Surah Al-Ahqaf - Kendayan Translation by Unknown
حمٓ
Hā M³m
Surah Al-Ahqaf, Verse 1
تَنزِيلُ ٱلۡكِتَٰبِ مِنَ ٱللَّهِ ٱلۡعَزِيزِ ٱلۡحَكِيمِ
Kitab nian dituruntatn dari Allah nang maha pakasa, maha bijaksana
Surah Al-Ahqaf, Verse 2
مَا خَلَقۡنَا ٱلسَّمَٰوَٰتِ وَٱلۡأَرۡضَ وَمَا بَيۡنَهُمَآ إِلَّا بِٱلۡحَقِّ وَأَجَلٖ مُّسَمّٗىۚ وَٱلَّذِينَ كَفَرُواْ عَمَّآ أُنذِرُواْ مُعۡرِضُونَ
Kami nana’ nyiptaatn langit man bumi man ahe nang ada ka’ antara kaduanya malaintatn nang (tujuh) nang banar man dalapm waktu nang di tantuatn, namun urakng-urakng nang kafir bapaliing dari paringatatn nang dibare’atn ka’ iaka’koa
Surah Al-Ahqaf, Verse 3
قُلۡ أَرَءَيۡتُم مَّا تَدۡعُونَ مِن دُونِ ٱللَّهِ أَرُونِي مَاذَا خَلَقُواْ مِنَ ٱلۡأَرۡضِ أَمۡ لَهُمۡ شِرۡكٞ فِي ٱلسَّمَٰوَٰتِۖ ٱئۡتُونِي بِكِتَٰبٖ مِّن قَبۡلِ هَٰذَآ أَوۡ أَثَٰرَةٖ مِّنۡ عِلۡمٍ إِن كُنتُمۡ صَٰدِقِينَ
Kataatnlah (Muhammad), “tarangkatnlah (ka’ aku) tantang ahe nang kao sambah salain Allah, tele’atnlah ka’ aku ahe nang udah iaka’koa ciptaatn dari bumi, nto’ ada ke’ ikut sarata iaka’koa dalapm (dalapm panciptaatn langit ) incaknglah ka’ aku kitab nang sanape’ (Al-Quran) nian ato’ paniggalatn dari p angatahuatn (urakng- urakng de’e). kade’ kita’ urakng-urakng nang banar”
Surah Al-Ahqaf, Verse 4
وَمَنۡ أَضَلُّ مِمَّن يَدۡعُواْ مِن دُونِ ٱللَّهِ مَن لَّا يَسۡتَجِيبُ لَهُۥٓ إِلَىٰ يَوۡمِ ٱلۡقِيَٰمَةِ وَهُمۡ عَن دُعَآئِهِمۡ غَٰفِلُونَ
Man sae ke’ nang labih sasat dari pada urakng-urakng nang manyambah salain Allah. (sasambahatn) nang nana’ dapat ngabulatn (do’a) nya sampe’ ka’ ari kiamat, man iaka’koa lale dari (mamparatiatn) do’a iaka’koa
Surah Al-Ahqaf, Verse 5
وَإِذَا حُشِرَ ٱلنَّاسُ كَانُواْ لَهُمۡ أَعۡدَآءٗ وَكَانُواْ بِعِبَادَتِهِمۡ كَٰفِرِينَ
Man kade’ talino dikumpulatn (pada ari kiamat). Sasambahatn koa manjaji munsuh iaka’koa. Man ngingkari’ pamujaatn- pamujaatn nang iaka’koa lakuatn ka’ ia
Surah Al-Ahqaf, Verse 6
وَإِذَا تُتۡلَىٰ عَلَيۡهِمۡ ءَايَٰتُنَا بَيِّنَٰتٖ قَالَ ٱلَّذِينَ كَفَرُواْ لِلۡحَقِّ لَمَّا جَآءَهُمۡ هَٰذَا سِحۡرٞ مُّبِينٌ
Man kade’ iaka’koa dibacaatn ayat-ayat kami nang jalas, urakng-urakng nang kafir bakata, katika kabanaratn koa atatng ka’ iaka’koa, “nian ialah seher nang nyata”
Surah Al-Ahqaf, Verse 7
أَمۡ يَقُولُونَ ٱفۡتَرَىٰهُۖ قُلۡ إِنِ ٱفۡتَرَيۡتُهُۥ فَلَا تَمۡلِكُونَ لِي مِنَ ٱللَّهِ شَيۡـًٔاۖ هُوَ أَعۡلَمُ بِمَا تُفِيضُونَ فِيهِۚ كَفَىٰ بِهِۦ شَهِيدَۢا بَيۡنِي وَبَيۡنَكُمۡۖ وَهُوَ ٱلۡغَفُورُ ٱلرَّحِيمُ
Bahkan iaka’koa bakata, “ia, (Muhammad) udah ngada-ngadaatn nya (Al-Quran),” kataatnlah, kade’ aku ngada-ngadaatnnya, maka kita’ nana’ kuasa saebetpun ngindaratn aku dari (azab) Allah, ia labih nau’an ahe nang kita’ kataatn tantang Al- Quran koa, cukuplah ia manjadi saksi antara aku man kita’. Ia maha pangampon, maha panyayang
Surah Al-Ahqaf, Verse 8
قُلۡ مَا كُنتُ بِدۡعٗا مِّنَ ٱلرُّسُلِ وَمَآ أَدۡرِي مَا يُفۡعَلُ بِي وَلَا بِكُمۡۖ إِنۡ أَتَّبِعُ إِلَّا مَا يُوحَىٰٓ إِلَيَّ وَمَآ أَنَا۠ إِلَّا نَذِيرٞ مُّبِينٞ
Kataatnlah (Muhammad), “aku buke’lah Rasul nang patama ka’ antara rasul-rasul, man aku nana’ nau’an ahe nang akan dipamuat tahadapku man tahadap kita’, aku nggelah mangikuti ahe nang diwahyuatn ka’ aku, man aku inggelah pambare’ paringatatn nang jalasa”
Surah Al-Ahqaf, Verse 9
قُلۡ أَرَءَيۡتُمۡ إِن كَانَ مِنۡ عِندِ ٱللَّهِ وَكَفَرۡتُم بِهِۦ وَشَهِدَ شَاهِدٞ مِّنۢ بَنِيٓ إِسۡرَـٰٓءِيلَ عَلَىٰ مِثۡلِهِۦ فَـَٔامَنَ وَٱسۡتَكۡبَرۡتُمۡۚ إِنَّ ٱللَّهَ لَا يَهۡدِي ٱلۡقَوۡمَ ٱلظَّـٰلِمِينَ
Kataatnlah, “mpahe pandapat kita’ kade’ sabanarnya (Al-Quran) nian atakng dari Allah, man kao nang ngingkari’nya. Padahal ada saurakng saksi dari Bani Israil801nang ngako’ (kabanaratn) nang sarupa mang (nang disabut dalapm) Al-Quran lalu ia baiman: kita’ nyombokngkatn diri’ sungguh Allah nana’ mare’ patunjuk ka’ urakng- urakng nang jalim”
Surah Al-Ahqaf, Verse 10
وَقَالَ ٱلَّذِينَ كَفَرُواْ لِلَّذِينَ ءَامَنُواْ لَوۡ كَانَ خَيۡرٗا مَّا سَبَقُونَآ إِلَيۡهِۚ وَإِذۡ لَمۡ يَهۡتَدُواْ بِهِۦ فَسَيَقُولُونَ هَٰذَآ إِفۡكٞ قَدِيمٞ
Man urakng-urakng nang kafir bakata ka’ urakng-urakng nang baiman, “sakiranya Al- Quran koa sasuatu nang baik, tantu iaka’koa nana’ pantas nolo’i’ kami (baiman) ka’ ia”.802 Tapi karana iaka’koa nana’ namu patunjuk mang ia, maka ia iaka’koa akan bakata, “nian ialah alok nang lama”
Surah Al-Ahqaf, Verse 11
وَمِن قَبۡلِهِۦ كِتَٰبُ مُوسَىٰٓ إِمَامٗا وَرَحۡمَةٗۚ وَهَٰذَا كِتَٰبٞ مُّصَدِّقٞ لِّسَانًا عَرَبِيّٗا لِّيُنذِرَ ٱلَّذِينَ ظَلَمُواْ وَبُشۡرَىٰ لِلۡمُحۡسِنِينَ
Man sanape’ (Al-Quran), koa udah ada kitab Musa sabage patunjuk man rahmat, man Al-Quran nian ialah kitab nang ngabanaratnnya dalapm bahasa arab nto’ mare’ paringatatn ka’ urakng-urakng nang jalim man mare’ kabar repo ka’ urakng- urakng nang babuat baik
Surah Al-Ahqaf, Verse 12
إِنَّ ٱلَّذِينَ قَالُواْ رَبُّنَا ٱللَّهُ ثُمَّ ٱسۡتَقَٰمُواْ فَلَا خَوۡفٌ عَلَيۡهِمۡ وَلَا هُمۡ يَحۡزَنُونَ
Sasungguhnya urakng-urakng nang bakata, “Tuhan kami ialah Allah,” laka’ koa iaka’koa tatap istiqamah,803 nana’ ada rasa koater ka’ iaka’koa, man ia nana’ (uga) basadih ati
Surah Al-Ahqaf, Verse 13
أُوْلَـٰٓئِكَ أَصۡحَٰبُ ٱلۡجَنَّةِ خَٰلِدِينَ فِيهَا جَزَآءَۢ بِمَا كَانُواْ يَعۡمَلُونَ
Iaka’koa para panghuni saruga, kakal ka’ dalapmnya. Sabage’ balasatn atas ahe nang udah iaka’koa karajaatn
Surah Al-Ahqaf, Verse 14
وَوَصَّيۡنَا ٱلۡإِنسَٰنَ بِوَٰلِدَيۡهِ إِحۡسَٰنًاۖ حَمَلَتۡهُ أُمُّهُۥ كُرۡهٗا وَوَضَعَتۡهُ كُرۡهٗاۖ وَحَمۡلُهُۥ وَفِصَٰلُهُۥ ثَلَٰثُونَ شَهۡرًاۚ حَتَّىٰٓ إِذَا بَلَغَ أَشُدَّهُۥ وَبَلَغَ أَرۡبَعِينَ سَنَةٗ قَالَ رَبِّ أَوۡزِعۡنِيٓ أَنۡ أَشۡكُرَ نِعۡمَتَكَ ٱلَّتِيٓ أَنۡعَمۡتَ عَلَيَّ وَعَلَىٰ وَٰلِدَيَّ وَأَنۡ أَعۡمَلَ صَٰلِحٗا تَرۡضَىٰهُ وَأَصۡلِحۡ لِي فِي ذُرِّيَّتِيٓۖ إِنِّي تُبۡتُ إِلَيۡكَ وَإِنِّي مِنَ ٱلۡمُسۡلِمِينَ
Man kami parentahatn ka’ talino agar babuat baik ka’ kadua urakng tuhanya, uwe’nya udah mabuntingangannya mang susah payah, man maranakkatnnya mang susah paya (uga’). Masa mabuntingannya sampe ngoannya salama talu puluh bulatn, sahingga kade’ ia (anak koa) udah aya’ man omor mancape’ ampat puluh tahutn, ia bado’a, “Oh Tuhanku, bare’lah aku patunjuk agar aku dapat nyukuri’ nikmat kita’ nang udah kita’ limpahatn ka’ aku man ka’ kadua urakng tuhaku, man agar aku dapat babauat kabakade’tn nang kita’ ridha’i’, man bare’lah aku kabaikatn nang akan mangalir sampe’ ka anak ucu’ku. Sungguh, akubatobat ka’ kita’ man sungguh, aku tamasok urakng muslim”
Surah Al-Ahqaf, Verse 15
أُوْلَـٰٓئِكَ ٱلَّذِينَ نَتَقَبَّلُ عَنۡهُمۡ أَحۡسَنَ مَا عَمِلُواْ وَنَتَجَاوَزُ عَن سَيِّـَٔاتِهِمۡ فِيٓ أَصۡحَٰبِ ٱلۡجَنَّةِۖ وَعۡدَ ٱلصِّدۡقِ ٱلَّذِي كَانُواْ يُوعَدُونَ
Iaka’koalah urakng-urakng nangkami tarima amal baiknya nang udah iaka’koa karajaatn, man (urakng-urakng) nang kami maafpatn kasalahatn-kasalahatnnya, (iaka’koa akan manjadi panghuni-panghuni saruga, koa janji nang banar nang udah di janjiatn ka’ iaka’koa)
Surah Al-Ahqaf, Verse 16
وَٱلَّذِي قَالَ لِوَٰلِدَيۡهِ أُفّٖ لَّكُمَآ أَتَعِدَانِنِيٓ أَنۡ أُخۡرَجَ وَقَدۡ خَلَتِ ٱلۡقُرُونُ مِن قَبۡلِي وَهُمَا يَسۡتَغِيثَانِ ٱللَّهَ وَيۡلَكَ ءَامِنۡ إِنَّ وَعۡدَ ٱللَّهِ حَقّٞ فَيَقُولُ مَا هَٰذَآ إِلَّآ أَسَٰطِيرُ ٱلۡأَوَّلِينَ
Man urakng nang bakata ka’ kadua urakng tuhanya, “Ah”804 ahe ke’ kao badua mamparingatatn ka’ aku bahwa’ aku akan dibangkitatn, padahal sangahe umat sanape’ ku udah balalu? Lalu kadua urakng tuhanya koa mamohon patolongan ka’ Allah (saraya bakata), “calaka kao, baimanlah! Sungguh janji Allah koa banar”. Lalu ia (anak koa) bakata, “Nian inggelah gesah urakng-urakng dee”
Surah Al-Ahqaf, Verse 17
أُوْلَـٰٓئِكَ ٱلَّذِينَ حَقَّ عَلَيۡهِمُ ٱلۡقَوۡلُ فِيٓ أُمَمٖ قَدۡ خَلَتۡ مِن قَبۡلِهِم مِّنَ ٱلۡجِنِّ وَٱلۡإِنسِۖ إِنَّهُمۡ كَانُواْ خَٰسِرِينَ
Iaka’koa urakng-urakng nang udah pasti takana katatapatn (azab) basama umat-umat dee sanape’ ia iaka’koa. Dari (golongan) Jin man talino. Ia iaka’koa ialah urakng-urakng nang rugi
Surah Al-Ahqaf, Verse 18
وَلِكُلّٖ دَرَجَٰتٞ مِّمَّا عَمِلُواْۖ وَلِيُوَفِّيَهُمۡ أَعۡمَٰلَهُمۡ وَهُمۡ لَا يُظۡلَمُونَ
Man satiap urakng namu tingkatatn sasue man ahe nang udah iaiaka’koa karajaatn, man agar Allah mancukupatn balasatn pabuatatn ia iaka’koa. Man ia iaka’koa nana’ dirugiatn
Surah Al-Ahqaf, Verse 19
وَيَوۡمَ يُعۡرَضُ ٱلَّذِينَ كَفَرُواْ عَلَى ٱلنَّارِ أَذۡهَبۡتُمۡ طَيِّبَٰتِكُمۡ فِي حَيَاتِكُمُ ٱلدُّنۡيَا وَٱسۡتَمۡتَعۡتُم بِهَا فَٱلۡيَوۡمَ تُجۡزَوۡنَ عَذَابَ ٱلۡهُونِ بِمَا كُنتُمۡ تَسۡتَكۡبِرُونَ فِي ٱلۡأَرۡضِ بِغَيۡرِ ٱلۡحَقِّ وَبِمَا كُنتُمۡ تَفۡسُقُونَ
Man (ingatlah) ka’ ari (katika) urakng- urakng kapir diadapatn ka’ naraka (saraya dikataatn ka’ iaka’koa), “kita’ udah ngabisatn (rajaki) nangbaik nto’ kaidupatn dunia kita’, man kita’ udah basanang-sanang (manikmati’)nya, maka pada ari nian kita’ dibalas mang ajab nang hina, man karana kita’ udah nyombongkatn diri’ ka’ muha dunia tanpa hak man karana kita’ udah fasik
Surah Al-Ahqaf, Verse 20
۞وَٱذۡكُرۡ أَخَا عَادٍ إِذۡ أَنذَرَ قَوۡمَهُۥ بِٱلۡأَحۡقَافِ وَقَدۡ خَلَتِ ٱلنُّذُرُ مِنۢ بَيۡنِ يَدَيۡهِ وَمِنۡ خَلۡفِهِۦٓ أَلَّا تَعۡبُدُوٓاْ إِلَّا ٱللَّهَ إِنِّيٓ أَخَافُ عَلَيۡكُمۡ عَذَابَ يَوۡمٍ عَظِيمٖ
Man ingatlah (Hud) kamar kapala kaum Ad, iakoa katika ia ngingatatn kaumnya tantang bukit-bukit paser, man sasungguhnya udah balalau sangahe urakng pamare’ paringatatn sanape’nya man saudahnya (mang bakata), “amelah kita’ nyambah salain Allah, aku sungguh koater nae kita’ ditimpa’ ajab ka’ ari nang aya’”
Surah Al-Ahqaf, Verse 21
قَالُوٓاْ أَجِئۡتَنَا لِتَأۡفِكَنَا عَنۡ ءَالِهَتِنَا فَأۡتِنَا بِمَا تَعِدُنَآ إِن كُنتَ مِنَ ٱلصَّـٰدِقِينَ
Iaka’koa manjawab, “ahe ke’ koa atakng ka’ kami nto’ mamalingkatn kami dari (manyambah) Tuhan-tuhan kami? Maka atangkatnlah ka’ kami siksa nang udah kao ancaman ka’ kami, kade’ kao tamasok urakng nang banar”
Surah Al-Ahqaf, Verse 22
قَالَ إِنَّمَا ٱلۡعِلۡمُ عِندَ ٱللَّهِ وَأُبَلِّغُكُم مَّآ أُرۡسِلۡتُ بِهِۦ وَلَٰكِنِّيٓ أَرَىٰكُمۡ قَوۡمٗا تَجۡهَلُونَ
Ia (hud) bakata, “sasungguhnya ilmu (tantang koa) ingge ka’ Allah, man aku (ingge) manyampeatn ka’ kita’ ahe nang di wahyuatn ka’ aku, tapi aku nele’ kita’ ialah kaum nang balaku bodoh”
Surah Al-Ahqaf, Verse 23
فَلَمَّا رَأَوۡهُ عَارِضٗا مُّسۡتَقۡبِلَ أَوۡدِيَتِهِمۡ قَالُواْ هَٰذَا عَارِضٞ مُّمۡطِرُنَاۚ بَلۡ هُوَ مَا ٱسۡتَعۡجَلۡتُم بِهِۦۖ رِيحٞ فِيهَا عَذَابٌ أَلِيمٞ
Maka katika iaka’koa nele’ azab koa barupa rahu’ (awan) nang manuju ka’ abah- abah iaka’koa, ia bakata, “nianlah rahu’ (awan) nang akan manuruntatn ujatn ka’ diri’! (buke’) tapi koalah azab nang kita’ minta agar di capatatn atakngnya, (iakoa) angin nang mangandung azab nang padih”
Surah Al-Ahqaf, Verse 24
تُدَمِّرُ كُلَّ شَيۡءِۭ بِأَمۡرِ رَبِّهَا فَأَصۡبَحُواْ لَا يُرَىٰٓ إِلَّا مَسَٰكِنُهُمۡۚ كَذَٰلِكَ نَجۡزِي ٱلۡقَوۡمَ ٱلۡمُجۡرِمِينَ
Nang ngancuratn sagala sasoatu mang parentah tuhannya, sahingga ia iaka’koa (kaum Ad) manjadi nana’ katele’atn agi’ (ka’ bumi) kacoali ingge (bakas-bakas) tampat badiapm ia iaka’koa. Ampakoalah kami mare’ balasatn ka’ kaum nang badosa
Surah Al-Ahqaf, Verse 25
وَلَقَدۡ مَكَّنَّـٰهُمۡ فِيمَآ إِن مَّكَّنَّـٰكُمۡ فِيهِ وَجَعَلۡنَا لَهُمۡ سَمۡعٗا وَأَبۡصَٰرٗا وَأَفۡـِٔدَةٗ فَمَآ أَغۡنَىٰ عَنۡهُمۡ سَمۡعُهُمۡ وَلَآ أَبۡصَٰرُهُمۡ وَلَآ أَفۡـِٔدَتُهُم مِّن شَيۡءٍ إِذۡ كَانُواْ يَجۡحَدُونَ بِـَٔايَٰتِ ٱللَّهِ وَحَاقَ بِهِم مَّا كَانُواْ بِهِۦ يَسۡتَهۡزِءُونَ
Man sungguh, kami udah manangguhatn kadudukatn iaka’koa (mang kamakmuratn kakuatatn) nang nape’ paranah kamibare’atn ka’ iaka’koa pandangaratn, panele’atn, man ati. Tapi pandangaratn, panele’atn man ati iaka’koa nana’ baguna saebetpun bagi ia iaka’koa, karana iaka’koa (salalu) mangingkari’ ayat-ayat Allah. Man (ancaman) azab nang dee iaka’koa paolo’- olo’atn udah ngipong iaka’koa
Surah Al-Ahqaf, Verse 26
وَلَقَدۡ أَهۡلَكۡنَا مَا حَوۡلَكُم مِّنَ ٱلۡقُرَىٰ وَصَرَّفۡنَا ٱلۡأٓيَٰتِ لَعَلَّهُمۡ يَرۡجِعُونَ
Man sungguh, udah kami binasaatn nagari- nagari ka’ sakitar kita’, man uga’ udah kami jalasatn baulang-ulang tanda-tanda (kaayaa’atn kami), agar iaka’koa malaking (batobat)
Surah Al-Ahqaf, Verse 27
فَلَوۡلَا نَصَرَهُمُ ٱلَّذِينَ ٱتَّخَذُواْ مِن دُونِ ٱللَّهِ قُرۡبَانًا ءَالِهَةَۢۖ بَلۡ ضَلُّواْ عَنۡهُمۡۚ وَذَٰلِكَ إِفۡكُهُمۡ وَمَا كَانُواْ يَفۡتَرُونَ
Maka ngahe (bahala-bahala man tuhan- tuhan) nang iaka’koa sambah salain Allah nto’ nyamakkatn diri (ka’ ia) nana’ dapat nolong iaka’koa? bahkan tuhan-tuhan koa udah ilang darinya iaka’koa, man koalah akibat kaalokatn iaka’koa man ahe nang de’e iaka’koa ada-adaatn
Surah Al-Ahqaf, Verse 28
وَإِذۡ صَرَفۡنَآ إِلَيۡكَ نَفَرٗا مِّنَ ٱلۡجِنِّ يَسۡتَمِعُونَ ٱلۡقُرۡءَانَ فَلَمَّا حَضَرُوهُ قَالُوٓاْ أَنصِتُواْۖ فَلَمَّا قُضِيَ وَلَّوۡاْ إِلَىٰ قَوۡمِهِم مُّنذِرِينَ
Man (ingatlah) katika kami adapatn ka’ kao (Muhammad) sarombongan Jin nang nangaratn (bacaan) Al-Quran, maka katika iaka’koa ngadiri’ (pambacaan) nya iaka’koa bakata, “badiapmlah kao! (Nto’ nangara- tnya) maka katika udah salase, iaka’koa kambali ka’ kaumnya (nto’) mare’ paringatatn”
Surah Al-Ahqaf, Verse 29
قَالُواْ يَٰقَوۡمَنَآ إِنَّا سَمِعۡنَا كِتَٰبًا أُنزِلَ مِنۢ بَعۡدِ مُوسَىٰ مُصَدِّقٗا لِّمَا بَيۡنَ يَدَيۡهِ يَهۡدِيٓ إِلَى ٱلۡحَقِّ وَإِلَىٰ طَرِيقٖ مُّسۡتَقِيمٖ
Iaka’koa bakata, “wahe kaum kami! Sungguh kami udah nangaratn kitab (Al-Quran) nang dituruntatn saudah Musa, manaratn (kitab- kitab) nang atakng sanape’nya, mambimbing ka’ kabanaratnnya, man ka’ maraga nang locor”
Surah Al-Ahqaf, Verse 30
يَٰقَوۡمَنَآ أَجِيبُواْ دَاعِيَ ٱللَّهِ وَءَامِنُواْ بِهِۦ يَغۡفِرۡ لَكُم مِّن ذُنُوبِكُمۡ وَيُجِرۡكُم مِّنۡ عَذَابٍ أَلِيمٖ
Wahe kaum kami! Tarima’lah (saruatn) urakng (Muhammad) nang nyaru’ ka’ Allah. man baimanlah ka’ Ia, Niscaya Ia akan mangamponi’ dosa kita’, man ngalapasatn kita’ dari azab nang padih
Surah Al-Ahqaf, Verse 31
وَمَن لَّا يُجِبۡ دَاعِيَ ٱللَّهِ فَلَيۡسَ بِمُعۡجِزٖ فِي ٱلۡأَرۡضِ وَلَيۡسَ لَهُۥ مِن دُونِهِۦٓ أَوۡلِيَآءُۚ أُوْلَـٰٓئِكَ فِي ضَلَٰلٖ مُّبِينٍ
Man barang sae nana’ narima’ (saruatn) urakng nang nyaru’ ka’ Allah (Muhammad) maka ia nana’ akan dapat ngalapasatn diri dari siksa Allah ka’ bumi, padahal nana’ ada panolong nto’nya salain Allah, iaka’koa barada dalapm kasasatatn nang nyata
Surah Al-Ahqaf, Verse 32
أَوَلَمۡ يَرَوۡاْ أَنَّ ٱللَّهَ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ وَلَمۡ يَعۡيَ بِخَلۡقِهِنَّ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰۚ بَلَىٰٓۚ إِنَّهُۥ عَلَىٰ كُلِّ شَيۡءٖ قَدِيرٞ
Man nana’ ke’ iaka’koa mamparatiatn bahwa’ sasungguhnya Allah nang nyiptaatn langit man bumi, man ia nana’ marasa payah karana nyiptaatnnya, man ia kuasa ngidupatn nang mati? Pakoalah. Sungguh, Ia kuasa atas sagala sasuatu
Surah Al-Ahqaf, Verse 33
وَيَوۡمَ يُعۡرَضُ ٱلَّذِينَ كَفَرُواْ عَلَى ٱلنَّارِ أَلَيۡسَ هَٰذَا بِٱلۡحَقِّۖ قَالُواْ بَلَىٰ وَرَبِّنَاۚ قَالَ فَذُوقُواْ ٱلۡعَذَابَ بِمَا كُنتُمۡ تَكۡفُرُونَ
Man (ingatlah) pada ari (katika) urakng- urakng nang kafir diadapatn ka’ naraka. (ia iaka’koa akan ditanya), “buke’ ke’ (azab) nian banar?” iaka’koa manjawab, “ya banar, dari tuhan kami”, Allah bafirman.. “maka rasaatnlah azab nian, karana dee kao mangingkari’nya”
Surah Al-Ahqaf, Verse 34
فَٱصۡبِرۡ كَمَا صَبَرَ أُوْلُواْ ٱلۡعَزۡمِ مِنَ ٱلرُّسُلِ وَلَا تَسۡتَعۡجِل لَّهُمۡۚ كَأَنَّهُمۡ يَوۡمَ يَرَوۡنَ مَا يُوعَدُونَ لَمۡ يَلۡبَثُوٓاْ إِلَّا سَاعَةٗ مِّن نَّهَارِۭۚ بَلَٰغٞۚ فَهَلۡ يُهۡلَكُ إِلَّا ٱلۡقَوۡمُ ٱلۡفَٰسِقُونَ
Maka basabarlah kao (Muhammad) sabage mae kasabaratn rasul-rasul nang mamiliki ati, man amelah kao minta agar azab di capatatn nto’ iaka’koa. Ka’ ari iaka’koa nele’ azab nang dijanjiatn, iaka’koa marasa saolah-olah badiapm (ka’ dunia) ingge sabantar inan pada siang ari. Tugasnyu ingge nyampeatn, maka nana’ ada nang di binasaatn. Kacoali kaum nang fasik
Surah Al-Ahqaf, Verse 35