Surah Ad-Dhuha - Shona Translation by Abdullah J. M. Adini And Students
وَٱلضُّحَىٰ
(Ndinopika) nenguva yemangwanani (zuva richangobuda)
Surah Ad-Dhuha, Verse 1
وَٱلَّيۡلِ إِذَا سَجَىٰ
(Ndinopika) nenguva yemanheru apo painoita rima
Surah Ad-Dhuha, Verse 2
مَا وَدَّعَكَ رَبُّكَ وَمَا قَلَىٰ
Tenzi vako (Iwe Muhammad (SAW)) havana kukurasirira kana kukuvenga
Surah Ad-Dhuha, Verse 3
وَلَلۡأٓخِرَةُ خَيۡرٞ لَّكَ مِنَ ٱلۡأُولَىٰ
Uye zvirokwazvo hupenyu hwemangwana hwakanaka kwauri kukunda hupenyu hwenyika ino
Surah Ad-Dhuha, Verse 4
وَلَسَوۡفَ يُعۡطِيكَ رَبُّكَ فَتَرۡضَىٰٓ
Uye zvirokwazvo, Tenzi vako vachakupa (zvakanaka) naizvozvo ugofara
Surah Ad-Dhuha, Verse 5
أَلَمۡ يَجِدۡكَ يَتِيمٗا فَـَٔاوَىٰ
Havana here kukuwana (Muhammad (SAW)) uri nherera ndokubva vakuchengetedza
Surah Ad-Dhuha, Verse 6
وَوَجَدَكَ ضَآلّٗا فَهَدَىٰ
Uye vakakuwana wakarasika ndokubva vakutungamirira
Surah Ad-Dhuha, Verse 7
وَوَجَدَكَ عَآئِلٗا فَأَغۡنَىٰ
Uye vakakuwana uri murombo ndokubva vakuita mupfumi (mugutsikani nezvaunazvo)
Surah Ad-Dhuha, Verse 8
فَأَمَّا ٱلۡيَتِيمَ فَلَا تَقۡهَرۡ
Naizvozvo, usachengete nherera nehudzvanyiriri
Surah Ad-Dhuha, Verse 9
وَأَمَّا ٱلسَّآئِلَ فَلَا تَنۡهَرۡ
Uye usadzinge uyo anokumbira (mupe)
Surah Ad-Dhuha, Verse 10
وَأَمَّا بِنِعۡمَةِ رَبِّكَ فَحَدِّثۡ
Uyezve taura pamusoro pemakomborero aTenzi vako (awakapiwa, Huporofita nemamwewo)
Surah Ad-Dhuha, Verse 11