Surah Al-Waqia - Bambara Translation by Fodi Suliman Kanti
إِذَا وَقَعَتِ ٱلۡوَاقِعَةُ
ߟߏ߲߫ ߞߍߕߊ ߓߊ߯ ߞߍ߫ ߕߎ߬ߡߊ ߡߍ߲
Surah Al-Waqia, Verse 1
لَيۡسَ لِوَقۡعَتِهَا كَاذِبَةٌ
ߝߊ߬ߣߌ߲߬ߧߊ߬ߓߊ߯ ߕߍ߫ ߛߐ߬ߘߐ߲߫ ߊ߬ ߞߍ ߟߊ߫
Surah Al-Waqia, Verse 2
خَافِضَةٞ رَّافِعَةٌ
ߡߊ߬ߖߌ߰ߟߌ߬ߟߊ߫ ߟߋ߬ ߸ ߡߊ߬ߦߟߍ߬ߟߌ߬ߟߊ߫ ߟߋ߬
Surah Al-Waqia, Verse 3
إِذَا رُجَّتِ ٱلۡأَرۡضُ رَجّٗا
ߣߌ߫ ߘߎ߱ ߟߊߦߙߍߦߙߍ߫ ߘߊ߫ ߕߎ߬ߡߊ ߡߍ߲ ߜߙߌߜߙߌ߫
Surah Al-Waqia, Verse 4
وَبُسَّتِ ٱلۡجِبَالُ بَسّٗا
ߞߊ߬ ߞߎ߬ߙߎ ߟߎ߬ ߟߊߖߍ߲ߛߍ߲߫ ߛߎߋ߯
Surah Al-Waqia, Verse 5
فَكَانَتۡ هَبَآءٗ مُّنۢبَثّٗا
ߞߵߊ߬ߟߎ߬ ߞߍ߫ ߓߎ߬ߙߎ߲߬ߓߎߙߎ߲߫ ߞߎ߬ߙߊ߲߬ߣߍ߲ ߘߌ߫ ߞߎߙߍ߫
Surah Al-Waqia, Verse 6
وَكُنتُمۡ أَزۡوَٰجٗا ثَلَٰثَةٗ
ߊߟߎ߫ ߘߌ߫ ߞߍ߫ ߛߌ߰ ߛߓߊ߬ ߘߌ߫
Surah Al-Waqia, Verse 7
فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ
ߛߌ߰ ߞߋߟߋ߲ ߦߋ߫ ߞߌߣߌ߲ߓߟߏߟߞߊ ߟߎ߬ ߘߌ߫ ߸ ߞߌߣߌ߲ߓߟߏߟߞߊ ߟߎ߫ ߞߊ߬ߣߌ߲߫
Surah Al-Waqia, Verse 8
وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ
ߛߌ߰ ߞߋߟߋ߲ ߦߋ߫ ߡߊ߬ߙߊ߲߬ߓߟߏ߬ߟߊ߬ߞߊ ߟߎ߬ ߘߌ߫ ߸ ߡߊ߬ߙߊ߲߬ߓߟߏ߬ߟߊ߬ߞߊ ߟߎ߫ ߞߊ߬ߣߌ߲߫
Surah Al-Waqia, Verse 9
وَٱلسَّـٰبِقُونَ ٱلسَّـٰبِقُونَ
ߛߌ߱ ߕߐ߬ ߞߋߟߋ߲ ߦߋ߫ ߞߐ߲߬ߞߐ߲߬ߒ߬ߧߍ߬ߓߊ߮ ߟߎ߬ ߘߌ߫ ߸ ߞߐ߲߬ߞߐ߲߬ߒ߬ߧߍ߬ߓߊ߮ ߟߎ߫ ߞߊ߬ߣߌ߲߫
Surah Al-Waqia, Verse 10
أُوْلَـٰٓئِكَ ٱلۡمُقَرَّبُونَ
ߏ߬ ߟߎ߫ ߟߋ߫ ( ߘߏ߲߬ ߦߋ߫ ) ߡߊ߬ߛߎ߬ߘߎ߲߬ߧߊ߬ߓߊ߮ ߟߎ߬ ߘߌ߫ ߸
Surah Al-Waqia, Verse 11
فِي جَنَّـٰتِ ٱلنَّعِيمِ
ߣߍߡߊ ߣߊߞߐ ߟߎ߬ ߘߐ߫
Surah Al-Waqia, Verse 12
ثُلَّةٞ مِّنَ ٱلۡأَوَّلِينَ
ߏ߬ ߟߎ߬ ߞߊ߫ ߛߌߦߊ߫ ߝߟߐ߫ ߡߐ߱ ߟߎ߬ ߘߐ߫
Surah Al-Waqia, Verse 13
وَقَلِيلٞ مِّنَ ٱلۡأٓخِرِينَ
ߊ߬ ߣߴߊ߬ߟߎ߬ ߕߜߋ߫ ߞߐߟߊ߫ ߡߐ߮ ߟߎ߬ ߘߐ߫
Surah Al-Waqia, Verse 14
عَلَىٰ سُرُرٖ مَّوۡضُونَةٖ
ߏ߬ ߟߎ߬ ߞߍߕߐ߫ ߜߡߍ߬ ߘߊ߲߫ ߞߏߢߌߡߊ ߟߎ߫ ߟߋ߬ ߘߐ߫
Surah Al-Waqia, Verse 15
مُّتَّكِـِٔينَ عَلَيۡهَا مُتَقَٰبِلِينَ
ߊ߬ߟߎ߫ ߛߍ߲߬ߓߍ߬ߣߍ߲߫ ߏ߬ ߟߎ߬ ߘߐ߫ ߞߵߊ߬ߟߎ߬ ߢߊ ߟߎ߫ ߓߍ߲߬ ߢߐ߲߮ ߡߊ߬
Surah Al-Waqia, Verse 16
يَطُوفُ عَلَيۡهِمۡ وِلۡدَٰنٞ مُّخَلَّدُونَ
ߤߊߓߎߕߊߦߌ߫ ߖߍ߲ߓߎߟߍ߲ ߠߎ߬ ߦߴߊ߬ߟߎ߬ ߡߊߕߎ߬ߙߍ߬ߕߎ߬ߙߍ߬ ߟߊ߫ ߸
Surah Al-Waqia, Verse 17
بِأَكۡوَابٖ وَأَبَارِيقَ وَكَأۡسٖ مِّن مَّعِينٖ
ߞߙߏ ߟߎ߬ ߣߌ߫ ߛߋ߬ߙߎ߲ ߠߎ߬ ߘߌ߫ ߸ ߊ߬ ߣߌ߫ ߕߍߓߙߍ߫ ߜߊߘߏ߲ߣߍ߲ ߘߌ߫ ߡߌ߲߬ߕߊ߬ ߖߐ߯ߞߐߞߐ ߟߊ߫
Surah Al-Waqia, Verse 18
لَّا يُصَدَّعُونَ عَنۡهَا وَلَا يُنزِفُونَ
ߊ߬ߟߎ߬ ߕߍ߫ ߞߎ߲߬ߘߌ߬ߡߌ߲߬ߕߐ߬ߦߊ߬ ߟߊ߫ ߸ ߊ߬ߟߎ߫ ߘߏ߲߬ ߕߍ߫ ߡߌߟߏ߫ ߟߊ߫
Surah Al-Waqia, Verse 19
وَفَٰكِهَةٖ مِّمَّا يَتَخَيَّرُونَ
ߊ߬ ߣߴߊ߬ߟߎ߬ ߦߋ߫ ߦߙߌߘߋ߲ ( ߛߎ߮ ) ߡߍ߲ ߠߎ߬ ߛߎߥߊ߲ߘߌ߫ ߟߊ߫
Surah Al-Waqia, Verse 20
وَلَحۡمِ طَيۡرٖ مِّمَّا يَشۡتَهُونَ
ߊ߬ ߣߌ߫ ߞߣߐ߬ ߛߓߏ ߡߍ߲ ߠߎ߫ ߣߋ߬ߦߌ ߦߴߊ߬ߟߎ߬ ߟߊ߫
Surah Al-Waqia, Verse 21
وَحُورٌ عِينٞ
ߊ߬ ߣߌ߫ ߖߏ߲ߞߊ߲߫ ߢߊߥߟߎߞߎ ߟߎ߬
Surah Al-Waqia, Verse 22
كَأَمۡثَٰلِ ٱللُّؤۡلُوِٕ ٱلۡمَكۡنُونِ
ߏ߬ ߟߎ߬ ߟߊߒߡߊ ߟߋ߬ ߸ ߦߏ߫ ߟߓߊ߬ߞߐߣߐ߲߫ ߡߊߥߣߊ߬ߙߌ߬ߣߍ߲ ߠߋ߬
Surah Al-Waqia, Verse 23
جَزَآءَۢ بِمَا كَانُواْ يَعۡمَلُونَ
ߞߵߏ߬ ߟߎ߬ ߞߍ߫ ߊ߬ߟߎ߬ ߟߊ߫ ߓߊ߯ߙߊ ߟߎ߫ ߛߊ߬ߙߊ ߘߌ߫
Surah Al-Waqia, Verse 24
لَا يَسۡمَعُونَ فِيهَا لَغۡوٗا وَلَا تَأۡثِيمًا
ߊ߬ߟߎ߬ ߕߍ߫ ߞߎ߬ߟߊ߲߬ߞߎ߬ߟߊ߲߬ ߞߊ߲߫ ߣߌ߫ ߖߟߎ߬ߡߎ߲߬ߕߐ߬ߦߊ߬ ߡߍ߲߫ ߠߊ߫ ߦߋ߲߬
Surah Al-Waqia, Verse 25
إِلَّا قِيلٗا سَلَٰمٗا سَلَٰمٗا
ߝߏ߫ ߊ߬ ߝߐ߫ ߞߊ߲ ߕߋ߲߬ ߸ ߞߏ߫: ߖߐ ، ߖߐ
Surah Al-Waqia, Verse 26
وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ
ߒ߬ߓߊ߬ ߞߌߣߌ߲ߓߟߏߟߞߊ ߟߎ߬ ߛߊ߫ ߸ ߞߌߣߌ߲ߓߟߏߟߞߊ ߟߎ߫ ߞߊ߬ߣߌ߲߫
Surah Al-Waqia, Verse 27
فِي سِدۡرٖ مَّخۡضُودٖ
ߏ߬ ߟߎ߬ ߦߋ߫ ߕߡߐߙߐ߲߫ ߣߎ߲ߞߎ߫ ߟߋ߬ ߘߐ߫
Surah Al-Waqia, Verse 28
وَطَلۡحٖ مَّنضُودٖ
ߊ߬ ߣߌ߫ ߓߊߙߊ߲ߛߊ߲ߛߎ߲߫ ߕߎ߲߰ߣߍ߲߫ ߢߐ߲߰ ߠߊ ߟߎ߬
Surah Al-Waqia, Verse 29
وَظِلّٖ مَّمۡدُودٖ
ߊ߬ ߣߌ߫ ߘߎߟߋ߲߫ ߘߐߝߎߟߋ߲ߣߍ߲߫ ߝߌ߰ߝߊ߮ ߟߎ߬
Surah Al-Waqia, Verse 30
وَمَآءٖ مَّسۡكُوبٖ
ߊ߬ ߣߌ߫ ߖߌ߫ ߥߦߏ߬ߟߊ ߟߎ߬
Surah Al-Waqia, Verse 31
وَفَٰكِهَةٖ كَثِيرَةٖ
ߊ߬ ߣߌ߫ ߦߙߌߘߋ߲߫ ( ߛߎ߯ ) ߛߌߦߊߡߊ߲߫ ߸
Surah Al-Waqia, Verse 32
لَّا مَقۡطُوعَةٖ وَلَا مَمۡنُوعَةٖ
ߏ߬ ߟߎ߬ ߕߍ߫ ߓߟߏߕߍ߰ ߟߊ߫ ߸ ߊ߬ߟߎ߫ ߘߏ߲߬ ߕߍ߫ ߞߎ߬ߡߊ߲߬ߘߌ߬ ߟߊ߫
Surah Al-Waqia, Verse 33
وَفُرُشٖ مَّرۡفُوعَةٍ
ߊ߬ ߣߌ߫ ߟߊߟߊ߲߫ ߞߘߐߕߊ߬ߣߍ߲ ߠߎ߬
Surah Al-Waqia, Verse 34
إِنَّآ أَنشَأۡنَٰهُنَّ إِنشَآءٗ
ߖߊ߯ߕߋ߬ ߸ ߒ߬ߠߎ߫ ߟߋ߫ ߞߊ߬ ߖߏ߲ߞߊ߲ ߠߎ߬ ߘߊ߲߫ ߊ߬ߟߎ߫ ߘߊ߲߬ߡߊ߬ ߘߊ߲ߠߌ߲߫ ߠߊ߫
Surah Al-Waqia, Verse 35
فَجَعَلۡنَٰهُنَّ أَبۡكَارًا
ߞߵߊ߬ߟߎ߬ ߞߍ߫ ߛߎ߲ߞߎߘߎ߲߫ ߞߊߓߊ߲ ߠߎ߬ ߘߌ߫
Surah Al-Waqia, Verse 36
عُرُبًا أَتۡرَابٗا
ߗߍ߬ߟߊ߲߬ߘߌ߫ ߞߊ߬ߙߌ߬ߢߐ߲߰ߡߊ ߟߎ߬ ߘߌ߫
Surah Al-Waqia, Verse 37
لِّأَصۡحَٰبِ ٱلۡيَمِينِ
ߞߌߣߌ߲ߓߟߏߟߞߊ ߟߎ߬ ߦߋ߫ ߸
Surah Al-Waqia, Verse 38
ثُلَّةٞ مِّنَ ٱلۡأَوَّلِينَ
ߏ߬ ߟߎ߬ ߞߊ߫ ߛߌߦߊ߫ ߝߟߐ߫ ߡߐ߱ ߟߎ߬ ߘߐ߫
Surah Al-Waqia, Verse 39
وَثُلَّةٞ مِّنَ ٱلۡأٓخِرِينَ
ߊ߬ ߣߴߊ߬ߟߎ߬ ߞߊ߫ ߛߌߦߊ߫ ߞߐߟߊ߫ ߡߐ߮ ߟߎ߬ ߘߐ߫
Surah Al-Waqia, Verse 40
وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ
ߒ߬ߓߊ߬ ߣߎߡߊ߲ߓߟߏߟߞߊ ߟߎ߬ ߛߊ߫ ߸ ߣߎߡߊ߲ߓߟߏߟߞߊ ߟߎ߫ ߞߊ߬ߣߌ߲߫
Surah Al-Waqia, Verse 41
فِي سَمُومٖ وَحَمِيمٖ
ߏ߬ ߟߎ߬ ߦߋ߫ ߝߢߐ߫ ߞߊߟߊ߲ߡߊ߲ ߣߌ߫ ߖߌ߫ ߝߎߦߊߝߎߦߊ߫ ߟߋ߬ ߘߐ߫
Surah Al-Waqia, Verse 42
وَظِلّٖ مِّن يَحۡمُومٖ
ߊ߬ ߣߌ߫ ߛߌ߬ߛߌ߬ ߝߌ߲ ߘߎߟߋ߲ ߞߘߐ߫
Surah Al-Waqia, Verse 43
لَّا بَارِدٖ وَلَا كَرِيمٍ
ߊ߬ ߛߎߡߊߣߍ߲߫ ߕߍ߫ ߸ ߊ߬ ߘߏ߲߬ ߗߋ߲߰ ߕߍ߫
Surah Al-Waqia, Verse 44
إِنَّهُمۡ كَانُواْ قَبۡلَ ذَٰلِكَ مُتۡرَفِينَ
ߏ߬ ( ߕߌ߰ߟߊ߬ߡߐ߮ ) ߟߎ߬ ߡߊߣߍߡߊߣߍ߲߫ ߠߋ߫ ߕߘߍ߬ ߞߘߐ߬ߡߊ߲߫
Surah Al-Waqia, Verse 45
وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ
ߊ߬ ߣߴߊ߬ߟߎ߫ ߕߍ߬ߘߍ߫ ߊ߬ߟߎ߬ ߕߋ߲ߜߋߘߋ߲ߧߊ߫ ߟߊ߫ ߖߟߎ߬ߡߎ߲߬ߓߊ ߟߎ߫ ߞߊ߲߬
Surah Al-Waqia, Verse 46
وَكَانُواْ يَقُولُونَ أَئِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ
ߊ߬ ߣߴߊ߬ߟߎ߫ ߕߍ߬ߘߍ߫ ߊ߬ ߝߐ߫ ߟߊ߫ ߸ ߞߏ߫ ߦߊ߯ߟߊ߫ ߣߴߊ߲ ߛߊ߬ ߘߊ߫ ߕߎ߬ߡߊ ߡߍ߲ ߸ ߞߵߊ߲ ߞߍ߫ ߓߊ߲߬ߞߎ ߣߌ߫ ߞߟߏ ߟߎ߬ ߘߌ߫ ، ߊ߬ ߝߐ߫ ߒ߬ ߠߊߥߟߌ߬ߕߐ߫ ߟߋ߬ ߓߊ߬؟
Surah Al-Waqia, Verse 47
أَوَءَابَآؤُنَا ٱلۡأَوَّلُونَ
ߥߟߴߊ߲ ߝߊ߬ ߝߟߐ ߟߎ߬ ߝߣߊ߫ ߞߍ߬؟
Surah Al-Waqia, Verse 48
قُلۡ إِنَّ ٱلۡأَوَّلِينَ وَٱلۡأٓخِرِينَ
ߊ߬ߟߎ߫ ߖߋ߬ߓߌ߬ ߸ ߞߏ߫ ߝߟߐ߫ ߡߐ߱ ߟߎ߬ ߣߌ߫ ߞߐߟߊ߫ ߡߐ߮ ߟߎ߬ ߸
Surah Al-Waqia, Verse 49
لَمَجۡمُوعُونَ إِلَىٰ مِيقَٰتِ يَوۡمٖ مَّعۡلُومٖ
ߓߍ߯ ߟߊߘߍ߬ߕߐ߫ ߟߋ߬ ߛߋߚߋ߫ ߸ ߟߏ߲߫ ߡߊߟߐ߲ߣߍ߲߫ ߟߐ߯ߟߊߣߍ߲ ߘߏ߫ ߡߊ߬
Surah Al-Waqia, Verse 50
ثُمَّ إِنَّكُمۡ أَيُّهَا ٱلضَّآلُّونَ ٱلۡمُكَذِّبُونَ
ߏ߬ ߞߐ߫ ߸ ߤߍ߲߬ ߊߟߎ߬ ߝߟߌ߬ߓߊ߰ߒߕߋ߫ ߡߊ߬ߛߐ߬ߛߐ߬ߟߌ߬ߟߊ ߟߎ߬ ߸
Surah Al-Waqia, Verse 51
لَأٓكِلُونَ مِن شَجَرٖ مِّن زَقُّومٖ
ߊߟߎ߫ ߓߍߣߊ߬ ߘߏ߫ ߘߊߥߎ߲߫ ߝߘߎ߬ߡߐ߬ ߦߙߌ ߘߐ߫
Surah Al-Waqia, Verse 52
فَمَالِـُٔونَ مِنۡهَا ٱلۡبُطُونَ
ߞߊ߬ ( ߊߟߎ߫ ) ߞߣߐ ߟߎ߬ ߟߝߊ߫ ߏ߬ ߘߐ߫ ( ߞߐߟߌߞߐߟߌ߫)
Surah Al-Waqia, Verse 53
فَشَٰرِبُونَ عَلَيۡهِ مِنَ ٱلۡحَمِيمِ
ߞߊ߬ ߝߎߦߊߝߎߦߊ ߘߏ߫ ߡߌ߲߬ ߏ߬ ߞߊ߲߬ ߛߊ߫
Surah Al-Waqia, Verse 54
فَشَٰرِبُونَ شُرۡبَ ٱلۡهِيمِ
ߞߵߏ߬ ߡߌ߲߬ ߢߐ߯ߡߍ߫ ߡߌ߲߬ߟߐ߰ߕߐ ߡߌ߲߬ߠߌ߲߬ ߢߊ ߡߊ߬
Surah Al-Waqia, Verse 55
هَٰذَا نُزُلُهُمۡ يَوۡمَ ٱلدِّينِ
ߣߌ߲߬ ߓߍ߯ ߦߴߊ߬ߟߎ߬ ߢߍߛߌ߮ ߟߋ߬ ߘߌ߫ ߛߙߊ߬ߟߌ ߟߏ߲ ߘߐ߫
Surah Al-Waqia, Verse 56
نَحۡنُ خَلَقۡنَٰكُمۡ فَلَوۡلَا تُصَدِّقُونَ
ߒ߬ߠߎ߫ ߟߋ߫ ߞߵߊߟߎ߫ ߘߊ߲߫ ߸ ߒ߬ߓߊ߬ ߥߟߊߞߏ߫ ߊߟߎ߫ ߕߍ߬ߘߍ߫ ߏ ߕߎ߬ߢߊ߬ߕߌ߰ߦߊ߫
Surah Al-Waqia, Verse 57
أَفَرَءَيۡتُم مَّا تُمۡنُونَ
ߐ߲߬ߤߐ߲߫ ߸ ߦߊ߯ߟߊ߫ ߊߟߎ߫ ߦߋ߫ ߛߖߌ ߡߍ߲ ߟߛߊߙߌ߫ ߟߊ߫ ߸
Surah Al-Waqia, Verse 58
ءَأَنتُمۡ تَخۡلُقُونَهُۥٓ أَمۡ نَحۡنُ ٱلۡخَٰلِقُونَ
ߊ߬ ߝߐ߫ ߊߟߎ ߟߴߏ߬ ߘߊ߲߫ ߠߊ߫ ߓߊ߬ ߸ ߥߟߊ߫ ߒ߬ߠߎ߫ ߟߋ߬ ߘߊ߲ߠߌ߲ߠߊ ߟߎ߬ ߘߌ߫؟
Surah Al-Waqia, Verse 59
نَحۡنُ قَدَّرۡنَا بَيۡنَكُمُ ٱلۡمَوۡتَ وَمَا نَحۡنُ بِمَسۡبُوقِينَ
ߒ߬ߠߎ߫ ߟߋ߫ ߞߊ߬ ߛߊ߬ߦߊ ߟߊߕߍ߰ ߊߟߎ߫ ߕߍ߫ ، ߒ߬ߠߎ߫ ߘߏ߲߬ ߕߍ߫ ߘߛߍߓߊ߯ ߟߎ߫ ߘߌ߫ ߸
Surah Al-Waqia, Verse 60
عَلَىٰٓ أَن نُّبَدِّلَ أَمۡثَٰلَكُمۡ وَنُنشِئَكُمۡ فِي مَا لَا تَعۡلَمُونَ
ߊߟߎ߫ ߛߎ߮ ߡߊߝߊ߬ߟߋ߲ ߠߊ߫ ߸ ߊ߬ ߣߴߊ߲ ߧߴߊߟߎ߫ ߘߊ߲߫ ߢߊ߫ ߜߘߍ߫ ߡߊ߬ ߸ ߊߟߎ߫ ߡߊ߫ ߡߍ߲ ߟߐ߲߫
Surah Al-Waqia, Verse 61
وَلَقَدۡ عَلِمۡتُمُ ٱلنَّشۡأَةَ ٱلۡأُولَىٰ فَلَوۡلَا تَذَكَّرُونَ
ߊߟߎ߫ ߘߏ߲߬ ߜߎ ߞߊ߬ ߘߊ߲ߠߌ߲߫ ߝߟߐ ߢߊߟߐ߲߫ ߸ ߥߟߊߞߏ߫ ߊߟߎ߫ ߕߘߍ߬ ߊߟߎ߫ ߕߊ߰ߛߌ߫ ( ߏ߬ ߡߊ߬)
Surah Al-Waqia, Verse 62
أَفَرَءَيۡتُم مَّا تَحۡرُثُونَ
ߐ߲߬ߤߐ߲߫ ߸ ߊߟߎ߫ ߦߋ߫ ߝߋ߲ ߡߍ߲ ߛߣߍ߬ ߟߊ߫ ߸
Surah Al-Waqia, Verse 63
ءَأَنتُمۡ تَزۡرَعُونَهُۥٓ أَمۡ نَحۡنُ ٱلزَّـٰرِعُونَ
ߦߊ߯ߟߴߊߟߎ ߟߴߏ߬ ߟߊߝߍߘߍ߲߫ ߠߊ߫ ߓߊ߬ ߸ ߥߟߊ߫ ߒ߬ߠߎ߫ ߟߋ߫ ߟߊ߬ߝߍ߬ߘߍ߲߬ߠߌ߲߬ߠߊ ߟߎ߬ ߘߌ߫؟
Surah Al-Waqia, Verse 64
لَوۡ نَشَآءُ لَجَعَلۡنَٰهُ حُطَٰمٗا فَظَلۡتُمۡ تَفَكَّهُونَ
ߊ߬ ߕߎ߲߬ ߓߊ߯ ߒ߬ ߘߌߦߊ߫ ߸ ߒ߬ ߕߘߍ߬ ߘߴߏ߬ ߞߍ߫ ߝߏ߬ߝߏ߫ ߜߊ߲߬ߛߊ߲߫ ߘߌ߫ ، ߏ߬ ߓߊ߯ ߞߍ߫ ߊߟߎ߫ ߘߌ߫ ߕߋ߬ߟߋ߲߫ ߏ߬ ߘߐߞߓߊ߫ ߟߊ߫
Surah Al-Waqia, Verse 65
إِنَّا لَمُغۡرَمُونَ
ߞߏ߫ ߛߋߚߋ߫ ߸ ߖߎ߬ߟߎ ߓߘߊ߫ ߦߍ߬ߟߍ߫ ߒ߬ ߠߊ߫
Surah Al-Waqia, Verse 66
بَلۡ نَحۡنُ مَحۡرُومُونَ
ߍ߲߬ߍ߲߫ ߸ ߤߊ߬ߙߌ߬ߖߍ߰ ߡߊ߬ߖߊ ߟߋ߬ ߓߘߊ߫ ߒ߬ ߛߐ߬ߘߐ߲߬
Surah Al-Waqia, Verse 67
أَفَرَءَيۡتُمُ ٱلۡمَآءَ ٱلَّذِي تَشۡرَبُونَ
ߐ߲߬ߤߐ߲߫ ߸ ߊߟߎ߫ ߦߋ߫ ߖߌ ߡߍ߲ ߡߌ߲߬ ߠߊ߫
Surah Al-Waqia, Verse 68
ءَأَنتُمۡ أَنزَلۡتُمُوهُ مِنَ ٱلۡمُزۡنِ أَمۡ نَحۡنُ ٱلۡمُنزِلُونَ
ߦߊ߯ߟߴߊߟߎ ߟߴߏ߬ ߟߊߖߌ߰ ߟߊ߫ ߞߊ߬ ߓߐ߫ ߛߊ߲ߝߌ߲ ߘߐ߫ ߓߊ߬ ߸ ߥߟߊ߫ ߒ߬ߠߎ߫ ߟߋ߬ ( ߛߊ߲ߖߌ߫ ) ߟߊߖߌ߯ߟߊ ߟߎ߬ ߘߌ߫؟
Surah Al-Waqia, Verse 69
لَوۡ نَشَآءُ جَعَلۡنَٰهُ أُجَاجٗا فَلَوۡلَا تَشۡكُرُونَ
ߊ߬ ߘߏ߲߬ ߕߎ߲߬ ߓߊ߯ ߒ߬ ߘߌߦߊ߫ ߸ ߒ߬ ߕߘߍ߬ ߘߴߏ߬ ߞߍ߫ ߞߐ߰ߡߊ ߘߌ߫ ߖߊ߲ ، ߥߟߊߞߏ߫ ߊߟߎ߫ ߕߘߍ߬ ߏ߬ ߞߏߢߌ߲ߡߊߟߐ߲ ߞߍ߫߹
Surah Al-Waqia, Verse 70
أَفَرَءَيۡتُمُ ٱلنَّارَ ٱلَّتِي تُورُونَ
ߐ߲߬ߤߐ߲߫ ߸ ߊߟߎ߫ ߦߋ߫ ߕߊ ߡߍ߲ ߟߊߡߍߣߍ߲߫ ߠߊ߫ ߸
Surah Al-Waqia, Verse 71
ءَأَنتُمۡ أَنشَأۡتُمۡ شَجَرَتَهَآ أَمۡ نَحۡنُ ٱلۡمُنشِـُٔونَ
ߦߊ߯ߟߊ߫ ߊߟߎ ߟߋ߫ ߞߵߏ߬ ߦߙߌ ߘߊ߲߫ ߓߊ߬ ߸ ߥߟߊ߫ ߒ߬ߠߎ߫ ߟߋ߬ ߘߊ߲ߠߌ߲ߠߊ ߟߎ߬ ߘߌ߫؟
Surah Al-Waqia, Verse 72
نَحۡنُ جَعَلۡنَٰهَا تَذۡكِرَةٗ وَمَتَٰعٗا لِّلۡمُقۡوِينَ
ߒ߬ߠߎ߫ ߘߏ߲߬ ߣߵߏ߬ ߟߋ ߞߍ߫ ߟߊ߫ ߕߊ߰ߛߌ߬ ߞߏ ߘߌ߫ ߸ ߊ߬ ߣߌ߫ ߞߏ߲ߞߏ߫ ߕߊ߯ߟߊ ߟߎ߬ ߝߊ߲ߘߊ ߘߌ߫
Surah Al-Waqia, Verse 73
فَسَبِّحۡ بِٱسۡمِ رَبِّكَ ٱلۡعَظِيمِ
ߒ߬ߓߊ߬ ߌߟߋ ߌ ߡߊ߰ߙߌ ߕߐ߮ ߛߊߣߌ߲ߧߊ߫ ߟߋ߫ ߘߋ߬
Surah Al-Waqia, Verse 74
۞فَلَآ أُقۡسِمُ بِمَوَٰقِعِ ٱلنُّجُومِ
ߍ߲߬ߍ߲ߍ߲߬ ߸ ߒ ߧߋ߫ ߒ ߞߊ߬ߟߌ߬ ߟߊ߫ ߟߋ߬ ߝߏ߬ߟߏ߲߬ߝߊߟߊ߲ ߠߎ߬ ߡߊߞߍ߫ ߦߌߟߊ ߟߎ߬ ߟߊ߫
Surah Al-Waqia, Verse 75
وَإِنَّهُۥ لَقَسَمٞ لَّوۡ تَعۡلَمُونَ عَظِيمٌ
ߏ ߘߏ߲߬ ߦߋ߫ ߞߊ߬ߟߌ߬ߟߌ߬ߓߊ߫ ߟߋ߬ ߘߌ߫ ߸ ߣߴߊߟߎ߫ ߓߴߊ߬ ߟߐ߲߫ ߠߊ߫
Surah Al-Waqia, Verse 76
إِنَّهُۥ لَقُرۡءَانٞ كَرِيمٞ
ߒ ߞߏ߫ ߖߊ߯ߕߋ߬ ߸ ‹ ߞߎ߬ߙߊ߬ߣߊ › ߦߋ߫ ߘߐ߬ߛߊ߬ߙߌ߬ ߞߟߊߒߞߋ߫ ߟߋ߬ ߘߌ߫
Surah Al-Waqia, Verse 77
فِي كِتَٰبٖ مَّكۡنُونٖ
ߟߍߙߊ߫ ߟߊߕߊ߲߬ߞߊ߬ߣߍ߲ ߞߣߐ߫
Surah Al-Waqia, Verse 78
لَّا يَمَسُّهُۥٓ إِلَّا ٱلۡمُطَهَّرُونَ
ߝߏߦߌ߬ ߕߍ߫ ߡߊ߰ ߊ߬ ߟߊ߫ ߝߏ߫ ߛߊߣߌ߲ߧߊߓߊ߯ߕߐ ߟߎ߬
Surah Al-Waqia, Verse 79
تَنزِيلٞ مِّن رَّبِّ ٱلۡعَٰلَمِينَ
ߊ߬ ߟߊߖߌ߰ߣߍ߲߫ ߞߊ߬ ߝߘߊ߫ ߖߊ߯ߓߊ ߟߎ߫ ߡߊ߰ߙߌ ߟߋ߬ ߟߊ߫
Surah Al-Waqia, Verse 80
أَفَبِهَٰذَا ٱلۡحَدِيثِ أَنتُم مُّدۡهِنُونَ
ߞߏ߬ߞߏ߫ ߊߟߎ߫ ߦߴߏ߬ ߟߋ ߞߎߡߊ ߡߊߡߣߎ߬ߡߣߍ߬ ߟߊ߫ ߣߌ߲߬ ߞߍ߬؟
Surah Al-Waqia, Verse 81
وَتَجۡعَلُونَ رِزۡقَكُمۡ أَنَّكُمۡ تُكَذِّبُونَ
ߊ߬ ߣߴߊߟߎ߫ ߘߴߊߟߎ߫ ߤߊ߬ߙߌ߬ߖߍ߮ ( ߓߊߙߌߞߊ߫ ߓߌߟߊ ) ߞߍ߫ ߡߊ߬ߛߐ߬ߛߐ߬ߟߌ ߘߌ߫
Surah Al-Waqia, Verse 82
فَلَوۡلَآ إِذَا بَلَغَتِ ٱلۡحُلۡقُومَ
ߐ߲߬ߤߐ߲߫ ߸ ( ߦߊ߯ߟߊ߫ ߣߌ߫ ߞߊ߬ߟߏ߬ߕߐ ) ߣߌ ߛߋ߫ ߘߊ߫ ߞߊ߲ߥߐߙߐ߲ߞߐ߲ߕߐ߲ ߘߐ߫ ߸
Surah Al-Waqia, Verse 83
وَأَنتُمۡ حِينَئِذٖ تَنظُرُونَ
ߞߵߊ߬ ߕߘߍ߬ ߊߟߎ߫ ߢߊ ߟߎ߬ ߥߛߎߣߍ߲߫ ߏ ߕߎ߬ߡߊ ߟߊ߫
Surah Al-Waqia, Verse 84
وَنَحۡنُ أَقۡرَبُ إِلَيۡهِ مِنكُمۡ وَلَٰكِن لَّا تُبۡصِرُونَ
ߒ߬ߠߎ߫ ߟߋ߫ ߛߎ߬ߘߎ߲߬ߡߊ߲߫ ߊ߬ ߟߊ߫ ߊߟߎ߫ ߘߌ߫ ، ߞߏ߬ߣߌ߲߬ ߊߟߎ߫ ߕߍ߫ ߦߋߟߌ߫ ߟߋ߬ ߞߍ߫ ߟߊ߫
Surah Al-Waqia, Verse 85
فَلَوۡلَآ إِن كُنتُمۡ غَيۡرَ مَدِينِينَ
ߐ߲߬ߤߐ߲߫ ߸ ߣߴߊߟߎ߫ ߕߎ߲߬ ߞߍ߫ ߘߊ߫ ߛߙߊ߬ߓߊߟߌ ߟߎ߬ ߘߌ߫ ( ߟߊߞߌߙߊ߫ ) ߸
Surah Al-Waqia, Verse 86
تَرۡجِعُونَهَآ إِن كُنتُمۡ صَٰدِقِينَ
ߊߟߎ߫ ߕߘߍ߬ ߘߴߏ߬ ( ߣߌ ) ߟߊߛߊ߬ߦߌ߬ ߸ ߣߴߊߟߎ߫ ߦߋ߫ ߕߎ߬ߢߊ߬ ߕߌ߯ ߟߎ߫ ߘߌ߫
Surah Al-Waqia, Verse 87
فَأَمَّآ إِن كَانَ مِنَ ٱلۡمُقَرَّبِينَ
ߒ߬ߓߊ߬ ߣߌ߫ ‹ ߛߊ߬ߓߊ߮ › ߞߍ߫ ߘߊ߫ ߡߊ߬ߛߎ߬ߘߎ߲߬ߧߊ߬ߓߊ߮ ߟߎ߬ ߘߏ߫ ߘߌ߫ ߸
Surah Al-Waqia, Verse 88
فَرَوۡحٞ وَرَيۡحَانٞ وَجَنَّتُ نَعِيمٖ
ߢߐߢߐ߲ߠߌ߲߫ ߠߴߊ߬ ߦߋ߫ ߸ ߊ߬ ߣߌ߫ ߘߊߦߟߌߡߍ ߣߌ߫ ߣߍߡߊ ߣߊߞߐ
Surah Al-Waqia, Verse 89
وَأَمَّآ إِن كَانَ مِنۡ أَصۡحَٰبِ ٱلۡيَمِينِ
ߣߌ߫ ‹ ߛߊ߬ߓߊ߮ › ߘߏ߲߬ ߞߍ߫ ߘߊ߫ ߞߌߣߌ߲ߓߟߏߟߞߊ ߟߎ߬ ߘߏ߫ ߘߌ߫ ߸
Surah Al-Waqia, Verse 90
فَسَلَٰمٞ لَّكَ مِنۡ أَصۡحَٰبِ ٱلۡيَمِينِ
ߒ߬ߓߊ߬ ߝߏ߬ߟߌ ߟߴߊ߬ ߦߋ߫ ߞߊ߬ ߝߘߊ߫ ߞߌߣߌ߲ߓߟߏߟߞߊ ߟߎ߬ ߟߊ߫
Surah Al-Waqia, Verse 91
وَأَمَّآ إِن كَانَ مِنَ ٱلۡمُكَذِّبِينَ ٱلضَّآلِّينَ
ߣߌ߫ ‹ ߛߊ߬ߓߊ߮ › ߘߏ߲߬ ߞߍ߫ ߘߊ߫ ߡߊ߬ߛߐ߬ߛߐ߬ߟߌ߬ߟߊ߫ ߝߟߌ߬ߓߊ߰ߒߕߋ ߟߎ߬ ߘߏ߫ ߘߌ߫ ߸
Surah Al-Waqia, Verse 92
فَنُزُلٞ مِّنۡ حَمِيمٖ
ߊ߬ ߖߌ߬ߦߊ߬ߘߊ ߘߌ߫ ߞߍ߫ ߝߎߦߊߝߎߦߊ ߘߏ߫ ߘߌ߫
Surah Al-Waqia, Verse 93
وَتَصۡلِيَةُ جَحِيمٍ
ߊ߬ ߣߌ߫ ߥߋ߲߯ߓߋ ߘߐ߫ ߘߏ߲߭ ߘߌ߫
Surah Al-Waqia, Verse 94
إِنَّ هَٰذَا لَهُوَ حَقُّ ٱلۡيَقِينِ
ߖߊ߯ߕߋ߬ ߸ ߣߌ߲߬ ߦߋ߫ ߘߍ߲߬ߞߣߍ߬ߦߊ ߕߎ߬ߢߊ ߟߋ߬ ߘߌ߫
Surah Al-Waqia, Verse 95
فَسَبِّحۡ بِٱسۡمِ رَبِّكَ ٱلۡعَظِيمِ
ߒ߬ߓߊ߬ ߌߟߋ ߌ ߡߊ߰ߙߌ߬ߓߊ ߕߐ߮ ߛߊߣߌ߲ߧߊ߫ ߟߋ߫ ߘߋ߬
Surah Al-Waqia, Verse 96