Surah Al-Isra - Kendayan Translation by Unknown
سُبۡحَٰنَ ٱلَّذِيٓ أَسۡرَىٰ بِعَبۡدِهِۦ لَيۡلٗا مِّنَ ٱلۡمَسۡجِدِ ٱلۡحَرَامِ إِلَى ٱلۡمَسۡجِدِ ٱلۡأَقۡصَا ٱلَّذِي بَٰرَكۡنَا حَوۡلَهُۥ لِنُرِيَهُۥ مِنۡ ءَايَٰتِنَآۚ إِنَّهُۥ هُوَ ٱلسَّمِيعُ ٱلۡبَصِيرُ
Maha Suci (Allah) nang udah nyalantatn hamba-Nya (Muhammad) ka’ malam ari dari Masjid al-¦arām ka’ Masjid al-Aqshā nang udah Kami barakati sakulilikngnya469 supaya Kami tele’atn ka’ ia saka’an tanda- tanda kabasaran Kami. Sabatolnya Ia Maha Nangar, Maha Nele’
Surah Al-Isra, Verse 1
وَءَاتَيۡنَا مُوسَى ٱلۡكِتَٰبَ وَجَعَلۡنَٰهُ هُدٗى لِّبَنِيٓ إِسۡرَـٰٓءِيلَ أَلَّا تَتَّخِذُواْ مِن دُونِي وَكِيلٗا
Man Kami barentatn ka’ Musa, Kitab (Taurat) man Kami jajiatn ia patunjuk ka’ Bani Israel (mang pirman), ”amelah kita’ na’ap (palindung) selain Aku
Surah Al-Isra, Verse 2
ذُرِّيَّةَ مَنۡ حَمَلۡنَا مَعَ نُوحٍۚ إِنَّهُۥ كَانَ عَبۡدٗا شَكُورٗا
(Wahe) katurunan urakng nang Kami incakng barage Nuh. Sabatolnya ia (Nuh) ialah amba (Allah) nang manyak basukur. ”
Surah Al-Isra, Verse 3
وَقَضَيۡنَآ إِلَىٰ بَنِيٓ إِسۡرَـٰٓءِيلَ فِي ٱلۡكِتَٰبِ لَتُفۡسِدُنَّ فِي ٱلۡأَرۡضِ مَرَّتَيۡنِ وَلَتَعۡلُنَّ عُلُوّٗا كَبِيرٗا
Man Kami natapatn ka’ Bani Israel dalapm Kitab koa, ”Kita’ pasti mao’ babuat karusakatn ka’ ai’ tanah nian dua kali man pasti kita’ mao’ nyombongkatn diri’ mang kasombongan nang aya’.”
Surah Al-Isra, Verse 4
فَإِذَا جَآءَ وَعۡدُ أُولَىٰهُمَا بَعَثۡنَا عَلَيۡكُمۡ عِبَادٗا لَّنَآ أُوْلِي بَأۡسٖ شَدِيدٖ فَجَاسُواْ خِلَٰلَ ٱلدِّيَارِۚ وَكَانَ وَعۡدٗا مَّفۡعُولٗا
Maka kade’ atakng ukuman ka’ (kajahatatn) nang pertama dari kadua’ (kajahatatn) koa, Kami ngatakngkatn ka’ kita’ amba-amba Kami nang gagah, lalu iaka’koa marajalela ka’ kampokng-kampokng. Man koalah katatapatn nang pasti tajadi
Surah Al-Isra, Verse 5
ثُمَّ رَدَدۡنَا لَكُمُ ٱلۡكَرَّةَ عَلَيۡهِمۡ وَأَمۡدَدۡنَٰكُم بِأَمۡوَٰلٖ وَبَنِينَ وَجَعَلۡنَٰكُمۡ أَكۡثَرَ نَفِيرًا
Kamudian Kami barentatn ka’ kita’ giliran nto’ ngalahatnnya iaka’koa, Kami manto’ mang harta kekayaan man anak-anak man Kami jajiatn kita’ kalompok nang labih aya’
Surah Al-Isra, Verse 6
إِنۡ أَحۡسَنتُمۡ أَحۡسَنتُمۡ لِأَنفُسِكُمۡۖ وَإِنۡ أَسَأۡتُمۡ فَلَهَاۚ فَإِذَا جَآءَ وَعۡدُ ٱلۡأٓخِرَةِ لِيَسُـُٔواْ وُجُوهَكُمۡ وَلِيَدۡخُلُواْ ٱلۡمَسۡجِدَ كَمَا دَخَلُوهُ أَوَّلَ مَرَّةٖ وَلِيُتَبِّرُواْ مَا عَلَوۡاْ تَتۡبِيرًا
Kade’ kita’ babuat edo’ (barati) kita’ babuat edo’ nto’ diri’ kita’ babaro. Man kade’ kita’ babuat jahat maka (karugiatn kajahatatn) koa nto’ diri’ kita’ babaro. Kade’ atakng waktu ukuman (kajahatatn) nang kadua, (Kami bangkitatn musuhnyu) nto’ nyurami’ muhanyu lalu iaka’koa tama’ ka’ dalapm masjid (Masjidil Aqsa) sabagemae waktu iaka’koa nama’i’nya patama kali man iaka’koa miriasaatn ahe ma’an nang iaka’koa kuasai’
Surah Al-Isra, Verse 7
عَسَىٰ رَبُّكُمۡ أَن يَرۡحَمَكُمۡۚ وَإِنۡ عُدتُّمۡ عُدۡنَاۚ وَجَعَلۡنَا جَهَنَّمَ لِلۡكَٰفِرِينَ حَصِيرًا
Mudah-mudahan Tuhannyu ngalimpahatn rahmat ka’ kita’ tapi kade’ kita’ mulakng (ngalakuatn kajahatatn), pasti Kami kambali (nyiksa-nyu). Man Kami jajiatn naraka Jahanam panjara ka’ urakng nang kapir
Surah Al-Isra, Verse 8
إِنَّ هَٰذَا ٱلۡقُرۡءَانَ يَهۡدِي لِلَّتِي هِيَ أَقۡوَمُ وَيُبَشِّرُ ٱلۡمُؤۡمِنِينَ ٱلَّذِينَ يَعۡمَلُونَ ٱلصَّـٰلِحَٰتِ أَنَّ لَهُمۡ أَجۡرٗا كَبِيرٗا
Sungguh, al-Quran nian mare’ patunjuk ka’ (maraga) nang paling locor man mare’ kabar gambira ka’ urakng mukmin nang ngarajaatn kabajikatn, bahoa’ iaka’koa mao’ namu pahala nang aya’
Surah Al-Isra, Verse 9
وَأَنَّ ٱلَّذِينَ لَا يُؤۡمِنُونَ بِٱلۡأٓخِرَةِ أَعۡتَدۡنَا لَهُمۡ عَذَابًا أَلِيمٗا
Man urakng-urakng nang nana’ baiman ka’ kaidupatn naherat, Kami nyadiaatn ka’ iaka’koa siksaatn nang padih
Surah Al-Isra, Verse 10
وَيَدۡعُ ٱلۡإِنسَٰنُ بِٱلشَّرِّ دُعَآءَهُۥ بِٱلۡخَيۡرِۖ وَكَانَ ٱلۡإِنسَٰنُ عَجُولٗا
Man talino (pancah) bado’a nto’ kajahatatn sabagemae (biasanya) ia bado’a nto’ kabaikatn. Man memang talino basipat baganceh-ganceh
Surah Al-Isra, Verse 11
وَجَعَلۡنَا ٱلَّيۡلَ وَٱلنَّهَارَ ءَايَتَيۡنِۖ فَمَحَوۡنَآ ءَايَةَ ٱلَّيۡلِ وَجَعَلۡنَآ ءَايَةَ ٱلنَّهَارِ مُبۡصِرَةٗ لِّتَبۡتَغُواْ فَضۡلٗا مِّن رَّبِّكُمۡ وَلِتَعۡلَمُواْ عَدَدَ ٱلسِّنِينَ وَٱلۡحِسَابَۚ وَكُلَّ شَيۡءٖ فَصَّلۡنَٰهُ تَفۡصِيلٗا
Man Kami jajiatn malam man siakng sabage dua tanda (kabasaratn Kami), kamudian Kami apusatn tanda malam man Kami jajiatn tanda siakng koa tarang bandarang, supaya kita’ (dapat) ngago’ karunia dari Tuhannyu, man supaya kita’ ngatahui’ bilangan tahutn’ man paretongan (waktu). Man sagala sasuatu udah Kami tarakngkatn mang jalas
Surah Al-Isra, Verse 12
وَكُلَّ إِنسَٰنٍ أَلۡزَمۡنَٰهُ طَـٰٓئِرَهُۥ فِي عُنُقِهِۦۖ وَنُخۡرِجُ لَهُۥ يَوۡمَ ٱلۡقِيَٰمَةِ كِتَٰبٗا يَلۡقَىٰهُ مَنشُورًا
Man satiap talino udah Kami kalongkatn (catatan) amal pabuatatnnya ka’ tage’nya. Man ka’ ari kiamat Kami kaluaratn nto’nya sabuah Kitab dalapm kaadaan tabuka’
Surah Al-Isra, Verse 13
ٱقۡرَأۡ كِتَٰبَكَ كَفَىٰ بِنَفۡسِكَ ٱلۡيَوۡمَ عَلَيۡكَ حَسِيبٗا
“Bacalah kitabnyu, cukuplah diri’nyu babaro ka’ ari nian sabage pangetong atas diri’nyu. ” 17. AL-I
Surah Al-Isra, Verse 14
مَّنِ ٱهۡتَدَىٰ فَإِنَّمَا يَهۡتَدِي لِنَفۡسِهِۦۖ وَمَن ضَلَّ فَإِنَّمَا يَضِلُّ عَلَيۡهَاۚ وَلَا تَزِرُ وَازِرَةٞ وِزۡرَ أُخۡرَىٰۗ وَمَا كُنَّا مُعَذِّبِينَ حَتَّىٰ نَبۡعَثَ رَسُولٗا
Sae ma’an babuat sasue mang patunjuk (Allah) maka sabatolnya koa nto’ (kasalamatatn) diri’nya babaro; mang sae ma’an tasasat maka sabatolnya (karugiatn) koa nto’ diri’nya babaro. Man surakng nang badosa nana’ dapat mikuli’ dosa urakng lain, tapi Kami bai’ mao’ nyiksa sanape’ Kami ngutus saurakng Rasul
Surah Al-Isra, Verse 15
وَإِذَآ أَرَدۡنَآ أَن نُّهۡلِكَ قَرۡيَةً أَمَرۡنَا مُتۡرَفِيهَا فَفَسَقُواْ فِيهَا فَحَقَّ عَلَيۡهَا ٱلۡقَوۡلُ فَدَمَّرۡنَٰهَا تَدۡمِيرٗا
Man kade’ Kami mao’ minasaatn nagari maka Kami parentahatn ka’ urakng nang idup mewah ka’ nagari koa (supaya mantaati’ Allah), tapi mile iaka’koa ngalakuatn kadurhakaatn ka’ dalapm (nagari) koa maka sapantasnya balakulah ka’ala pakataan (ukuman Kami), kamudian Kami binasaatn maan (nagari koa)
Surah Al-Isra, Verse 16
وَكَمۡ أَهۡلَكۡنَا مِنَ ٱلۡقُرُونِ مِنۢ بَعۡدِ نُوحٖۗ وَكَفَىٰ بِرَبِّكَ بِذُنُوبِ عِبَادِهِۦ خَبِيرَۢا بَصِيرٗا
Man sangahe manyak kaum salaka’ Nuh, nang udah Kami binasaatn. Man cukuplah Tuhannyu nang Maha Nau’an, Maha Nele’ dosa hamba-hamba-Nya
Surah Al-Isra, Verse 17
مَّن كَانَ يُرِيدُ ٱلۡعَاجِلَةَ عَجَّلۡنَا لَهُۥ فِيهَا مَا نَشَآءُ لِمَن نُّرِيدُ ثُمَّ جَعَلۡنَا لَهُۥ جَهَنَّمَ يَصۡلَىٰهَا مَذۡمُومٗا مَّدۡحُورٗا
Barang sae nang ngahondaki kaidupatn ampeatn (duniawi) maka Kami sagaraatn ka’la (dunia) nian ahe nang Kami kahendaki’ ka’ urakng nang Kami kahendaki’. Kemudian Kami nyadiaatn nto’nya (ka’ naherat) naraka Jahanam; ia mao’ nama’i’nya dalapm kaadaan tacela man taoser
Surah Al-Isra, Verse 18
وَمَنۡ أَرَادَ ٱلۡأٓخِرَةَ وَسَعَىٰ لَهَا سَعۡيَهَا وَهُوَ مُؤۡمِنٞ فَأُوْلَـٰٓئِكَ كَانَ سَعۡيُهُم مَّشۡكُورٗا
Man sae ma’an ngahendaki kaidupatn naherat man barusaha ka’ arah koa mang sungguh-sungguh, sedangkan ia baiman maka iaka’koa koalah urakng nang usahanya dibalasi’ manang baik
Surah Al-Isra, Verse 19
كُلّٗا نُّمِدُّ هَـٰٓؤُلَآءِ وَهَـٰٓؤُلَآءِ مِنۡ عَطَآءِ رَبِّكَۚ وَمَا كَانَ عَطَآءُ رَبِّكَ مَحۡظُورًا
Ka’ maasing-masing (golongan) nian (nang malantatn dunia) mao’pun (golongan) koa (nang malantatn naherat), Kami barentatn bantuan dari kamurahan Tuhannyu. Man kamurahan Tuhannyu nana’ dapat di alangi’
Surah Al-Isra, Verse 20
ٱنظُرۡ كَيۡفَ فَضَّلۡنَا بَعۡضَهُمۡ عَلَىٰ بَعۡضٖۚ وَلَلۡأٓخِرَةُ أَكۡبَرُ دَرَجَٰتٖ وَأَكۡبَرُ تَفۡضِيلٗا
Paratiatnlah ampahe Kami ngalabihatn saka’an iaka’koa atas saka’an (nang lain). Man kaidupatn naherat labih tingi’ darajatnya man labih aya’ kautamaannya
Surah Al-Isra, Verse 21
لَّا تَجۡعَلۡ مَعَ ٱللَّهِ إِلَٰهًا ءَاخَرَ فَتَقۡعُدَ مَذۡمُومٗا مَّخۡذُولٗا
Amelah kao ngadaatn tuhan nang lain ka’ sisi Allah, nae kao manjaji tacela man tahina
Surah Al-Isra, Verse 22
۞وَقَضَىٰ رَبُّكَ أَلَّا تَعۡبُدُوٓاْ إِلَّآ إِيَّاهُ وَبِٱلۡوَٰلِدَيۡنِ إِحۡسَٰنًاۚ إِمَّا يَبۡلُغَنَّ عِندَكَ ٱلۡكِبَرَ أَحَدُهُمَآ أَوۡ كِلَاهُمَا فَلَا تَقُل لَّهُمَآ أُفّٖ وَلَا تَنۡهَرۡهُمَا وَقُل لَّهُمَا قَوۡلٗا كَرِيمٗا
Man Tuhannyu udah marentahatn supaya kita’ ame nyambah salain Ia man baiknya babuat edo’ ka’ uwe’ apak kade salah surakng ka’ antara kaduanya ato kadua- duanya sampe baomor lanjut dalapm piharaatnnyu maka sakali-kali amelah kao ngataatn ka’ kaduanya bakata”ah”man amelah kao ngaok ia badua, man barakalah ka’la badua pakataatn nang baik
Surah Al-Isra, Verse 23
وَٱخۡفِضۡ لَهُمَا جَنَاحَ ٱلذُّلِّ مِنَ ٱلرَّحۡمَةِ وَقُل رَّبِّ ٱرۡحَمۡهُمَا كَمَا رَبَّيَانِي صَغِيرٗا
Man randahi’lah diri’nyu ka’ kadua’nya mang panoh kasih sayang man ucapatnlah, ”Wahe Tuhanku! Sayangi’lah ia badua seampahe iaka’koa badua udah nidik aku gi enek.”de’e
Surah Al-Isra, Verse 24
رَّبُّكُمۡ أَعۡلَمُ بِمَا فِي نُفُوسِكُمۡۚ إِن تَكُونُواْ صَٰلِحِينَ فَإِنَّهُۥ كَانَ لِلۡأَوَّـٰبِينَ غَفُورٗا
Tuhannyu labih ngatahui’ ahe nang ada dalapm atinyu; kade’ kao urakng nang edo’ maka ssungguh Ia Maha Pangampon ka’ urakng nang batobat
Surah Al-Isra, Verse 25
وَءَاتِ ذَا ٱلۡقُرۡبَىٰ حَقَّهُۥ وَٱلۡمِسۡكِينَ وَٱبۡنَ ٱلسَّبِيلِ وَلَا تُبَذِّرۡ تَبۡذِيرًا
Man bare’lah haknya ka’ page waris nang sama’, uga’ ka’ urakng marepa man urakng nang ka’ dalapm pajalanan; man amelah kao ngambur-ngamburatn (hartanyu) sacara boros
Surah Al-Isra, Verse 26
إِنَّ ٱلۡمُبَذِّرِينَ كَانُوٓاْ إِخۡوَٰنَ ٱلشَّيَٰطِينِۖ وَكَانَ ٱلشَّيۡطَٰنُ لِرَبِّهِۦ كَفُورٗا
Sabatolnya urakng-urakng nang pamboros iakoa kamar kapala setan man setan koa miah ingkar ka’ Tuhannya
Surah Al-Isra, Verse 27
وَإِمَّا تُعۡرِضَنَّ عَنۡهُمُ ٱبۡتِغَآءَ رَحۡمَةٖ مِّن رَّبِّكَ تَرۡجُوهَا فَقُل لَّهُمۡ قَوۡلٗا مَّيۡسُورٗا
Man kade’ kao bapaling dari iaka’koa nto’ namu rahmat dari Tuhannyu nang kao arapatn maka batakatnlah ka’ iaka’koa pakataan nang lamah lambut
Surah Al-Isra, Verse 28
وَلَا تَجۡعَلۡ يَدَكَ مَغۡلُولَةً إِلَىٰ عُنُقِكَ وَلَا تَبۡسُطۡهَا كُلَّ ٱلۡبَسۡطِ فَتَقۡعُدَ مَلُومٗا مَّحۡسُورًا
Man amelah kao jajiatn kokotnyu tarikat ka’ tage’nyu man ame (uga’) kao talalu nguluratnnya (miah pamurah) nae kao jadi urakng tacela man nyasal
Surah Al-Isra, Verse 29
إِنَّ رَبَّكَ يَبۡسُطُ ٱلرِّزۡقَ لِمَن يَشَآءُ وَيَقۡدِرُۚ إِنَّهُۥ كَانَ بِعِبَادِهِۦ خَبِيرَۢا بَصِيرٗا
Sungguh Tuhannyu ngalapangkatn rajaki ka’ sae nang Ia kahendaki’ man matasi’ (ka’ sae nang’ Ia kahendaki’); Sungguh Ia Maha Nau’an, Maha Nele’ hamba-hamba-Nya. 17. AL-I
Surah Al-Isra, Verse 30
وَلَا تَقۡتُلُوٓاْ أَوۡلَٰدَكُمۡ خَشۡيَةَ إِمۡلَٰقٖۖ نَّحۡنُ نَرۡزُقُهُمۡ وَإِيَّاكُمۡۚ إِنَّ قَتۡلَهُمۡ كَانَ خِطۡـٔٗا كَبِيرٗا
Man amelah kao munuh anak-anaknyu karana gali’ miskin. Kamilah nang mare’ rajaki ka’ kita’ man ka’ kao. Munuh’nya ka’ koa sungguh suatu dosa nang aya’
Surah Al-Isra, Verse 31
وَلَا تَقۡرَبُواْ ٱلزِّنَىٰٓۖ إِنَّهُۥ كَانَ فَٰحِشَةٗ وَسَآءَ سَبِيلٗا
Man amelah kao nyamaki’ zinah; (zinah) koa sungguh suatu pabuatatn keji, man suatu maraga nang buruk
Surah Al-Isra, Verse 32
وَلَا تَقۡتُلُواْ ٱلنَّفۡسَ ٱلَّتِي حَرَّمَ ٱللَّهُ إِلَّا بِٱلۡحَقِّۗ وَمَن قُتِلَ مَظۡلُومٗا فَقَدۡ جَعَلۡنَا لِوَلِيِّهِۦ سُلۡطَٰنٗا فَلَا يُسۡرِف فِّي ٱلۡقَتۡلِۖ إِنَّهُۥ كَانَ مَنصُورٗا
Man amelah kao munuh urakng nang diha- rampatn Allah (munuhnya), kacoali Mang suatu (alasan) nang batol. 472 Man barangsae dimunuh sacara zalim maka sungguh, Kami udah mare’ kakuasaan473 ka’ walinya, tapi amelah walinya koa ngalampoi’ batas dalapm pamunuhan. Sabatolnya Ia ialah urakng nang namu patolongan
Surah Al-Isra, Verse 33
وَلَا تَقۡرَبُواْ مَالَ ٱلۡيَتِيمِ إِلَّا بِٱلَّتِي هِيَ أَحۡسَنُ حَتَّىٰ يَبۡلُغَ أَشُدَّهُۥۚ وَأَوۡفُواْ بِٱلۡعَهۡدِۖ إِنَّ ٱلۡعَهۡدَ كَانَ مَسۡـُٔولٗا
Man amelah kao nyamaki’ harta anak yatim, kacoali mang cara nang labih edo’ (bamanpa- ’at) sampe ia dewasa, man panohi’lah janji, karana janji koa dimintai’ patanggungjawa- bannya
Surah Al-Isra, Verse 34
وَأَوۡفُواْ ٱلۡكَيۡلَ إِذَا كِلۡتُمۡ وَزِنُواْ بِٱلۡقِسۡطَاسِ ٱلۡمُسۡتَقِيمِۚ ذَٰلِكَ خَيۡرٞ وَأَحۡسَنُ تَأۡوِيلٗا
Man sampuranaanlah takaran kade’ kao nakar, man timbanglah mang timbangan nang batol. Koalah nang labih utama (ka’nyu) man labih edo’ akibatnya
Surah Al-Isra, Verse 35
وَلَا تَقۡفُ مَا لَيۡسَ لَكَ بِهِۦ عِلۡمٌۚ إِنَّ ٱلسَّمۡعَ وَٱلۡبَصَرَ وَٱلۡفُؤَادَ كُلُّ أُوْلَـٰٓئِكَ كَانَ عَنۡهُ مَسۡـُٔولٗا
Man amelah kao ngikuti’ nang nana’ kao katahui’. Karana panangaratn, panele’atn man atinurani, samua koa mao’ dimintai’ patanggungjawabannya
Surah Al-Isra, Verse 36
وَلَا تَمۡشِ فِي ٱلۡأَرۡضِ مَرَحًاۖ إِنَّكَ لَن تَخۡرِقَ ٱلۡأَرۡضَ وَلَن تَبۡلُغَ ٱلۡجِبَالَ طُولٗا
Man amelah kao bajalatn ka’ ai’ tanah nian mang sombong, karana sabatolnya kao nana’ dapat nambusi’ ai’ tanah man nana’ akan mampu manjulang satingi gunung
Surah Al-Isra, Verse 37
كُلُّ ذَٰلِكَ كَانَ سَيِّئُهُۥ عِندَ رَبِّكَ مَكۡرُوهٗا
Samua koa474 kajahatatn nya miah dibanci’ ka’ sisi Tuhannyu
Surah Al-Isra, Verse 38
ذَٰلِكَ مِمَّآ أَوۡحَىٰٓ إِلَيۡكَ رَبُّكَ مِنَ ٱلۡحِكۡمَةِۗ وَلَا تَجۡعَلۡ مَعَ ٱللَّهِ إِلَٰهًا ءَاخَرَ فَتُلۡقَىٰ فِي جَهَنَّمَ مَلُومٗا مَّدۡحُورًا
Koalah saka’an hikmah nang diwahyuatn Tuhan ka’ kao (Muhammad). Man amelah kao ngadaatn Tuhan nang lain ka’ sisi Allah, Nae kao ditabakatn ka’ dalapm naraka dalapm kaadaan tacela man dijauhatn (dari rahmat Allah)
Surah Al-Isra, Verse 39
أَفَأَصۡفَىٰكُمۡ رَبُّكُم بِٱلۡبَنِينَ وَٱتَّخَذَ مِنَ ٱلۡمَلَـٰٓئِكَةِ إِنَٰثًاۚ إِنَّكُمۡ لَتَقُولُونَ قَوۡلًا عَظِيمٗا
Maka ahe ke’ pantas Tuhan milihi’ kamuda’ nang laki nto’ nyu man Ia na’ap kamuda’ nang bini dari mala’ekat? Sungguh kao ngucapatn kata-kata nang aya’ (dosanya)
Surah Al-Isra, Verse 40
وَلَقَدۡ صَرَّفۡنَا فِي هَٰذَا ٱلۡقُرۡءَانِ لِيَذَّكَّرُواْ وَمَا يَزِيدُهُمۡ إِلَّا نُفُورٗا
Man sungguh, dalapm Al-Quran nian udah Kami (jalasatn) barulang-ulang (paringatatn), supaya iaka’koa salalu ingat. Tapi (paringatatn) koa’ ngge nambah iaka’koa dari (dari kabanaratn)
Surah Al-Isra, Verse 41
قُل لَّوۡ كَانَ مَعَهُۥٓ ءَالِهَةٞ كَمَا يَقُولُونَ إِذٗا لَّٱبۡتَغَوۡاْ إِلَىٰ ذِي ٱلۡعَرۡشِ سَبِيلٗا
Kataatnlah (Muhammad), ”Kade’ ada tuhan-tuhan ka’ samping-Nya sabaga mae nang iaka’koa katakatn, pasti tuhan-tuhan koa ngagoi’ Tuhan nang ngampu’i’ Arsy. ”
Surah Al-Isra, Verse 42
سُبۡحَٰنَهُۥ وَتَعَٰلَىٰ عَمَّا يَقُولُونَ عُلُوّٗا كَبِيرٗا
Mahasuci man Mahatingi’ Ia dari ahe nang iaka’koa kataatn, luhur man agung (nana’ ada bandingannya)
Surah Al-Isra, Verse 43
تُسَبِّحُ لَهُ ٱلسَّمَٰوَٰتُ ٱلسَّبۡعُ وَٱلۡأَرۡضُ وَمَن فِيهِنَّۚ وَإِن مِّن شَيۡءٍ إِلَّا يُسَبِّحُ بِحَمۡدِهِۦ وَلَٰكِن لَّا تَفۡقَهُونَ تَسۡبِيحَهُمۡۚ إِنَّهُۥ كَانَ حَلِيمًا غَفُورٗا
Langit nang tujuh, ai’ tanah man samua nang ada ka’ dalapmnya batasbih ka’ Allah, Man nana’ ada sasuatu pun melainkan batasbih mang mujii’-Nya, tapi kita’ nana’ ngarati tasbih nya ka’ koa. Sungguh Ia Maha enyantun, Maha Pengampun
Surah Al-Isra, Verse 44
وَإِذَا قَرَأۡتَ ٱلۡقُرۡءَانَ جَعَلۡنَا بَيۡنَكَ وَبَيۡنَ ٱلَّذِينَ لَا يُؤۡمِنُونَ بِٱلۡأٓخِرَةِ حِجَابٗا مَّسۡتُورٗا
Man kade’ kao (Muhammad) macaatn al- Quran, Kami bare’ dininkng suatu dinikng nang nana’ katele’atn antara kao man urakng-uraakng nang nana’ baiman ka’ kaidupatn naherat
Surah Al-Isra, Verse 45
وَجَعَلۡنَا عَلَىٰ قُلُوبِهِمۡ أَكِنَّةً أَن يَفۡقَهُوهُ وَفِيٓ ءَاذَانِهِمۡ وَقۡرٗاۚ وَإِذَا ذَكَرۡتَ رَبَّكَ فِي ٱلۡقُرۡءَانِ وَحۡدَهُۥ وَلَّوۡاْ عَلَىٰٓ أَدۡبَٰرِهِمۡ نُفُورٗا
man Kami jajiatn ati nya ka’koa ta tutup man tarenyekng nya ka’koa tasumbat, supaya iaka’koa nana’ dapat memahami’nya. Man kade’ kita’ nyabut Tuhannyu ihan dalapm al-Quran, iaka’koa bapaling ka’ balakang nariatn diri’ (karana banci’)
Surah Al-Isra, Verse 46
نَّحۡنُ أَعۡلَمُ بِمَا يَسۡتَمِعُونَ بِهِۦٓ إِذۡ يَسۡتَمِعُونَ إِلَيۡكَ وَإِذۡ هُمۡ نَجۡوَىٰٓ إِذۡ يَقُولُ ٱلظَّـٰلِمُونَ إِن تَتَّبِعُونَ إِلَّا رَجُلٗا مَّسۡحُورًا
Kami labih ngatahui’ dalapm kaadaan ampahe iaka’koa nangaratn waktu iaka’koa nangaratn kao (Muhammad), man waktu iaka’koa babisik-bisik (lakoa) waktu urakng zalim koa bakata, ”kita’ nggelah ngikuti’ saurakng laki-laki nang kana seher. ”
Surah Al-Isra, Verse 47
ٱنظُرۡ كَيۡفَ ضَرَبُواْ لَكَ ٱلۡأَمۡثَالَ فَضَلُّواْ فَلَا يَسۡتَطِيعُونَ سَبِيلٗا
Tele’lah ampahe iaka’koa manjuat parumpa- maan nto’ nyu (Muhammad); karana koa iaka’koa manjadi sasat man nana’ dapat agi’ namuan maraga (nang banar) 17. AL-I
Surah Al-Isra, Verse 48
وَقَالُوٓاْ أَءِذَا كُنَّا عِظَٰمٗا وَرُفَٰتًا أَءِنَّا لَمَبۡعُوثُونَ خَلۡقٗا جَدِيدٗا
man iaka’koa bakata, ”kade’ kami udah jadi tulakng man jukut-jukut nang hancur, aheke’ kami batol-batol mao’ dibangkitkatn agi’ sabage mahluk nang baru?”
Surah Al-Isra, Verse 49
۞قُلۡ كُونُواْ حِجَارَةً أَوۡ حَدِيدًا
kataatnlah (Muhammad), ”jadilah kita’ batu ato basi
Surah Al-Isra, Verse 50
أَوۡ خَلۡقٗا مِّمَّا يَكۡبُرُ فِي صُدُورِكُمۡۚ فَسَيَقُولُونَ مَن يُعِيدُنَاۖ قُلِ ٱلَّذِي فَطَرَكُمۡ أَوَّلَ مَرَّةٖۚ فَسَيُنۡغِضُونَ إِلَيۡكَ رُءُوسَهُمۡ وَيَقُولُونَ مَتَىٰ هُوَۖ قُلۡ عَسَىٰٓ أَن يَكُونَ قَرِيبٗا
ato manjadi mahluk nang aya’ (nang nana’ mungkin idup agi’) manurut pikirannyu. ”Maka iaka’koa mao’ batanya’, ”sae nang mao’ ngidupatn kami agi?”Kataatnlah, ”nang udah nyiptaatn kita’ partama kali. ”Lalu iaka’koa mao’ ngeleng-ngelengkatn kapala’nya ka’ kao man bakata, kade’ (kiamat) koa (mao’ tajadi)? Batakatnlah, ”barangkali waktunya udah samak,”
Surah Al-Isra, Verse 51
يَوۡمَ يَدۡعُوكُمۡ فَتَسۡتَجِيبُونَ بِحَمۡدِهِۦ وَتَظُنُّونَ إِن لَّبِثۡتُمۡ إِلَّا قَلِيلٗا
iakkoa ka’ ari (waktu) Ia nyaru’ kita’, man kita’ matuhi’-Nya, sambil mujii’-Nya man kita’ ngira, (rasanya) ngge sabantar ihan kita’ badiapm (ka’ dalapm kubur)
Surah Al-Isra, Verse 52
وَقُل لِّعِبَادِي يَقُولُواْ ٱلَّتِي هِيَ أَحۡسَنُۚ إِنَّ ٱلشَّيۡطَٰنَ يَنزَغُ بَيۡنَهُمۡۚ إِنَّ ٱلشَّيۡطَٰنَ كَانَ لِلۡإِنسَٰنِ عَدُوّٗا مُّبِينٗا
Man kataatnlah ka’ hamba-hamba-Ku, ”Baiknya iaka’koa bakata mang pakataatn nang edo’ (banar). Sungguh setan koa (selalu) nimulatn pasalisihatn ka’ antara iaka’koa. Sungguh, setan koa’ munsuh nang nyata ka’ talino
Surah Al-Isra, Verse 53
رَّبُّكُمۡ أَعۡلَمُ بِكُمۡۖ إِن يَشَأۡ يَرۡحَمۡكُمۡ أَوۡ إِن يَشَأۡ يُعَذِّبۡكُمۡۚ وَمَآ أَرۡسَلۡنَٰكَ عَلَيۡهِمۡ وَكِيلٗا
Tuhannyu labih ngatahui’ ka’ kita. Kade’ ia mao’i’, pasti Ia mao’ mare’ rahmat ka’ kita, man kade’ Ia mao’i’, pasti Ia mao’ nyiksa- nyu. Man Kami nana’ ngutus nyu (Muhammad) nto’ jadi panjaganya nyaka’koa
Surah Al-Isra, Verse 54
وَرَبُّكَ أَعۡلَمُ بِمَن فِي ٱلسَّمَٰوَٰتِ وَٱلۡأَرۡضِۗ وَلَقَدۡ فَضَّلۡنَا بَعۡضَ ٱلنَّبِيِّـۧنَ عَلَىٰ بَعۡضٖۖ وَءَاتَيۡنَا دَاوُۥدَ زَبُورٗا
Man Tuhannyu labih ngatahui’ sae nang ka’ langit man ka’ bumi. Man sungguh, Kami udah marentatn kalabihatn ka’ saka’an nabi- nabi atas sabgian (nang lain), man Kami barentatn Zabur ka’ Dawut
Surah Al-Isra, Verse 55
قُلِ ٱدۡعُواْ ٱلَّذِينَ زَعَمۡتُم مِّن دُونِهِۦ فَلَا يَمۡلِكُونَ كَشۡفَ ٱلضُّرِّ عَنكُمۡ وَلَا تَحۡوِيلًا
Kataatnlah (Muhammad), ”saru’lah iaka’koa nang kita’ anggap (tuhan)475 selain Allah, iaka’koa nana’ kuasa nto’ ngilangkatn bahaya darinyu man nana’ (agi’) mampu ngobahnya.”
Surah Al-Isra, Verse 56
أُوْلَـٰٓئِكَ ٱلَّذِينَ يَدۡعُونَ يَبۡتَغُونَ إِلَىٰ رَبِّهِمُ ٱلۡوَسِيلَةَ أَيُّهُمۡ أَقۡرَبُ وَيَرۡجُونَ رَحۡمَتَهُۥ وَيَخَافُونَ عَذَابَهُۥٓۚ إِنَّ عَذَابَ رَبِّكَ كَانَ مَحۡذُورٗا
Urakng-urakng nang nya ka’koa saru’koa, iaka’koa sandiri’ ngago’i’ maraga ka’ Tuhan476 sae ka’ antara nya ka’ ia nang labih samak ka’ (ka’ Allah). Iaka’koa ngarapatn rahmat-Nya man gali’ ka’ siksaatn-Nya. Sungguh siksaatn Tuhannyu koa sasuatu nang (harus) gali’i’. ”
Surah Al-Isra, Verse 57
وَإِن مِّن قَرۡيَةٍ إِلَّا نَحۡنُ مُهۡلِكُوهَا قَبۡلَ يَوۡمِ ٱلۡقِيَٰمَةِ أَوۡ مُعَذِّبُوهَا عَذَابٗا شَدِيدٗاۚ كَانَ ذَٰلِكَ فِي ٱلۡكِتَٰبِ مَسۡطُورٗا
Man nana’ ada saete’ nagari pun (nang durhaka panduduknya), malaintatn Kami minasaatnnya sanape’ ari kiamat ato Kami seksa (panduduknya) mang seksa nang miah karas. Nang ampakea koa udah tatulis dalapm kitab lau(h mahfuz)
Surah Al-Isra, Verse 58
وَمَا مَنَعَنَآ أَن نُّرۡسِلَ بِٱلۡأٓيَٰتِ إِلَّآ أَن كَذَّبَ بِهَا ٱلۡأَوَّلُونَۚ وَءَاتَيۡنَا ثَمُودَ ٱلنَّاقَةَ مُبۡصِرَةٗ فَظَلَمُواْ بِهَاۚ وَمَا نُرۡسِلُ بِٱلۡأٓيَٰتِ إِلَّا تَخۡوِيفٗا
Man nana’ ada nang ngalangi’ Kami nto’ ngirimpatn (ka’kao) tanda-tanda (kakuasaan Kami), melainkan karana (tanda-tanda) koa udah didustaatn di urakng duhiya. Man udah Kami barentatn ka’ kaum Samut onta bini (sabage mukjizat) nang dapat ditele’, tapi iaka’koa nganiaya (onta bini koa). Man Kami nana’ ngirimpatn tanda-tanda koa malaintaatn nto’ ngali’-ngali’i
Surah Al-Isra, Verse 59
وَإِذۡ قُلۡنَا لَكَ إِنَّ رَبَّكَ أَحَاطَ بِٱلنَّاسِۚ وَمَا جَعَلۡنَا ٱلرُّءۡيَا ٱلَّتِيٓ أَرَيۡنَٰكَ إِلَّا فِتۡنَةٗ لِّلنَّاسِ وَٱلشَّجَرَةَ ٱلۡمَلۡعُونَةَ فِي ٱلۡقُرۡءَانِۚ وَنُخَوِّفُهُمۡ فَمَا يَزِيدُهُمۡ إِلَّا طُغۡيَٰنٗا كَبِيرٗا
Man (ingatlah) waktu Kami kataatn ka’ kao, ”sungguh, (ilmu) Tuhannyu ngaliputi’ salu- ruh talino. ”Man Kami nana’ nyajiatn mimpi477 nang udah Kami tele’atn ka’ kao, melainkan sabage ujian ka’ talino man (ampakoa uga’) puhutn’ nang takutuk (zaqqum) dalapm Al-Quran. Man Kami ngali’-ngali’I nya ka’koa, tapi nang ampakoa nggelah nambah aya’ kadurhakaan nya ka’koa
Surah Al-Isra, Verse 60
وَإِذۡ قُلۡنَا لِلۡمَلَـٰٓئِكَةِ ٱسۡجُدُواْ لِأٓدَمَ فَسَجَدُوٓاْ إِلَّآ إِبۡلِيسَ قَالَ ءَأَسۡجُدُ لِمَنۡ خَلَقۡتَ طِينٗا
Man (ingatlah), waktu Kami bapirman ka’ sigana mala’ekat, ”sujudlah kita’ samua ka’ adam,” lalu iaka’koa sujud, kacoali balis. Ia (balis) bakata, ”ahe ke’ aku harus sujud ka’ urakng nang Kita’ ciptaatn dari tanah?”
Surah Al-Isra, Verse 61
قَالَ أَرَءَيۡتَكَ هَٰذَا ٱلَّذِي كَرَّمۡتَ عَلَيَّ لَئِنۡ أَخَّرۡتَنِ إِلَىٰ يَوۡمِ ٱلۡقِيَٰمَةِ لَأَحۡتَنِكَنَّ ذُرِّيَّتَهُۥٓ إِلَّا قَلِيلٗا
Ia (Balis) bakata, ”tarang’katnlah ka’ aku, nianke’ nang labih Kita’ muliaatn daripada aku? Sakiranya Kita’ mare’ waktu ka’ aku sampe hari kiamat, pasti mao’ ku sasatatn katurunannya, kacoali sabebat ihan. ” 17. AL-I
Surah Al-Isra, Verse 62
قَالَ ٱذۡهَبۡ فَمَن تَبِعَكَ مِنۡهُمۡ فَإِنَّ جَهَنَّمَ جَزَآؤُكُمۡ جَزَآءٗ مَّوۡفُورٗا
Ia (Allah) bapirman, ”darilah, tapi sae ma’an ka’ antara iaka’koa nang ngikuti’ kao maka sungguh, naraka Jahanamlah balasatnnyu samua, sabage pambalasan nang cukup
Surah Al-Isra, Verse 63
وَٱسۡتَفۡزِزۡ مَنِ ٱسۡتَطَعۡتَ مِنۡهُم بِصَوۡتِكَ وَأَجۡلِبۡ عَلَيۡهِم بِخَيۡلِكَ وَرَجِلِكَ وَشَارِكۡهُمۡ فِي ٱلۡأَمۡوَٰلِ وَٱلۡأَوۡلَٰدِ وَعِدۡهُمۡۚ وَمَا يَعِدُهُمُ ٱلشَّيۡطَٰنُ إِلَّا غُرُورًا
Man tipulah sae ma’an ka’ antara iaka’koa nang kao (balis) sanggup mang suaranyu (nang ngarere’i’), babalah pasukatnnyu terhadap nya ka’koa, nang bakuda man nang bajalatn paha, man basakongkollah mang iaka’koa ka’ harta man anak-anak lalu bare’ janjilah ka’ iaka’koa. Padahal setan koa nggelah nyanjiatn tipuan balaka ka’ nyaka’koa
Surah Al-Isra, Verse 64
إِنَّ عِبَادِي لَيۡسَ لَكَ عَلَيۡهِمۡ سُلۡطَٰنٞۚ وَكَفَىٰ بِرَبِّكَ وَكِيلٗا
Sabatolnya (terhadap) hamba-hamba-Ku, kao (balis) nana’lah dapat bakuasa Atas iaka’koa. Man cukuplah Tuhannyu sabage panjaga. ”
Surah Al-Isra, Verse 65
رَّبُّكُمُ ٱلَّذِي يُزۡجِي لَكُمُ ٱلۡفُلۡكَ فِي ٱلۡبَحۡرِ لِتَبۡتَغُواْ مِن فَضۡلِهِۦٓۚ إِنَّهُۥ كَانَ بِكُمۡ رَحِيمٗا
Tuhannyulah nang ngalayaratn kapal-kapal ka’ lautan nto’nyu, supaya kao ngago’ karunia-Nya. Sungguh Ia Maha Penyayang ka’ kita’
Surah Al-Isra, Verse 66
وَإِذَا مَسَّكُمُ ٱلضُّرُّ فِي ٱلۡبَحۡرِ ضَلَّ مَن تَدۡعُونَ إِلَّآ إِيَّاهُۖ فَلَمَّا نَجَّىٰكُمۡ إِلَى ٱلۡبَرِّ أَعۡرَضۡتُمۡۚ وَكَانَ ٱلۡإِنسَٰنُ كَفُورًا
Man kade’ kita’ kana timpa’ bahaya ka’ lautan, pasti hilang samua nang (biasa) kita’ saru’, kacoali Ia. Tapi waktu Ia nyalamatatn kita’ ka’ daratan, kita’ bapaling (dari-Nya). Man talino memang salalu ingkar (nana’ basukur)
Surah Al-Isra, Verse 67
أَفَأَمِنتُمۡ أَن يَخۡسِفَ بِكُمۡ جَانِبَ ٱلۡبَرِّ أَوۡ يُرۡسِلَ عَلَيۡكُمۡ حَاصِبٗا ثُمَّ لَا تَجِدُواْ لَكُمۡ وَكِيلًا
Maka ahe ke’ kita’ marasa aman bahoa’ Ia nana’ akan ningalamptn saka’an daratan basama kita’ ato Ia nyiupatn (nyaru karas nang ngincakngi’) batu-batu enek? Man kita’ nana’ akan napati’ surakng pangingu pun
Surah Al-Isra, Verse 68
أَمۡ أَمِنتُمۡ أَن يُعِيدَكُمۡ فِيهِ تَارَةً أُخۡرَىٰ فَيُرۡسِلَ عَلَيۡكُمۡ قَاصِفٗا مِّنَ ٱلرِّيحِ فَيُغۡرِقَكُم بِمَا كَفَرۡتُمۡ ثُمَّ لَا تَجِدُواْ لَكُمۡ عَلَيۡنَا بِهِۦ تَبِيعٗا
Ato ke’ kita’ marasa aman bahoa’ Ia nana’ akan ngambaliatn kita’ ka’ laut sakali agi’, lalu Ia nyiupatn angin topan ka’ kita’ man ditingalamptn’-Nya kita’ disababpatn kekapirannyu? Kamudian kita’ nana’ akan namu surakng panolongpun dalapm ngadapi’ (siksaan) Kami
Surah Al-Isra, Verse 69
۞وَلَقَدۡ كَرَّمۡنَا بَنِيٓ ءَادَمَ وَحَمَلۡنَٰهُمۡ فِي ٱلۡبَرِّ وَٱلۡبَحۡرِ وَرَزَقۡنَٰهُم مِّنَ ٱلطَّيِّبَٰتِ وَفَضَّلۡنَٰهُمۡ عَلَىٰ كَثِيرٖ مِّمَّنۡ خَلَقۡنَا تَفۡضِيلٗا
Man sunggguh Kami udah ngamuliaatn anak cucu Adam, man Kami angkut iaka’koa ka’ darat man ka’ laut, man Kami bare’ iaka’koa rajaki dari nang edo’-edo’ man Kami labihatn iaka’koa ka’ atas manyak mahluk nang Kami nyiptaatn mang kalabihan nang sampurana
Surah Al-Isra, Verse 70
يَوۡمَ نَدۡعُواْ كُلَّ أُنَاسِۭ بِإِمَٰمِهِمۡۖ فَمَنۡ أُوتِيَ كِتَٰبَهُۥ بِيَمِينِهِۦ فَأُوْلَـٰٓئِكَ يَقۡرَءُونَ كِتَٰبَهُمۡ وَلَا يُظۡلَمُونَ فَتِيلٗا
(Ingatlah), ka’ ari waktu Kami saru’ satiap umat mang pamimpinnya; man barangsae dibare’ catatan amalnya ka’ kokot kanannya iaka’koa nae maea catatannya (manang baik), man iaka’koa nana’ akan dirugiatn saebetpun
Surah Al-Isra, Verse 71
وَمَن كَانَ فِي هَٰذِهِۦٓ أَعۡمَىٰ فَهُوَ فِي ٱلۡأٓخِرَةِ أَعۡمَىٰ وَأَضَلُّ سَبِيلٗا
Man sae ma’an buta (atinya) ka’ dunia nian maka ka’ naherat ia nae buta man tasasat jauh dari maraga (nang banar)
Surah Al-Isra, Verse 72
وَإِن كَادُواْ لَيَفۡتِنُونَكَ عَنِ ٱلَّذِيٓ أَوۡحَيۡنَآ إِلَيۡكَ لِتَفۡتَرِيَ عَلَيۡنَا غَيۡرَهُۥۖ وَإِذٗا لَّٱتَّخَذُوكَ خَلِيلٗا
Man ia amper malingkatn kao (Muhammad) dari ahe nang udah Kami wahyuatn ka’ kao, supaya kao ngada-ngadaatn nang lain ka’ Kami; man kade’ ampakoa tantu iaka’koa nyajiatn kao ayukng nang satia
Surah Al-Isra, Verse 73
وَلَوۡلَآ أَن ثَبَّتۡنَٰكَ لَقَدۡ كِدتَّ تَرۡكَنُ إِلَيۡهِمۡ شَيۡـٔٗا قَلِيلًا
Man sakiranya Kami nana’ nguatatn (ati)- nyu, pasti kao amper ereh sabebet ka’ iaka’koa
Surah Al-Isra, Verse 74
إِذٗا لَّأَذَقۡنَٰكَ ضِعۡفَ ٱلۡحَيَوٰةِ وَضِعۡفَ ٱلۡمَمَاتِ ثُمَّ لَا تَجِدُ لَكَ عَلَيۡنَا نَصِيرٗا
kade’ ampakoa, tantu Kami mao’ misa’atn ni’nya ka’ kao (siksaan) balipat ganda ka’ dunia nian man balipat ganda salaka’ mati, man kao (Muhammad) nana’ akan namui’ saurakng panolong pun tahadap Kami
Surah Al-Isra, Verse 75
وَإِن كَادُواْ لَيَسۡتَفِزُّونَكَ مِنَ ٱلۡأَرۡضِ لِيُخۡرِجُوكَ مِنۡهَاۖ وَإِذٗا لَّا يَلۡبَثُونَ خِلَٰفَكَ إِلَّا قَلِيلٗا
Man sungguh, iaka’koa amper mamuatnyu (Muhammad) gulisah ka’ nagari (Mekah) karana kao harus kaluar dari nagari koa, man kade’ tajadi ampakoa, pasti sapaninggalannyu iaka’koa nana’ akan badiapm’ (ka’ naung) melaintatn sabantar ihan
Surah Al-Isra, Verse 76
سُنَّةَ مَن قَدۡ أَرۡسَلۡنَا قَبۡلَكَ مِن رُّسُلِنَاۖ وَلَا تَجِدُ لِسُنَّتِنَا تَحۡوِيلًا
(Nang ampa koa) barupa katatapan ka’ sigana rasul Kami nang Kami utus sanape’ kao, 479 man nana’ akan kao dapati’ parobahan ka’ katatapatn Kami
Surah Al-Isra, Verse 77
أَقِمِ ٱلصَّلَوٰةَ لِدُلُوكِ ٱلشَّمۡسِ إِلَىٰ غَسَقِ ٱلَّيۡلِ وَقُرۡءَانَ ٱلۡفَجۡرِۖ إِنَّ قُرۡءَانَ ٱلۡفَجۡرِ كَانَ مَشۡهُودٗا
Laksanaatn salat mulai mata ari tagulincir sampe patakngnya malam man (laksanaatn uga’ salat) Subuh.480 sungguh salat Subuh koa disaksiatn (da’ mala’ekat). 17. AL-IS
Surah Al-Isra, Verse 78
وَمِنَ ٱلَّيۡلِ فَتَهَجَّدۡ بِهِۦ نَافِلَةٗ لَّكَ عَسَىٰٓ أَن يَبۡعَثَكَ رَبُّكَ مَقَامٗا مَّحۡمُودٗا
Man ka’ saka’an malam, karajaatnlah salat tahajut (sabage ibadah) tambahan ka’nyu; mudah-mudahan Tuhannyu ngangkat kao ka’ tampat nang tapuji
Surah Al-Isra, Verse 79
وَقُل رَّبِّ أَدۡخِلۡنِي مُدۡخَلَ صِدۡقٖ وَأَخۡرِجۡنِي مُخۡرَجَ صِدۡقٖ وَٱجۡعَل لِّي مِن لَّدُنكَ سُلۡطَٰنٗا نَّصِيرٗا
Man batakatnlah (Muhammad), ya Tuhanku, masokatnlah aku ka’ tampat masok nang banar man kaluaratnni’lah (uga) aku ka’ tampat kalluar nang banar man bare’lah ka’ aku dari sisi-Kita’ kakuasaan nang dapat nulukngi’ (ku)
Surah Al-Isra, Verse 80
وَقُلۡ جَآءَ ٱلۡحَقُّ وَزَهَقَ ٱلۡبَٰطِلُۚ إِنَّ ٱلۡبَٰطِلَ كَانَ زَهُوقٗا
Man kataatnlah”kabanaran udah atakng man nang batil udah lanyap”sungguh nang batil koa pasti lanyap
Surah Al-Isra, Verse 81
وَنُنَزِّلُ مِنَ ٱلۡقُرۡءَانِ مَا هُوَ شِفَآءٞ وَرَحۡمَةٞ لِّلۡمُؤۡمِنِينَ وَلَا يَزِيدُ ٱلظَّـٰلِمِينَ إِلَّا خَسَارٗا
Man Kami turuntatn dari Al-Quran (suatu) nang jadi panawar man rahmat ka’ urakng nang baiman, sedangkan ka’ urakng nang zalim (al-Quran koa) ngge mao’ nambahi’ karugiatn
Surah Al-Isra, Verse 82
وَإِذَآ أَنۡعَمۡنَا عَلَى ٱلۡإِنسَٰنِ أَعۡرَضَ وَنَـَٔا بِجَانِبِهِۦ وَإِذَا مَسَّهُ ٱلشَّرُّ كَانَ يَـُٔوسٗا
Man kade’ Kami barentatn kasanangan ka’ talino, pasti ia bapaling man nyauhi’ diri’ mang sombong; man kade’ ia kasusahatn, pasti ia baputus asa
Surah Al-Isra, Verse 83
قُلۡ كُلّٞ يَعۡمَلُ عَلَىٰ شَاكِلَتِهِۦ فَرَبُّكُمۡ أَعۡلَمُ بِمَنۡ هُوَ أَهۡدَىٰ سَبِيلٗا
Batakatnlah (Muhammad)”satiap urakng babuat sasue mang pangincakngannya masing-masing. ”Maka Tuhannyu labih ngatahui’ sae nang labih banar maraganya
Surah Al-Isra, Verse 84
وَيَسۡـَٔلُونَكَ عَنِ ٱلرُّوحِۖ قُلِ ٱلرُّوحُ مِنۡ أَمۡرِ رَبِّي وَمَآ أُوتِيتُم مِّنَ ٱلۡعِلۡمِ إِلَّا قَلِيلٗا
Man iaka’koa batanya’ ka’ kao (Muhammad) tantang ruh. Batakatnlah, ”Ruh koa tamasok urusaan Tuhanku, samintara kita’ dibare’ pangatahuan Cuma sabebet. ”
Surah Al-Isra, Verse 85
وَلَئِن شِئۡنَا لَنَذۡهَبَنَّ بِٱلَّذِيٓ أَوۡحَيۡنَآ إِلَيۡكَ ثُمَّ لَا تَجِدُ لَكَ بِهِۦ عَلَيۡنَا وَكِيلًا
Man sabatolnya kade’ Kami mao’i’ pasti Kami lanyapatn ahe nang udah Kami wahyukan ka’ kao (Muhammad), man kao nana’ akan namu saurakng pembelapun terhadap Kami
Surah Al-Isra, Verse 86
إِلَّا رَحۡمَةٗ مِّن رَّبِّكَۚ إِنَّ فَضۡلَهُۥ كَانَ عَلَيۡكَ كَبِيرٗا
kacoali karana rahmat dari Tuhannyu. Sungguh karunia-Nya ka’kao (Muhammad) miah aya’
Surah Al-Isra, Verse 87
قُل لَّئِنِ ٱجۡتَمَعَتِ ٱلۡإِنسُ وَٱلۡجِنُّ عَلَىٰٓ أَن يَأۡتُواْ بِمِثۡلِ هَٰذَا ٱلۡقُرۡءَانِ لَا يَأۡتُونَ بِمِثۡلِهِۦ وَلَوۡ كَانَ بَعۡضُهُمۡ لِبَعۡضٖ ظَهِيرٗا
Batakatnlah, ”sabatolnya kade’ talino mam jin bakumpur nto’ manjoat nang sarupa (mang) Al-Quran nian, iaka’koa nana’ akan dapat manjoat nang sarupa mang nang koa, sekalipun iaka’koa babanto’-banto’ mang nang lain”
Surah Al-Isra, Verse 88
وَلَقَدۡ صَرَّفۡنَا لِلنَّاسِ فِي هَٰذَا ٱلۡقُرۡءَانِ مِن كُلِّ مَثَلٖ فَأَبَىٰٓ أَكۡثَرُ ٱلنَّاسِ إِلَّا كُفُورٗا
Man sungguh, Kami udah nyalasatn baulang-ulang ka’ talino ka’ Al-Quran nian mang bamacam-macam parumpama’an, tapi kamayakatn talino nana’ nyukai’nya malahan ngingkari’ (nya)
Surah Al-Isra, Verse 89
وَقَالُواْ لَن نُّؤۡمِنَ لَكَ حَتَّىٰ تَفۡجُرَ لَنَا مِنَ ٱلۡأَرۡضِ يَنۢبُوعًا
Man iaka’koa bakata, ”kami nana’ akan pucaya’’ ka’ kao (Muhammad) sanape’ kao mancaratn mata ai’ dari bumi nto’ kami
Surah Al-Isra, Verse 90
أَوۡ تَكُونَ لَكَ جَنَّةٞ مِّن نَّخِيلٖ وَعِنَبٖ فَتُفَجِّرَ ٱلۡأَنۡهَٰرَ خِلَٰلَهَا تَفۡجِيرًا
ato kao ba kabon kurma man anggur, lalu kao aliratn ka’ antara-antaranya sunge nang daras ngalirnya
Surah Al-Isra, Verse 91
أَوۡ تُسۡقِطَ ٱلسَّمَآءَ كَمَا زَعَمۡتَ عَلَيۡنَا كِسَفًا أَوۡ تَأۡتِيَ بِٱللَّهِ وَٱلۡمَلَـٰٓئِكَةِ قَبِيلًا
ato kao jantu’atn langit bakapikng-kapikng ka’ kami, saampahe kao ngataatn, ato (sanape’) kao ngatakngkatn Allah man sigana mala’ekat baradapatn muha mang kami
Surah Al-Isra, Verse 92
أَوۡ يَكُونَ لَكَ بَيۡتٞ مِّن زُخۡرُفٍ أَوۡ تَرۡقَىٰ فِي ٱلسَّمَآءِ وَلَن نُّؤۡمِنَ لِرُقِيِّكَ حَتَّىٰ تُنَزِّلَ عَلَيۡنَا كِتَٰبٗا نَّقۡرَؤُهُۥۗ قُلۡ سُبۡحَانَ رَبِّي هَلۡ كُنتُ إِلَّا بَشَرٗا رَّسُولٗا
ato kao ba rumah sabuah rumah (tabuat) dari amas, ato kao naik ka’ langit. Man kami nana’ akan mucaya’i’ kanaikatn nyu koa sanape’ kao nuruntatn ka’ kami sabuah kitab nto’ kami baca. ”Batakatnlah (Muhammad), ”Mahasuci Tuhanku, buke’ke’ aku nian ngge talino nang manjaji rasul?”
Surah Al-Isra, Verse 93
وَمَا مَنَعَ ٱلنَّاسَ أَن يُؤۡمِنُوٓاْ إِذۡ جَآءَهُمُ ٱلۡهُدَىٰٓ إِلَّآ أَن قَالُوٓاْ أَبَعَثَ ٱللَّهُ بَشَرٗا رَّسُولٗا
Man nana’ ada suatu nang ngalangi’ talino nto’ baiman waktu patunjuk koa atakng ka’ ia, selain pakataan nyaka’koa, ”ngahe Allah ngutusatn saurakng talino manjaji rasul?”
Surah Al-Isra, Verse 94
قُل لَّوۡ كَانَ فِي ٱلۡأَرۡضِ مَلَـٰٓئِكَةٞ يَمۡشُونَ مُطۡمَئِنِّينَ لَنَزَّلۡنَا عَلَيۡهِم مِّنَ ٱلسَّمَآءِ مَلَكٗا رَّسُولٗا
Batakatnlah (Muhammad), ”sakiranya ka’ bumi ada sigana mala’ekat, nang bajalatn- jalatn mang tanang, pasti Kami turuntatn ka; iaka’koa mala’ekat dari langit nto’ manjaji rasul. ”
Surah Al-Isra, Verse 95
قُلۡ كَفَىٰ بِٱللَّهِ شَهِيدَۢا بَيۡنِي وَبَيۡنَكُمۡۚ إِنَّهُۥ كَانَ بِعِبَادِهِۦ خَبِيرَۢا بَصِيرٗا
Batakatnlah (Muhammad), ”cukuplah Allah manjadi saksi antara aku man kita’ koa. Sungguh, Ia Maha Nau’an, Maha Nele’ ka’ hamba-hamba-Nya. 17. AL-I
Surah Al-Isra, Verse 96
وَمَن يَهۡدِ ٱللَّهُ فَهُوَ ٱلۡمُهۡتَدِۖ وَمَن يُضۡلِلۡ فَلَن تَجِدَ لَهُمۡ أَوۡلِيَآءَ مِن دُونِهِۦۖ وَنَحۡشُرُهُمۡ يَوۡمَ ٱلۡقِيَٰمَةِ عَلَىٰ وُجُوهِهِمۡ عُمۡيٗا وَبُكۡمٗا وَصُمّٗاۖ مَّأۡوَىٰهُمۡ جَهَنَّمُۖ كُلَّمَا خَبَتۡ زِدۡنَٰهُمۡ سَعِيرٗا
Man sae ma’an dibare’ patunjuk di Allah, ia lah nang namu patunjuk, man sae ma’an Ia sasatatn maka kao nana’ akan namu panolong-panolong ka’ iaka’koa selain Ia. Man Kami mao’ ngumpuratn iaka’koa ka’ ari kiamat mang muha tasungkur, dalapm kaadaan buta’, awa’ man bangal. Tampat kadiaman iaka’koa ialah naraka Jahanam. Satiap kali api Jahanam koa mao’ padapm’, Kami tambah agi’ nyalanya ka’ iaka’koa
Surah Al-Isra, Verse 97
ذَٰلِكَ جَزَآؤُهُم بِأَنَّهُمۡ كَفَرُواْ بِـَٔايَٰتِنَا وَقَالُوٓاْ أَءِذَا كُنَّا عِظَٰمٗا وَرُفَٰتًا أَءِنَّا لَمَبۡعُوثُونَ خَلۡقٗا جَدِيدًا
Koalah balasan ka’ iaka’koa, karana sabatolnya iaka’koa kapir ka’ ayat-ayat Kami man (karana iaka’koa) bakata, ”kade’ kami udah manjadi tulakng balulakng man banda-banda nang ancur, ahe ke’ kami mao’ dibangkitatn agi’ sabage mahluk baru?”
Surah Al-Isra, Verse 98
۞أَوَلَمۡ يَرَوۡاْ أَنَّ ٱللَّهَ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ قَادِرٌ عَلَىٰٓ أَن يَخۡلُقَ مِثۡلَهُمۡ وَجَعَلَ لَهُمۡ أَجَلٗا لَّا رَيۡبَ فِيهِ فَأَبَى ٱلظَّـٰلِمُونَ إِلَّا كُفُورٗا
Man ahe ke’ iaka’koa nana’ nele’atnni’ bahoa’ Allah nang nyiptaatn langit man bumi ialah Mahakuasa (uga’) nyiptaatn nang sarupa mang iaka’koa, man Ia udah natapatn waktu tatantu (mati ato dibangkitatn) ka’ iaka’koa, nang nana’ diraguatn agi’? Maka urakng jalim koa nana’ nolaknya kacoali mang kakapiran
Surah Al-Isra, Verse 99
قُل لَّوۡ أَنتُمۡ تَمۡلِكُونَ خَزَآئِنَ رَحۡمَةِ رَبِّيٓ إِذٗا لَّأَمۡسَكۡتُمۡ خَشۡيَةَ ٱلۡإِنفَاقِۚ وَكَانَ ٱلۡإِنسَٰنُ قَتُورٗا
batakatnlah (Muhammad), ”sakiranya kita’ nguasai’ pabandahara’an Tuhanku, pasti pabandahara’an koa kita’ tahan, karana gali’ malanjaatnnya. ”Man talino koa memang miah sengke’
Surah Al-Isra, Verse 100
وَلَقَدۡ ءَاتَيۡنَا مُوسَىٰ تِسۡعَ ءَايَٰتِۭ بَيِّنَٰتٖۖ فَسۡـَٔلۡ بَنِيٓ إِسۡرَـٰٓءِيلَ إِذۡ جَآءَهُمۡ فَقَالَ لَهُۥ فِرۡعَوۡنُ إِنِّي لَأَظُنُّكَ يَٰمُوسَىٰ مَسۡحُورٗا
Man sungguh, Kami udah marentatn ka’ Musa sambilan mukjizat nang nyata482 maka tanya’anlah ka’ Bani Israel, waktu Musa atakng ka’ iaka’koa lalu Pir’aun bakata ka’ ia, ”Wahe Musa! Sabatolnya aku banar- banar nyangka kao kana seher. ”
Surah Al-Isra, Verse 101
قَالَ لَقَدۡ عَلِمۡتَ مَآ أَنزَلَ هَـٰٓؤُلَآءِ إِلَّا رَبُّ ٱلسَّمَٰوَٰتِ وَٱلۡأَرۡضِ بَصَآئِرَ وَإِنِّي لَأَظُنُّكَ يَٰفِرۡعَوۡنُ مَثۡبُورٗا
Ia (Musa) nyawap, ”sungguh kao udah ngatahui’, bahoa’ nana’ ada nang nuruntatn (mukjizat-mukjizat) koa kacoali Tuhan (nang mihara) langit man bumi sabage bukti-bukti nang nyata; man sungguh, aku banar-banar manduga kao nae binasa, wahe pir’aun. ”
Surah Al-Isra, Verse 102
فَأَرَادَ أَن يَسۡتَفِزَّهُم مِّنَ ٱلۡأَرۡضِ فَأَغۡرَقۡنَٰهُ وَمَن مَّعَهُۥ جَمِيعٗا
Laka’ koa (Pir’aun) ngati ngoser iaka’koa (Musa man pangikutnya) dari bumi (Mesir) maka Kami tingalampatn ia (Pir’aun) mang urakng nang basama man’ia saluruhnya
Surah Al-Isra, Verse 103
وَقُلۡنَا مِنۢ بَعۡدِهِۦ لِبَنِيٓ إِسۡرَـٰٓءِيلَ ٱسۡكُنُواْ ٱلۡأَرۡضَ فَإِذَا جَآءَ وَعۡدُ ٱلۡأٓخِرَةِ جِئۡنَا بِكُمۡ لَفِيفٗا
man salaka’ koa Kami bapirman ka’ Bani Israel, ”badiapm’lah ka’ nagari nian, tapi kade’ waktu babangkit atakng, pasti Kami kumpuratn kita’ dalapm”kaadaan bacampur baur. ”
Surah Al-Isra, Verse 104
وَبِٱلۡحَقِّ أَنزَلۡنَٰهُ وَبِٱلۡحَقِّ نَزَلَۗ وَمَآ أَرۡسَلۡنَٰكَ إِلَّا مُبَشِّرٗا وَنَذِيرٗا
Man Kami turuntatn (Al-Quran) koa mang sabanarnya man (Al-Quran) koa turutn’ mang (ngincakng) kabanaratn. Man Kami ngutus kao (Muhammad), ngge sabage pangincakng barita man pamare’ paringatatn
Surah Al-Isra, Verse 105
وَقُرۡءَانٗا فَرَقۡنَٰهُ لِتَقۡرَأَهُۥ عَلَى ٱلنَّاسِ عَلَىٰ مُكۡثٖ وَنَزَّلۡنَٰهُ تَنزِيلٗا
Man Al-Quran (Kami turuntatn) barangsur- angsur supaya kao (Muhammad) macaatnnya ka’ talino sawe’sawe’ man Kami nuruntatnnya sacara batahap
Surah Al-Isra, Verse 106
قُلۡ ءَامِنُواْ بِهِۦٓ أَوۡ لَا تُؤۡمِنُوٓاْۚ إِنَّ ٱلَّذِينَ أُوتُواْ ٱلۡعِلۡمَ مِن قَبۡلِهِۦٓ إِذَا يُتۡلَىٰ عَلَيۡهِمۡ يَخِرُّونَۤ لِلۡأَذۡقَانِۤ سُجَّدٗاۤ
Batakatnlah (Muhammad), ”Baimanlah kita’ ka’ ia (Al-Quran) ame’ baiman (sama ma’an ka’ Allah). Sabatolnya urakng nang udah dibare’ pangatahuan sanape’nya, kade’ (Al- Quran) dibacaatn ka’ iaka’koa, iaka’koa nyungkuratn muhanya, basujud, ”
Surah Al-Isra, Verse 107
وَيَقُولُونَ سُبۡحَٰنَ رَبِّنَآ إِن كَانَ وَعۡدُ رَبِّنَا لَمَفۡعُولٗا
Man iaka’koa bakata, ”Mahasuci Tuhan kami; sungguh, janji Tuhan kami pasti dipanohi’
Surah Al-Isra, Verse 108
وَيَخِرُّونَ لِلۡأَذۡقَانِ يَبۡكُونَ وَيَزِيدُهُمۡ خُشُوعٗا۩
Man iaka’koa nyungkuratn muhanya sambil nangis iaka’koa batambah khusyuk
Surah Al-Isra, Verse 109
قُلِ ٱدۡعُواْ ٱللَّهَ أَوِ ٱدۡعُواْ ٱلرَّحۡمَٰنَۖ أَيّٗا مَّا تَدۡعُواْ فَلَهُ ٱلۡأَسۡمَآءُ ٱلۡحُسۡنَىٰۚ وَلَا تَجۡهَرۡ بِصَلَاتِكَ وَلَا تُخَافِتۡ بِهَا وَٱبۡتَغِ بَيۡنَ ذَٰلِكَ سَبِيلٗا
Batakatnlah (Muhammad), ”saru’lah Allah ato saru’lah Ar-Rahman. Mang dama nang mae ma’an kita’ dapat nyaru’, karana Ia badama nang miah edo’ (Asma-ul Husna) man amelah kao ngarasatn suaranyu dalapm salat man amelah (uga’) mabahatnnya man usahaatn ka’ tangah-tangah ka’ antara kadua’ koa.”
Surah Al-Isra, Verse 110
وَقُلِ ٱلۡحَمۡدُ لِلَّهِ ٱلَّذِي لَمۡ يَتَّخِذۡ وَلَدٗا وَلَمۡ يَكُن لَّهُۥ شَرِيكٞ فِي ٱلۡمُلۡكِ وَلَمۡ يَكُن لَّهُۥ وَلِيّٞ مِّنَ ٱلذُّلِّۖ وَكَبِّرۡهُ تَكۡبِيرَۢا
Man batakatnlah, ”sagala puji ka’ Allah nang nana’ baranak man nana’ (uga’) ba’ sakutu dalapm kerajaan-Nya man Ia nana’ palalu panolong dari kahina’an man agungkatnlah Ia saagung-agungnya
Surah Al-Isra, Verse 111