهِ تَطۡمَئِنُّ ٱلۡقُلُوبُ
Ia koa urakng-urakng nang baiman man atinya ka’koa manjadi tanang mangngingat Allah. Ingatlahngge mang ngingat Allah ati manjadi tanang
Surah Ar-Rad, Verse 28
ٱلَّذِينَ ءَامَنُواْ وَعَمِلُواْ ٱلصَّـٰلِحَٰتِ طُوبَىٰ لَهُمۡ وَحُسۡنُ مَـَٔابٖ
Urakng-urakng nang baiman man ngarajaatn kabaikatn, iaka’koa namu kanyamanan man tampat pulakng nang edo’
Surah Ar-Rad, Verse 29
كَذَٰلِكَ أَرۡسَلۡنَٰكَ فِيٓ أُمَّةٖ قَدۡ خَلَتۡ مِن قَبۡلِهَآ أُمَمٞ لِّتَتۡلُوَاْ عَلَيۡهِمُ ٱلَّذِيٓ أَوۡحَيۡنَآ إِلَيۡكَ وَهُمۡ يَكۡفُرُونَ بِٱلرَّحۡمَٰنِۚ قُلۡ هُوَ رَبِّي لَآ إِلَٰهَ إِلَّا هُوَ عَلَيۡهِ تَوَكَّلۡتُ وَإِلَيۡهِ مَتَابِ
Ampakoalah, Kami udah ngutus kao (Muhammad) ka’ suatu umat nang sungguh sanape’nya udah balalu sangahe umat, supaya kao macaatn ka’ iaka’koa (Al- Quran) nang Kami wahyuatn ka’ kao, padahal iaka’koa ingkar ka’ Tuhan nang Mahapengasih batakatnlah, ”Ia Tuhanku, nana’ ada Tuhan salain Ia; ngge ka’ Ia aku batawakal man ngge ka’ Ia aku batobat. ”
Surah Ar-Rad, Verse 30
وَلَوۡ أَنَّ قُرۡءَانٗا سُيِّرَتۡ بِهِ ٱلۡجِبَالُ أَوۡ قُطِّعَتۡ بِهِ ٱلۡأَرۡضُ أَوۡ كُلِّمَ بِهِ ٱلۡمَوۡتَىٰۗ بَل لِّلَّهِ ٱلۡأَمۡرُ جَمِيعًاۗ أَفَلَمۡ يَاْيۡـَٔسِ ٱلَّذِينَ ءَامَنُوٓاْ أَن لَّوۡ يَشَآءُ ٱللَّهُ لَهَدَى ٱلنَّاسَ جَمِيعٗاۗ وَلَا يَزَالُ ٱلَّذِينَ كَفَرُواْ تُصِيبُهُم بِمَا صَنَعُواْ قَارِعَةٌ أَوۡ تَحُلُّ قَرِيبٗا مِّن دَارِهِمۡ حَتَّىٰ يَأۡتِيَ وَعۡدُ ٱللَّهِۚ إِنَّ ٱللَّهَ لَا يُخۡلِفُ ٱلۡمِيعَادَ
Man sakiranya ada suatu baca’an (kitab suci) nang man nang koa panamukng- panamukng bisa baguncang, ato dunia jaji tabalah, ato urakng nang udah mati bisa ngomong, (koalah Al-Quran) sabatolnya sigana urusan koa nu’ Allah. Maka nana’ ke’ urakng-urakng nang baiman ngatahui’ bahwa’ kade’ Allah mao’ (samua talino baiman), tantu Allah mare’ patunjuk ka’ talino samuanya. Man urakng-urakng kapir salalu kana timpa’ bancana disabapatn pabuatatnnya ka’koa babaro ato bancana koa tajadi samak tampat kadiamannya ka’koa, sampe atakng janji Allah (panaklukatn Makkah). Sungguh Allah nana’ nyalahi’ janji. 13. AR-R
Surah Ar-Rad, Verse 31
وَلَقَدِ ٱسۡتُهۡزِئَ بِرُسُلٖ مِّن قَبۡلِكَ فَأَمۡلَيۡتُ لِلَّذِينَ كَفَرُواْ ثُمَّ أَخَذۡتُهُمۡۖ فَكَيۡفَ كَانَ عِقَابِ
Man sabatolnya udah sangahe rasul sanape’ kao (Muhammad) diolo’-olo’i maka Aku mare’ waktu ka’ urakng-urakng kapir koa, lalu Aku binasaatn iaka’koa. Maka alangkah hebatnya siksa-Ku koa
Surah Ar-Rad, Verse 32
أَفَمَنۡ هُوَ قَآئِمٌ عَلَىٰ كُلِّ نَفۡسِۭ بِمَا كَسَبَتۡۗ وَجَعَلُواْ لِلَّهِ شُرَكَآءَ قُلۡ سَمُّوهُمۡۚ أَمۡ تُنَبِّـُٔونَهُۥ بِمَا لَا يَعۡلَمُ فِي ٱلۡأَرۡضِ أَم بِظَٰهِرٖ مِّنَ ٱلۡقَوۡلِۗ بَلۡ زُيِّنَ لِلَّذِينَ كَفَرُواْ مَكۡرُهُمۡ وَصُدُّواْ عَنِ ٱلسَّبِيلِۗ وَمَن يُضۡلِلِ ٱللَّهُ فَمَا لَهُۥ مِنۡ هَادٖ
Maka ahe ke’ Tuhan nang nyagai’ satiap jiwa ka’ ahe nang dipamuatnya (sama mang nang lain)? Iaka’koa nyajiatn sakutu-sakutu nto’ Allah. Batakatnlah, ”sabuti’lah sipat- sipat iaka’koa. ”Ato aheke’ kao mao’ mare’ nu’an ka’ Allah ahe nang nana’ ditau’atnnya ka’ dunia, ato (mataki’ masalah hal koa) sakadar pakataatn ka’ lahirnya ihan. Sabatolnya nto’ urakng kapir, tipu daya iaka’koa dijajiatn tarasa edo’. Man iaka’koa dingalangi’ dari maraga (nang batol). Man sae ma’an nang disasatatn Allah maka nana’ ada saurakng pun nang mare’ patunjuk nto’nya
Surah Ar-Rad, Verse 33
لَّهُمۡ عَذَابٞ فِي ٱلۡحَيَوٰةِ ٱلدُّنۡيَاۖ وَلَعَذَابُ ٱلۡأٓخِرَةِ أَشَقُّۖ وَمَا لَهُم مِّنَ ٱللَّهِ مِن وَاقٖ
Iaka’koa namui’ siksaatn ka’ kaidupatn dunia, man siksaatn naherat pasti labih karas. Nana’ ada saurakng pun nang ngalindungi’ iaka’koa dari (siksaatn) Allah
Surah Ar-Rad, Verse 34
۞مَّثَلُ ٱلۡجَنَّةِ ٱلَّتِي وُعِدَ ٱلۡمُتَّقُونَۖ تَجۡرِي مِن تَحۡتِهَا ٱلۡأَنۡهَٰرُۖ أُكُلُهَا دَآئِمٞ وَظِلُّهَاۚ تِلۡكَ عُقۡبَى ٱلَّذِينَ ٱتَّقَواْۚ وَّعُقۡبَى ٱلۡكَٰفِرِينَ ٱلنَّارُ
Parumpamaan saruga nang dinyanjiatn ka’ urakng nang batakwa (iakoa saparati taman), ngalir ka’ babahnya sunge-sunge ada ma’an buah man talindung. Koalah tampat kasudahan nto’ urakng nang batakwa;samintara tampat kasudahatn nto’ urakng nang ingkar ka’ Tuhan koalaah naraka
Surah Ar-Rad, Verse 35
وَٱلَّذِينَ ءَاتَيۡنَٰهُمُ ٱلۡكِتَٰبَ يَفۡرَحُونَ بِمَآ أُنزِلَ إِلَيۡكَۖ وَمِنَ ٱلۡأَحۡزَابِ مَن يُنكِرُ بَعۡضَهُۥۚ قُلۡ إِنَّمَآ أُمِرۡتُ أَنۡ أَعۡبُدَ ٱللَّهَ وَلَآ أُشۡرِكَ بِهِۦٓۚ إِلَيۡهِ أَدۡعُواْ وَإِلَيۡهِ مَـَٔابِ
Man urakng- urakng nang udah Kami barentatn kitab ka’ iaka’koa420bagambira mang ahe (kitab) nang dituruntatn ka’ kao (Muhammad), man ada ka’ antara golongan (Yahudi man Nasrani), nang ngingkari’ sabagian- Nya. Batakatnlah, ”Aku diparentah nto’ nyambah Allah man nana’ nyakutuatn-Nya. Ngge ka’-Ia aku nyaru’ (talino) man ngge ka’ Ia aku pulakng”
Surah Ar-Rad, Verse 36
وَكَذَٰلِكَ أَنزَلۡنَٰهُ حُكۡمًا عَرَبِيّٗاۚ وَلَئِنِ ٱتَّبَعۡتَ أَهۡوَآءَهُم بَعۡدَ مَا جَآءَكَ مِنَ ٱلۡعِلۡمِ مَا لَكَ مِنَ ٱللَّهِ مِن وَلِيّٖ وَلَا وَاقٖ
Man ampakoalah Kami udah nuruntatn (Al- Quran) sabage paraturan (nang batol) dalapm bahasa Arab. Sakiranya kao ngikuti’ kamao’ an iaka’koa salaka’ atakng pangatahuan ka’ kao maka nana’ ada nang ngalindungi’ man nang nolong kao dari (siksaatn) Allah
Surah Ar-Rad, Verse 37
وَلَقَدۡ أَرۡسَلۡنَا رُسُلٗا مِّن قَبۡلِكَ وَجَعَلۡنَا لَهُمۡ أَزۡوَٰجٗا وَذُرِّيَّةٗۚ وَمَا كَانَ لِرَسُولٍ أَن يَأۡتِيَ بِـَٔايَةٍ إِلَّا بِإِذۡنِ ٱللَّهِۗ لِكُلِّ أَجَلٖ كِتَابٞ
Man sungguh, Kami udah ngutus sangahe urakng rasul sanape’ kao (Muhammad) Man Kami barentatn ka’ iaka’koa bini-bini man katurunan. Nana’ ada hak ka’ saurakng rasul ngatangkatn suatu bukti (Mukjizat) malain- tatn mang ijin Allah. nto’ satiap masa ada kitab (tatantu)
Surah Ar-Rad, Verse 38
يَمۡحُواْ ٱللَّهُ مَا يَشَآءُ وَيُثۡبِتُۖ وَعِندَهُۥٓ أُمُّ ٱلۡكِتَٰبِ
Allah ngapus man natapatn ahe nang Ia mao’i’. Man ka’ sisi-Nya ada Ummul kitab (Lauh Mahfûdz)
Surah Ar-Rad, Verse 39
وَإِن مَّا نُرِيَنَّكَ بَعۡضَ ٱلَّذِي نَعِدُهُمۡ أَوۡ نَتَوَفَّيَنَّكَ فَإِنَّمَا عَلَيۡكَ ٱلۡبَلَٰغُ وَعَلَيۡنَا ٱلۡحِسَابُ
Man sungguh kade’ Kami tele’atn ka’ kao (Muhammad) sabagian (siksaatn) nang Kami ancaman ka’ iaka’koa ato Kami matiatn kao maka sabatolnya tugasnyu ngge nyampeatn ihan, man Kamilah nang ngareken (amal iaka’koa)
Surah Ar-Rad, Verse 40
أَوَلَمۡ يَرَوۡاْ أَنَّا نَأۡتِي ٱلۡأَرۡضَ نَنقُصُهَا مِنۡ أَطۡرَافِهَاۚ وَٱللَّهُ يَحۡكُمُ لَا مُعَقِّبَ لِحُكۡمِهِۦۚ وَهُوَ سَرِيعُ ٱلۡحِسَابِ
Man ahe ke’ iaka’koa nana’ nele’ bahwa’ Kami ngatakngi’ daerah-daerah (urakng nang ingkar ka’ Allah, lalu Kami kurangi’ (daerah-daerah) koa (sakali saebet) dari tapi-tapinya? Man Allah natapatn ukum (manurut kamao’an-Nya), nana’ ada nang dapat nolak katatapatn-Nya; Ia Maha capat etongan-Nya
Surah Ar-Rad, Verse 41
وَقَدۡ مَكَرَ ٱلَّذِينَ مِن قَبۡلِهِمۡ فَلِلَّهِ ٱلۡمَكۡرُ جَمِيعٗاۖ يَعۡلَمُ مَا تَكۡسِبُ كُلُّ نَفۡسٖۗ وَسَيَعۡلَمُ ٱلۡكُفَّـٰرُ لِمَنۡ عُقۡبَى ٱلدَّارِ
Man sungguh, urakng sanape’ iaka’koa (kapir Makah) udah ngadaatn tipu daya, tapi samua tipu daya koa dalapm kakuasaan Allah. Ia nau’an ahe nang diusahaatn di satiap urakng, man urakng nang ingkar ka’ Tuhan nau’an nto’ sae tampat kasudahatn (nang edo’)
Surah Ar-Rad, Verse 42
وَيَقُولُ ٱلَّذِينَ كَفَرُواْ لَسۡتَ مُرۡسَلٗاۚ قُلۡ كَفَىٰ بِٱللَّهِ شَهِيدَۢا بَيۡنِي وَبَيۡنَكُمۡ وَمَنۡ عِندَهُۥ عِلۡمُ ٱلۡكِتَٰبِ
Man urakng kapir bakata, ”Kao (Muhammad) buke’lah saurakng Rasul. ”Batakatnlah, ”Cukup Allah man urakng nang nguasai’ ilmu al-Kitab422 manjaji saksi antara aku man kao. ”
Surah Ar-Rad, Verse 43