Surah Al-Ahzab - Kendayan Translation by Unknown
يَـٰٓأَيُّهَا ٱلنَّبِيُّ ٱتَّقِ ٱللَّهَ وَلَا تُطِعِ ٱلۡكَٰفِرِينَ وَٱلۡمُنَٰفِقِينَۚ إِنَّ ٱللَّهَ كَانَ عَلِيمًا حَكِيمٗا
Wahe Nabi! Bataqwalah ka’ Allah, man amelah kao nuruti’ (ka’inginan) urakng- urakng kapir man urakng-urakng munâfiq. Sabatolnya Allah Maha Naw’an, Maha Bijaksana
Surah Al-Ahzab, Verse 1
وَٱتَّبِعۡ مَا يُوحَىٰٓ إِلَيۡكَ مِن رَّبِّكَۚ إِنَّ ٱللَّهَ كَانَ بِمَا تَعۡمَلُونَ خَبِيرٗا
Man ikuti’lah ahe nang diwahyuatn Tuhannyu ka’ kao. Sungguh, Allah maha taliti tahadap ahe nang kao karajaatn
Surah Al-Ahzab, Verse 2
وَتَوَكَّلۡ عَلَى ٱللَّهِۚ وَكَفَىٰ بِٱللَّهِ وَكِيلٗا
Man bataqwalah ka’ Allah. Man cukuplah Allah sabage pamalihara
Surah Al-Ahzab, Verse 3
مَّا جَعَلَ ٱللَّهُ لِرَجُلٖ مِّن قَلۡبَيۡنِ فِي جَوۡفِهِۦۚ وَمَا جَعَلَ أَزۡوَٰجَكُمُ ٱلَّـٰٓـِٔي تُظَٰهِرُونَ مِنۡهُنَّ أُمَّهَٰتِكُمۡۚ وَمَا جَعَلَ أَدۡعِيَآءَكُمۡ أَبۡنَآءَكُمۡۚ ذَٰلِكُمۡ قَوۡلُكُم بِأَفۡوَٰهِكُمۡۖ وَٱللَّهُ يَقُولُ ٱلۡحَقَّ وَهُوَ يَهۡدِي ٱلسَّبِيلَ
Allah nana’ nyadiaatn nto’ saurakng dua ati dalapm rongganya; man Ia nana’ nyadiaatn bini-bininyu nang kita’ zihar663 koa sabage uwe’ kita’, man Ia nana’ nyadiakan anak angkatnyu sabage anak kandungnyu (babaro). Nang ampakoa nggelah pakataatn ka’ molot kita’ nihan. Allah ngataatn nang sabanarnya, mang Ia nojokkatn maraga (nang banar)
Surah Al-Ahzab, Verse 4
ٱدۡعُوهُمۡ لِأٓبَآئِهِمۡ هُوَ أَقۡسَطُ عِندَ ٱللَّهِۚ فَإِن لَّمۡ تَعۡلَمُوٓاْ ءَابَآءَهُمۡ فَإِخۡوَٰنُكُمۡ فِي ٱلدِّينِ وَمَوَٰلِيكُمۡۚ وَلَيۡسَ عَلَيۡكُمۡ جُنَاحٞ فِيمَآ أَخۡطَأۡتُم بِهِۦ وَلَٰكِن مَّا تَعَمَّدَتۡ قُلُوبُكُمۡۚ وَكَانَ ٱللَّهُ غَفُورٗا رَّحِيمًا
Saru’lah iaka’koa (anak angkat koa) man (make’) dama apa’ nya ka’ koa ngkoalah nang adil ka’ sisi Allah, man kade’ kao nana’ nau’an apa’ iaka’koa maka (saru’lah iaka’koa sabage) sodara-sodaranyu saagama man maula-maulan kita’. 664 Man nana’ ada dosa atas nyu kade’ kao kilaf tantang koa, tatapi (nang ada dosanya) ahe nang disengaja di’ ati kita’. Allah Maha Pangampon, Maha Panyayang
Surah Al-Ahzab, Verse 5
ٱلنَّبِيُّ أَوۡلَىٰ بِٱلۡمُؤۡمِنِينَ مِنۡ أَنفُسِهِمۡۖ وَأَزۡوَٰجُهُۥٓ أُمَّهَٰتُهُمۡۗ وَأُوْلُواْ ٱلۡأَرۡحَامِ بَعۡضُهُمۡ أَوۡلَىٰ بِبَعۡضٖ فِي كِتَٰبِ ٱللَّهِ مِنَ ٱلۡمُؤۡمِنِينَ وَٱلۡمُهَٰجِرِينَ إِلَّآ أَن تَفۡعَلُوٓاْ إِلَىٰٓ أَوۡلِيَآئِكُم مَّعۡرُوفٗاۚ كَانَ ذَٰلِكَ فِي ٱلۡكِتَٰبِ مَسۡطُورٗا
Nabi koa labih utama nto’ urakng-urakng mukmin dibandingkatn diri’ nyaka’koa babaro665 man bini-bininya ialah uwe’-uwe’ iaka’koa. Urakng-urakng nang ada hubungan darah sote’ mang nang lain labih bahak (waris-mawarisi’), ka’ dalapm kitab Allah daripada urakng-urakng mukmin man urakng-urakng muhajirin, kacoali kade’ kao mao’ babuat baik666 ka’ sodara-sodaranyu (sa-agama). Ampakoalah udah tatulis ka’ dalapm Kitab (Allah)
Surah Al-Ahzab, Verse 6
وَإِذۡ أَخَذۡنَا مِنَ ٱلنَّبِيِّـۧنَ مِيثَٰقَهُمۡ وَمِنكَ وَمِن نُّوحٖ وَإِبۡرَٰهِيمَ وَمُوسَىٰ وَعِيسَى ٱبۡنِ مَرۡيَمَۖ وَأَخَذۡنَا مِنۡهُم مِّيثَٰقًا غَلِيظٗا
Man (ingatlah) katika Kami na’ap pajanjian dari da’ Nabi man dari kao (babaro), dari Nuh, Ibrahim, Musa man Isa putra Maryam, man Kami udah na’ap dari iaka’koa pajanjian nang taguh
Surah Al-Ahzab, Verse 7
لِّيَسۡـَٔلَ ٱلصَّـٰدِقِينَ عَن صِدۡقِهِمۡۚ وَأَعَدَّ لِلۡكَٰفِرِينَ عَذَابًا أَلِيمٗا
Supaya ia nanya’atn ka’ urakng-urakng nang banar tantang kabanaratn iaka’koa. 668 Ia nyadiatn siksaatn nang padih ka’ urakng- urakng kapir
Surah Al-Ahzab, Verse 8
يَـٰٓأَيُّهَا ٱلَّذِينَ ءَامَنُواْ ٱذۡكُرُواْ نِعۡمَةَ ٱللَّهِ عَلَيۡكُمۡ إِذۡ جَآءَتۡكُمۡ جُنُودٞ فَأَرۡسَلۡنَا عَلَيۡهِمۡ رِيحٗا وَجُنُودٗا لَّمۡ تَرَوۡهَاۚ وَكَانَ ٱللَّهُ بِمَا تَعۡمَلُونَ بَصِيرًا
Wahe urakng-urakng nang ba iman! Ingatlah ka’ nikmat Allah (nang udah dikaruniaatn) ka’ kita’ katika bala tantara atakng ka’ kita’, lalu Kami kirimpatn ka’ iaka’koa angin topan man bala tantara nang nana’ bisa tatele’ di kita’. 669 Allah Maha Nele’ ahe nang kao karajaatn
Surah Al-Ahzab, Verse 9
إِذۡ جَآءُوكُم مِّن فَوۡقِكُمۡ وَمِنۡ أَسۡفَلَ مِنكُمۡ وَإِذۡ زَاغَتِ ٱلۡأَبۡصَٰرُ وَبَلَغَتِ ٱلۡقُلُوبُ ٱلۡحَنَاجِرَ وَتَظُنُّونَ بِٱللَّهِ ٱلظُّنُونَا۠
(Ialah) katika iaka’koa atakng ka’ kita’ dari atas man dari babah kita’, man katika pane- le’ atn (kita’) tapana man ati kita’ sasak sampe ka’ karongkongan670 man kao bapara- sangka nang buke’-buke’ tahadap Allah
Surah Al-Ahzab, Verse 10
هُنَالِكَ ٱبۡتُلِيَ ٱلۡمُؤۡمِنُونَ وَزُلۡزِلُواْ زِلۡزَالٗا شَدِيدٗا
Dikoalah diuji urakng-urakng mukmin man digoncangan (atinya) mang goncangan nang miah
Surah Al-Ahzab, Verse 11
وَإِذۡ يَقُولُ ٱلۡمُنَٰفِقُونَ وَٱلَّذِينَ فِي قُلُوبِهِم مَّرَضٞ مَّا وَعَدَنَا ٱللَّهُ وَرَسُولُهُۥٓ إِلَّا غُرُورٗا
Man (ingatlah) katika urakng-urakng munâfiq man urakng-urakng nang atinya bapanyakit bakata, ”Nang dijanjiatn Allah man rasul-Nya ka’ kami ngge lah tipu daya balaka”
Surah Al-Ahzab, Verse 12
وَإِذۡ قَالَت طَّآئِفَةٞ مِّنۡهُمۡ يَـٰٓأَهۡلَ يَثۡرِبَ لَا مُقَامَ لَكُمۡ فَٱرۡجِعُواْۚ وَيَسۡتَـٔۡذِنُ فَرِيقٞ مِّنۡهُمُ ٱلنَّبِيَّ يَقُولُونَ إِنَّ بُيُوتَنَا عَوۡرَةٞ وَمَا هِيَ بِعَوۡرَةٍۖ إِن يُرِيدُونَ إِلَّا فِرَارٗا
Man (ingatlah) katika sagolongan ka’ antara iaka’koa bakata, ”Wahe panduduk Yasrib (Madinah)! nana’ ada tampat baginyu nto’ kita’ maka kambalilah kita’. “Man sabagian dari iaka’koa minta’ ijin ka’ Nabi (nto’ kambali pulakng) mang bakata, ”Sabatolnya rumah-rumah kami tabuka’ (nana’ ada panjaga)”. Man rumah-rumah koa sakali- kali nana’tabuka’, iaka’koa nana’ lain ngge mao’ dari
Surah Al-Ahzab, Verse 13
وَلَوۡ دُخِلَتۡ عَلَيۡهِم مِّنۡ أَقۡطَارِهَا ثُمَّ سُئِلُواْ ٱلۡفِتۡنَةَ لَأٓتَوۡهَا وَمَا تَلَبَّثُواْ بِهَآ إِلَّا يَسِيرٗا
Man kade’ (Yasrib) disarang dari sagala panjuru, man iaka’koa di minta’ supaya muat kakacoatn, pasti iaka’koa ngarajaatn nya; man ngge sabantar nihan iaka’koa nunggu
Surah Al-Ahzab, Verse 14
وَلَقَدۡ كَانُواْ عَٰهَدُواْ ٱللَّهَ مِن قَبۡلُ لَا يُوَلُّونَ ٱلۡأَدۡبَٰرَۚ وَكَانَ عَهۡدُ ٱللَّهِ مَسۡـُٔولٗا
Man sungguh, iaka’koa sanape’ kao udah bajanji ka’ Allah, nana’ akan babalik ka’ balakang (mundur). Man pajanjian mang Allah akan pinta’i patanggongjawapatn
Surah Al-Ahzab, Verse 15
قُل لَّن يَنفَعَكُمُ ٱلۡفِرَارُ إِن فَرَرۡتُم مِّنَ ٱلۡمَوۡتِ أَوِ ٱلۡقَتۡلِ وَإِذٗا لَّا تُمَتَّعُونَ إِلَّا قَلِيلٗا
Kataatnlah (Muhammad), ”dari nana’ lah baguna baginyunto’ kita’, kade’ kita’ nariatn diri’ dari kamatiatn ato pambunuhan, man kade’ lekoa, (kita’ tahindar dari kamatiatn) kita’ ngge akan ngarasa kasanangan sabantar nihan”
Surah Al-Ahzab, Verse 16
قُلۡ مَن ذَا ٱلَّذِي يَعۡصِمُكُم مِّنَ ٱللَّهِ إِنۡ أَرَادَ بِكُمۡ سُوٓءًا أَوۡ أَرَادَ بِكُمۡ رَحۡمَةٗۚ وَلَا يَجِدُونَ لَهُم مِّن دُونِ ٱللَّهِ وَلِيّٗا وَلَا نَصِيرٗا
Kataatnlah, ”sae ke’nang bisa ngalindungi’ kao dari (katantuatn) Allah kade’ Ia ngahan- daki’ bancana atas nyu ato ngahandaki’ rahmat nto’ diri’ nyu?” Iaka’koa nana’ akan namu palindungan man panolong salain Allah
Surah Al-Ahzab, Verse 17
۞قَدۡ يَعۡلَمُ ٱللَّهُ ٱلۡمُعَوِّقِينَ مِنكُمۡ وَٱلۡقَآئِلِينَ لِإِخۡوَٰنِهِمۡ هَلُمَّ إِلَيۡنَاۖ وَلَا يَأۡتُونَ ٱلۡبَأۡسَ إِلَّا قَلِيلًا
Sungguh, Allah nau’an urakng-urakng nang ngalang-ngalangi’ ka’antara kita’ man urakng-urakng nang bakata ka’ sodara- sodaranya, ”Ijehlah barage man kami”. Tatapi iaka’koa atakng baparang ngge sabantar
Surah Al-Ahzab, Verse 18
أَشِحَّةً عَلَيۡكُمۡۖ فَإِذَا جَآءَ ٱلۡخَوۡفُ رَأَيۡتَهُمۡ يَنظُرُونَ إِلَيۡكَ تَدُورُ أَعۡيُنُهُمۡ كَٱلَّذِي يُغۡشَىٰ عَلَيۡهِ مِنَ ٱلۡمَوۡتِۖ فَإِذَا ذَهَبَ ٱلۡخَوۡفُ سَلَقُوكُم بِأَلۡسِنَةٍ حِدَادٍ أَشِحَّةً عَلَى ٱلۡخَيۡرِۚ أُوْلَـٰٓئِكَ لَمۡ يُؤۡمِنُواْ فَأَحۡبَطَ ٱللَّهُ أَعۡمَٰلَهُمۡۚ وَكَانَ ذَٰلِكَ عَلَى ٱللَّهِ يَسِيرٗا
Iaka’koa sengke’ ka’ kita’. Kade’ dah atakng kagali’anan (bahaya), kita’ tele’ iaka’koa nele’ ka’ kita’ mang mata nang tabalik-balik saparati urakng nang pingsan karana mao’ mati, man kade’ kagali’atn udah ilang, iaka’koa ngina kao mang jilah nang tajapm, sadangkan iaka’koa sengke’ nto’ babuat kabaikatn. Iaka’koa nana’ baiman maka Allah ngapus amalnya. Man ampa koa mudah bagi Allah
Surah Al-Ahzab, Verse 19
يَحۡسَبُونَ ٱلۡأَحۡزَابَ لَمۡ يَذۡهَبُواْۖ وَإِن يَأۡتِ ٱلۡأَحۡزَابُ يَوَدُّواْ لَوۡ أَنَّهُم بَادُونَ فِي ٱلۡأَعۡرَابِ يَسۡـَٔلُونَ عَنۡ أَنۢبَآئِكُمۡۖ وَلَوۡ كَانُواْ فِيكُم مَّا قَٰتَلُوٓاْ إِلَّا قَلِيلٗا
Iaka’koa ngira (bahoa’) golongan-golongan (nang basakongkol) koa nape’ ampus, man kade’ golongan-golongan (nang basakong- kol) koa atakng kambali, pasti iaka’koa mao’ barada ka’ dusun-dusun barage-rage urakng Arab badui, barage nanya’an barita tantang kita’. Man sakiranya iaka’koa ada man kita’, iaka’koa nana’ akan baparang malaintatn sabantar nihan’
Surah Al-Ahzab, Verse 20
لَّقَدۡ كَانَ لَكُمۡ فِي رَسُولِ ٱللَّهِ أُسۡوَةٌ حَسَنَةٞ لِّمَن كَانَ يَرۡجُواْ ٱللَّهَ وَٱلۡيَوۡمَ ٱلۡأٓخِرَ وَذَكَرَ ٱللَّهَ كَثِيرٗا
Sungguh, udah ada ka’ (diri’) Rasulullah koa suri taladan nang edo’ nto’ kita’ (ialah) ka’ urakng nang mangarap (rahmat) Allah man (kaatangan) ari kiamat man nang manyak ngingat Allah
Surah Al-Ahzab, Verse 21
وَلَمَّا رَءَا ٱلۡمُؤۡمِنُونَ ٱلۡأَحۡزَابَ قَالُواْ هَٰذَا مَا وَعَدَنَا ٱللَّهُ وَرَسُولُهُۥ وَصَدَقَ ٱللَّهُ وَرَسُولُهُۥۚ وَمَا زَادَهُمۡ إِلَّآ إِيمَٰنٗا وَتَسۡلِيمٗا
Man katika urakng-urakng mukmin nele’ golongan-golongan (nang basakongkol) koa, iaka’koa bakata, ”Nianlah nang dijanjiatn Allah man Rasul-Nya, 671 ka’ kita’. ”Man banarlah Allah man Rasul-Nya. Nang ampa- koa manambah kaiman man kaislaman iaka’koa
Surah Al-Ahzab, Verse 22
مِّنَ ٱلۡمُؤۡمِنِينَ رِجَالٞ صَدَقُواْ مَا عَٰهَدُواْ ٱللَّهَ عَلَيۡهِۖ فَمِنۡهُم مَّن قَضَىٰ نَحۡبَهُۥ وَمِنۡهُم مَّن يَنتَظِرُۖ وَمَا بَدَّلُواْ تَبۡدِيلٗا
Ka’antara urakng-urakng mukmin koa ada urakng-urakng nang nampati’ ahe nang udah iaka’koa janjiatn ka’ Allah. Man ka’ antara iaka’koa ada nang gugur, man ka’antara iaka’koa ada (uga’) nang nunggu-nunggu672 man iaka’koa saebet pun nana’ ngubah (janjinya)
Surah Al-Ahzab, Verse 23
لِّيَجۡزِيَ ٱللَّهُ ٱلصَّـٰدِقِينَ بِصِدۡقِهِمۡ وَيُعَذِّبَ ٱلۡمُنَٰفِقِينَ إِن شَآءَ أَوۡ يَتُوبَ عَلَيۡهِمۡۚ إِنَّ ٱللَّهَ كَانَ غَفُورٗا رَّحِيمٗا
Agar Allah mare’atn balasan ka’ urakng- urakng nang banar koa karana kabanaratn- nya, man nyiksa urakng munāfiq kade’ Ia ngahen-daki’, ato narima’ tobatnya ka’koa. sungguh, Allah Maha pangampon, Maha Panyayang
Surah Al-Ahzab, Verse 24
وَرَدَّ ٱللَّهُ ٱلَّذِينَ كَفَرُواْ بِغَيۡظِهِمۡ لَمۡ يَنَالُواْ خَيۡرٗاۚ وَكَفَى ٱللَّهُ ٱلۡمُؤۡمِنِينَ ٱلۡقِتَالَۚ وَكَانَ ٱللَّهُ قَوِيًّا عَزِيزٗا
Man Allah ngaga’ urakng-urakng kapir koa nang ka’ada’an iaka’koa panoh kajengkel- atn, karana iaka’koa (uga’) nana’ namu kauntungan ahe pun. Cukuplah Allah (nang manto’) ngindaratn urakng-urakng mukmin dari paparangan. 673 Man Allah Maha Kuat, Maha Pakasa
Surah Al-Ahzab, Verse 25
وَأَنزَلَ ٱلَّذِينَ ظَٰهَرُوهُم مِّنۡ أَهۡلِ ٱلۡكِتَٰبِ مِن صَيَاصِيهِمۡ وَقَذَفَ فِي قُلُوبِهِمُ ٱلرُّعۡبَ فَرِيقٗا تَقۡتُلُونَ وَتَأۡسِرُونَ فَرِيقٗا
Man Ia nuruntatn urakng-urakng ahli kitab (Bani Quraizah) nang manto’ iaka’koa (golongan-golongan nang basakongkol) dari benteng-benteng Nya ka’koa. Man Ia masokatn rasa gali’ ka’ dalapm ati Nya ka’koa. Sabagian iaka’koa kita’ bunuh man sabagian nang lain kao tawan
Surah Al-Ahzab, Verse 26
وَأَوۡرَثَكُمۡ أَرۡضَهُمۡ وَدِيَٰرَهُمۡ وَأَمۡوَٰلَهُمۡ وَأَرۡضٗا لَّمۡ تَطَـُٔوهَاۚ وَكَانَ ٱللَّهُ عَلَىٰ كُلِّ شَيۡءٖ قَدِيرٗا
Man Ia ngawarisatn ka’ kita' tanah-tanah, rumah-rumah man harta banda iaka’koa, (man ampakoa uga’), tanah nang nape’ kita’ tinyak. 675 Man Allah Maha Kuasa tahadap sagala sasuatu
Surah Al-Ahzab, Verse 27
يَـٰٓأَيُّهَا ٱلنَّبِيُّ قُل لِّأَزۡوَٰجِكَ إِن كُنتُنَّ تُرِدۡنَ ٱلۡحَيَوٰةَ ٱلدُّنۡيَا وَزِينَتَهَا فَتَعَالَيۡنَ أُمَتِّعۡكُنَّ وَأُسَرِّحۡكُنَّ سَرَاحٗا جَمِيلٗا
Wahe Nabi! kataatnlah ka’ bini-bininyu, “kade’ kita’ mangingintatn kaidupatn ka’ dunia man pariasannya maka ka’kaiknglah supaya ku barentatn ka’ kita’ mut’ah man aku careatn kita’ mang cara nang baik”
Surah Al-Ahzab, Verse 28
وَإِن كُنتُنَّ تُرِدۡنَ ٱللَّهَ وَرَسُولَهُۥ وَٱلدَّارَ ٱلۡأٓخِرَةَ فَإِنَّ ٱللَّهَ أَعَدَّ لِلۡمُحۡسِنَٰتِ مِنكُنَّ أَجۡرًا عَظِيمٗا
Man kade’ kao mangingintatn Allah man Rasul-Nya man nagari naherat maka sabatolnya Allah nyadiatn pahala nang aya’ ka’ sae nang babuat edo’ ka’antara kita’
Surah Al-Ahzab, Verse 29
يَٰنِسَآءَ ٱلنَّبِيِّ مَن يَأۡتِ مِنكُنَّ بِفَٰحِشَةٖ مُّبَيِّنَةٖ يُضَٰعَفۡ لَهَا ٱلۡعَذَابُ ضِعۡفَيۡنِۚ وَكَانَ ذَٰلِكَ عَلَى ٱللَّهِ يَسِيرٗا
Wahe bini-bini Nabi! sae ma’an ka’antara kita’ nang ngarajaatn pabuatan jahat nang nyata, pasti siksaatnnya akan dilipat gandaatn dua kali lipat ka’ ia. nang ampakoa, mudah bagi Allah
Surah Al-Ahzab, Verse 30
۞وَمَن يَقۡنُتۡ مِنكُنَّ لِلَّهِ وَرَسُولِهِۦ وَتَعۡمَلۡ صَٰلِحٗا نُّؤۡتِهَآ أَجۡرَهَا مَرَّتَيۡنِ وَأَعۡتَدۡنَا لَهَا رِزۡقٗا كَرِيمٗا
Man sae ma’an ka’ antara kita’ (bini-bini Nabi) tatap taat ka’ Allah man Rasul-Nya, man ngarajaatn kabaikatn, pasti Kami bare’atn pahala ka’ia dua kali lipat man Kami sadiaatn rajaki nang mulia ka’ ia
Surah Al-Ahzab, Verse 31
يَٰنِسَآءَ ٱلنَّبِيِّ لَسۡتُنَّ كَأَحَدٖ مِّنَ ٱلنِّسَآءِ إِنِ ٱتَّقَيۡتُنَّۚ فَلَا تَخۡضَعۡنَ بِٱلۡقَوۡلِ فَيَطۡمَعَ ٱلَّذِي فِي قَلۡبِهِۦ مَرَضٞ وَقُلۡنَ قَوۡلٗا مَّعۡرُوفٗا
Wahe bini-bini Nabi! kao nana’ saparati nang bini lain, kade’ kao bataqwa. Maka amelah kao tunduk (malamah-lamutatn suara)676 dalapm babicara sahingga kaluar napsu urakng nang ada panyakit dalapm atinya,677 man ucapatn lah pakataan nang baik
Surah Al-Ahzab, Verse 32
وَقَرۡنَ فِي بُيُوتِكُنَّ وَلَا تَبَرَّجۡنَ تَبَرُّجَ ٱلۡجَٰهِلِيَّةِ ٱلۡأُولَىٰۖ وَأَقِمۡنَ ٱلصَّلَوٰةَ وَءَاتِينَ ٱلزَّكَوٰةَ وَأَطِعۡنَ ٱللَّهَ وَرَسُولَهُۥٓۚ إِنَّمَا يُرِيدُ ٱللَّهُ لِيُذۡهِبَ عَنكُمُ ٱلرِّجۡسَ أَهۡلَ ٱلۡبَيۡتِ وَيُطَهِّرَكُمۡ تَطۡهِيرٗا
Man handaklah kao tatap ka’ rumahnyu,678 man amelah kao ba’iyas man (batingkah laku) ampahe urakng-urakng jahiliah de’e,679 man laksanaatn salat, tunaiatn zakat man taati’ Allah mang rasul-Nya. Sabatolnya Allah bamaksud mao’ ngilangkatn dosa kita’, wahe ahlulbait,680 nang marasehatn kita’ sabaraseh-barasehnya
Surah Al-Ahzab, Verse 33
وَٱذۡكُرۡنَ مَا يُتۡلَىٰ فِي بُيُوتِكُنَّ مِنۡ ءَايَٰتِ ٱللَّهِ وَٱلۡحِكۡمَةِۚ إِنَّ ٱللَّهَ كَانَ لَطِيفًا خَبِيرًا
Man ingatlah ahe nang dibacaatn ka’ rumah kita’ dari ayat-ayat Allah man hikmah (sunah Nabi) nyu. Sungguh, Allah Maha lamut, Maha nau’an
Surah Al-Ahzab, Verse 34
إِنَّ ٱلۡمُسۡلِمِينَ وَٱلۡمُسۡلِمَٰتِ وَٱلۡمُؤۡمِنِينَ وَٱلۡمُؤۡمِنَٰتِ وَٱلۡقَٰنِتِينَ وَٱلۡقَٰنِتَٰتِ وَٱلصَّـٰدِقِينَ وَٱلصَّـٰدِقَٰتِ وَٱلصَّـٰبِرِينَ وَٱلصَّـٰبِرَٰتِ وَٱلۡخَٰشِعِينَ وَٱلۡخَٰشِعَٰتِ وَٱلۡمُتَصَدِّقِينَ وَٱلۡمُتَصَدِّقَٰتِ وَٱلصَّـٰٓئِمِينَ وَٱلصَّـٰٓئِمَٰتِ وَٱلۡحَٰفِظِينَ فُرُوجَهُمۡ وَٱلۡحَٰفِظَٰتِ وَٱلذَّـٰكِرِينَ ٱللَّهَ كَثِيرٗا وَٱلذَّـٰكِرَٰتِ أَعَدَّ ٱللَّهُ لَهُم مَّغۡفِرَةٗ وَأَجۡرًا عَظِيمٗا
Sungguh, nang laki man nang bini muslim, nang laki man nang bini mukmin, nang laki man nang bini nang tatap dalapm kataatanya, nang laki man nang bini nang banar, nang laki man nang bini nang sabar, nang laki man nang bini khusyuk, laki-laki man nang bini nang basadakah, nang laki man nang bini nang bapuasa, nang laki man nang bini nang nyaga kahormatannya, nang laki man nang bini nang manyak nyabut (dama) Allah, Allah tatap nyadiaatn nto’ iaka’koa amponan man pahala nang aya’
Surah Al-Ahzab, Verse 35
وَمَا كَانَ لِمُؤۡمِنٖ وَلَا مُؤۡمِنَةٍ إِذَا قَضَى ٱللَّهُ وَرَسُولُهُۥٓ أَمۡرًا أَن يَكُونَ لَهُمُ ٱلۡخِيَرَةُ مِنۡ أَمۡرِهِمۡۗ وَمَن يَعۡصِ ٱللَّهَ وَرَسُولَهُۥ فَقَدۡ ضَلَّ ضَلَٰلٗا مُّبِينٗا
Man nana’ lah pantas ka’ nang laki nang mukmin man nang bini nang mukmin, kade’ Allah man Rasul-Nya, udah natapatn suatu katatapatn, akan ada kamao’atn (nang lain) bagi iaka’koa tantang urusan iaka’koa. Man sae ma’an durhakai’ ka’ Allah man Rasul- Nya maka sungguh, ia udah tasasat, mang kasasatatn nang nyata
Surah Al-Ahzab, Verse 36
وَإِذۡ تَقُولُ لِلَّذِيٓ أَنۡعَمَ ٱللَّهُ عَلَيۡهِ وَأَنۡعَمۡتَ عَلَيۡهِ أَمۡسِكۡ عَلَيۡكَ زَوۡجَكَ وَٱتَّقِ ٱللَّهَ وَتُخۡفِي فِي نَفۡسِكَ مَا ٱللَّهُ مُبۡدِيهِ وَتَخۡشَى ٱلنَّاسَ وَٱللَّهُ أَحَقُّ أَن تَخۡشَىٰهُۖ فَلَمَّا قَضَىٰ زَيۡدٞ مِّنۡهَا وَطَرٗا زَوَّجۡنَٰكَهَا لِكَيۡ لَا يَكُونَ عَلَى ٱلۡمُؤۡمِنِينَ حَرَجٞ فِيٓ أَزۡوَٰجِ أَدۡعِيَآئِهِمۡ إِذَا قَضَوۡاْ مِنۡهُنَّ وَطَرٗاۚ وَكَانَ أَمۡرُ ٱللَّهِ مَفۡعُولٗا
Man (ingatlah), katika kao (Muhammad) bakata ka’ urakng nang udah dibare’ nikmat oleh Allah man kao (uga’) udah mare’ nikmat ka ia, ”patahantatnlah tarus bininyu man bataqwalah ka’ Allah.” Sadangkatn kao nasokatn ka’ dalapm atinyu ahe nang akan dinyatakan oleh Allah, man kao gali’ ka’ talino padahal Allah labih bahak kao gali’atn. Maka katika Zaid udah ngahiri’ kapalaluatn tahadap bininya (nyareatn nya), Kami nikahatn kao mang ia (Zainab)681 supaya nana’ ada kabaratatn ka’ urakng mukmin nto’ (nikahi’) bini-bini anak-anak angkat iaka’koa, kade’ anak-anak angkat koa udah nyalaseatn kapalaluannya tahadap bininya. Man katatapan Allah koa pasti tajadi
Surah Al-Ahzab, Verse 37
مَّا كَانَ عَلَى ٱلنَّبِيِّ مِنۡ حَرَجٖ فِيمَا فَرَضَ ٱللَّهُ لَهُۥۖ سُنَّةَ ٱللَّهِ فِي ٱلَّذِينَ خَلَوۡاْ مِن قَبۡلُۚ وَكَانَ أَمۡرُ ٱللَّهِ قَدَرٗا مَّقۡدُورًا
Nana’ ada kabaratan ahepun ka’ Nabi tantang ahe nang udah ditatapatn Allah ka’ ia. (Allah udah netapatn ahe nang ampakoa) sabage sunnah Allah man kada’ Nabi-nabi nang udah dolo’. Man katatapan Allah koa suatu katatapan nang pasti balaku
Surah Al-Ahzab, Verse 38
ٱلَّذِينَ يُبَلِّغُونَ رِسَٰلَٰتِ ٱللَّهِ وَيَخۡشَوۡنَهُۥ وَلَا يَخۡشَوۡنَ أَحَدًا إِلَّا ٱللَّهَۗ وَكَفَىٰ بِٱللَّهِ حَسِيبٗا
(Ialah) urakng-urakng nang nyampeatn risalah-risalah Allah, 682 iaka’koa gali’ ka’ Ia Man nana’ marasa gali’ ka’ sae pun salain ka’ Allah. Man cukuplah Allah sabage pamuat paretongan
Surah Al-Ahzab, Verse 39
مَّا كَانَ مُحَمَّدٌ أَبَآ أَحَدٖ مِّن رِّجَالِكُمۡ وَلَٰكِن رَّسُولَ ٱللَّهِ وَخَاتَمَ ٱلنَّبِيِّـۧنَۗ وَكَانَ ٱللَّهُ بِكُلِّ شَيۡءٍ عَلِيمٗا
Muhammad koa buke’lah apa’ dari saurakng ka’antara kita’, 683 tatapi ia ialah utusan Allah, man panutup samua Nabi. Man Allah maha nau’an sagala sasuatu
Surah Al-Ahzab, Verse 40
يَـٰٓأَيُّهَا ٱلَّذِينَ ءَامَنُواْ ٱذۡكُرُواْ ٱللَّهَ ذِكۡرٗا كَثِيرٗا
Wahe urakng-urakng nang ba iman! Ingatlah ka’ Allah, mang ngingat (dama) – Nya samanyak-manyaknya
Surah Al-Ahzab, Verse 41
وَسَبِّحُوهُ بُكۡرَةٗ وَأَصِيلًا
Man batasbihlah ka’ Ia ka’ waktu alapm man gumare’ ari
Surah Al-Ahzab, Verse 42
هُوَ ٱلَّذِي يُصَلِّي عَلَيۡكُمۡ وَمَلَـٰٓئِكَتُهُۥ لِيُخۡرِجَكُم مِّنَ ٱلظُّلُمَٰتِ إِلَى ٱلنُّورِۚ وَكَانَ بِٱلۡمُؤۡمِنِينَ رَحِيمٗا
Ialah nang mare’ rahmat ka’ kao man para mala’ekat-Nya (minta’atn amponan nto’ kita’) supaya Ia ngaluaratn kita’ dari kagalapatn ka’ cahaya (nang tarang). Man Ia Maha Panyayang ka’ urakng-urakng nang ba iman
Surah Al-Ahzab, Verse 43
تَحِيَّتُهُمۡ يَوۡمَ يَلۡقَوۡنَهُۥ سَلَٰمٞۚ وَأَعَدَّ لَهُمۡ أَجۡرٗا كَرِيمٗا
Panghormatan iaka’koa (urakng-urakng mukmin koa) katika iaka’koa namui’-Nya ialah, ”salam”, 684 man ia nyadiakan pahala nang mulia nto’ iaka’koa
Surah Al-Ahzab, Verse 44
يَـٰٓأَيُّهَا ٱلنَّبِيُّ إِنَّآ أَرۡسَلۡنَٰكَ شَٰهِدٗا وَمُبَشِّرٗا وَنَذِيرٗا
Wahe Nabi! sabatolnya Kami mangutusnyu nto’ manjadi saksi, nang ngicakng kabar gambira man mare’ paringatatn
Surah Al-Ahzab, Verse 45
وَدَاعِيًا إِلَى ٱللَّهِ بِإِذۡنِهِۦ وَسِرَاجٗا مُّنِيرٗا
Man nto’ manjadi panyaru’ ka’ (agama) Allah mang ijin-Nya man sabage cahaya nang narangi’
Surah Al-Ahzab, Verse 46
وَبَشِّرِ ٱلۡمُؤۡمِنِينَ بِأَنَّ لَهُم مِّنَ ٱللَّهِ فَضۡلٗا كَبِيرٗا
Man sampeatn lah kabar gambira ka’ urakng-urakng mukmin bahoa’ sabatolnya bagi iaka’koa karunia nang aya’ dari Allah
Surah Al-Ahzab, Verse 47
وَلَا تُطِعِ ٱلۡكَٰفِرِينَ وَٱلۡمُنَٰفِقِينَ وَدَعۡ أَذَىٰهُمۡ وَتَوَكَّلۡ عَلَى ٱللَّهِۚ وَكَفَىٰ بِٱللَّهِ وَكِيلٗا
Man amelah kao (Muhammad) nuruti’ urakng- urakng kapir, man urakng-urakng munâfiq koa, man amelah kao hiroatn ganggu’atn iaka’koa man batawakallah ka’ Allah. Man cukuplah Allah sabage palindung
Surah Al-Ahzab, Verse 48
يَـٰٓأَيُّهَا ٱلَّذِينَ ءَامَنُوٓاْ إِذَا نَكَحۡتُمُ ٱلۡمُؤۡمِنَٰتِ ثُمَّ طَلَّقۡتُمُوهُنَّ مِن قَبۡلِ أَن تَمَسُّوهُنَّ فَمَا لَكُمۡ عَلَيۡهِنَّ مِنۡ عِدَّةٖ تَعۡتَدُّونَهَاۖ فَمَتِّعُوهُنَّ وَسَرِّحُوهُنَّ سَرَاحٗا جَمِيلٗا
Wahe urakng-urakng nang baiman! Kade’ kita’ nikahi’ nang bini-bini mukmin, kamudi- an kita’ careatn iaka’koa sanape’ kao nyaam- puri’nya maka nana’ ada masa iddah ka’ iaka’koa nang palalu kao paretongan. Namun bare’ lah iaka’koa mut’ah man lapasatn lah iaka’koa koa mang cara nang sabaik-baiknya
Surah Al-Ahzab, Verse 49
يَـٰٓأَيُّهَا ٱلنَّبِيُّ إِنَّآ أَحۡلَلۡنَا لَكَ أَزۡوَٰجَكَ ٱلَّـٰتِيٓ ءَاتَيۡتَ أُجُورَهُنَّ وَمَا مَلَكَتۡ يَمِينُكَ مِمَّآ أَفَآءَ ٱللَّهُ عَلَيۡكَ وَبَنَاتِ عَمِّكَ وَبَنَاتِ عَمَّـٰتِكَ وَبَنَاتِ خَالِكَ وَبَنَاتِ خَٰلَٰتِكَ ٱلَّـٰتِي هَاجَرۡنَ مَعَكَ وَٱمۡرَأَةٗ مُّؤۡمِنَةً إِن وَهَبَتۡ نَفۡسَهَا لِلنَّبِيِّ إِنۡ أَرَادَ ٱلنَّبِيُّ أَن يَسۡتَنكِحَهَا خَالِصَةٗ لَّكَ مِن دُونِ ٱلۡمُؤۡمِنِينَۗ قَدۡ عَلِمۡنَا مَا فَرَضۡنَا عَلَيۡهِمۡ فِيٓ أَزۡوَٰجِهِمۡ وَمَا مَلَكَتۡ أَيۡمَٰنُهُمۡ لِكَيۡلَا يَكُونَ عَلَيۡكَ حَرَجٞۗ وَكَانَ ٱللَّهُ غَفُورٗا رَّحِيمٗا
Wahe Nabi! Sabatolnya Kami udah ngahalal- atn nto’ nyu bini-bininyu nang udah kao bare’atn mas kawinnya man amba sahaya nang kao ampu’, tamasok ahe nang kao namu dalapm paparangan, nang dibare’atn Allah nto’nyu, man (ampakoa uga’) kamuda’- kamuda’ nang bini dari sodara nang laki dari apa’knyu, kamuda’-kamuda’ nang bini dari sodara bini apa’nyu, kamuda’-kamuda’ nang bini dari sodara laki-laki uwe’nyu mang kamuda’-kamuda’ nang bini dari sodara nang bini dari uwe’nyu nang nuna’an pindah mang kao, man nang bini mukmin nang nyarahatn diri’nya ka’ Nabi, kade’ Nabi mao’ nikahi’ nya, sabage kakususatn nto’ nyu, buke’ nto’ samua urakng mukmin. Kami udah nau’an ahe nang kami wajibpatn ka’ iaka’koa tantang nang bini-bini iaka’koa man amba sahaya nang iaka’koa ampu’ supaya nana’ jadi ka’ kita baginyu. Man Allah Maha Pangampon, Maha Panyayang
Surah Al-Ahzab, Verse 50
۞تُرۡجِي مَن تَشَآءُ مِنۡهُنَّ وَتُـٔۡوِيٓ إِلَيۡكَ مَن تَشَآءُۖ وَمَنِ ٱبۡتَغَيۡتَ مِمَّنۡ عَزَلۡتَ فَلَا جُنَاحَ عَلَيۡكَۚ ذَٰلِكَ أَدۡنَىٰٓ أَن تَقَرَّ أَعۡيُنُهُنَّ وَلَا يَحۡزَنَّ وَيَرۡضَيۡنَ بِمَآ ءَاتَيۡتَهُنَّ كُلُّهُنَّۚ وَٱللَّهُ يَعۡلَمُ مَا فِي قُلُوبِكُمۡۚ وَكَانَ ٱللَّهُ عَلِيمًا حَلِيمٗا
Kita’ mulih nanggohatn (ngauli’) sae nang kao kahandaki’ ka’ antara iaka’koa (da’ bini- nyu) man (mulih uga’) manggauli’ sae (ka’ antara iaka’koa) nang kao kahandaki’. Man sae nang kao ingini nto’ ngaulia’nya agi’ dari bini-bini nyu nang udah kao sisihatn maka nana’ badosa baginyu. Nang ampakoa labih samak nto’ katanangan ati iaka’koa, man iaka’koa nana’ marasa sadih, man iaka’koa rela mang ahe nang udah kao bare’atn ka’ iaka’koa samuanya. Man Allah nau’an ahe nang (tasimpan) dalapm ati kita’. Man Allah maha nau’an, maha panyantun
Surah Al-Ahzab, Verse 51
لَّا يَحِلُّ لَكَ ٱلنِّسَآءُ مِنۢ بَعۡدُ وَلَآ أَن تَبَدَّلَ بِهِنَّ مِنۡ أَزۡوَٰجٖ وَلَوۡ أَعۡجَبَكَ حُسۡنُهُنَّ إِلَّا مَا مَلَكَتۡ يَمِينُكَۗ وَكَانَ ٱللَّهُ عَلَىٰ كُلِّ شَيۡءٖ رَّقِيبٗا
Nana’ halal nto’nyu (Muhammad) nikahi’ bini-bini (lain) sasudah koa, man nana’ mulih (uga’) nganti iaka’koa mang bini-bini (nang lain), walopun kaedo’atnnya manarik atinyu kacoali nang bini-bini (amba sahaya) nang kao ampu’. Man Allah Maha Ngawasi’ sagala sasuatu
Surah Al-Ahzab, Verse 52
يَـٰٓأَيُّهَا ٱلَّذِينَ ءَامَنُواْ لَا تَدۡخُلُواْ بُيُوتَ ٱلنَّبِيِّ إِلَّآ أَن يُؤۡذَنَ لَكُمۡ إِلَىٰ طَعَامٍ غَيۡرَ نَٰظِرِينَ إِنَىٰهُ وَلَٰكِنۡ إِذَا دُعِيتُمۡ فَٱدۡخُلُواْ فَإِذَا طَعِمۡتُمۡ فَٱنتَشِرُواْ وَلَا مُسۡتَـٔۡنِسِينَ لِحَدِيثٍۚ إِنَّ ذَٰلِكُمۡ كَانَ يُؤۡذِي ٱلنَّبِيَّ فَيَسۡتَحۡيِۦ مِنكُمۡۖ وَٱللَّهُ لَا يَسۡتَحۡيِۦ مِنَ ٱلۡحَقِّۚ وَإِذَا سَأَلۡتُمُوهُنَّ مَتَٰعٗا فَسۡـَٔلُوهُنَّ مِن وَرَآءِ حِجَابٖۚ ذَٰلِكُمۡ أَطۡهَرُ لِقُلُوبِكُمۡ وَقُلُوبِهِنَّۚ وَمَا كَانَ لَكُمۡ أَن تُؤۡذُواْ رَسُولَ ٱللَّهِ وَلَآ أَن تَنكِحُوٓاْ أَزۡوَٰجَهُۥ مِنۢ بَعۡدِهِۦٓ أَبَدًاۚ إِنَّ ذَٰلِكُمۡ كَانَ عِندَ ٱللَّهِ عَظِيمًا
Wahe urakng-urakng nang baiman! amelah kita’ masoki’ ka’ rumah-rumah Nabi kacoali kade’ kao diijinatn nto’ makatn tampa nunggu waktu basuman (makanannya), 686 tatapi kade’ kao disaru’ maka masoklah man kade’ kita’ udah makatn, kaluarlah kita’ tampa manyangkatn omongan. Sabatolnya nang ampakoa ialah nganggu’ Nabi sahing-ga ia (Nabi) tabe’ ka’ kita’ (nto’ nyuruh kita’ kaluar), man Allah nana’ malu (narangkatn) nang banar. Kade’ kita’ minta’ sasuatu (kapalaluatn) ka’ iaka’koa (bini-bini Nabi) maka minta’lah dari balakang tabir. (cara) nang ampakoa labih cuci bagi atinyu man ati iaka’koa. Man nana’ mulih kita’ nyakiti’(ati) Rasulullah man nana’ mulih (uga’) nikahi’ bini-bininya salama-lamanya salaka’ (Nabi mati). Sungguh, nang ampakoa miah aya’ (dosanya) ka’sisi Allah
Surah Al-Ahzab, Verse 53
إِن تُبۡدُواْ شَيۡـًٔا أَوۡ تُخۡفُوهُ فَإِنَّ ٱللَّهَ كَانَ بِكُلِّ شَيۡءٍ عَلِيمٗا
Kade’ kao nyataaan sasuatu ato nosokatn- nya maka sabatolnya Allah Maha nau’an sagala sasutu
Surah Al-Ahzab, Verse 54
لَّا جُنَاحَ عَلَيۡهِنَّ فِيٓ ءَابَآئِهِنَّ وَلَآ أَبۡنَآئِهِنَّ وَلَآ إِخۡوَٰنِهِنَّ وَلَآ أَبۡنَآءِ إِخۡوَٰنِهِنَّ وَلَآ أَبۡنَآءِ أَخَوَٰتِهِنَّ وَلَا نِسَآئِهِنَّ وَلَا مَا مَلَكَتۡ أَيۡمَٰنُهُنَّۗ وَٱتَّقِينَ ٱللَّهَۚ إِنَّ ٱللَّهَ كَانَ عَلَىٰ كُلِّ شَيۡءٖ شَهِيدًا
Nana’ ada badosa atas bini-bini Nabi (nto’ batamu nana’ba tabir) mang apa’-apa’ iaka’koa, sodara laki-laki iaka’koa, anak laki-laki dari sodara laki-laki iaka’koa, anak laki-laki dari sodara nang bini iaka’koa, nang bini-bini iaka’koa (nang ba iman) man amba sahaya nang iaka’koa ampu’i’, man bataqwalah kita’ (bini-bini Nabi) ka’ Allah. Sungguh, Allah Maha nyaksiatn sagala sasuatu
Surah Al-Ahzab, Verse 55
إِنَّ ٱللَّهَ وَمَلَـٰٓئِكَتَهُۥ يُصَلُّونَ عَلَى ٱلنَّبِيِّۚ يَـٰٓأَيُّهَا ٱلَّذِينَ ءَامَنُواْ صَلُّواْ عَلَيۡهِ وَسَلِّمُواْ تَسۡلِيمًا
Sabatolnya Allah man da’ mala’ekat–Nya, basalawat nto’ Nabi. 687 Wahe urakng- urakng nang ba iman! basalawatlah kao nto’ Nabi man ucapatnlah salam nang panoh panghormatan ka’ia
Surah Al-Ahzab, Verse 56
إِنَّ ٱلَّذِينَ يُؤۡذُونَ ٱللَّهَ وَرَسُولَهُۥ لَعَنَهُمُ ٱللَّهُ فِي ٱلدُّنۡيَا وَٱلۡأٓخِرَةِ وَأَعَدَّ لَهُمۡ عَذَابٗا مُّهِينٗا
Sabatolnya (tahadap) urakng-urakng nang nyakiti’ Allah man Rasul-Nya, Allah akan ngalaknatnya ka’dunia man ka’naherat, man nyadiaatn siksaatn nang nginaatn ka’ iaka’koa
Surah Al-Ahzab, Verse 57
وَٱلَّذِينَ يُؤۡذُونَ ٱلۡمُؤۡمِنِينَ وَٱلۡمُؤۡمِنَٰتِ بِغَيۡرِ مَا ٱكۡتَسَبُواْ فَقَدِ ٱحۡتَمَلُواْ بُهۡتَٰنٗا وَإِثۡمٗا مُّبِينٗا
Man urakng-urakng nang nyakiti’ urakng- urakng mukmin nang laki-laki man nang bini, nang nana’ ada kasalahatn nang iaka’koa pabuat maka sungguh, iaka’koa udah ngincakng kaalokatn nang nyata
Surah Al-Ahzab, Verse 58
يَـٰٓأَيُّهَا ٱلنَّبِيُّ قُل لِّأَزۡوَٰجِكَ وَبَنَاتِكَ وَنِسَآءِ ٱلۡمُؤۡمِنِينَ يُدۡنِينَ عَلَيۡهِنَّ مِن جَلَٰبِيبِهِنَّۚ ذَٰلِكَ أَدۡنَىٰٓ أَن يُعۡرَفۡنَ فَلَا يُؤۡذَيۡنَۗ وَكَانَ ٱللَّهُ غَفُورٗا رَّحِيمٗا
Wahe Nabi! kataatnlah ka’ bini-bininyu, kamuda’-kamuda’ nang bininyu, man bini- bini urakng mukmin, ”handaklah iaka’koa nutupatn jilbabnya689, ka’ saluruh tubuh iaka’koa”. Nang ampakoa supaya iaka’koa labih mudah nto’ dikanali’, sahingga iaka’koa nana’ diganggu’. Man Allah maha pangampon, Maha Panyayang
Surah Al-Ahzab, Verse 59
۞لَّئِن لَّمۡ يَنتَهِ ٱلۡمُنَٰفِقُونَ وَٱلَّذِينَ فِي قُلُوبِهِم مَّرَضٞ وَٱلۡمُرۡجِفُونَ فِي ٱلۡمَدِينَةِ لَنُغۡرِيَنَّكَ بِهِمۡ ثُمَّ لَا يُجَاوِرُونَكَ فِيهَآ إِلَّا قَلِيلٗا
Sungguh, kade’ urakng-urakng munāfiq, urakng-urakng nang bapanyakit dalapm atinya man urakng-urakng nang nyabaratn kabar alok ka’Madinah nana’ baranti (dari nyakiti’ nyu), pasti Kami parentahatn kao (nto’ marangi’) iaka’koa, kamudian iaka’koa nana’ agi’ manjadi tatangganyu (ka’ Madinah) kacoali sabantar
Surah Al-Ahzab, Verse 60
مَّلۡعُونِينَۖ أَيۡنَمَا ثُقِفُوٓاْ أُخِذُواْ وَقُتِّلُواْ تَقۡتِيلٗا
Dalapm kaadaan talaknat. ka’mae ma’an iaka’koa ditamui’, iaka’koa tatap ditangkap man dibunuh nana’ ampon
Surah Al-Ahzab, Verse 61
سُنَّةَ ٱللَّهِ فِي ٱلَّذِينَ خَلَوۡاْ مِن قَبۡلُۖ وَلَن تَجِدَ لِسُنَّةِ ٱللَّهِ تَبۡدِيلٗا
Sabage sunnah Allah nang (balaku uga’) ka’ urakng-urakng nang udah de’e’ sanape’ (kao), man kao nana’ akan namui’ parubahan ka’ sunnah Allah
Surah Al-Ahzab, Verse 62
يَسۡـَٔلُكَ ٱلنَّاسُ عَنِ ٱلسَّاعَةِۖ قُلۡ إِنَّمَا عِلۡمُهَا عِندَ ٱللَّهِۚ وَمَا يُدۡرِيكَ لَعَلَّ ٱلسَّاعَةَ تَكُونُ قَرِيبًا
Talino batanya ka’ kao (Muhammad) tantang ari kiamat. kataatnlah, ”Ilmu tantang ari kiamat koa ngge ka’sisi Allah”. Man nau’an ke’ kao, mulih jadi ari kiamat koa udah samak waktunya
Surah Al-Ahzab, Verse 63
إِنَّ ٱللَّهَ لَعَنَ ٱلۡكَٰفِرِينَ وَأَعَدَّ لَهُمۡ سَعِيرًا
Sungguh, Allah ngalaknat urakng-urakng kapir man nyadiaatn ka’ia ka’ koa api nang miah nyala (naraka)
Surah Al-Ahzab, Verse 64
خَٰلِدِينَ فِيهَآ أَبَدٗاۖ لَّا يَجِدُونَ وَلِيّٗا وَلَا نَصِيرٗا
Iaka’koa kakal ka’ dalapmnya salama- lamanya;, iaka’koa nana’ akan namu pangingu man panolong
Surah Al-Ahzab, Verse 65
يَوۡمَ تُقَلَّبُ وُجُوهُهُمۡ فِي ٱلنَّارِ يَقُولُونَ يَٰلَيۡتَنَآ أَطَعۡنَا ٱللَّهَ وَأَطَعۡنَا ٱلرَّسُولَا۠
Ka’ ari (katika) muha iaka’koa dibolak- balikatn dalapm naraka, iaka’koa bakata, “Wahe, kira’nya kade’ de’e kami taat ka’ Allah man ta’at (uga’) ka’ rasul”
Surah Al-Ahzab, Verse 66
وَقَالُواْ رَبَّنَآ إِنَّآ أَطَعۡنَا سَادَتَنَا وَكُبَرَآءَنَا فَأَضَلُّونَا ٱلسَّبِيلَا۠
Man iaka’koa bakata, ”Ya Tuhan Kami, sabatolnya kami udah na’ati da’ pamimpin man da’ pamane kami, lalu iaka’koa nyasatatn kami dari maraga (nang banar)
Surah Al-Ahzab, Verse 67
رَبَّنَآ ءَاتِهِمۡ ضِعۡفَيۡنِ مِنَ ٱلۡعَذَابِ وَٱلۡعَنۡهُمۡ لَعۡنٗا كَبِيرٗا
Ya Tuhan Kami, timpa’atnlah ka’ iaka’koa siksaatn dua’ kali lipat man laknatlah iaka’koa mang laknat nang aya’”
Surah Al-Ahzab, Verse 68
يَـٰٓأَيُّهَا ٱلَّذِينَ ءَامَنُواْ لَا تَكُونُواْ كَٱلَّذِينَ ءَاذَوۡاْ مُوسَىٰ فَبَرَّأَهُ ٱللَّهُ مِمَّا قَالُواْۚ وَكَانَ عِندَ ٱللَّهِ وَجِيهٗا
Wahe urakng-urakng nang ba iman! amelah kao saparati urakng-urakng nang nyakiti’ Musa maka Allah marasehatn nya dari sagana tuduhan nang iaka’koa omongkatn. Man ia saurakng nang ngampu’ kadudukatn tahormat ka’ sisi Allah
Surah Al-Ahzab, Verse 69
يَـٰٓأَيُّهَا ٱلَّذِينَ ءَامَنُواْ ٱتَّقُواْ ٱللَّهَ وَقُولُواْ قَوۡلٗا سَدِيدٗا
Wahe urakng urakng nang ba iman! bataqwalah kao ka’ Allah man ucapatn lah pakataatn nang banar
Surah Al-Ahzab, Verse 70
يُصۡلِحۡ لَكُمۡ أَعۡمَٰلَكُمۡ وَيَغۡفِرۡ لَكُمۡ ذُنُوبَكُمۡۗ وَمَن يُطِعِ ٱللَّهَ وَرَسُولَهُۥ فَقَدۡ فَازَ فَوۡزًا عَظِيمًا
Pasti Allah akan maikki’ amal-amal kita’ man ngamponi’ dosa-dosa kita’. Man sae ma’an na’ati Allah man Rasul-Nya maka sungguh, ia manang mang kamanangan nang Agung
Surah Al-Ahzab, Verse 71
إِنَّا عَرَضۡنَا ٱلۡأَمَانَةَ عَلَى ٱلسَّمَٰوَٰتِ وَٱلۡأَرۡضِ وَٱلۡجِبَالِ فَأَبَيۡنَ أَن يَحۡمِلۡنَهَا وَأَشۡفَقۡنَ مِنۡهَا وَحَمَلَهَا ٱلۡإِنسَٰنُۖ إِنَّهُۥ كَانَ ظَلُومٗا جَهُولٗا
Sabatolnya Kami udah nawaratn amanat ka’ langit, tanah ai’ man man gunung-gunung; tatapi samuanya bai’ nto’ manohi’ amanat koa man iaka’koa kawatir nana’ akan ngalakuatnya (barat), lalu dipikullah amanat koa di talino. Sungguh, talino koa miah zalim man miah bodoh
Surah Al-Ahzab, Verse 72
لِّيُعَذِّبَ ٱللَّهُ ٱلۡمُنَٰفِقِينَ وَٱلۡمُنَٰفِقَٰتِ وَٱلۡمُشۡرِكِينَ وَٱلۡمُشۡرِكَٰتِ وَيَتُوبَ ٱللَّهُ عَلَى ٱلۡمُؤۡمِنِينَ وَٱلۡمُؤۡمِنَٰتِۗ وَكَانَ ٱللَّهُ غَفُورٗا رَّحِيمَۢا
Sahingga Allah akan nyiksa urakng-urakng munâfiq laki-laki man nang bini, urakng- urakng musyrik, laki-laki man nang bini;, man Allah akan narima’ tobat urakng- urakng mukmin laki-laki man nang bini. Man Allah Maha Pangampun, Maha Panyayang
Surah Al-Ahzab, Verse 73