Surah Fussilat - Bambara Translation by Fodi Suliman Kanti
حمٓ
ߤ߭. ߡ. ( ߤ߭ߊ߯ߎ. ߡߌ߯ߡ)
Surah Fussilat, Verse 1
تَنزِيلٞ مِّنَ ٱلرَّحۡمَٰنِ ٱلرَّحِيمِ
ߟߊ߬ߖߌ߰ߟߌ ߝߘߊߣߍ߲߫ ߡߊ߬ߤߌ߬ߣߊ߬ߟߊ߫ ߤߌߣߟߊ ߟߋ߬ ߟߊ߫
Surah Fussilat, Verse 2
كِتَٰبٞ فُصِّلَتۡ ءَايَٰتُهُۥ قُرۡءَانًا عَرَبِيّٗا لِّقَوۡمٖ يَعۡلَمُونَ
ߟߍߙߊ ( ߣߌ߲߬ ) ߟߝߊߙߌ ߟߎ߫ ߕߐ߬ߝߍ߬ߦߊ߬ߣߍ߲߫ ߘߐ߬ߛߊߙߌ ߘߌ߫ ߊߙߊߓߎ߫ ߞߊ߲ ߘߐ߫ ߡߌ߬ߙߌ߲߬ߘߌ߫ ߞߏߟߐ߲ߠߊ ߟߎ߫ ߟߋ߬ ߦߋ߫
Surah Fussilat, Verse 3
بَشِيرٗا وَنَذِيرٗا فَأَعۡرَضَ أَكۡثَرُهُمۡ فَهُمۡ لَا يَسۡمَعُونَ
ߞߵߊ߬ ߞߍ߫ ߘߟߊߝߎ߫ ߞߍߟߊ߲ ߣߌ߫ ߖߊ߬ߛߙߋ߬ߡߊ߬ ߞߍ߬ߟߊ߲ ߘߌ߫ ، ߊ߬ߟߎ߫ ߝߊ߲߬ߓߊ ߞߵߊ߬ߟߎ߬ ߞߐߘߏ߲߬ ߔߏ߲߫ ߸ ߊ߬ߟߎ߬ ߕߍ߫ ߡߍ߲ߠߌ߲߫ ߞߍ߫ ߟߊ߫ ߟߋ߬ ߘߍ߯
Surah Fussilat, Verse 4
وَقَالُواْ قُلُوبُنَا فِيٓ أَكِنَّةٖ مِّمَّا تَدۡعُونَآ إِلَيۡهِ وَفِيٓ ءَاذَانِنَا وَقۡرٞ وَمِنۢ بَيۡنِنَا وَبَيۡنِكَ حِجَابٞ فَٱعۡمَلۡ إِنَّنَا عَٰمِلُونَ
ߊ߬ߟߎ߬ ߞߊ߲߫ ߞߏ߫ ߌ ߦߴߊ߲ ߞߟߌ߫ ߟߊ߫ ߡߍ߲ ߡߊ߬ ߸ ߊ߲ ߛߣߐ߬ߡߍ ߟߎ߫ ߞߎ߲߬ߠߊ߬ߓߌߘߌ߲ߣߍ߲߫ ߠߴߏ߬ ߢߍ߫ ، ߜߋߘߋ߲ߟߊ߲ ߦߋ߫ ߒ߬ ߕߟߏ ߟߎ߬ ߟߊ߫ ، ߊ߬ ߣߌ߫ ( ߒ߬ ߢߊ ߟߎ߬ ߕߴߌ ߦߋ߫ ߟߊ߫ ߸ ߓߊߏ߬ ) ߥߊ߬ߣߊߙߌ ߟߴߊ߲ ߣߴߌ ߕߍ߫ ، ߏ߬ ߘߐ߫ ߸ ߌ ߟߊ߫ ߓߊ߯ߙߊ ߞߍ߫ ߸ ߒ߬ߠߎ߬ ߝߣߊ߫ ߦߋ߫ ߒ߬ ߕߊ߫ ߓߊ߯ߙߊ ߞߊ߲߬
Surah Fussilat, Verse 5
قُلۡ إِنَّمَآ أَنَا۠ بَشَرٞ مِّثۡلُكُمۡ يُوحَىٰٓ إِلَيَّ أَنَّمَآ إِلَٰهُكُمۡ إِلَٰهٞ وَٰحِدٞ فَٱسۡتَقِيمُوٓاْ إِلَيۡهِ وَٱسۡتَغۡفِرُوهُۗ وَوَيۡلٞ لِّلۡمُشۡرِكِينَ
ߊ߬ߟߎ߫ ߖߋ߬ߓߌ߬ ߸ ߞߏ߫ ߒߠߋ ߦߴߊߟߎ߫ ߢߐ߲߰ ߡߐ߰ ߛߊ߬ߕߊ߫ ߟߋ߬ ߘߌ߫ ߖߐ߫ ߸ ߒ߬ߞߊ߬ ߒߠߋ ߟߋ߬ ߦߟߌߘߏ߲߬ߣߍ߲߫ ߞߏ߫ ߊߟߎ߫ ߡߊ߰ߙߌ ߦߋ߫ ߡߊ߰ߙߌ߬ ߞߋߟߋ߲߫ ߔߋ߫ ߟߋ߬ ߘߌ߫ ، ߒ߬ߓߊ߬ ߊߟߎ߫ ߦߴߊߟߎ߫ ߕߋߟߋ߲߫ ߏ߬ ߟߋ ߟߊ߫ ߝߊ߲߯ ، ߊ߬ ߣߴߊߟߎ߯ ߦߝߊ߬ ߢߌߣߌ߲ ߞߍ߫ ߊ߬ ߟߊ߫ ، ߜߊ߬ߟߏ ߟߋ߫ ߘߏ߲߬ ߦߋ߫ ߛߏߡߊ ߟߎ߬ ߢߍ߫
Surah Fussilat, Verse 6
ٱلَّذِينَ لَا يُؤۡتُونَ ٱلزَّكَوٰةَ وَهُم بِٱلۡأٓخِرَةِ هُمۡ كَٰفِرُونَ
ߏ߬ ߟߎ߫ ߟߋ߬ ߕߍ߫ ߊߟߊߣߌ ߘߌ߫ ߟߊ߫ ߸ ߏ߬ ߟߎ߫ ߟߋ߫ ߘߏ߲߬ ߓߊ߲߬ߣߍ߲߬ ߟߊߞߌߙߊ߫ ߞߏ ߡߊ߬ ߝߊߦߌ߲߫
Surah Fussilat, Verse 7
إِنَّ ٱلَّذِينَ ءَامَنُواْ وَعَمِلُواْ ٱلصَّـٰلِحَٰتِ لَهُمۡ أَجۡرٌ غَيۡرُ مَمۡنُونٖ
ߡߍ߲ ߠߎ߫ ߞߏ߬ߣߌ߲ ߘߍ߲߬ߞߣߍ߬ߦߊ߬ߣߍ߲߫ ߞߊ߬ ߓߊ߲߫ ߞߊ߬ ߢߌ߬ߡߊ ߟߎ߬ ߞߍ߫ ߸ ߏ߬ ߟߎ߫ ߛߙߊ߬ ߓߟߏߕߍ߰ߓߊߟߌ ߟߴߊ߬ߟߎ߬ ߦߋ߫
Surah Fussilat, Verse 8
۞قُلۡ أَئِنَّكُمۡ لَتَكۡفُرُونَ بِٱلَّذِي خَلَقَ ٱلۡأَرۡضَ فِي يَوۡمَيۡنِ وَتَجۡعَلُونَ لَهُۥٓ أَندَادٗاۚ ذَٰلِكَ رَبُّ ٱلۡعَٰلَمِينَ
ߊ߬ ߟߊߛߋ߫ ߞߏ߫ ߌ߬ߦߏ߯ ߊߟߎ߫ ߘߴߊߟߎ߫ ߓߊ߲߬ ‹ ߡߊ߰ߙߌ › ߘߐ߫ ߡߍ߲ ߞߊ߬ ߘߎ߱ ߘߊ߲߫ ߕߋ߬ߟߋ߫ ߝߌ߬ߟߊ߬ ߞߘߐ߫ ߸ ߊ߬ ߣߴߊߟߎ߫ ߘߌ߫ ߢߐ߲߰ߘߐ ߟߎ߬ ߞߍ߫ ߏ߬ ߟߊ߫؟ ߞߵߊ߬ ߕߘߍ߬ ߘߏ߲߬ ߏ߬ ߟߋ ߦߋ߫ ߖߊ߯ߓߊ ߟߎ߫ ߡߊ߰ߙߌ ߘߌ߫߹
Surah Fussilat, Verse 9
وَجَعَلَ فِيهَا رَوَٰسِيَ مِن فَوۡقِهَا وَبَٰرَكَ فِيهَا وَقَدَّرَ فِيهَآ أَقۡوَٰتَهَا فِيٓ أَرۡبَعَةِ أَيَّامٖ سَوَآءٗ لِّلسَّآئِلِينَ
ߊ߬ ߞߊ߬ ߕߌ߲ߘߌ ߟߎ߬ ߞߍ߫ ߘߎ߱ ߘߐ߫ ߊ߬ ߞߐߞߊ߲߬ ߸ ߊ߬ ߣߴߊ߬ ߞߊ߬ ߓߙߊߞߊ ߟߴߊ߬ ߘߐ߫ ߕߌ߲ߞߌ ( ߘߎ߬ߥߊ߬ߎ ) ߟߊ߫ ، ߊ߬ ߣߴߊ߬ ߞߵߊ߬ ߓߊߟߏ ߟߎ߫ ߘߡߊ߬ߦߌ߬ߙߊ߬ߦߴߊ߬ ߘߐ߫ ߕߟߋ߬ ߣߊ߯ߣߌ߲߫ ߟߊߞߢߊߣߍ߲߫ ߞߘߐ߫ ߢߌ߬ߣߌ߲߬ߞߊ߬ߟߌ߬ߟߊ ߟߎ߬ ߦߋ߫
Surah Fussilat, Verse 10
ثُمَّ ٱسۡتَوَىٰٓ إِلَى ٱلسَّمَآءِ وَهِيَ دُخَانٞ فَقَالَ لَهَا وَلِلۡأَرۡضِ ٱئۡتِيَا طَوۡعًا أَوۡ كَرۡهٗا قَالَتَآ أَتَيۡنَا طَآئِعِينَ
ߊ߬ ߓߊ߲߫ ߘߊ߫ ߞߊ߬ ߛߊ߲ ߡߊߜߍ߲߫ ߞߵߊ߬ ߕߘߍ߬ ߏ߬ ߦߋ߫ ߛߌ߬ߛߌ ߘߌ߫ ، ߊ߬ ߞߵߊ߬ ߝߐ߫ ߏ߬ ߣߌ߫ ߘߎ߱ ߡߊ߬ ߸ ߞߏ߫ ߊߟߎ߫ ߣߊ߬ ߘߌߦߊ߬ߘߌߦߊ ߟߊ߫ ߥߟߊ߫ ߜߏߦߊ߬ߜߏߦߊ ߟߊ߫ ، ߊ߬ߟߎ߬ ߞߊ߲߫ ߞߏ߫ ߒ߬ ߓߘߊ߫ ߣߊ߬ ߘߌߦߊ߬ߘߌߦߊ ߟߊ߫
Surah Fussilat, Verse 11
فَقَضَىٰهُنَّ سَبۡعَ سَمَٰوَاتٖ فِي يَوۡمَيۡنِ وَأَوۡحَىٰ فِي كُلِّ سَمَآءٍ أَمۡرَهَاۚ وَزَيَّنَّا ٱلسَّمَآءَ ٱلدُّنۡيَا بِمَصَٰبِيحَ وَحِفۡظٗاۚ ذَٰلِكَ تَقۡدِيرُ ٱلۡعَزِيزِ ٱلۡعَلِيمِ
ߏ߬ ߞߍ ߸ ߊ߬ ߞߵߊ߬ߟߎ߬ ߟߊߕߍ߰ ߛߊ߲߫ ߥߐߙߐ߲ߥߌ߬ߟߊ߬ ߘߌ߫ ߟߏ߲߫ ߝߌ߬ߟߊ߬ ߞߘߐ߫ ، ߊ߬ ߣߴߊ߬ ߞߊ߬ ߦߟߌߘߏ߲ ߞߍ߫ ߛߊ߲ ߞߋ߬ߟߋ߲߬ߞߋ߬ߟߋ߲߬ߣߊ ߞߣߐ߫ ߊ߬ ߞߏߢߊ ߟߊ߫ ، ߊ߬ ߘߏ߲߬ ߞߊ߬ ߘߎߢߊ߫ ߛߊ߲ ߡߊߢߍ߯ߙߍ߫ ߝߕߌ߬ߣߊ߲ ߠߎ߬ ߟߊ߫߸ ߊ߬ ߣߌ߫ ߞߵߏ߬ ߟߎ߬ ߞߍ߫ ߕߊ߲߬ߞߊ߬ߟߌ߬ߟߊ߲ ߠߎ߬ ߘߌ߫ ، ߏ߬ ߘߏ߲߬ ߦߋ߫ ߣߌ߬ߣߌ߬ߟߊ߫ ߟߐ߲ߠߌ߲ߠߊ ߟߊ߫ ߘߡߊ߬ߦߌ߬ߙߦߊ߬ߟߌ ߟߋ߬ ߘߌ߫ ߕߋߙߎ߫
Surah Fussilat, Verse 12
فَإِنۡ أَعۡرَضُواْ فَقُلۡ أَنذَرۡتُكُمۡ صَٰعِقَةٗ مِّثۡلَ صَٰعِقَةِ عَادٖ وَثَمُودَ
ߒ߬ߓߊ߬ ߣߴߊ߬ߟߎ߫ ߞߵߊ߬ߟߎ߬ ߞߐߘߏ߲߬ ߸ ߌ ߦߴߊ߬ ߝߐ߫ ߞߏ߫ ߒߠߋ ߦߋ߫ ߜߊ߬ߙߊ߲߬ߞߕߊ߫ ߟߋ߫ ߖߊ߬ߛߙߋ߬ߡߊ߬ߟߊ ߞߍ߫ ߟߴߊߟߎ߫ ߦߋ߫ ߸ ߡߍ߲ ߦߋ߫ ߦߏ߫ ߊ߯ߘߌ ߟߎ߬ ߣߌ߫ ߛߊ߬ߡߎ߯ߘߊ ߟߎ߬ ߟߊ߫ ߜߊ߬ߙߊ߲߬ߞߕߊ ߢߐ߲߱
Surah Fussilat, Verse 13
إِذۡ جَآءَتۡهُمُ ٱلرُّسُلُ مِنۢ بَيۡنِ أَيۡدِيهِمۡ وَمِنۡ خَلۡفِهِمۡ أَلَّا تَعۡبُدُوٓاْ إِلَّا ٱللَّهَۖ قَالُواْ لَوۡ شَآءَ رَبُّنَا لَأَنزَلَ مَلَـٰٓئِكَةٗ فَإِنَّا بِمَآ أُرۡسِلۡتُم بِهِۦ كَٰفِرُونَ
ߕߎ߬ߡߊ ߡߍ߲ ߞߋߟߊ ߟߎ߫ ߣߊ߬ ߘߴߏ߬ ߟߎ߫ ߡߊ߬ ߸ ߞߊ߬ ߓߐ߫ ߊ߬ߟߎ߬ ߢߍߕߐ߫ ߊ߬ ߣߴߊ߬ߟߎ߬ ߞߕߐ߫ ، ߞߏ߫ ߊߟߎ߫ ߞߊߣߊ߬ ߝߏߦߌ߫ ߓߊ߬ߕߏ߬ ߣߌ߫ ߊߟߊ߫ ߕߍ߫ ، ߏ߬ ߟߎ߬ ߞߊ߲߫ ߏ߬ ߘߐ߫ ߞߏ߫ ߣߴߏ߬ ߕߎ߲߬ ߞߊ߫ ߘߌ߫ ߒ߬ ߡߊ߰ߙߌ ߦߋ߫ ߸ ߊ߬ ߕߘߍ߬ ߡߟߍ߬ߞߊ ߘߏ߫ ߟߎ߫ ߟߋ߬ ߟߊߖߌ߰ ߟߴߏ߬ ߘߐ߫ ، ߒ߬ߞߵߊߟߎ߫ ߞߋߟߦߊߣߍ߲߫ ߡߍ߲ ߘߌ߫ ߊ߲ ߓߊ߲߬ߣߍ߲߫߫ ߠߴߏ߬ ߡߊ߬ ߝߊߦߌ߲߫
Surah Fussilat, Verse 14
فَأَمَّا عَادٞ فَٱسۡتَكۡبَرُواْ فِي ٱلۡأَرۡضِ بِغَيۡرِ ٱلۡحَقِّ وَقَالُواْ مَنۡ أَشَدُّ مِنَّا قُوَّةًۖ أَوَلَمۡ يَرَوۡاْ أَنَّ ٱللَّهَ ٱلَّذِي خَلَقَهُمۡ هُوَ أَشَدُّ مِنۡهُمۡ قُوَّةٗۖ وَكَانُواْ بِـَٔايَٰتِنَا يَجۡحَدُونَ
ߡߍ߲ ߦߋ߫ ߊ߯ߘߌ ߟߎ߬ ߕߊ߫ ߝߊ߲߭ ߘߌ߫ ߸ ߏ߬ ߟߎ߫ ߞߵߊ߬ߟߎ߫ ߖߘߍ߬ߘߐߓߏ߲߬ߧߊ߫ ߟߋ߫ ߘߎ߰ߞߟߏ ߞߊ߲߬ ߕߎ߬ߢߊ߫ ߕߊ߬ߣߊ߫ ߞߎ߲߬ߠߊ߫ ، ߊ߬ߟߎ߫ ߞߵߊ߬ ߝߐ߫ ߞߏ߫ ߖߍߣߍ߲ ߛߍ߲ߓߍ ߜߍ߬ߟߍ߲߬ߡߊ߲߫ ߒ߬ߠߎ߬ ߘߌ߫؟ ߦߊ߯ߟߊ߫ ߏ߬ ߟߎ߬ ߡߴߊ߬ ߦߋ߫ ߓߊ߬ ߸ ߞߏ߫ ߊߟߊ߫ ߡߍ߲ ߞߵߊ߬ߟߎ߬ ߘߊ߲߫ ߞߴߏ߬ ߟߋ ߛߍ߲ߓߍ ߜߍ߬ߟߍ߲߬ߡߊ߲߫ ߊ߬ߟߎ߬ ߘߌ߫؟ ߊ߬ߟߎ߫ ߘߏ߲߬ ߞߵߊ߬ ߞߍ߫ ߒ߬ ߠߊ߫ ߟߝߊߙߌ ߟߎ߬ ߡߊߛߐ߬ߛߐ ߟߋ߬ ߘߌ߫
Surah Fussilat, Verse 15
فَأَرۡسَلۡنَا عَلَيۡهِمۡ رِيحٗا صَرۡصَرٗا فِيٓ أَيَّامٖ نَّحِسَاتٖ لِّنُذِيقَهُمۡ عَذَابَ ٱلۡخِزۡيِ فِي ٱلۡحَيَوٰةِ ٱلدُّنۡيَاۖ وَلَعَذَابُ ٱلۡأٓخِرَةِ أَخۡزَىٰۖ وَهُمۡ لَا يُنصَرُونَ
ߏ߬ ߞߍ ߸ ߊ߲ ߞߊ߬ ߝߢߐ߫ ߜߍߟߍ߲߫ ߜߟߌߟߌ ߗߋ߫ ߊ߬ߟߎ߬ ߞߊ߲ߡߊ߬ ߟߏ߲߫ ߣߙߐ߬ߖߎ߮ ߟߎ߬ ߘߐ߫ ߸ ߛߴߊ߲ ߘߴߊ߬ߟߎ߬ ߡߊߜߙߏ߬ ߘߐ߯ߦߊ ߖߊ߲߰ߞߕߊ ߟߊ߫ ߘߎߢߊ߫ ߢߣߊߡߦߊ ߘߐ߫ ، ߟߊߞߌߙߊ߫ ߖߊ߲߰ߞߕߊ ߟߋ߫ ߘߏ߲߬ ߘߐ߯ߦߊ ߓߏ߲߬ߓߊ߬ߓߊ ߦߋ߫ ، ߓߊ ߊ߬ߟߎ߬ ߕߍ߫ ߘߍ߬ߡߍ߲߬ ߠߊ߫ ߦߋ߲߬
Surah Fussilat, Verse 16
وَأَمَّا ثَمُودُ فَهَدَيۡنَٰهُمۡ فَٱسۡتَحَبُّواْ ٱلۡعَمَىٰ عَلَى ٱلۡهُدَىٰ فَأَخَذَتۡهُمۡ صَٰعِقَةُ ٱلۡعَذَابِ ٱلۡهُونِ بِمَا كَانُواْ يَكۡسِبُونَ
ߡߍ߲ ߦߋ߫ ߛߊ߬ߡߎ߯ߘߊ ߟߎ߬ ߕߊ߫ ߝߊ߲߭ ߘߌ߫ ߸ ߊ߲ ߞߵߏ߬ ߟߎ߬ ߞߊ߲ߘߊ߫ ߖߐ߫ ߸ ߓߊ߬ߙߌ߬ ߊ߬ߟߎ߫ ߞߊ߬ ߝߎߦߋ߲ߦߊ ߟߋ߫ ߞߊ߬ߣߌ߲߬ ߞߊ߲ߘߦߊ ߘߌ߫ ، ߏ߬ ߞߍ ߘߐ߯ߦߊ ߖߊ߲߰ߞߕߊ ߜߊ߬ߙߊ߲߬ߞߕߊ ߞߵߊ߬ߟߎ߬ ߕߍ߯ߕߊ߬ ߸ ߞߊ߬ߡߊߛߐ߬ߘߐ߲߫ ߊ߬ߟߎ߬ ߟߊ߫ ߓߊ߯ߙߊ ߝߍ߬
Surah Fussilat, Verse 17
وَنَجَّيۡنَا ٱلَّذِينَ ءَامَنُواْ وَكَانُواْ يَتَّقُونَ
ߞߏ߬ߣߵߊ߲ ߞߊ߬ ߘߍ߲߬ߞߣߍ߬ߦߊ߬ߓߊ߮ ߟߎ߬ ߟߊߞߛߌ߫ ߸ ߡߍ߲ ߠߎ߫ ߕߘߍ߬ ߊ߬ߟߎ߬ ߝߊ߲ߕߊ߲߬ߞߊ߬ ߟߊ߫ ߞߊ߬ߣߌ߲߫
Surah Fussilat, Verse 18
وَيَوۡمَ يُحۡشَرُ أَعۡدَآءُ ٱللَّهِ إِلَى ٱلنَّارِ فَهُمۡ يُوزَعُونَ
ߊߟߊ߫ ߖߎ߮ ߟߎ߬ ߟߊߘߍ߬ߕߐ߫ ߟߏ߲ ߡߍ߲ ߞߊߕߙߍ߬ ߕߊ ߡߊ߬ ߸ ߊ߬ߟߎ߬ ߘߌ߫ ߓߌ߬ߟߊ߬ ߢߐ߲߮ ߞߐ߫ ߝߍߚߍ߫
Surah Fussilat, Verse 19
حَتَّىٰٓ إِذَا مَا جَآءُوهَا شَهِدَ عَلَيۡهِمۡ سَمۡعُهُمۡ وَأَبۡصَٰرُهُمۡ وَجُلُودُهُم بِمَا كَانُواْ يَعۡمَلُونَ
ߤߊ߲߯ ߸ ߊ߬ߟߎ߬ ߘߌ߫ ߛߴߊ߬ ߡߊ߬ ، ( ߘߊ߬ߡߊ߲߬ߛߊ߫ ) ߊ߬ߟߎ߬ ߕߟߏ ߟߎ߬ ߣߴߊ߬ߟߎ߬ ߢߊ ߟߎ߬ ߣߴߊ߬ߟߎ߫ ߜߏ߬ߟߏ ߟߎ߬ ߘߌ߫ ߓߊ߯ߙߊ ߟߎ߬ ߛߙߋߦߊ ߟߊߟߐ߬ ߊ߬ߟߎ߫ ߞߊ߲߬ ߸ ߊ߬ߟߎ߫ ߕߘߍ߬ ߡߍ߲ ߠߎ߬ ߞߍ߫ ߟߊ߫
Surah Fussilat, Verse 20
وَقَالُواْ لِجُلُودِهِمۡ لِمَ شَهِدتُّمۡ عَلَيۡنَاۖ قَالُوٓاْ أَنطَقَنَا ٱللَّهُ ٱلَّذِيٓ أَنطَقَ كُلَّ شَيۡءٖۚ وَهُوَ خَلَقَكُمۡ أَوَّلَ مَرَّةٖ وَإِلَيۡهِ تُرۡجَعُونَ
ߊ߬ߟߎ߬ ߘߴߊ߬ ߝߐ߫ ߊ߬ߟߎ߫ ߜߏ߬ߟߏ ߟߎ߫ ߡߊ߬ ߸ ߞߏ߫ ߡߎ߲߬ߠߴߊߟߎ߫ ߞߊ߬ ߛߙߋߦߊ ߟߊߟߐ߬ ߒ߬ߠߎ߫ ߞߊ߲߬؟ ߸ ߏ߬ ߟߎ߬ ߘߴߊ߬ ߝߐ߫ ߞߏ߫ ߊߟߊ߫ ߟߋ߫ ߞߊ߬ ߒ߬ ߠߊߞߎߡߊ߫ ߸ ߏ߬ ߡߍ߲ ߞߊ߬ ߝߋ߲ ߓߍ߯ ߟߊߞߎߡߊ߫ ، ߏ߬ ߟߋ ߞߵߊߟߎ߫ ߘߊ߲߫ ߛߋ߲߬ߧߊ߬ ߝߟߐ ߘߐ߫ ߸ ߊߟߎ߫ ߘߏ߲߬ ߟߊߛߊ߬ߦߌ߬ߕߐ߫ ߏ߬ ߟߋ ߡߊ߬
Surah Fussilat, Verse 21
وَمَا كُنتُمۡ تَسۡتَتِرُونَ أَن يَشۡهَدَ عَلَيۡكُمۡ سَمۡعُكُمۡ وَلَآ أَبۡصَٰرُكُمۡ وَلَا جُلُودُكُمۡ وَلَٰكِن ظَنَنتُمۡ أَنَّ ٱللَّهَ لَا يَعۡلَمُ كَثِيرٗا مِّمَّا تَعۡمَلُونَ
ߊߟߎ߫ ߡߊ߫ ߞߍ߫ ߏ߬ ߘߐ߫ ߸ ߞߏ߫ ߊߟߎ߫ ߓߍ߫ ߊߟߎ߫ ߘߏ߲߰ ߠߊ߫ ، ߞߏ߫ ߊߟߎ߫ ߕߟߏ ߟߎ߬ ߣߴߊߟߎ߫ ߢߊ ߟߎ߬ ߣߴߊߟߎ߫ ߜߏ߬ߟߏ ߟߎ߬ ߞߊߣߊ߬ ߛߙߋߦߊ ߟߊߟߐ߬ ߊߟߎ߫ ߞߊ߲߬ ، ߓߊ߬ߙߌ߬ ߊߟߎ߫ ߞߵߊ߬ ߖߌ߰ ߟߋ߬ ߞߏ߫ ߊߟߊ߫ ߡߊ߫ ߛߌߦߊߡߊ߲߫ ߟߐ߲߫ ߊߟߎ߫ ߗߋߥߊߟߌ ߘߐ߫
Surah Fussilat, Verse 22
وَذَٰلِكُمۡ ظَنُّكُمُ ٱلَّذِي ظَنَنتُم بِرَبِّكُمۡ أَرۡدَىٰكُمۡ فَأَصۡبَحۡتُم مِّنَ ٱلۡخَٰسِرِينَ
ߒ߬ߓߵߊߟߎ߫ ߣߵߊߟߎ߫ ߟߊ߫ ߖߌ߰ߟߌ ߡߍ߲ ߖߌ߰ ߟߴߊߟߎ߫ ߡߊ߰ߙߌ ߢߍ߫ ߏ߬ ߘߌ߫ ߖߐ߫ ߸ ߏ߬ ߟߋ ߞߵߊߟߎ߫ ߟߊߕߏ߫ ߊ߬ ߘߐ߫ ߕߋߜߊ߫ ، ߏ߬ ߞߍ ߸ ߊߟߎ߫ ߟߊߓߊ߲߫ ߘߊ߫ ߓߣߐ߬ߓߊ߮ ߟߎ߬ ߘߏ߫ ߘߌ߫
Surah Fussilat, Verse 23
فَإِن يَصۡبِرُواْ فَٱلنَّارُ مَثۡوٗى لَّهُمۡۖ وَإِن يَسۡتَعۡتِبُواْ فَمَا هُم مِّنَ ٱلۡمُعۡتَبِينَ
ߣߴߊ߬ߟߎ߫ ߞߵߊ߬ߟߎ߫ ߡߎ߬ߢߎ߲߬ ߸ ߕߊ ߟߋ߫ ߞߏ߬ߣߌ߲ ߊ߬ߟߎ߬ ߡߊߞߍ߫ ߦߌߟߊ ߘߌ߫ ߘߋ߬ ، ߣߴߊ߬ߟߎ߫ ߘߏ߲߬ ߞߊ߬ ߘߌ߬ߢߍ߬ ߢߌߣߌ߲ ߞߍ߫ ߸ ߊ߬ߟߎ߬ ߕߍߣߊ߬ ߞߍ߫ ߟߊ߫ ߘߌ߬ߢߍ߬ߒ߬ߡߊ߬ߕߊ ߟߎ߬ ߝߋ߲߫ ߘߌ߫ ߡߎ߰ߡߍ߫
Surah Fussilat, Verse 24
۞وَقَيَّضۡنَا لَهُمۡ قُرَنَآءَ فَزَيَّنُواْ لَهُم مَّا بَيۡنَ أَيۡدِيهِمۡ وَمَا خَلۡفَهُمۡ وَحَقَّ عَلَيۡهِمُ ٱلۡقَوۡلُ فِيٓ أُمَمٖ قَدۡ خَلَتۡ مِن قَبۡلِهِم مِّنَ ٱلۡجِنِّ وَٱلۡإِنسِۖ إِنَّهُمۡ كَانُواْ خَٰسِرِينَ
ߊ߲ ߞߊ߬ ߞߙߎߝߊߢߐ߲߯ ߠߎ߫ ߟߊߕߍ߰ ߊ߬ߟߎ߫ ߡߊ߬ ߸ ߏ߬ ߟߎ߫ ߞߵߊ߬ߟߎ߬ ߢߍ߫ ߞߏ ߟߎ߬ ߣߴߊ߬ߟߎ߬ ߞߐ߫ ߞߏ ߟߎ߬ ߡߊߢߍ߯ߙߍ߫ ߊ߬ߟߎ߬ ߢߊߞߘߐ߫ ، ߏ߬ ߞߍ ߞߎߡߊ ߜߋ߲ߜߋ߲ߦߊ߫ ߘߴߊ߬ߟߎ߫ ߞߊ߲߬ ߡߊ߲߬ߕߏ߲ ߠߎ߫ ߝߍ߬ ߸ ߡߍ߲ ߠߎ߫ ߕߊ߬ߡߌ߲߬ߣߴߊ߬ߟߎ߬ ߢߍ߫ ߥߐ߬ߞߎߟߐ ߟߎ߬ ߣߌ߫ ߡߐ߱ ߟߎ߬ ߘߐ߫ ߞߘߐ߬ߡߊ߲߫ ، ߒ߬ߓߊ߬ ߖߊ߯ߕߋ߬ ߸ ߊ߬ߟߎ߬ ߞߍ߫ ߘߊ߫ ߓߣߐ߬ߓߊ߮ ߟߎ߫ ߟߋ߬ ߘߌ߫
Surah Fussilat, Verse 25
وَقَالَ ٱلَّذِينَ كَفَرُواْ لَا تَسۡمَعُواْ لِهَٰذَا ٱلۡقُرۡءَانِ وَٱلۡغَوۡاْ فِيهِ لَعَلَّكُمۡ تَغۡلِبُونَ
ߓߊ߲߬ߓߊ߮ ߟߎ߬ ߞߊ߲߫ ߠߋ߬ ( ߢߐ߲߮ ߦߋ߫ ) ߸ ߞߏ߫ ߊߟߎ߫ ߞߊߣߵߊߟߎ߫ ߕߟߏߡߊߟߐ߬ ߞߎ߬ߙߊ߬ߣߊ ߢߌ߲߬ ߠߊ߫ ߘߋ߬ ߸ ߊߟߎ߫ ߦߋ߫ ߥߏ ߟߋ߫ ߕߎ߬ ߊ߬ߟߎ߫ ߞߎ߲߬ߠߊ߫ ߸ ߖߐ߲߬ߛߴߊߟߎ߫ ߘߌ߫ ߛߴߊ߬ߟߎ߬ ߟߊ߫
Surah Fussilat, Verse 26
فَلَنُذِيقَنَّ ٱلَّذِينَ كَفَرُواْ عَذَابٗا شَدِيدٗا وَلَنَجۡزِيَنَّهُمۡ أَسۡوَأَ ٱلَّذِي كَانُواْ يَعۡمَلُونَ
ߒ߬ߓߊ߬ ߊ߲ ߘߏ߲߬ ߘߌߣߊ߬ ߓߊ߲߬ߓߊ߮ ߟߎ߬ ߡߊߜߏ߬ߙߏ߫ ߖߊ߲߰ߞߕߊ߬ ߜߍߟߍ߲ ߠߊ߫ ، ߊ߬ ߣߴߊ߲ ߘߴߊ߬ߟߎ߫ ߛߊ߬ߙߴߊ߬ߟߎ߬ ߗߋߥߊߟߌ ߘߐ߫ ߖߎ߯ߡߊ߲ ( ߠߎ߬ ) ߟߊ߫
Surah Fussilat, Verse 27
ذَٰلِكَ جَزَآءُ أَعۡدَآءِ ٱللَّهِ ٱلنَّارُۖ لَهُمۡ فِيهَا دَارُ ٱلۡخُلۡدِ جَزَآءَۢ بِمَا كَانُواْ بِـَٔايَٰتِنَا يَجۡحَدُونَ
ߏ߬ ߟߋ ߊߟߊ߫ ߖߎ߮ ߟߎ߫ ߛߊ߬ߙߊ ߘߌ߫ ߸ ߣߊߟߌ߬ߡߎ߲߬ ߕߊ ߘߌ߫ ، ߘߎߡߊ ߛߏ ߟߴߊ߬ߟߎ߬ ߢߍ߫ ߦߋ߲߬ ߛߊ߬ߙߊ ߘߌ߫ ߞߊ߬ߡߊߛߐ߬ߘߐ߲߫ ߊ߬ߟߎ߫ ߕߘߍ߬ ߒ߬ ߠߊ߫ ߘߊ߬ߟߎ ߟߎ߬ ߡߊߛߐ߬ߛߐ ߡߍ߲ ߞߍ߫ ߟߊ߫
Surah Fussilat, Verse 28
وَقَالَ ٱلَّذِينَ كَفَرُواْ رَبَّنَآ أَرِنَا ٱلَّذَيۡنِ أَضَلَّانَا مِنَ ٱلۡجِنِّ وَٱلۡإِنسِ نَجۡعَلۡهُمَا تَحۡتَ أَقۡدَامِنَا لِيَكُونَا مِنَ ٱلۡأَسۡفَلِينَ
ߓߊ߲߬ߓߊ߮ ߟߎ߬ ߘߴߊ߬ ߝߐ߫ ߞߏ߫ ߊ߲ ߡߊ߰ߙߌ ߸ ߡߍ߲ ߠߎ߫ ߝߌ߬ߟߊ ߞߵߊ߲ ߠߊߝߌ߬ߟߌ߫ ߥߐ߬ߞߎߟߐ ߟߎ߬ ߣߌ߫ ߡߐ߱ ߟߎ߬ ߘߐ߫ ߸ ߏ߬ ߟߎ߫ ߦߌ߬ߘߵߊ߲ ߠߊ߫ ߞߟߋ߫ ߸ ߒ߬ ߧߴߏ߬ ߟߎ߬ ߟߴߊ߲ ߛߋ߲߬ ߞߘߐ߫ ߸ ߖߐ߲߰ߛߴߊ߬ߟߎ߬ ߘߌ߫ ߞߍ߫ ߘߎ߰ߟߊ߬ߕߊ ߟߎ߬ ߘߏ߫ ߘߌ߫
Surah Fussilat, Verse 29
إِنَّ ٱلَّذِينَ قَالُواْ رَبُّنَا ٱللَّهُ ثُمَّ ٱسۡتَقَٰمُواْ تَتَنَزَّلُ عَلَيۡهِمُ ٱلۡمَلَـٰٓئِكَةُ أَلَّا تَخَافُواْ وَلَا تَحۡزَنُواْ وَأَبۡشِرُواْ بِٱلۡجَنَّةِ ٱلَّتِي كُنتُمۡ تُوعَدُونَ
ߖߊ߯ߕߋ߬ ߸ ߡߍ߲ ߠߎ߫ ߞߵߊ߬ ߝߐ߫ ߞߏ߫ ߊ߲ ߡߊ߰ߙߌ ߟߋ߬ ߊߟߊ߫ ߘߌ߫ ߸ ߊ߬ߟߎ߬ ߓߊ߲߫ ߘߊ߫ ߞߵߊ߬ߟߎ߬ ߕߋߟߋ߲߫ ߸ ߡߟߍ߬ߞߊ ߟߎ߬ ߦߋ߫ ߕߏ߫ ߟߊ߫ ߖߌ߰ ߟߴߏ߬ ߟߎ߫ ߟߋ߫ ߡߊ߬ ߸ ߞߏ߫ ߊߟߎ߫ ߞߊߣߊ߬ ߛߌߟߊ߲߫ ߸ ߊߟߎ߫ ߞߊߣߊ߫ ߛߎ߬ߣߎ߲߬ ، ߊߟߎ߫ ߛߍߥߊ߫ ߟߋ߬ ߡߍ߲ߘߌߦߊ ߣߊߞߐ ߟߊ߫ ߸ ߊߟߎ߫ ߕߘߍ߬ ߦߟߌߡߊߘߌߦߊ߫ ߟߊ߫ ߡߍ߲ ߠߊ߫
Surah Fussilat, Verse 30
نَحۡنُ أَوۡلِيَآؤُكُمۡ فِي ٱلۡحَيَوٰةِ ٱلدُّنۡيَا وَفِي ٱلۡأٓخِرَةِۖ وَلَكُمۡ فِيهَا مَا تَشۡتَهِيٓ أَنفُسُكُمۡ وَلَكُمۡ فِيهَا مَا تَدَّعُونَ
ߒ߬ߠߎ߫ ߟߵߊߟߎ߫ ߢߌ߲߭ ߠߎ߬ ߘߌ߫ ߘߎߢߊ߫ ߢߣߊߡߦߊ ߘߐ߫ ߸ ߊ߬ ߣߌ߫ ߟߊߞߌߙߊ߫ ߝߣߊ߫ ߘߐ߫ ، ߊߟߎ߫ ߣߌ ߛߊ߬ߥߏ߬ߣߊ߲߬ ߝߋ߲ ߠߎ߬ ߦߴߊߟߎ߫ ߢߍ߫ ߦߋ߲߬ ، ߊߟߎ߫ ߟߊ߫ ߝߋ߲߫ ߡߊߞߟߌߕߊ ߟߎ߬ ߝߣߊ߫ ߦߴߊߟߎ߫ ߢߍ߫ ߦߋ߲߬
Surah Fussilat, Verse 31
نُزُلٗا مِّنۡ غَفُورٖ رَّحِيمٖ
ߏ߬ ߦߋ߫ ߢߍߛߌ߯ ߟߋ߬ ߘߌ߫ ߞߊ߬ ߝߘߊ߫ ( ߡߊ߰ߙߌ߫ ) ߦߝߊ߬ߟߊ߫ ߤߌߣߟߊ ߟߊ߫
Surah Fussilat, Verse 32
وَمَنۡ أَحۡسَنُ قَوۡلٗا مِّمَّن دَعَآ إِلَى ٱللَّهِ وَعَمِلَ صَٰلِحٗا وَقَالَ إِنَّنِي مِنَ ٱلۡمُسۡلِمِينَ
ߖߍߣߍ߲ ߠߊ߫ ߞߎߡߊ ߢߌ߬ߡߊ߬ߓߊ ߦߋ߫ ߞߊ߬ ߕߊ߬ߡߌ߲߬ ߞߟߌߟߌߓߊ߮ ߞߊ߲߬ ߊߟߊ߫ ( ߞߏ ) ߡߊ߬ ߸ ߊ߬ ߞߊ߬ ߢߌ߬ߡߊ ߝߣߊ߫ ߞߍ߫ ߸ ߊ߬ ߣߴߊ߬ ߞߵߊ߬ ߝߐ߫ ߞߏ߫ ߒߠߋ ߦߋ߫ ߖߘߍ߬ߞߟߏ߬ߦߊ߬ߓߊ߮ ߟߎ߬ ߘߏ߫ ߟߋ߬ ߘߌ߫؟
Surah Fussilat, Verse 33
وَلَا تَسۡتَوِي ٱلۡحَسَنَةُ وَلَا ٱلسَّيِّئَةُۚ ٱدۡفَعۡ بِٱلَّتِي هِيَ أَحۡسَنُ فَإِذَا ٱلَّذِي بَيۡنَكَ وَبَيۡنَهُۥ عَدَٰوَةٞ كَأَنَّهُۥ وَلِيٌّ حَمِيمٞ
ߢߌ߬ߡߊ ߣߌ߫ ߖߎ߯ߡߊ߲ ߕߍ߫ ߞߢߊ߫ ، ߌߟߋ ߦߋ߫ ߟߊ߬ߕߎ߲߬ߕߎ߲߬ߠߌ߲ ߞߍ߫ ߞߍߢߊ߫ ߟߋ߫ ߡߊ߬ ߡߍ߲ ߞߊ߫ ߢߌ߲߬ ، ߘߊ߬ߡߊ߲߬ߛߊ߫ ߸ ߖߎ߯ߦߊ ߌ ߣߌ߫ ߡߍ߲ ߕߍ߫ ߸ ߏ߬ ( ߓߘߊ߫ ߞߍ߫ ) ߦߏ߫ ߢߌ߲߭ ߠߋ߬ ߸ ߓߊߘߋ߲ߡߊ߫ ߛߎߘߎ߲ ߠߋ߬
Surah Fussilat, Verse 34
وَمَا يُلَقَّىٰهَآ إِلَّا ٱلَّذِينَ صَبَرُواْ وَمَا يُلَقَّىٰهَآ إِلَّا ذُو حَظٍّ عَظِيمٖ
ߏ߬ ߕߍ߫ ߘߌ߫ ߡߐ߰ ߛߌ߫ ߡߊ߬ ߸ ߝߏ߫ ߡߍ߲ ߠߎ߫ ߡߎ߬ߢߎ߲߬ߣߍ߲߫ ، ߊ߬ ߜߎ ߕߍ߫ ߘߌ߫ ߡߐ߰ ߛߌ߫ ߡߊ߬ ߝߏ߫ ߣߌ߬ߓߊ߬ ߕߌ߮ ߘߐߙߐ߲߫
Surah Fussilat, Verse 35
وَإِمَّا يَنزَغَنَّكَ مِنَ ٱلشَّيۡطَٰنِ نَزۡغٞ فَٱسۡتَعِذۡ بِٱللَّهِۖ إِنَّهُۥ هُوَ ٱلسَّمِيعُ ٱلۡعَلِيمُ
ߞߎߟߊߞߏߕߍ߫ ߣߌ߫ ߘߐ߬ߛߎ߬ߟߌ߬ߟߊ߫ ߞߵߌ ߘߐߛߎ߫ ߞߊ߬ ߝߘߊ߫ ߜߍ߬ߘߍ ߟߊ߫ ߸ ߌ ߦߋ߫ ߕߊ߲߬ߞߊ߬ ߟߊ߬ߢߌߣߌ߲ ߞߍ߫ ߊߟߊ߫ ߟߊ߫ ، ߓߊߏ߬ ߖߊ߯ߕߋ߬ ߸ ߏ߬ ߟߋ ߡߍ߲ߠߌ߲ߠߊ߫ ߟߐ߲ߠߌ߲ߠߊ ߘߌ߫
Surah Fussilat, Verse 36
وَمِنۡ ءَايَٰتِهِ ٱلَّيۡلُ وَٱلنَّهَارُ وَٱلشَّمۡسُ وَٱلۡقَمَرُۚ لَا تَسۡجُدُواْ لِلشَّمۡسِ وَلَا لِلۡقَمَرِ وَٱسۡجُدُواْۤ لِلَّهِۤ ٱلَّذِي خَلَقَهُنَّ إِن كُنتُمۡ إِيَّاهُ تَعۡبُدُونَ
ߊ߬ ߟߊ߫ ߕߐ߰ߡߊ߬ߛߙߋ ߟߎ߬ ߘߏ߫ ߟߋ߬ ߛߎ ߣߌ߫ ߕߟߋ߬ߘߐ߬ߟߊ ߣߌ߫ ߕߋ߬ߟߋ ߣߌ߫ ߞߊߙߏ ߘߌ߫ ، ߊߟߎ߫ ߞߊߣߊ߬ ߕߌ߲ߓߌߘߌ߲ ߞߍ߫ ߕߋ߬ߟߋ ߣߌ߫ ߞߊߙߏ ߦߋ߫ ߘߋ߬ ، ߊߟߎ߯ ߕߌ߲ߓߌߘߌ߲ ߞߍ߫ ߊߟߊ߫ ߟߋ߬ ߦߋ߫ ، ߏ߬ ߡߍ߲ ߞߵߏ߬ ߟߎ߬ ߘߊ߲߫ ߸ ߣߴߊ߬ ߕߘߍ߬ ߘߊ߫ ߊߟߎ߫ ߦߴߊ߬ߟߋ ߟߋ߫ ߓߊ߬ߕߏ߬ ߟߊ߫
Surah Fussilat, Verse 37
فَإِنِ ٱسۡتَكۡبَرُواْ فَٱلَّذِينَ عِندَ رَبِّكَ يُسَبِّحُونَ لَهُۥ بِٱلَّيۡلِ وَٱلنَّهَارِ وَهُمۡ لَا يَسۡـَٔمُونَ۩
ߒ߬ߓߊ߬ ߣߴߊߟߎ߫ ߞߵߊߟߎ߫ ߖߘߍ߬ߘߐߓߏ߲߬ߧߊ߫ ߘߏ߲߬ ߸ ( ߒ߬ߓߊ߬ ߡߟߍ߬ߞߊ ) ߡߍ߲ ߠߎ߬ ߦߴߌ ߡߊ߰ߙߌ ߕߍ߰ߟߊ ߘߐ߫ ߸ ߏ߬ ߟߎ߬ ߦߋ߫ ߛߊߣߌ߲ߧߊ߫ ߝߐ ߞߍ߫ ߟߴߊ߬ ߦߋ߫ ߛߎ ߣߌ߫ ߕߋ߬ߟߋ ߘߐ߫ ߸ ߟߐ߯ߓߐ߫ ߘߏ߲߬ ߕߴߏ߬ ߟߎ߫ ߛߐ߬ߘߐ߲߬ ߠߊ߫
Surah Fussilat, Verse 38
وَمِنۡ ءَايَٰتِهِۦٓ أَنَّكَ تَرَى ٱلۡأَرۡضَ خَٰشِعَةٗ فَإِذَآ أَنزَلۡنَا عَلَيۡهَا ٱلۡمَآءَ ٱهۡتَزَّتۡ وَرَبَتۡۚ إِنَّ ٱلَّذِيٓ أَحۡيَاهَا لَمُحۡيِ ٱلۡمَوۡتَىٰٓۚ إِنَّهُۥ عَلَىٰ كُلِّ شَيۡءٖ قَدِيرٌ
ߊ߬ ߟߊ߫ ߕߐ߰ߡߊ߬ߛߙߋ ߟߎ߬ ߘߏ߫ ߟߋ߬ ߸ ߌߟߋ ߦߋ߫ ߘߎ߱ ߖߊ߬ߣߍ߲ ߦߋ߫ ߞߛߍߞߛߍ߫ ، ߒ߬ߓߊ߬ ߣߴߊ߲ ߞߊ߬ ߖߌ ߟߊߖߌ߰ ߊ߬ ߞߊ߲߬ ߛߊ߫ ߸ ߊ߬ ߘߌ߫ ߟߊߡߊ߰ߡߊ߰ ߞߊ߬ ߝߎߣߎ߲߫ ، ߒ߬ߓߊ߬ ߡߍ߲ ߠߵߏ߬ ߟߊߣߌߡߦߊ߫ ߟߊ߫ ߏ߬ ߘߌ߫ ߖߐ߫ ߸ ߏ߬ ߟߋ ߛߎ߭ ߟߎ߬ ߟߊߣߌߡߦߊߓߊ߮ ߘߌ߫ ، ߏ߬ ߟߋ ߘߏ߲߬ ߛߋ߫ ߟߊ߫ ߞߏ ߓߍ߯ ߟߊ߫
Surah Fussilat, Verse 39
إِنَّ ٱلَّذِينَ يُلۡحِدُونَ فِيٓ ءَايَٰتِنَا لَا يَخۡفَوۡنَ عَلَيۡنَآۗ أَفَمَن يُلۡقَىٰ فِي ٱلنَّارِ خَيۡرٌ أَم مَّن يَأۡتِيٓ ءَامِنٗا يَوۡمَ ٱلۡقِيَٰمَةِۚ ٱعۡمَلُواْ مَا شِئۡتُمۡ إِنَّهُۥ بِمَا تَعۡمَلُونَ بَصِيرٌ
ߡߍ߲ ߠߎ߬ ߦߴߊ߬ߟߎ߫ ߖߍ߲߬ߞߍ߬ ߟߊ߫ ߒ߬ ߠߊ߫ ߟߝߊߙߌ ߟߎ߫ ߡߊ߬ ߸ ߏ߬ ߟߎ߬ ߕߍ߫ ߘߏ߲߰ ߒ߬ ߡߊ߬ ߝߋߎ߫ ، ߦߊ߯ߟߊ߫ ߡߍ߲ ߠߊߝߟߌ߬ߕߐ߫ ߕߊ ߘߐ߫ ߸ ߏ߬ ߟߋ ߝߌ߬ߛߊ߫ ߓߊ߬ ߥߟߊ߫ ߡߍ߲ ߞߎ߲߬ߠߊ߬ߝߎߟߋ߲ߣߍ߲ ߣߊ߬ߕߐ߫ ߟߐ߬ߓߊ ߟߏ߲؟ ߸ ߒ߬ߓߊ߬ ߊߟߎ߫ ߦߴߊߟߎ߫ ߛߊ߬ߥߏ ߞߍ߫ ߝߛߊߦߌ߫ ، ‹ ߊߟߊ߫ › ߞߏ߬ߣߌ߲ ߢߊ߯ ߊߟߎ߫ ߗߋߥߊߟߌ ( ߟߎ߬ ) ߟߊ߫
Surah Fussilat, Verse 40
إِنَّ ٱلَّذِينَ كَفَرُواْ بِٱلذِّكۡرِ لَمَّا جَآءَهُمۡۖ وَإِنَّهُۥ لَكِتَٰبٌ عَزِيزٞ
ߖߊ߯ߕߋ߬ ߸ ߡߍ߲ ߠߎ߫ ߓߊ߲߬ߣߍ߲߫ ߞߊ߬ߥߊ߲߬ߘߌ ߘߐ߫ ߸ ߊ߬ ߣߊ߬ߣߍ߲ ߞߐ߫ ߊ߬ߟߎ߫ ߡߊ߬ ߸ ߊ߬ ߘߏ߲߬ ߦߋ߫ ߟߍߙߊ߫ ߘߐߜߍ߫ ߟߋ߬ ߘߌ߫ ߘߋ߬ ،
Surah Fussilat, Verse 41
لَّا يَأۡتِيهِ ٱلۡبَٰطِلُ مِنۢ بَيۡنِ يَدَيۡهِ وَلَا مِنۡ خَلۡفِهِۦۖ تَنزِيلٞ مِّنۡ حَكِيمٍ حَمِيدٖ
ߞߊ߬ߙߏ߲ ߕߍ߫ ߣߵߊ߬ ߡߊ߬ ߝߋߎ߫ ߞߊ߬ ߓߐ߫ ߊ߬ ߢߍߕߐ ߣߴߊ߬ ߞߕߐ ߘߐ߫ ، ߊ߬ ߟߊߖߌ߰ߟߌ ߝߘߊߣߍ߲߫ ߥߘߋ߬ߥߘߋ߬ߟߌ߬ߟߊ߫ ߕߊ߲߬ߘߏ߬ߕߊ ߟߋ߬ ߟߊ߫
Surah Fussilat, Verse 42
مَّا يُقَالُ لَكَ إِلَّا مَا قَدۡ قِيلَ لِلرُّسُلِ مِن قَبۡلِكَۚ إِنَّ رَبَّكَ لَذُو مَغۡفِرَةٖ وَذُو عِقَابٍ أَلِيمٖ
ߝߏߦߌ߬ ߕߍ߫ ߝߐ߫ ߌߟߋ ߡߊ߬ ߸ ߝߏ߫ ߡߍ߲ ߝߐߣߍ߲߫ ߞߋߟߊ߫ ߜߘߍ ߟߎ߫ ߡߊ߬ ߌߟߋ ߢߍ߫ ߞߘߐ߬ߡߊ߲߫ ، ߓߊ߬ߙߌ߬ ߖߊ߯ߕߋ߬ ߸ ߌ ߡߊ߰ߙߌ ߟߋ߫ ߦߝߊ߬ߟߌ ߕߌ߱ ߘߌ߫ ، ߊ߬ߟߋ ߟߋ߫ ߓߌ߲߬ߓߊ߬ߏ߬ ߘߌߡߌ߲ߣߍ߲ ߕߌ߱ ( ߝߣߊ߫ ) ߘߌ߫
Surah Fussilat, Verse 43
وَلَوۡ جَعَلۡنَٰهُ قُرۡءَانًا أَعۡجَمِيّٗا لَّقَالُواْ لَوۡلَا فُصِّلَتۡ ءَايَٰتُهُۥٓۖ ءَا۬عۡجَمِيّٞ وَعَرَبِيّٞۗ قُلۡ هُوَ لِلَّذِينَ ءَامَنُواْ هُدٗى وَشِفَآءٞۚ وَٱلَّذِينَ لَا يُؤۡمِنُونَ فِيٓ ءَاذَانِهِمۡ وَقۡرٞ وَهُوَ عَلَيۡهِمۡ عَمًىۚ أُوْلَـٰٓئِكَ يُنَادَوۡنَ مِن مَّكَانِۭ بَعِيدٖ
ߊ߲ ߕߎ߲߬ ߓߊ߯ ߣߌ߲߬ ߞߍ߫ ߘߐ߬ߛߊߙߌ ߘߌ߫ ߘߐ߬ߞߎߙߊ߲ ߘߏ߫ ߘߐ߫ ߸ ߊ߬ߟߎ߫ ߕߎ߲߬ ߘߴߊ߬ ߝߐ߫ ߞߏ߫ ߥߟߊߞߏ߫ ߊ߬ ߟߝߊߙߌ ߟߎ߫ ߕߎ߲߬ ߦߋ߫ ߕߐ߬ߝߍ߬ߦߊ߫ ، ߞߏ߬ߣߌ߲߬ ߋ߫ ߸ ߞߎ߬ߙߊ߲߬ߓߊ߰ ߞߊ߲ ߣߌ߫ ߊ߬ߙߊ߬ߓߎ߬ ߞߍ߫؟ ، ߊ߬ߟߎ߫ ߖߋ߬ߓߌ߬ ߞߏ߫ ߊ߬ ߦߋ߫ ߞߊ߲ߘߦߊ ߣߌ߫ ߞߍ߲ߘߍߦߊ ߘߌ߫ ߘߍ߲߬ߞߣߍ߬ߦߊ߬ߓߊ߮ ߟߎ߫ ߟߋ߬ ߦߋ߫ ، ߓߊ߬ߙߌ߬ ߡߍ߲ ߠߎ߬ ߕߍ߫ ߘߍ߲߬ߞߣߍ߬ߦߊ߬ ߟߊ߫ ߸ ߜߋߘߋ߲ߟߊ߲ ߠߴߏ߬ ߟߎ߬ ߕߟߏ ߟߎ߬ ߟߊ߫ ߸ ߒ߬ߓߵߊ߬ ߦߴߏ߬ ߟߎ߫ ߟߋ߫ ߡߊ߬ ߝߎߦߋ߲ߦߊ ߘߌ߫ ، ߏ߬ ߟߎ߫ ߟߋ߫ ߘߏ߲߬ ߦߋ߫ ߜߋߟߋ߲ߜߋߟߋ߲߫ ߠߊ߫ ߦߙߐ߫ ߖߊ߲ ߘߐ߫ ( ߕߟߏߜߋߘߋ߲ ߞߟߌ߫ ߢߊ ߡߊ߬)
Surah Fussilat, Verse 44
وَلَقَدۡ ءَاتَيۡنَا مُوسَى ٱلۡكِتَٰبَ فَٱخۡتُلِفَ فِيهِۚ وَلَوۡلَا كَلِمَةٞ سَبَقَتۡ مِن رَّبِّكَ لَقُضِيَ بَيۡنَهُمۡۚ وَإِنَّهُمۡ لَفِي شَكّٖ مِّنۡهُ مُرِيبٖ
ߖߊ߯ߕߋ߬ ߸ ߊ߲ ߞߊ߬ ߡߎߛߊ߫ ߛߐ߫ ߟߍߙߊ ߟߊ߫ ، ߓߊ߬ߙߌ߬ ߊ߬ߟߎ߫ ߞߊ߬ ߢߐ߲߮ ߛߐ߬ߛߐ߫ ߏ߬ ߘߐ߫ ، ߣߌ߫ ߞߎߡߊ ߘߏ߲߬ ߞߐ߲߰ߣߍ߲ ߕߍ߫ ߞߊ߬ ߝߊߘߴߌ ߡߊ߰ߙߌ ߟߊ߫ ߸ ߞߕߌ ߕߎ߲߬ ߘߌ߫ ߕߍ߰ ߊ߬ߟߎ߬ ߕߍ߫ ( ߘߎߢߊ߫ ߘߐ߫ ) ، ߊ߬ߟߎ߫ ߘߏ߲߬ ߦߋ߫ ߛߌߞߊ ߟߋ߫ ߞߊ߲߬ ߊ߬ ߞߏߢߊ ߘߐ߫ ߕߋ߲߬ ߛߌߞߊ߫
Surah Fussilat, Verse 45
مَّنۡ عَمِلَ صَٰلِحٗا فَلِنَفۡسِهِۦۖ وَمَنۡ أَسَآءَ فَعَلَيۡهَاۗ وَمَا رَبُّكَ بِظَلَّـٰمٖ لِّلۡعَبِيدِ
ߡߍ߲ ߓߊ߯ ߢߌ߬ߡߊ߬ ߞߍ߫ ߸ ߏ߬ ߦߴߏ߬ ߞߍ߫ ߟߴߊ߬ ߖߍ߬ߘߍ߫ ߟߋ߬ ߦߋ߫ ، ߡߍ߲ ߘߏ߲߬ ߓߊ߯ ߖߎ߯ߡߊ߲߫ ߞߍ߫ ߸ ߏ߬ ߦߴߏ߬ ߞߍ߫ ߟߴߊ߬ ߖߍ߬ߘߍ߫ ߟߋ߬ ߟߊ߫ ، ߌ ߡߊ߰ߙߌ ߞߏ߬ߣߌ߲߬ ߕߍ߫ ߓߊ߰ ߟߊ߫ ߖߐ߲߭ ߠߎ߫ ߡߊ߬ ߘߋ߬
Surah Fussilat, Verse 46
۞إِلَيۡهِ يُرَدُّ عِلۡمُ ٱلسَّاعَةِۚ وَمَا تَخۡرُجُ مِن ثَمَرَٰتٖ مِّنۡ أَكۡمَامِهَا وَمَا تَحۡمِلُ مِنۡ أُنثَىٰ وَلَا تَضَعُ إِلَّا بِعِلۡمِهِۦۚ وَيَوۡمَ يُنَادِيهِمۡ أَيۡنَ شُرَكَآءِي قَالُوٓاْ ءَاذَنَّـٰكَ مَامِنَّا مِن شَهِيدٖ
ߟߐ߬ߓߊ ߟߐ߲ߠߌ߲ ߦߋ߫ ߟߊߛߊ߬ߦߌ߬ ߟߴߊ߬ߟߋ ߟߋ߫ ߡߊ߬ ، ߦߙߌߘߋ߲߫ ߛߌ߫ ߕߍ߫ ߓߐ߫ ߊ߬ ߝߏ߬ߟߏ߲ ߞߣߐ߫ ߸ ߡߛߏ߬ߡߊ߲߬ ߕߍ߫ ߞߣߐ߫ ߕߊ߬ ߸ ߊ߬ ߘߏ߲߬ ߕߍ߫ ߡߏߦߌ߫ ߸ ߝߴߏ߬ ߦߋ߫ ߞߍ߫ ߊ߬ ߟߊ߫ ߟߐ߲ߠߌ߲ ߠߋ߬ ߟߊ߫ ، ߒ߬ߓߵߊ߬ ߦߴߊ߬ߟߎ߬ ߞߟߌ߫ ߟߊ߫ ߟߏ߲ ߡߍ߲ ߸ ߞߏ߫ ߒ ߜߙߊ߬ߢߐ߲߮ ߠߎ߬ ߦߋ߫ ߡߌ߲߫؟ ߸ ߊ߬ߟߎ߬ ߘߴߊ߬ ߝߐ߫ ߞߏ߫ ߊ߲ ߧߴߌ ߟߊߟߐ߲ߠߌ߲߫ ߠߊ߫ ߸ ߒ ߞߏ߫ ߛߙߋ߫ ߛߌ߫ ߕߍ߫ ߒ߬ߠߎ߬ ߘߐ߫
Surah Fussilat, Verse 47
وَضَلَّ عَنۡهُم مَّا كَانُواْ يَدۡعُونَ مِن قَبۡلُۖ وَظَنُّواْ مَا لَهُم مِّن مَّحِيصٖ
(ߘߊ߬ߡߊ߲߬ߛߊ߫ ) ߝߋ߲ ߠߎ߬ ߘߌ߫ ߕߎߣߎ߲߫ ߊ߬ߟߎ߫ ߡߊ߬ ߸ ߊ߬ߟߎ߫ ߕߘߍ߬ ߡߍ߲ ߠߎ߬ ߞߟߌ߫ ߟߊ߫ ߞߘߐ߬ߡߊ߲߫ ، ߊ߬ ߣߴߊ߬ߟߎ߬ ߘߴߊ߬ ߖߌ߰ ߞߏ߫ ߓߏ߬ߙߌ߬ ߦߙߐ߫ ߕߍ߫ ߊ߬ߟߎ߬ ߟߊ߫ ߡߎ߬ߕߎ߲߫ ߠߋ߬ ߘߍ߯
Surah Fussilat, Verse 48
لَّا يَسۡـَٔمُ ٱلۡإِنسَٰنُ مِن دُعَآءِ ٱلۡخَيۡرِ وَإِن مَّسَّهُ ٱلشَّرُّ فَيَـُٔوسٞ قَنُوطٞ
ߤߙߊ ߡߊߞߟߌ ߕߍ߫ ߟߐ߯ߓߐ߫ ߟߊ߫ ߡߐ߱ ߟߊ߫ ، ߣߌ߫ ߖߎ߯ߡߊ߲߫ ߠߋ߫ ߡߊ߰ ߘߴߊ߬ ߟߊ߫ ߸ ߊ߬ ߘߌ߫ ߖߌ߰ߕߍ߰ ߥߘߊߎ߲߫
Surah Fussilat, Verse 49
وَلَئِنۡ أَذَقۡنَٰهُ رَحۡمَةٗ مِّنَّا مِنۢ بَعۡدِ ضَرَّآءَ مَسَّتۡهُ لَيَقُولَنَّ هَٰذَا لِي وَمَآ أَظُنُّ ٱلسَّاعَةَ قَآئِمَةٗ وَلَئِن رُّجِعۡتُ إِلَىٰ رَبِّيٓ إِنَّ لِي عِندَهُۥ لَلۡحُسۡنَىٰۚ فَلَنُنَبِّئَنَّ ٱلَّذِينَ كَفَرُواْ بِمَا عَمِلُواْ وَلَنُذِيقَنَّهُم مِّنۡ عَذَابٍ غَلِيظٖ
ߣߴߊ߲ ߘߏ߲߬ ߞߵߊ߬ ߛߎ߲߬ߛߎ߲߫ ߒ߬ ߠߊ߫ ߤߌߣߊ ߘߏ߫ ߟߊ߫ ߡߊ߲߬ߕߙߐ ߡߊ߰ߣߍ߲ ߞߐ߫ ߊ߬ ߟߊ߫ ߸ ߊ߬ ߘߴߊ߬ ߝߐ߫ ߞߏ߫ ߐ߲߬ߤߐ߲߮ ߖߐ߫ ߸ ߣߌ߲߬ ߦߋ߫ ߒߠߋ ߞߎ߲߬ߢߊ ߟߋ߬ ߘߌ߫ ، ߒ ߘߏ߲߬ ߦߟߌ߫ ߕߍ߫ ߟߐ߬ߓߊ ߟߐ߬ ߞߏ ߟߊ߫ ߝߋߎ߫ ، ߤߊߟߌ߬ ߒ ߘߏ߲߬ ߟߊߛߊ߬ߦߌ߬ ߘߊ߫ ߒ ߡߊ߰ߙߌ ߡߊ߬ ߸ ߢߌ߬ߡߊ ߟߋ߬ ߒ ߢߍ߫ ߊ߬ ߓߘߊ ߦߋ߲߬ ، ߒ߬ߓߊ߬ ߛߋߚߋ߫ ߸ ߊ߲ ߓߍߣߊ߬ ߓߊ߲߬ߓߊ߮ ߟߎ߬ ߗߋߥߊߟߌ ߟߎ߬ ߖߐ߲ ߠߊߓߐ߫ ߊ߬ߟߎ߫ ߡߊ߬ ، ߊ߬ ߣߴߊ߲ ߓߍߣߵߊ߬ߟߎ߬ ߡߊߜߏ߬ߙߏ߫ ߖߊ߲߰ߞߕߊ߬ ߘߐ߬ߜߌߟߌ߲ ߘߏ߫ ߟߊ߫ ߟߋ߬ ߘߍ߯
Surah Fussilat, Verse 50
وَإِذَآ أَنۡعَمۡنَا عَلَى ٱلۡإِنسَٰنِ أَعۡرَضَ وَنَـَٔا بِجَانِبِهِۦ وَإِذَا مَسَّهُ ٱلشَّرُّ فَذُو دُعَآءٍ عَرِيضٖ
ߣߴߊ߲ ߞߊ߬ ߣߍߡߊ߫ ߡߐ߰ߣߍ߲ ߡߊ߬ ߸ ߊ߬ ߘߴߊ߬ ߞߐߘߏ߲߬ ߞߵߊ߬ ߖߍ߲߬ߞߍ߫ ߊ߬ ߝߊ߲߬ ߞߋߟߋ߲ ߞߊ߲߬ ، ߣߌ߫ ߖߎ߯ߡߊ߲߫ ߘߏ߲߬ ߡߊ߰ ߘߴߊ߬ ߟߊ߫ ߸ ߊ߬ ߘߌ߫ ߞߍ߫ ߕߌ߲ߞߌ߫ ߛߌߦߊߡߊ߲߫ ߕߌ߮ ߘߌ߫
Surah Fussilat, Verse 51
قُلۡ أَرَءَيۡتُمۡ إِن كَانَ مِنۡ عِندِ ٱللَّهِ ثُمَّ كَفَرۡتُم بِهِۦ مَنۡ أَضَلُّ مِمَّنۡ هُوَ فِي شِقَاقِۭ بَعِيدٖ
ߊ߬ ߝߐ߫ ߞߏ߫ ߐ߲߬ߤߐ߲߫ ߸ ߣߴߊ߬ ߕߘߍ߬ ߘߊ߫ ߛߋߚߋ߫ ߞߏ߫ ߊ߬ ߓߐߣߍ߲߫ ߊߟߊ߫ ߓߘߊ ߟߋ߬ ߸ ߊߟߎ߫ ߘߏ߲߬ ߓߘߊ߫ ߓߊ߲߫ ߞߵߊߟߎ߫ ߓߊ߲߬ ߊ߬ ߡߊ߬ ، ߖߍߣߍ߲ ߝߟߌ߬ߣߍ߲߫ ߏ߬ ߘߐ߫ ߞߊ߬ ߕߊ߬ߡߌ߲߬ ߡߐ߱ ߟߊ߫ ߸ ߡߍ߲ ߦߋ߫ ߛߐ߬ߛߐ߬ߟߌ߫ ߞߎ߲߬ߘߐ߬ߖߊ߲ ߘߐ߫؟
Surah Fussilat, Verse 52
سَنُرِيهِمۡ ءَايَٰتِنَا فِي ٱلۡأٓفَاقِ وَفِيٓ أَنفُسِهِمۡ حَتَّىٰ يَتَبَيَّنَ لَهُمۡ أَنَّهُ ٱلۡحَقُّۗ أَوَلَمۡ يَكۡفِ بِرَبِّكَ أَنَّهُۥ عَلَىٰ كُلِّ شَيۡءٖ شَهِيدٌ
ߛߋߚߋ߫ ߒ߬ ߘߌߣߊ߬ ߒ߬ ߠߊ߫ ߘߊ߬ߟߎ ߟߎ߫ ߦߌ߬ߘߴߊ߬ߟߎ߬ ߟߊ߫ ߢߊߡߌߟߏ ߟߎ߬ ߘߐ߫ ߸ ߊ߬ ߣߴߊ߬ߟߎ߫ ߖߘߍ߬ߞߎ߲ ߠߎ߬ ߘߐ߫ ߸ ߝߏ߫ ߊ߬ ߦߋ߫ ߘߐߞߣߍ߫ ߊ߬ߟߎ߫ ߡߊ߬ ߸ ߞߏ߫ ‹ ߞߎ߬ߙߊ߬ߣߊ› ߦߋ߫ ߕߎ߬ߢߊ ߟߋ߬ ߘߌ߫ ، ߊ߬ ߕߍ߫ ߥߛߊ߬ ߞߍ߫ ߌ ߡߊ߰ߙߌ߬ ߞߏ ߘߐ߫ ߓߊ߬ ߞߏ߫ ߊ߬ߟߋ ߟߋ߬ ߞߏ ߓߍ߯ ߛߙߋ ߘߌ߫؟
Surah Fussilat, Verse 53
أَلَآ إِنَّهُمۡ فِي مِرۡيَةٖ مِّن لِّقَآءِ رَبِّهِمۡۗ أَلَآ إِنَّهُۥ بِكُلِّ شَيۡءٖ مُّحِيطُۢ
ߞߏ߬ߞߏ߫ ߊ߬ߟߎ߬ ߦߴߊ߬ߟߎ߫ ߡߊ߰ߙߌ ߓߍ߲߬ߢߐ߲߰ߦߊ߬ ߞߏ ߛߌߞߊ ߟߋ߬ ߘߐ߫ ߞߍ߬؟ ، ߞߏ߬ߞߏ߫ ߏ߬ ߟߋ ߘߏ߲߬ ߞߍߣߍ߲߫ ߞߍ߬ ߞߊ߬ ߝߋ߲ ߓߍ߯ ߟߊߝߏ߬ ߔߘߋߞߎ߬؟
Surah Fussilat, Verse 54