Surah Al-Hashr - Kendayan Translation by Unknown
سَبَّحَ لِلَّهِ مَا فِي ٱلسَّمَٰوَٰتِ وَمَا فِي ٱلۡأَرۡضِۖ وَهُوَ ٱلۡعَزِيزُ ٱلۡحَكِيمُ
Ahe nang ada ka’ langit man ahe nang ada ka bumi batasbih ka’ Allah, man Ialah nang Maha pakasa maha bijaksana
Surah Al-Hashr, Verse 1
هُوَ ٱلَّذِيٓ أَخۡرَجَ ٱلَّذِينَ كَفَرُواْ مِنۡ أَهۡلِ ٱلۡكِتَٰبِ مِن دِيَٰرِهِمۡ لِأَوَّلِ ٱلۡحَشۡرِۚ مَا ظَنَنتُمۡ أَن يَخۡرُجُواْۖ وَظَنُّوٓاْ أَنَّهُم مَّانِعَتُهُمۡ حُصُونُهُم مِّنَ ٱللَّهِ فَأَتَىٰهُمُ ٱللَّهُ مِنۡ حَيۡثُ لَمۡ يَحۡتَسِبُواْۖ وَقَذَفَ فِي قُلُوبِهِمُ ٱلرُّعۡبَۚ يُخۡرِبُونَ بُيُوتَهُم بِأَيۡدِيهِمۡ وَأَيۡدِي ٱلۡمُؤۡمِنِينَ فَٱعۡتَبِرُواْ يَـٰٓأُوْلِي ٱلۡأَبۡصَٰرِ
Ialah nang ngaluaratn urakng-urakng kafir ka’ antara Ahli kitab dari kampokng halamannya pada saat pangusiratn nang patama.834 Kao nana’ manyangka bahwa’ ia iaka’koa akan kaluar man ia iaka’koa pun yakin benteng-benteng ia iaka’koa akan dapat mampartahanatn ia iaka’koa dari (siksa’an) Allah, maka Allah ngatangan (siksa’an) ka’ ia iaka’koa dari arah nang nana’ ia ka koa sangka-sangka. Man Allah nanampatn rasa gali’ ka’ dalapm ati ia iaka’koa. Sahingga ia iaka’koa musnahatn rumah-rumah ia iaka’koa mang kokotnya babaro man kokot urakng-urakng mukmin. Maka taaplah (kajadian koa) nto’ manjadi palajaratn, wahe urakng-urakng nang mampunyai paniaka’ koa
Surah Al-Hashr, Verse 2
وَلَوۡلَآ أَن كَتَبَ ٱللَّهُ عَلَيۡهِمُ ٱلۡجَلَآءَ لَعَذَّبَهُمۡ فِي ٱلدُّنۡيَاۖ وَلَهُمۡ فِي ٱلۡأٓخِرَةِ عَذَابُ ٱلنَّارِ
Man sakiranya nana’ karana Allah udah natapatn pangusiran tahadap iaka’koa, pasti Allah ngazab iaka’koa ka’ dunia. Man ka’ naherat iaka’koa akan namuan azab naraka
Surah Al-Hashr, Verse 3
ذَٰلِكَ بِأَنَّهُمۡ شَآقُّواْ ٱللَّهَ وَرَسُولَهُۥۖ وَمَن يُشَآقِّ ٱللَّهَ فَإِنَّ ٱللَّهَ شَدِيدُ ٱلۡعِقَابِ
Nang ampakoa karana sasungguhnya iaka’ koa manantang Allah man rasul-Nya. Barang sae manantang Allah, maka sasungguhnya Allah miah karas ukuman-Nya
Surah Al-Hashr, Verse 4
مَا قَطَعۡتُم مِّن لِّينَةٍ أَوۡ تَرَكۡتُمُوهَا قَآئِمَةً عَلَىٰٓ أُصُولِهَا فَبِإِذۡنِ ٱللَّهِ وَلِيُخۡزِيَ ٱلۡفَٰسِقِينَ
Ahe nang kao tabalang ka’ antara puhutn kurma (nu’ urakng-urakng kafir) ato nang kao biaratn (tumbuh) badiri ka’ atas puhuntnya, maka (koa tajadi) man izin Allah, man karana Ia handak mare’atn kahinaan ka urakng-urakng fasik
Surah Al-Hashr, Verse 5
وَمَآ أَفَآءَ ٱللَّهُ عَلَىٰ رَسُولِهِۦ مِنۡهُمۡ فَمَآ أَوۡجَفۡتُمۡ عَلَيۡهِ مِنۡ خَيۡلٖ وَلَا رِكَابٖ وَلَٰكِنَّ ٱللَّهَ يُسَلِّطُ رُسُلَهُۥ عَلَىٰ مَن يَشَآءُۚ وَٱللَّهُ عَلَىٰ كُلِّ شَيۡءٖ قَدِيرٞ
Man harta rampasatn fai835 dari ia iaka’koa nang di bare’atn Allah ka’ rasul-Nya kao nana’ malaluatn kuda ato onta nto’ mandapatatnnya, tapi Allah mare’atn kakuasaan ka’ rasul-rasul-Nya tahadap sae nang Ia kahandaki’. Man Allah maha kuasa atas sagala sasuatu
Surah Al-Hashr, Verse 6
مَّآ أَفَآءَ ٱللَّهُ عَلَىٰ رَسُولِهِۦ مِنۡ أَهۡلِ ٱلۡقُرَىٰ فَلِلَّهِ وَلِلرَّسُولِ وَلِذِي ٱلۡقُرۡبَىٰ وَٱلۡيَتَٰمَىٰ وَٱلۡمَسَٰكِينِ وَٱبۡنِ ٱلسَّبِيلِ كَيۡ لَا يَكُونَ دُولَةَۢ بَيۡنَ ٱلۡأَغۡنِيَآءِ مِنكُمۡۚ وَمَآ ءَاتَىٰكُمُ ٱلرَّسُولُ فَخُذُوهُ وَمَا نَهَىٰكُمۡ عَنۡهُ فَٱنتَهُواْۚ وَٱتَّقُواْ ٱللَّهَۖ إِنَّ ٱللَّهَ شَدِيدُ ٱلۡعِقَابِ
Harta rampasan fai nang di baro’atn Allah ka’ rasul-Nya (nang barasal) dari panduduk sangahe nagari, ialah nto’ Allah, rasul, karabat (rasul) nak-nak yatim, urakng- urakng miskin man nto’ urakng-urakng nang dalapm pajalanan, agar harta koa ame ingge baredar ka’ antara urakng-urakng kaya inan ka’ antara kao. Ahe nang di bare’atn rasul ka’kao maka tarima’lah. Man ahe nang di larangnya baginyu maka tinggalatnlah. Man batakwalah ka’ Allah. Sungguh Allah miah karas ukuman-Nya
Surah Al-Hashr, Verse 7
لِلۡفُقَرَآءِ ٱلۡمُهَٰجِرِينَ ٱلَّذِينَ أُخۡرِجُواْ مِن دِيَٰرِهِمۡ وَأَمۡوَٰلِهِمۡ يَبۡتَغُونَ فَضۡلٗا مِّنَ ٱللَّهِ وَرِضۡوَٰنٗا وَيَنصُرُونَ ٱللَّهَ وَرَسُولَهُۥٓۚ أُوْلَـٰٓئِكَ هُمُ ٱلصَّـٰدِقُونَ
(harta rampasatn koa uga) nto’ urakng- urakng fakir nang bahijrah836 nang tausir dari kampokng halamannya man ningalatn harta bandanya demi ngago’ karunia dari Allah man karidoan(Nya) man (dami) manolong (agama) Allah man rasul-Nya. Iaka’koalah urakng-urakng nang banar
Surah Al-Hashr, Verse 8
وَٱلَّذِينَ تَبَوَّءُو ٱلدَّارَ وَٱلۡإِيمَٰنَ مِن قَبۡلِهِمۡ يُحِبُّونَ مَنۡ هَاجَرَ إِلَيۡهِمۡ وَلَا يَجِدُونَ فِي صُدُورِهِمۡ حَاجَةٗ مِّمَّآ أُوتُواْ وَيُؤۡثِرُونَ عَلَىٰٓ أَنفُسِهِمۡ وَلَوۡ كَانَ بِهِمۡ خَصَاصَةٞۚ وَمَن يُوقَ شُحَّ نَفۡسِهِۦ فَأُوْلَـٰٓئِكَ هُمُ ٱلۡمُفۡلِحُونَ
Man urakng-urakng (ansar) nang udah manampati kota Madinah man udah baiman sanape (ka atangan) iaka’koa (muhajirin) iaka’koa mancintai urakng-urakng nang bahijrah ka’ tampat iaka’koa. Man iaka’koa nana’ manaruh kainginan dalapm ati iaka’koa tahadap ahe nang di bare’atn ka’iaka’koa (muhajirin) man ia iaka’koa ngutamakan (muhajirin) atas diri’nya babarp, meskipun ia iaka’koa uga’ mamaluatn. Man sae nang di jaga diri’nya dari kasangke’atn, maka iaka’koa lah urakng-urakng nang barnto’ng
Surah Al-Hashr, Verse 9
وَٱلَّذِينَ جَآءُو مِنۢ بَعۡدِهِمۡ يَقُولُونَ رَبَّنَا ٱغۡفِرۡ لَنَا وَلِإِخۡوَٰنِنَا ٱلَّذِينَ سَبَقُونَا بِٱلۡإِيمَٰنِ وَلَا تَجۡعَلۡ فِي قُلُوبِنَا غِلّٗا لِّلَّذِينَ ءَامَنُواْ رَبَّنَآ إِنَّكَ رَءُوفٞ رَّحِيمٌ
Man urakng-urakng nang atakng saudah iaka’koa (muhajirin man ansar) iaka’koa bado’a, Oh tuhan kami, amponi’lah kami man sodara-sodara kami nang udah baoman labih de’e’ dari kami, man ame lah Kita’ tanampatn kadangkiatn dalapm ati kami tahadap urakng-urakng nang baiman. Oh Tuhan kami, sunggu Kita maha panyantun, maha panyayang
Surah Al-Hashr, Verse 10
۞أَلَمۡ تَرَ إِلَى ٱلَّذِينَ نَافَقُواْ يَقُولُونَ لِإِخۡوَٰنِهِمُ ٱلَّذِينَ كَفَرُواْ مِنۡ أَهۡلِ ٱلۡكِتَٰبِ لَئِنۡ أُخۡرِجۡتُمۡ لَنَخۡرُجَنَّ مَعَكُمۡ وَلَا نُطِيعُ فِيكُمۡ أَحَدًا أَبَدٗا وَإِن قُوتِلۡتُمۡ لَنَنصُرَنَّكُمۡ وَٱللَّهُ يَشۡهَدُ إِنَّهُمۡ لَكَٰذِبُونَ
Nana’ ke koa mamparatiatn urakng-urakng munafik nang bakata ka’ kamar-kamar kapalanya nang kafir ka’ ancare ahli kitab, sungguh, kade kao di usir niscaya kami pun akan kaluar basama kao, man kami salama- lamanya nana’ akan patuh ka’ saepun demi kao,man kade’ koa di parangi pasti akan manto’nyu. “Man Allah man nyaksiatn, bahwa’ iaka’koa banar-banar pandusta
Surah Al-Hashr, Verse 11
لَئِنۡ أُخۡرِجُواْ لَا يَخۡرُجُونَ مَعَهُمۡ وَلَئِن قُوتِلُواْ لَا يَنصُرُونَهُمۡ وَلَئِن نَّصَرُوهُمۡ لَيُوَلُّنَّ ٱلۡأَدۡبَٰرَ ثُمَّ لَا يُنصَرُونَ
Sungguh, kade’ iaka’koa di usir. Urakng- urakng munafik koa nana’ akan kaluar basama iaka’koa, man kade iaka’koa di parangi, ia iaka’koa (uga) nana’ akan nolongnya. Man kalo’ pun ia iaka’koa manolongnya pastilah iaka’koa akan bapaling dari ka balakang.kamudian ia iaka’koa nana’ akan namu patolongan
Surah Al-Hashr, Verse 12
لَأَنتُمۡ أَشَدُّ رَهۡبَةٗ فِي صُدُورِهِم مِّنَ ٱللَّهِۚ ذَٰلِكَ بِأَنَّهُمۡ قَوۡمٞ لَّا يَفۡقَهُونَ
Sasungguhnya dalapm ati iaka’koa, kao (muslimin) labih di gali’I’ dari pada Allah. Nang ampakoa karaba ua iaka’koa urakng- urakng nang nana’ ngarati
Surah Al-Hashr, Verse 13
لَا يُقَٰتِلُونَكُمۡ جَمِيعًا إِلَّا فِي قُرٗى مُّحَصَّنَةٍ أَوۡ مِن وَرَآءِ جُدُرِۭۚ بَأۡسُهُم بَيۡنَهُمۡ شَدِيدٞۚ تَحۡسَبُهُمۡ جَمِيعٗا وَقُلُوبُهُمۡ شَتَّىٰۚ ذَٰلِكَ بِأَنَّهُمۡ قَوۡمٞ لَّا يَعۡقِلُونَ
Ia iaka’koa nana akan marangi kao (sacara) basama-sama, kacoali ka’ nagari-nagari nang babenteng ato ka’ balik tembok. Pamunsuhatn antara sasama ia iaka’koa miah hebat. Kao kira ia iaka’koa basatu padahal ati iaka’koa pacah balah. Nang ampakoa karana ia iaka’koa urakng-urakng nang nana’ ngarati’
Surah Al-Hashr, Verse 14
كَمَثَلِ ٱلَّذِينَ مِن قَبۡلِهِمۡ قَرِيبٗاۖ ذَاقُواْ وَبَالَ أَمۡرِهِمۡ وَلَهُمۡ عَذَابٌ أَلِيمٞ
(Ia iaka’koa) saparati urakng-urakng nang sanape ia iaka’koa (Yahudi) nape’ lama berselang. Talah ngarasakan akibat buruk (tausir) di sababpatn pabuatatn iaka’koa babaro. Man ia iaka’koa akan namu azab nang padih
Surah Al-Hashr, Verse 15
كَمَثَلِ ٱلشَّيۡطَٰنِ إِذۡ قَالَ لِلۡإِنسَٰنِ ٱكۡفُرۡ فَلَمَّا كَفَرَ قَالَ إِنِّي بَرِيٓءٞ مِّنكَ إِنِّيٓ أَخَافُ ٱللَّهَ رَبَّ ٱلۡعَٰلَمِينَ
(bujukatn urakng-urakng munafik koa) saparati (bujukatn) setan katika ia bakata ka’ talino, “kafirlah kao!” kamudian katika talino kao manjadi kafir ia bakata, “Sasung- guhnya aku balapas diri’ dari kao, karana sasungguhnya aku gali’ ka’ Allah, Tuhan saluruh alam
Surah Al-Hashr, Verse 16
فَكَانَ عَٰقِبَتَهُمَآ أَنَّهُمَا فِي ٱلنَّارِ خَٰلِدَيۡنِ فِيهَاۚ وَذَٰلِكَ جَزَـٰٓؤُاْ ٱلظَّـٰلِمِينَ
Maka kaudahatn bagi kaduanya, bahwa’ kaduanya masok ka’ dalapm naraka, kakal ka’ dalapm nya. Ampakoalah balasatn bagi urakng-urakng zalim
Surah Al-Hashr, Verse 17
يَـٰٓأَيُّهَا ٱلَّذِينَ ءَامَنُواْ ٱتَّقُواْ ٱللَّهَ وَلۡتَنظُرۡ نَفۡسٞ مَّا قَدَّمَتۡ لِغَدٖۖ وَٱتَّقُواْ ٱللَّهَۚ إِنَّ ٱللَّهَ خَبِيرُۢ بِمَا تَعۡمَلُونَ
Wahe urakng-urakng nang baiman! Batakwalah ka’ Allah man handaklah satiap urakng maparatiatn ahe nang udah di pabuatnya nto’ ari ampagi (naherat) man batakwalah ka’ Allah. Sungguh Allah Maha Taliti tahadap ahe nang kao karajaatn
Surah Al-Hashr, Verse 18
وَلَا تَكُونُواْ كَٱلَّذِينَ نَسُواْ ٱللَّهَ فَأَنسَىٰهُمۡ أَنفُسَهُمۡۚ أُوْلَـٰٓئِكَ هُمُ ٱلۡفَٰسِقُونَ
Man amelah kao saparati urakng-urakng nang lupa ka’ Allah sahingga Allah nyadiatn ia iaka’koa lupa akan diri babaro. Ia iaka’koalah urakng-urakng fasik
Surah Al-Hashr, Verse 19
لَا يَسۡتَوِيٓ أَصۡحَٰبُ ٱلنَّارِ وَأَصۡحَٰبُ ٱلۡجَنَّةِۚ أَصۡحَٰبُ ٱلۡجَنَّةِ هُمُ ٱلۡفَآئِزُونَ
Nana sama para panghuni naraka mang para panghuni saruga. Para panghuni saruga kolah urakng-urakng nang mamparoleh kamanangan
Surah Al-Hashr, Verse 20
لَوۡ أَنزَلۡنَا هَٰذَا ٱلۡقُرۡءَانَ عَلَىٰ جَبَلٖ لَّرَأَيۡتَهُۥ خَٰشِعٗا مُّتَصَدِّعٗا مِّنۡ خَشۡيَةِ ٱللَّهِۚ وَتِلۡكَ ٱلۡأَمۡثَٰلُ نَضۡرِبُهَا لِلنَّاسِ لَعَلَّهُمۡ يَتَفَكَّرُونَ
Sakiranya Kami turuntatn al-Quran nian ka’ sabuah gunung, pasti kao akan nele’ nya tunduk tapacah balah di sababpatn gali’ ka’ Allah. Man parumpamaan-parumpamaan koa Kami pamuat nto’ talino agar ia iaka’koa bapikir
Surah Al-Hashr, Verse 21
هُوَ ٱللَّهُ ٱلَّذِي لَآ إِلَٰهَ إِلَّا هُوَۖ عَٰلِمُ ٱلۡغَيۡبِ وَٱلشَّهَٰدَةِۖ هُوَ ٱلرَّحۡمَٰنُ ٱلرَّحِيمُ
Ia lah Allah nana’ ada Tuhan salain Ia. Mangatahui nang gaip man nang nyata. Ialah maha pangasih, maha panyayang
Surah Al-Hashr, Verse 22
هُوَ ٱللَّهُ ٱلَّذِي لَآ إِلَٰهَ إِلَّا هُوَ ٱلۡمَلِكُ ٱلۡقُدُّوسُ ٱلسَّلَٰمُ ٱلۡمُؤۡمِنُ ٱلۡمُهَيۡمِنُ ٱلۡعَزِيزُ ٱلۡجَبَّارُ ٱلۡمُتَكَبِّرُۚ سُبۡحَٰنَ ٱللَّهِ عَمَّا يُشۡرِكُونَ
Ialah Allah nana’ ada tuhan salain Ia. Ia maha raja, nang maha suci, nang maha sejahtra, nang manjaga kaamanan, pamali- hara kasalamatatn nang maha pakasa, nang maha kuasa nang mamiliki sagala kaagung- an, maha suci Allah dari ahe nang ia koa pasakutuatn
Surah Al-Hashr, Verse 23
هُوَ ٱللَّهُ ٱلۡخَٰلِقُ ٱلۡبَارِئُ ٱلۡمُصَوِّرُۖ لَهُ ٱلۡأَسۡمَآءُ ٱلۡحُسۡنَىٰۚ يُسَبِّحُ لَهُۥ مَا فِي ٱلسَّمَٰوَٰتِ وَٱلۡأَرۡضِۖ وَهُوَ ٱلۡعَزِيزُ ٱلۡحَكِيمُ
Ialah Allah nang maha nyiptaatn nang mangadakan, nang mambantuk rupa, Ia mamaliki’ dama-dama nang edo’. Ahe nang ka’ langit man ka’ bumi batasbih ka’ Ia, man Ialah nang maha akasa, maha bijaksana. a
Surah Al-Hashr, Verse 24