Surah Al-Ghashiya - Shona Translation by Abdullah J. M. Adini And Students
هَلۡ أَتَىٰكَ حَدِيثُ ٱلۡغَٰشِيَةِ
Ko mashoko ezuva remukomberedzo (rekutongwa) akasvika kwauri here
Surah Al-Ghashiya, Verse 1
وُجُوهٞ يَوۡمَئِذٍ خَٰشِعَةٌ
Zvimwe zviso pazuva iroro zvichadupukiswa (mumoto, zviso zvevasingatendi)
Surah Al-Ghashiya, Verse 2
عَامِلَةٞ نَّاصِبَةٞ
Kusevenza (zvakanyanya muhupenyu hwepano pasi nekunamata zvimwe kunze kwaAllah), kunetseka (muhupenyu hwamangwa nekushorwa)
Surah Al-Ghashiya, Verse 3
تَصۡلَىٰ نَارًا حَامِيَةٗ
Vachapinda mumoto unopisa
Surah Al-Ghashiya, Verse 4
تُسۡقَىٰ مِنۡ عَيۡنٍ ءَانِيَةٖ
Vachapihwa kunwa kubva muchitubu chinokwata (fashaira)
Surah Al-Ghashiya, Verse 5
لَّيۡسَ لَهُمۡ طَعَامٌ إِلَّا مِن ضَرِيعٖ
Vachange vasina chekudya kusara kwemuti weminzwa une muchetura
Surah Al-Ghashiya, Verse 6
لَّا يُسۡمِنُ وَلَا يُغۡنِي مِن جُوعٖ
Usingavagutsi kana kuvadzivirira kubva kunzara
Surah Al-Ghashiya, Verse 7
وُجُوهٞ يَوۡمَئِذٖ نَّاعِمَةٞ
(Zvimwe) zviso pazuva iroro zvichange zvichifara
Surah Al-Ghashiya, Verse 8
لِّسَعۡيِهَا رَاضِيَةٞ
Vachifadzwa nemabasa avo (akanaka nekutenda kwavo muIslaam)
Surah Al-Ghashiya, Verse 9
فِي جَنَّةٍ عَالِيَةٖ
Mubindu (Paradhiso) repamusoro
Surah Al-Ghashiya, Verse 10
لَّا تَسۡمَعُ فِيهَا لَٰغِيَةٗ
Uko kwavasinganzwi manyepo
Surah Al-Ghashiya, Verse 11
فِيهَا عَيۡنٞ جَارِيَةٞ
Mariri (bindu) muchange muine chitubu chinoerera
Surah Al-Ghashiya, Verse 12
فِيهَا سُرُرٞ مَّرۡفُوعَةٞ
Mariri (bindu) muchange muine mibhedha yakareba (zvigaro zvakasimudzwa zviri pamusoro)
Surah Al-Ghashiya, Verse 13
وَأَكۡوَابٞ مَّوۡضُوعَةٞ
Uye makomichi akarongedzwa
Surah Al-Ghashiya, Verse 14
وَنَمَارِقُ مَصۡفُوفَةٞ
Uye mapiro akarongwa mumitsara
Surah Al-Ghashiya, Verse 15
وَزَرَابِيُّ مَبۡثُوثَةٌ
Uye makapeti epamusoro (ose) akawaridzwa
Surah Al-Ghashiya, Verse 16
أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ
Havatarisi here ngamera masikirwo ayakaitwa
Surah Al-Ghashiya, Verse 17
وَإِلَى ٱلسَّمَآءِ كَيۡفَ رُفِعَتۡ
Uye denga masimudzirwo arakaitwa
Surah Al-Ghashiya, Verse 18
وَإِلَى ٱلۡجِبَالِ كَيۡفَ نُصِبَتۡ
Uye makomo kuti akamiswa sei (zvakasimba)
Surah Al-Ghashiya, Verse 19
وَإِلَى ٱلۡأَرۡضِ كَيۡفَ سُطِحَتۡ
Uye pasi kuti rakatambanudzwa sei
Surah Al-Ghashiya, Verse 20
فَذَكِّرۡ إِنَّمَآ أَنتَ مُذَكِّرٞ
Naizvozvo yeuchidza (Muhammad (SAW)), zvirokwazvo uri muyeuchidzi
Surah Al-Ghashiya, Verse 21
لَّسۡتَ عَلَيۡهِم بِمُصَيۡطِرٍ
Hausi muchengetedzi wavo (Hauna masimba pamusoro pavo)
Surah Al-Ghashiya, Verse 22
إِلَّا مَن تَوَلَّىٰ وَكَفَرَ
Kusara kweuyo anopikisa uye osiya kutenda
Surah Al-Ghashiya, Verse 23
فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ
Uye Allah vachamutonga nemutongo wakakurisisa
Surah Al-Ghashiya, Verse 24
إِنَّ إِلَيۡنَآ إِيَابَهُمۡ
Zvirokwazvo, kwatiri ndiko kune kudzokera kwavo
Surah Al-Ghashiya, Verse 25
ثُمَّ إِنَّ عَلَيۡنَا حِسَابَهُم
Uye zvirokwazvo, kwatiri ndiko kune kutongwa kwavo
Surah Al-Ghashiya, Verse 26