Surah At-Tahrim - Kendayan Translation by Unknown
يَـٰٓأَيُّهَا ٱلنَّبِيُّ لِمَ تُحَرِّمُ مَآ أَحَلَّ ٱللَّهُ لَكَۖ تَبۡتَغِي مَرۡضَاتَ أَزۡوَٰجِكَۚ وَٱللَّهُ غَفُورٞ رَّحِيمٞ
Wahe Nabi! Jahe kao ngarampatn ahe nang di halalatn (di mulihatn Allah ka’ kita’) kao ingin nyanangkatna ati bini-bininyu? Allah Maha Pangampon, man Maha Panyayang
Surah At-Tahrim, Verse 1
قَدۡ فَرَضَ ٱللَّهُ لَكُمۡ تَحِلَّةَ أَيۡمَٰنِكُمۡۚ وَٱللَّهُ مَوۡلَىٰكُمۡۖ وَهُوَ ٱلۡعَلِيمُ ٱلۡحَكِيمُ
Sungguh, Allah udah ngawajipatn ka’ kita’ mebasatn diri’ dari sumpahnyu. Allah lah palindungnyu, man ia Maha Mangatahui’, Maha Bijaksana
Surah At-Tahrim, Verse 2
وَإِذۡ أَسَرَّ ٱلنَّبِيُّ إِلَىٰ بَعۡضِ أَزۡوَٰجِهِۦ حَدِيثٗا فَلَمَّا نَبَّأَتۡ بِهِۦ وَأَظۡهَرَهُ ٱللَّهُ عَلَيۡهِ عَرَّفَ بَعۡضَهُۥ وَأَعۡرَضَ عَنۢ بَعۡضٖۖ فَلَمَّا نَبَّأَهَا بِهِۦ قَالَتۡ مَنۡ أَنۢبَأَكَ هَٰذَاۖ قَالَ نَبَّأَنِيَ ٱلۡعَلِيمُ ٱلۡخَبِيرُ
Man ingatlah katika sacara rahasia Nabi micarakan soatu paristiwa ka’ salah saurakng bininya (Hafsah) lalu ia nyaritakan paristiwa koa (ka’ Aisyah) man Allah madahatn paristiwa koa ka’ ia (Nabi), lalu (Nabi) madahatnnya ka’ (Hafsah) sabagian man nosokatn sabagiatn nang lain. Maka katika ia (Nabi) madahatn pambicarakan ia koa ka’ Ia (Nafsah), Ia batanya’, “saonang dah udah madahatn hal nian ka’ kao?” Nabi njawabnya,”Nang madahatnnya ka’ aku ialah Allah nang Maha Mangatahui’ man Maha taliti”
Surah At-Tahrim, Verse 3
إِن تَتُوبَآ إِلَى ٱللَّهِ فَقَدۡ صَغَتۡ قُلُوبُكُمَاۖ وَإِن تَظَٰهَرَا عَلَيۡهِ فَإِنَّ ٱللَّهَ هُوَ مَوۡلَىٰهُ وَجِبۡرِيلُ وَصَٰلِحُ ٱلۡمُؤۡمِنِينَۖ وَٱلۡمَلَـٰٓئِكَةُ بَعۡدَ ذَٰلِكَ ظَهِيرٌ
Kade’ koa badua batobat ka’ Allah, maka sungguh, atinyu badua udah condong (nto’ narema’ kabanaratn); man kade’ kao badua saling banto’ mambanto’ nyusahatn Nabi, maka sungguh Allah manjadi palindungnya, man (uga) Jibril, da’ urakng-urakng Mukmin nang baik; man salain koa da’ Mala’ekat-Mala’ekat manjadi panolongnya
Surah At-Tahrim, Verse 4
عَسَىٰ رَبُّهُۥٓ إِن طَلَّقَكُنَّ أَن يُبۡدِلَهُۥٓ أَزۡوَٰجًا خَيۡرٗا مِّنكُنَّ مُسۡلِمَٰتٖ مُّؤۡمِنَٰتٖ قَٰنِتَٰتٖ تَـٰٓئِبَٰتٍ عَٰبِدَٰتٖ سَـٰٓئِحَٰتٖ ثَيِّبَٰتٖ وَأَبۡكَارٗا
Kade’ ia (Nabi) nyareatn kao, mulih jadi Tuhan akan mare’ ganti’ ka’ ia nanang bini- bini nang labih baik dari kao, nang bini- nang bini nang patuh, nang baiman, nang ta’at, nang batobat, nang baibadah, nang bapuasa, nang janda, manang parawan
Surah At-Tahrim, Verse 5
يَـٰٓأَيُّهَا ٱلَّذِينَ ءَامَنُواْ قُوٓاْ أَنفُسَكُمۡ وَأَهۡلِيكُمۡ نَارٗا وَقُودُهَا ٱلنَّاسُ وَٱلۡحِجَارَةُ عَلَيۡهَا مَلَـٰٓئِكَةٌ غِلَاظٞ شِدَادٞ لَّا يَعۡصُونَ ٱللَّهَ مَآ أَمَرَهُمۡ وَيَفۡعَلُونَ مَا يُؤۡمَرُونَ
Wahe urakng-urakng nang baiman! Paliharalah diri’nyu man kaluarganyu dari api naraka nang bahan bakarnya ialah talino man batu; panjaganya mala’ekat-mala’ekat nang kasar, nang karas, nang nana’ durhaka ka’ Allah taradap ahe nang Ia parentahatn ka’ ia iaka’koa man salalu ngarajaatn ahe nang di parentahatn
Surah At-Tahrim, Verse 6
يَـٰٓأَيُّهَا ٱلَّذِينَ كَفَرُواْ لَا تَعۡتَذِرُواْ ٱلۡيَوۡمَۖ إِنَّمَا تُجۡزَوۡنَ مَا كُنتُمۡ تَعۡمَلُونَ
Wahe urakng-urakng kapir! Amelah kao ba’alasatn pada ari nian. Sasungguhnya kao hanya di bare’ balasatn manurut ahe nang udah kao karajaatn
Surah At-Tahrim, Verse 7
يَـٰٓأَيُّهَا ٱلَّذِينَ ءَامَنُواْ تُوبُوٓاْ إِلَى ٱللَّهِ تَوۡبَةٗ نَّصُوحًا عَسَىٰ رَبُّكُمۡ أَن يُكَفِّرَ عَنكُمۡ سَيِّـَٔاتِكُمۡ وَيُدۡخِلَكُمۡ جَنَّـٰتٖ تَجۡرِي مِن تَحۡتِهَا ٱلۡأَنۡهَٰرُ يَوۡمَ لَا يُخۡزِي ٱللَّهُ ٱلنَّبِيَّ وَٱلَّذِينَ ءَامَنُواْ مَعَهُۥۖ نُورُهُمۡ يَسۡعَىٰ بَيۡنَ أَيۡدِيهِمۡ وَبِأَيۡمَٰنِهِمۡ يَقُولُونَ رَبَّنَآ أَتۡمِمۡ لَنَا نُورَنَا وَٱغۡفِرۡ لَنَآۖ إِنَّكَ عَلَىٰ كُلِّ شَيۡءٖ قَدِيرٞ
Wahe urakng-urakng nang baiman! Batobatlah ka’ Allah man tobat nang sabatol-batolnya (samorni-morninya) mudah-mudahan Tuhannyu akan ngapus kasalahatn-kasalahatn nyu man masokatn kao ka’ dalapm saruga-saruga nang ngalir sunge-sunge ka’ babahnya, pada ari katika Allah nana’ ngacewakan Nabi man urakng- urakng nang baiman nang basama mang Ia (Nabi); nang cahayanya iaka’koa mancar ka’ adapatn mang ka’ sabalah kanannya iaka’koa, sambel nya iaka’koa babakatakan, “O… Tuhan kami, sungguh Kita’ Maha Koasa atas sagala sasoatu”
Surah At-Tahrim, Verse 8
يَـٰٓأَيُّهَا ٱلنَّبِيُّ جَٰهِدِ ٱلۡكُفَّارَ وَٱلۡمُنَٰفِقِينَ وَٱغۡلُظۡ عَلَيۡهِمۡۚ وَمَأۡوَىٰهُمۡ جَهَنَّمُۖ وَبِئۡسَ ٱلۡمَصِيرُ
Wahe Nabi! Parangi’lah urakng-urakng kapir man urakng-urakng munapik man basikap karaslah ka’ ia iaka’koa. tampatnya iaka’koa ialah naraka jahannam, nang koalah saburuk-buruk tampatnya kambali
Surah At-Tahrim, Verse 9
ضَرَبَ ٱللَّهُ مَثَلٗا لِّلَّذِينَ كَفَرُواْ ٱمۡرَأَتَ نُوحٖ وَٱمۡرَأَتَ لُوطٖۖ كَانَتَا تَحۡتَ عَبۡدَيۡنِ مِنۡ عِبَادِنَا صَٰلِحَيۡنِ فَخَانَتَاهُمَا فَلَمۡ يُغۡنِيَا عَنۡهُمَا مِنَ ٱللَّهِ شَيۡـٔٗا وَقِيلَ ٱدۡخُلَا ٱلنَّارَ مَعَ ٱلدَّـٰخِلِينَ
Allah mapat parumpama’an bagi urakng- urakng kapir, bini Nuh man bini Lut, kaduanya barada ka ka’ abah pangawasan dua urakng amba nang saleh ka’ antara amba-amba Kami; lalu kadua nang bini koa (bini Nuh man bini Lut) bakianat ka’ kadua lakinya (Nuh man Lut), tapi kadoa lakinya koa nana’ bisa manto ia iaka’koa saebet pun dari (siksa) Allah; lalu di katakan (ka’ kadua nang bini) koa, “Masoklah kao badua ka’ naraka basama urakng-urakng nang masok (naraka)”
Surah At-Tahrim, Verse 10
وَضَرَبَ ٱللَّهُ مَثَلٗا لِّلَّذِينَ ءَامَنُواْ ٱمۡرَأَتَ فِرۡعَوۡنَ إِذۡ قَالَتۡ رَبِّ ٱبۡنِ لِي عِندَكَ بَيۡتٗا فِي ٱلۡجَنَّةِ وَنَجِّنِي مِن فِرۡعَوۡنَ وَعَمَلِهِۦ وَنَجِّنِي مِنَ ٱلۡقَوۡمِ ٱلظَّـٰلِمِينَ
Allah majoat parompama’an bagi urakng- urakng nang baiman, bini Pir’aun, katika ia bakata, “O… Tuhanku pamuatatnlah nto’ku sabuah rumah ka’ sisiNyu dalapm saruga, man salamatatnlah aku dari Pir’aun man pabuatatn nya, man salamatatnlah aku dari kaom nang jalim”
Surah At-Tahrim, Verse 11
وَمَرۡيَمَ ٱبۡنَتَ عِمۡرَٰنَ ٱلَّتِيٓ أَحۡصَنَتۡ فَرۡجَهَا فَنَفَخۡنَا فِيهِ مِن رُّوحِنَا وَصَدَّقَتۡ بِكَلِمَٰتِ رَبِّهَا وَكُتُبِهِۦ وَكَانَتۡ مِنَ ٱلۡقَٰنِتِينَ
Uga’ Maryam nak imron nang malihara (nyaga) kahormatatn (parawan) nya, maka Kami (Allah) siupatn ka’ dalapm rahimnya sabagian dari roh (ciptaatn) Kami; nang ia manaratn kalimat-kalimat Tuhannya man kitab-kitab-Nya, nang ia tamasok urakng- urakng nang ta’at
Surah At-Tahrim, Verse 12