Surah Saba - Kendayan Translation by Unknown
ٱلۡحَمۡدُ لِلَّهِ ٱلَّذِي لَهُۥ مَا فِي ٱلسَّمَٰوَٰتِ وَمَا فِي ٱلۡأَرۡضِ وَلَهُ ٱلۡحَمۡدُ فِي ٱلۡأٓخِرَةِۚ وَهُوَ ٱلۡحَكِيمُ ٱلۡخَبِيرُ
Sagala puji nto’ Allah nang ampu’ ahe nang ada ka’ langit man ahe nang ada ka’ tanah ai’, man sagala puji ka’ naherat bagi Allah. Man Ia-lah nang Maha Bijaksana, Maha Taliti
Surah Saba, Verse 1
يَعۡلَمُ مَا يَلِجُ فِي ٱلۡأَرۡضِ وَمَا يَخۡرُجُ مِنۡهَا وَمَا يَنزِلُ مِنَ ٱلسَّمَآءِ وَمَا يَعۡرُجُ فِيهَاۚ وَهُوَ ٱلرَّحِيمُ ٱلۡغَفُورُ
Ia nau’an ahe nang masok ka’ dalapm tanah ai’, ahe nang kaluar darinya, ahe nang turutn dari langit man ahe nang naik ka’ia. Man Ialah Maha Panyayang, Maha Pangampon
Surah Saba, Verse 2
وَقَالَ ٱلَّذِينَ كَفَرُواْ لَا تَأۡتِينَا ٱلسَّاعَةُۖ قُلۡ بَلَىٰ وَرَبِّي لَتَأۡتِيَنَّكُمۡ عَٰلِمِ ٱلۡغَيۡبِۖ لَا يَعۡزُبُ عَنۡهُ مِثۡقَالُ ذَرَّةٖ فِي ٱلسَّمَٰوَٰتِ وَلَا فِي ٱلۡأَرۡضِ وَلَآ أَصۡغَرُ مِن ذَٰلِكَ وَلَآ أَكۡبَرُ إِلَّا فِي كِتَٰبٖ مُّبِينٖ
Man urakng-urakng nang kapir bakata, ”ari kiamat koa nana’ akan atakng ka’ kami”. kataatnlah. ”Pasti atakng, damiTuhanku nang nau’an nang gaib, kiamat koa pasti akan atakng ka’ kita’. Nana’ ada nang disosokkatn bagi-Nya sakalipun sabarat Zarrah690, edo’ nang ka’ langit mao’ pun nang ka’ tanah ai’, nang labih enek dari koa ato nang labih aya’, samuanya (tatulis) dalapm Kitab nang jalas (Lauh Mahfûdz)”
Surah Saba, Verse 3
لِّيَجۡزِيَ ٱلَّذِينَ ءَامَنُواْ وَعَمِلُواْ ٱلصَّـٰلِحَٰتِۚ أُوْلَـٰٓئِكَ لَهُم مَّغۡفِرَةٞ وَرِزۡقٞ كَرِيمٞ
Supaya Ia (Allah) mare’ balasatn ka’ urakng-urakng nang baiman man ngarajaatn kabaikatn. Iaka’koa namu amponan man rajaki nang mulia (saruga)
Surah Saba, Verse 4
وَٱلَّذِينَ سَعَوۡ فِيٓ ءَايَٰتِنَا مُعَٰجِزِينَ أُوْلَـٰٓئِكَ لَهُمۡ عَذَابٞ مِّن رِّجۡزٍ أَلِيمٞ
Man urakng-urakng nang barusaha nto’ (nantang) ayat-ayat Kami mang anggaptn iaka’koa bisa ngalamahatn (ngagalatn siksa Kami), iaka’koa akan namu ajap, ialah siksaatn nang miah padih
Surah Saba, Verse 5
وَيَرَى ٱلَّذِينَ أُوتُواْ ٱلۡعِلۡمَ ٱلَّذِيٓ أُنزِلَ إِلَيۡكَ مِن رَّبِّكَ هُوَ ٱلۡحَقَّ وَيَهۡدِيٓ إِلَىٰ صِرَٰطِ ٱلۡعَزِيزِ ٱلۡحَمِيدِ
Man urakng-urakng nang dibare’ ilmu (ahli Kitab) bapandapat bahoa’ (wahyu) nang dituruntatn ka’ kao (Muhammad) dari Tuhannyu, koalah nang banar nang mare’ patunjuk (ka’ talino) ka’ maraga (Allah) nang Maha Gagah, Maha Tapuji
Surah Saba, Verse 6
وَقَالَ ٱلَّذِينَ كَفَرُواْ هَلۡ نَدُلُّكُمۡ عَلَىٰ رَجُلٖ يُنَبِّئُكُمۡ إِذَا مُزِّقۡتُمۡ كُلَّ مُمَزَّقٍ إِنَّكُمۡ لَفِي خَلۡقٖ جَدِيدٍ
Man urakng-urakng kapir bakata, (ka’ ayokng nga ka’ koa), ”Mao ke’ kita’ Kami tojokkatn ka’ kita’ saurang nang laki-laki691 nang mare’ barita ka’ kita’ bahoa’ kade’ tubuh nyu udah ancur saancur-ancurnya, kita’ pasti (akan dibangkitatn agi’) dalapm ciptaatn nang baru
Surah Saba, Verse 7
أَفۡتَرَىٰ عَلَى ٱللَّهِ كَذِبًا أَم بِهِۦ جِنَّةُۢۗ بَلِ ٱلَّذِينَ لَا يُؤۡمِنُونَ بِٱلۡأٓخِرَةِ فِي ٱلۡعَذَابِ وَٱلضَّلَٰلِ ٱلۡبَعِيدِ
Ahe ke’ ia ngada-ngadaatn kaalokatn ka’ Allah ato sakit gila? (nana’), tatapi urakng- urakng nang nana’ baiman ka’ naherat koa barada dalapm siksaatn man kasasatatn nang jauh
Surah Saba, Verse 8
أَفَلَمۡ يَرَوۡاْ إِلَىٰ مَا بَيۡنَ أَيۡدِيهِمۡ وَمَا خَلۡفَهُم مِّنَ ٱلسَّمَآءِ وَٱلۡأَرۡضِۚ إِن نَّشَأۡ نَخۡسِفۡ بِهِمُ ٱلۡأَرۡضَ أَوۡ نُسۡقِطۡ عَلَيۡهِمۡ كِسَفٗا مِّنَ ٱلسَّمَآءِۚ إِنَّ فِي ذَٰلِكَ لَأٓيَةٗ لِّكُلِّ عَبۡدٖ مُّنِيبٖ
Maka ahe ke’ iaka’koa nana’ maratiatn langit man dunia nang ada ka’ adapatn man ka’ balakang nya ka’koa? Kade’ Kami ngahandaki’, pasti Kami banampatn iaka’koa ka’ dunia ato Kami jantu’atn ka’ iaka’koa kapingan-kapingan dari langit. Sungguh, ka’ ampakoa banar-banar tadapat tanda (kakuasaan Allah) nto’ satiap amba nang mulakng (ka’-Ia)
Surah Saba, Verse 9
۞وَلَقَدۡ ءَاتَيۡنَا دَاوُۥدَ مِنَّا فَضۡلٗاۖ يَٰجِبَالُ أَوِّبِي مَعَهُۥ وَٱلطَّيۡرَۖ وَأَلَنَّا لَهُ ٱلۡحَدِيدَ
Man sungguh, udah Kami’ bare’atn ka’ Daud karunia dari Kami, (Kami bapirman).” Wahe gunung-gunung man burukng- burukng, Batasbilah baulang-ulang barage Daud, man Kami udah ngalunakatn basi nto’nya
Surah Saba, Verse 10
أَنِ ٱعۡمَلۡ سَٰبِغَٰتٖ وَقَدِّرۡ فِي ٱلسَّرۡدِۖ وَٱعۡمَلُواْ صَٰلِحًاۖ إِنِّي بِمَا تَعۡمَلُونَ بَصِيرٞ
(Iakoa) pamuatlah baju basi nang aya’-aya’ man ukurlah anyamannya; man karajaatnlah kabaikatn. Sungguh, Aku Maha nele’ ahe nang kita’ karajaatn
Surah Saba, Verse 11
وَلِسُلَيۡمَٰنَ ٱلرِّيحَ غُدُوُّهَا شَهۡرٞ وَرَوَاحُهَا شَهۡرٞۖ وَأَسَلۡنَا لَهُۥ عَيۡنَ ٱلۡقِطۡرِۖ وَمِنَ ٱلۡجِنِّ مَن يَعۡمَلُ بَيۡنَ يَدَيۡهِ بِإِذۡنِ رَبِّهِۦۖ وَمَن يَزِغۡ مِنۡهُمۡ عَنۡ أَمۡرِنَا نُذِقۡهُ مِنۡ عَذَابِ ٱلسَّعِيرِ
Man Kami (tundukkatn) angin nto’ Sulaiman, nang pajalanannya ka’ waktu alapm ari sama man pajalanan sabulatn man pajalanannya gumare’ ari sama man pajalanan sabulatn (uga’)692, man Kami aliratn ai’ timaga nto’nya. Man sabagian dari jin ada nang bakaraja ka’ adapatn nya (ka’babah kakuasa’annya) mang ijin Tuhannya. Man sae nang nyimpang ka’ antara iaka’koa dari parentah Kami, Kami rasaatn ka’ia siksaatn naraka nang apinya miah nyala
Surah Saba, Verse 12
يَعۡمَلُونَ لَهُۥ مَا يَشَآءُ مِن مَّحَٰرِيبَ وَتَمَٰثِيلَ وَجِفَانٖ كَٱلۡجَوَابِ وَقُدُورٖ رَّاسِيَٰتٍۚ ٱعۡمَلُوٓاْ ءَالَ دَاوُۥدَ شُكۡرٗاۚ وَقَلِيلٞ مِّنۡ عِبَادِيَ ٱلشَّكُورُ
Iaka’koa (da’ jin) bakaraja nto’ Sulaiman sasue mang ahe nang di mao’i’nya ka’ antaranya (majoat) gadung-gadung nang tingi, patung-patung, pingatn-pingatn (nang aya’nya) ampahe kolam mang sampo-sampo nang tatap (ada ka’ atas tongko’). Bakarajalah wahe kaluarga Dawud nto’ basyukur (ka’ Allah). man sabebet sidi dari amba-amba-Ku nang basyukur
Surah Saba, Verse 13
فَلَمَّا قَضَيۡنَا عَلَيۡهِ ٱلۡمَوۡتَ مَا دَلَّهُمۡ عَلَىٰ مَوۡتِهِۦٓ إِلَّا دَآبَّةُ ٱلۡأَرۡضِ تَأۡكُلُ مِنسَأَتَهُۥۖ فَلَمَّا خَرَّ تَبَيَّنَتِ ٱلۡجِنُّ أَن لَّوۡ كَانُواْ يَعۡلَمُونَ ٱلۡغَيۡبَ مَا لَبِثُواْ فِي ٱلۡعَذَابِ ٱلۡمُهِينِ
Maka katika Kami udah manatapatn kamatiatn atasnya (Sulaiman), nana’ ada nang nojokkatn ka’ iaka’koa kamatiatnnya koa kacoali ane nang mapat tungkatnya. Maka katika ia udah tasongkop, nau’an lah jin koa bahoa’ sakiranya iaka’koa nau’an ka’ nang gaib tantu iaka’koa nana’ tatap dalapm sesa nang matabe’i’
Surah Saba, Verse 14
لَقَدۡ كَانَ لِسَبَإٖ فِي مَسۡكَنِهِمۡ ءَايَةٞۖ جَنَّتَانِ عَن يَمِينٖ وَشِمَالٖۖ كُلُواْ مِن رِّزۡقِ رَبِّكُمۡ وَٱشۡكُرُواْ لَهُۥۚ بَلۡدَةٞ طَيِّبَةٞ وَرَبٌّ غَفُورٞ
Sungguh, ka’ kaum Saba’ ada tanda (kabasaran Tuhan) ka’ tampat kadiaman iaka’koa ialah dua buah kabon ka’ sabalah kanan, man ka’ sabalah keba’, (ka’ iaka’koa dikataatn), ”Makatn lah di’nyu dari rajaki nang (di anugarahatn) Tuhannyu man basyukurlah ka’-Ia (nagarinyu) ialah nagari nang edo’ (nyaman) sadang (Tuhannyu) ialah Tuhan nang Maha Pangampon”
Surah Saba, Verse 15
فَأَعۡرَضُواْ فَأَرۡسَلۡنَا عَلَيۡهِمۡ سَيۡلَ ٱلۡعَرِمِ وَبَدَّلۡنَٰهُم بِجَنَّتَيۡهِمۡ جَنَّتَيۡنِ ذَوَاتَيۡ أُكُلٍ خَمۡطٖ وَأَثۡلٖ وَشَيۡءٖ مِّن سِدۡرٖ قَلِيلٖ
Tatapi iaka’koa bapaling maka Kami kirim ka’ iaka’koa baha’ nang aya’693 man Kami ganti kadua kabon nya ka’koa mang dua kabon nang tumuhi’ (puhutn-puhutn) nang babuah pahit, puhutn Ašl man sabebet puhutn Sidr
Surah Saba, Verse 16
ذَٰلِكَ جَزَيۡنَٰهُم بِمَا كَفَرُواْۖ وَهَلۡ نُجَٰزِيٓ إِلَّا ٱلۡكَفُورَ
Ampakoalah Kami mare’ balasatn ka’ iaka’koa sabab kakapiratn iaka’koa, Man Kami nana’ nyantu’atn siksaatn (nang ampakoa), malaintatn ngge ka’ urakng- urakng nang miah kapir
Surah Saba, Verse 17
وَجَعَلۡنَا بَيۡنَهُمۡ وَبَيۡنَ ٱلۡقُرَى ٱلَّتِي بَٰرَكۡنَا فِيهَا قُرٗى ظَٰهِرَةٗ وَقَدَّرۡنَا فِيهَا ٱلسَّيۡرَۖ سِيرُواْ فِيهَا لَيَالِيَ وَأَيَّامًا ءَامِنِينَ
Man Kami jadiatn antara iaka’koa (panduduk saba’) Man nagari-nagari nang Kami barakati’ (Syam), sangahe nagari nang basamakatn man Kami tatapatn antara nagari-nagari koa ka’ malapm man siakng ari mang aman
Surah Saba, Verse 18
فَقَالُواْ رَبَّنَا بَٰعِدۡ بَيۡنَ أَسۡفَارِنَا وَظَلَمُوٓاْ أَنفُسَهُمۡ فَجَعَلۡنَٰهُمۡ أَحَادِيثَ وَمَزَّقۡنَٰهُمۡ كُلَّ مُمَزَّقٍۚ إِنَّ فِي ذَٰلِكَ لَأٓيَٰتٖ لِّكُلِّ صَبَّارٖ شَكُورٖ
Maka iaka’koa bakata, ”wahe Tuhan kami, jauhatnlah jarak pajalanan kami,696 man (barati iaka’koa) manjalimi’ diri’nya babaro” maka Kami jadiatn iaka’koa bahan omongan man Kami ancuratn iaka’koa sa ancur-ancur- nya. Sungguh, nang ampakoa banar-banar ada tanda-tanda (kakuasa’an Allah) nto’ satiap urakng nang sabar man basukur
Surah Saba, Verse 19
وَلَقَدۡ صَدَّقَ عَلَيۡهِمۡ إِبۡلِيسُ ظَنَّهُۥ فَٱتَّبَعُوهُ إِلَّا فَرِيقٗا مِّنَ ٱلۡمُؤۡمِنِينَ
Man sungguh, balis udah bisa ngayakintatn iaka’koa kabanaratn sangkaatnnya lalu iaka’koa ngikuti’nya, kacoali sabagian dari urakng-urakng mukmin
Surah Saba, Verse 20
وَمَا كَانَ لَهُۥ عَلَيۡهِم مِّن سُلۡطَٰنٍ إِلَّا لِنَعۡلَمَ مَن يُؤۡمِنُ بِٱلۡأٓخِرَةِ مِمَّنۡ هُوَ مِنۡهَا فِي شَكّٖۗ وَرَبُّكَ عَلَىٰ كُلِّ شَيۡءٍ حَفِيظٞ
Man nana’ ada kakuasa’an (balis) ka’ iaka’koa, malaintatn ngge supaya Kami bisa medaatn sae nang baiman ka’ adanya naherat, man sae nang masih ragu-ragu tantang (naherat) koa. Man Tuhannyu maha Mamalihara sagala sasuatu
Surah Saba, Verse 21
قُلِ ٱدۡعُواْ ٱلَّذِينَ زَعَمۡتُم مِّن دُونِ ٱللَّهِ لَا يَمۡلِكُونَ مِثۡقَالَ ذَرَّةٖ فِي ٱلسَّمَٰوَٰتِ وَلَا فِي ٱلۡأَرۡضِ وَمَا لَهُمۡ فِيهِمَا مِن شِرۡكٖ وَمَا لَهُۥ مِنۡهُم مِّن ظَهِيرٖ
Kataatnlah (Muhammad), “Saru’lah iaka’koa nang kita’ anggap (sabage Tuhan) salain Allah! iaka’koa nana’ ngampu’ (kakuasa’an) sabarat Zarrah pun ka’ langit man ka’ dunia, man iaka’koa sama sakali nana’ ngampu’ peran sarata dalapm (panciptaatn) langit man tanah ai’ man nana’ ada ka’ antara iaka’koa nang manjadi pambanto’ bagi –Nya”
Surah Saba, Verse 22
وَلَا تَنفَعُ ٱلشَّفَٰعَةُ عِندَهُۥٓ إِلَّا لِمَنۡ أَذِنَ لَهُۥۚ حَتَّىٰٓ إِذَا فُزِّعَ عَن قُلُوبِهِمۡ قَالُواْ مَاذَا قَالَ رَبُّكُمۡۖ قَالُواْ ٱلۡحَقَّۖ وَهُوَ ٱلۡعَلِيُّ ٱلۡكَبِيرُ
Man sapa’at (patolongan) ka’ sisi-Nya supaya baguna ka’ urakng nang udah diijintatn–Nya (namu sapâ’at koa). Sahingga kade’ udah diilangkatn kagali’atn dari atinya ka’ koa, iaka’koa bakata, ”Ahe ke’ nang udah dipir- mantatn di Tuhannyu? iaka’koa nyawap, ”(pakataatn) nang banar, man Ia-lah nang Maha Tingi man Maha Aya’
Surah Saba, Verse 23
۞قُلۡ مَن يَرۡزُقُكُم مِّنَ ٱلسَّمَٰوَٰتِ وَٱلۡأَرۡضِۖ قُلِ ٱللَّهُۖ وَإِنَّآ أَوۡ إِيَّاكُمۡ لَعَلَىٰ هُدًى أَوۡ فِي ضَلَٰلٖ مُّبِينٖ
“Kataatnlah (Muhammad), ”Sae ke’ nang mare’ rajaki ka’ kita’ dari langit man ka’ tanah ai’? ”kataatnlah, ”Allah, man sabatol- nya kami ato kita’ (urakng-urakng musrik), pasti barada dalapm kabanaratn ato dalapm kasasatatn nang nyata
Surah Saba, Verse 24
قُل لَّا تُسۡـَٔلُونَ عَمَّآ أَجۡرَمۡنَا وَلَا نُسۡـَٔلُ عَمَّا تَعۡمَلُونَ
Kataatnlah, ”kita’ nana’ akan diminta’i’ tanggong jawap ahe ahe nang kami karajaatn, man kami uga’ nana’ akan diminta’i’ tanggong jawap ahe ahe nang kita’ karajaatn
Surah Saba, Verse 25
قُلۡ يَجۡمَعُ بَيۡنَنَا رَبُّنَا ثُمَّ يَفۡتَحُ بَيۡنَنَا بِٱلۡحَقِّ وَهُوَ ٱلۡفَتَّاحُ ٱلۡعَلِيمُ
Kataatnlah, Tuhan diri’ akan ngumpuratn diri’ samua, laka’koa Ia mare’ kaputusan antara diri’ nang banar. Man Ia Maha Mare’ Kaputusan, Maha Nau’an
Surah Saba, Verse 26
قُلۡ أَرُونِيَ ٱلَّذِينَ أَلۡحَقۡتُم بِهِۦ شُرَكَآءَۖ كَلَّاۚ بَلۡ هُوَ ٱللَّهُ ٱلۡعَزِيزُ ٱلۡحَكِيمُ
Kataatnlah, ”Tele’atnlah ka’ aku sasambahan-sasambahan nang kita’ hubungkatn mang Ia sabage sakutu- sakutu(Nya), nana’ mungkin! sabanarnya Ia ialah Allah nang Maha Gagah man Maha Bijaksana”
Surah Saba, Verse 27
وَمَآ أَرۡسَلۡنَٰكَ إِلَّا كَآفَّةٗ لِّلنَّاسِ بَشِيرٗا وَنَذِيرٗا وَلَٰكِنَّ أَكۡثَرَ ٱلنَّاسِ لَا يَعۡلَمُونَ
Man Kami nana’ ngutus kao (Muhammad), malaintatn ka’ samua umat talino sabage nang ngincakng barita repo man sabage pamare’ paringatatn, tatapi kamanyakatn talino nana’ nau’an
Surah Saba, Verse 28
وَيَقُولُونَ مَتَىٰ هَٰذَا ٱلۡوَعۡدُ إِن كُنتُمۡ صَٰدِقِينَ
Man iaka’koa bakata, ”mule ke’ (atakngnya) janji nian, kade’ kita’ urakng nang banar?”
Surah Saba, Verse 29
قُل لَّكُم مِّيعَادُ يَوۡمٖ لَّا تَسۡتَـٔۡخِرُونَ عَنۡهُ سَاعَةٗ وَلَا تَسۡتَقۡدِمُونَ
Kataatnlah.” Bagi nyu ada ari nang udah dijanjiatn (ari kiamat), kita’ nana’ bisa minta’ panundaatn ato nyapatatn saebet pun
Surah Saba, Verse 30
وَقَالَ ٱلَّذِينَ كَفَرُواْ لَن نُّؤۡمِنَ بِهَٰذَا ٱلۡقُرۡءَانِ وَلَا بِٱلَّذِي بَيۡنَ يَدَيۡهِۗ وَلَوۡ تَرَىٰٓ إِذِ ٱلظَّـٰلِمُونَ مَوۡقُوفُونَ عِندَ رَبِّهِمۡ يَرۡجِعُ بَعۡضُهُمۡ إِلَىٰ بَعۡضٍ ٱلۡقَوۡلَ يَقُولُ ٱلَّذِينَ ٱسۡتُضۡعِفُواْ لِلَّذِينَ ٱسۡتَكۡبَرُواْ لَوۡلَآ أَنتُمۡ لَكُنَّا مُؤۡمِنِينَ
Man urakng-urakng kapir bakata ”Kami nana’ akan baiman ka’ al-Quraan nian man nana’ (uga’) ka’ kitab nang sanape’nya”. Man (alangkah magali’i’) kade’ kita’ nele’, katika urakng-urakng nang jalim koa diadap-atn ka’ Tuhannya, sabagian iaka’koa mulangkatn pakataatn ka’ sabagian nang lain; urakng- urakng nang dianggap lamah bakata ka’ urakng-urakng nang nyombong-katn diri’, ”Kade’ nana’ karana kita’ tantulah kami manjadi urakng-urakng mukmin
Surah Saba, Verse 31
قَالَ ٱلَّذِينَ ٱسۡتَكۡبَرُواْ لِلَّذِينَ ٱسۡتُضۡعِفُوٓاْ أَنَحۡنُ صَدَدۡنَٰكُمۡ عَنِ ٱلۡهُدَىٰ بَعۡدَ إِذۡ جَآءَكُمۖ بَلۡ كُنتُم مُّجۡرِمِينَ
Urakng-urakng nang nyombongkatn diri’ bakata ka’ urakng-urakng nang dianggap lamah, “kami ke’ nang udah ngalangi’ kita’ nto’ namu patunjuk sasudah pantujuk koa atakng ka’ kita’? (nana’!) sabatolnya kita’ babarolah urakng-urakng nang babuat dosa”
Surah Saba, Verse 32
وَقَالَ ٱلَّذِينَ ٱسۡتُضۡعِفُواْ لِلَّذِينَ ٱسۡتَكۡبَرُواْ بَلۡ مَكۡرُ ٱلَّيۡلِ وَٱلنَّهَارِ إِذۡ تَأۡمُرُونَنَآ أَن نَّكۡفُرَ بِٱللَّهِ وَنَجۡعَلَ لَهُۥٓ أَندَادٗاۚ وَأَسَرُّواْ ٱلنَّدَامَةَ لَمَّا رَأَوُاْ ٱلۡعَذَابَۚ وَجَعَلۡنَا ٱلۡأَغۡلَٰلَ فِيٓ أَعۡنَاقِ ٱلَّذِينَ كَفَرُواْۖ هَلۡ يُجۡزَوۡنَ إِلَّا مَا كَانُواْ يَعۡمَلُونَ
Man urakng-urakng nang dipadah lamah, bakata ka’ urakng-urakng nang nyombong- katn diri’, “(Nana’!) sabanarnya tipu daya(nyu) ka’ waktu malapm man siakng (nang ngalangi’ kami), katika kita’ nyaru’ kami supaya kami kapir ka’ Allah man nyadiatn sakutu-sakutu bagi–Nya”. Iaka’koa nyataatn panyasalatn katika iaka’koa nele’ siksatn. Man Kami pasangan tali rante ka’ tage’ urakng-urakng nang kapir. Iaka’koa nana’ dibalas, malaintatn sasue mang ahe nang udah iaka’koa karajaatn
Surah Saba, Verse 33
وَمَآ أَرۡسَلۡنَا فِي قَرۡيَةٖ مِّن نَّذِيرٍ إِلَّا قَالَ مُتۡرَفُوهَآ إِنَّا بِمَآ أُرۡسِلۡتُم بِهِۦ كَٰفِرُونَ
Man satiap Kami ngutus saurakng pamare’ paringatatn ka’ suatu nagari, urakng-urakng nang idup mewah (ka’ nagari koa) bakata, ”Kami banar-banar ngingkari’ ahe nang kao sampeatn sabage utusan”
Surah Saba, Verse 34
وَقَالُواْ نَحۡنُ أَكۡثَرُ أَمۡوَٰلٗا وَأَوۡلَٰدٗا وَمَا نَحۡنُ بِمُعَذَّبِينَ
Man iaka’koa bakata, ”kami ngampu’ labih manyak harta man kamuda’-kamuda’ (dari pada kao) man kami nana’ akan disiksa”
Surah Saba, Verse 35
قُلۡ إِنَّ رَبِّي يَبۡسُطُ ٱلرِّزۡقَ لِمَن يَشَآءُ وَيَقۡدِرُ وَلَٰكِنَّ أَكۡثَرَ ٱلنَّاسِ لَا يَعۡلَمُونَ
“Kataatnlah, ”Sungguh, Tuhanku ngalapang- an rajaki ka’ sae nang Ia kahandaki’ man matasi’nya (bagi sae nang Ia kahandaki’), tatapi kamanyakatn talino nana’ nau’an
Surah Saba, Verse 36
وَمَآ أَمۡوَٰلُكُمۡ وَلَآ أَوۡلَٰدُكُم بِٱلَّتِي تُقَرِّبُكُمۡ عِندَنَا زُلۡفَىٰٓ إِلَّا مَنۡ ءَامَنَ وَعَمِلَ صَٰلِحٗا فَأُوْلَـٰٓئِكَ لَهُمۡ جَزَآءُ ٱلضِّعۡفِ بِمَا عَمِلُواْ وَهُمۡ فِي ٱلۡغُرُفَٰتِ ءَامِنُونَ
Man buke’ lah harta ato kamuda’-kamuda’ kita’ nang nyuruh kita’ samak man Kami; malaintatn urakng-urakng nang baiman mang ngarajaatn kabaikatn, iaka’koa lah nang namu balasatn nang balipat ganda ka’ ahe nang udah iaka’koa karajaatn; man iaka’koa aman santosa ka’ tampat-tampat nang tingi (dalapm saruga)
Surah Saba, Verse 37
وَٱلَّذِينَ يَسۡعَوۡنَ فِيٓ ءَايَٰتِنَا مُعَٰجِزِينَ أُوْلَـٰٓئِكَ فِي ٱلۡعَذَابِ مُحۡضَرُونَ
Man urakng-urakng nang barusaha nantang ayat-ayat Kami nto’ ngalamahatn (ngagalatn siksa Kami), iaka’koa koa dimasokatn ka’ dalapm siksaatn
Surah Saba, Verse 38
قُلۡ إِنَّ رَبِّي يَبۡسُطُ ٱلرِّزۡقَ لِمَن يَشَآءُ مِنۡ عِبَادِهِۦ وَيَقۡدِرُ لَهُۥۚ وَمَآ أَنفَقۡتُم مِّن شَيۡءٖ فَهُوَ يُخۡلِفُهُۥۖ وَهُوَ خَيۡرُ ٱلرَّـٰزِقِينَ
Kataatnlah “Sungguh Tuhanku ngalapangkatn rajaki man matasi’nya ka’ sae nang Ia kahandaki’ ka’ antara amba- amba–Nya. “Man ahe ma’an nang kita’ impakatn, Allah akan ngantinya man Ia lah pamare’ rajaki nang baik
Surah Saba, Verse 39
وَيَوۡمَ يَحۡشُرُهُمۡ جَمِيعٗا ثُمَّ يَقُولُ لِلۡمَلَـٰٓئِكَةِ أَهَـٰٓؤُلَآءِ إِيَّاكُمۡ كَانُواْ يَعۡبُدُونَ
Man (ingatlah) ka’ ari (katika) Allah ngumpuratn iaka’koa samuanya laka’koa Ia bapirman kada’ mala’ekat, ”Ahe ke’ ka’ kita iaka’koa de’e nyambah
Surah Saba, Verse 40
قَالُواْ سُبۡحَٰنَكَ أَنتَ وَلِيُّنَا مِن دُونِهِمۖ بَلۡ كَانُواْ يَعۡبُدُونَ ٱلۡجِنَّۖ أَكۡثَرُهُم بِهِم مُّؤۡمِنُونَ
Da’ mala’ekat koa nyawap, ”Maha suci Kita’lah pangingu kami, buke’ iaka’koa; malahan iaka’koa udah nyambah jin;699 kamanyakatn iaka’koa baiman ka’ jin koa
Surah Saba, Verse 41
فَٱلۡيَوۡمَ لَا يَمۡلِكُ بَعۡضُكُمۡ لِبَعۡضٖ نَّفۡعٗا وَلَا ضَرّٗا وَنَقُولُ لِلَّذِينَ ظَلَمُواْ ذُوقُواْ عَذَابَ ٱلنَّارِ ٱلَّتِي كُنتُم بِهَا تُكَذِّبُونَ
Maka ka’ ari nian sabagian kita’ nana’ bakuasa (ngatangkatn) manpa’at mao’pun (nolak) mudarat ka’ sabagian nang lain. Man Kami kataatn ka’ urakng-urakng nang jalim, ”rasaatnlah di kita’ siksaatn naraka nang de’e kita’ dustaatn
Surah Saba, Verse 42
وَإِذَا تُتۡلَىٰ عَلَيۡهِمۡ ءَايَٰتُنَا بَيِّنَٰتٖ قَالُواْ مَا هَٰذَآ إِلَّا رَجُلٞ يُرِيدُ أَن يَصُدَّكُمۡ عَمَّا كَانَ يَعۡبُدُ ءَابَآؤُكُمۡ وَقَالُواْ مَا هَٰذَآ إِلَّآ إِفۡكٞ مُّفۡتَرٗىۚ وَقَالَ ٱلَّذِينَ كَفَرُواْ لِلۡحَقِّ لَمَّا جَآءَهُمۡ إِنۡ هَٰذَآ إِلَّا سِحۡرٞ مُّبِينٞ
Man kade’ dibacaatn ka’ iaka’koa ayat-ayat Kami nang tarang, iaka’koa bakata, ”urakng nian nana’ lain ngge mao’ ngalang- ngalangia’ kita’ dari ahe nang disambah da’ ne’ kita’ de’e, man iaka’koa bakata, ”(al- Quran) nian nana’ lain nggelah alok-alok nang diada-adaatn nihan. Man urakng- urakng kapir bakata, tahadap kabanaratn, katika kabanaratn (al-Quran) koa atakng ka’ iaka’koa, ”Nian nana’ lain ngge lah seher nang nyata”
Surah Saba, Verse 43
وَمَآ ءَاتَيۡنَٰهُم مِّن كُتُبٖ يَدۡرُسُونَهَاۖ وَمَآ أَرۡسَلۡنَآ إِلَيۡهِمۡ قَبۡلَكَ مِن نَّذِيرٖ
Man Kami nana’ paranah mare’atn ka’ iaka’koa kitab-kitab nang iaka’koa baca man Kami nana’ paranah ngutus saurakng pamare’ paringatatn ka’ iaka’koa sanape’ kao (Muhammad)
Surah Saba, Verse 44
وَكَذَّبَ ٱلَّذِينَ مِن قَبۡلِهِمۡ وَمَا بَلَغُواْ مِعۡشَارَ مَآ ءَاتَيۡنَٰهُمۡ فَكَذَّبُواْ رُسُلِيۖ فَكَيۡفَ كَانَ نَكِيرِ
Man urakng-urakng nang sanape’ iaka’koa udah nustaatn (da’ rasul) sadangkan urakng- urakng (kapir Mekah) koa nape’ sampe narima’ sapersapuluh dari ahe700 nang udah Kami bare’atn ka’ urakng-urakng nang de’e koa namun iaka’koa nustaatn da’ rasul-Ku. Maka (tele’lah) ampahe miahnya akibat kamurkaatn-Ku
Surah Saba, Verse 45
۞قُلۡ إِنَّمَآ أَعِظُكُم بِوَٰحِدَةٍۖ أَن تَقُومُواْ لِلَّهِ مَثۡنَىٰ وَفُرَٰدَىٰ ثُمَّ تَتَفَكَّرُواْۚ مَا بِصَاحِبِكُم مِّن جِنَّةٍۚ إِنۡ هُوَ إِلَّا نَذِيرٞ لَّكُم بَيۡنَ يَدَيۡ عَذَابٖ شَدِيدٖ
Kataatnlah, ”Aku mao’ mare’ paringatatn ka’ kita’ sote’ hal nihan, ialah supaya kita’ ngadap Allah (nang ikhlas), badua-dua ato babaro-babaro;701 laka’koa supaya kita’ pikiri’ (tantang Muhammad). ayukng kita’ koa gila saebet pun. Ia nana’ lain nggelah saurakng pamare’ paringatatn ka’ kita’ sanape’ (ngadapi’) siksaatn nang karas”
Surah Saba, Verse 46
قُلۡ مَا سَأَلۡتُكُم مِّنۡ أَجۡرٖ فَهُوَ لَكُمۡۖ إِنۡ أَجۡرِيَ إِلَّا عَلَى ٱللَّهِۖ وَهُوَ عَلَىٰ كُلِّ شَيۡءٖ شَهِيدٞ
Kataatnlah (Muhammad), ”Imbalan ahe pun nang aku minta’ ka’ kita’ maka koa nto’ kita’. 702 imbalanku nggelah dari Allah, man Ia Maha Nau’an sagala sasuatu”
Surah Saba, Verse 47
قُلۡ إِنَّ رَبِّي يَقۡذِفُ بِٱلۡحَقِّ عَلَّـٰمُ ٱلۡغُيُوبِ
Kataatnlah, ”Sabatolnya Tuhanku ngawahyuatn kabanaratn. Ia Maha Nau’an sagala sasutu
Surah Saba, Verse 48
قُلۡ جَآءَ ٱلۡحَقُّ وَمَا يُبۡدِئُ ٱلۡبَٰطِلُ وَمَا يُعِيدُ
Kataatnlah, ”Kabanaratn udah atakng man nang batil koa nana’ akan mulai’ man nana’ (uga’) akan taulang agi’”
Surah Saba, Verse 49
قُلۡ إِن ضَلَلۡتُ فَإِنَّمَآ أَضِلُّ عَلَىٰ نَفۡسِيۖ وَإِنِ ٱهۡتَدَيۡتُ فَبِمَا يُوحِيٓ إِلَيَّ رَبِّيٓۚ إِنَّهُۥ سَمِيعٞ قَرِيبٞ
Kataatnlah, ”Kade’ aku sasat maka sabatolnya aku sasat nto’ diri’ ku babaro; man kade’ aku namu patunjuk maka koa disabapatn ahe nang diwahyuatn Tuhan ku ka’ aku. Sungguh, Ia Maha Nangar, Maha Samak”
Surah Saba, Verse 50
وَلَوۡ تَرَىٰٓ إِذۡ فَزِعُواْ فَلَا فَوۡتَ وَأُخِذُواْ مِن مَّكَانٖ قَرِيبٖ
Man (alangkah gali’nya) sakiranya kao nele’ iaka’koa (urakng-urakng kapir) katika takajut kagali’anan (ka’ ari kiamat); lalu iaka’koa nana’ bisa ngalapasatn diri’ man iaka’koa ditaap dari tampat nang samak (nto’ dibaba ka’ naraka)
Surah Saba, Verse 51
وَقَالُوٓاْ ءَامَنَّا بِهِۦ وَأَنَّىٰ لَهُمُ ٱلتَّنَاوُشُ مِن مَّكَانِۭ بَعِيدٖ
Man (katika) iaka’koa bakata, ”kami baiman ka’-Ia. ”namun ampahe iaka’koa bisa namus (kaimanan) dari tampat nang jauh
Surah Saba, Verse 52
وَقَدۡ كَفَرُواْ بِهِۦ مِن قَبۡلُۖ وَيَقۡذِفُونَ بِٱلۡغَيۡبِ مِن مَّكَانِۭ بَعِيدٖ
Man sungguh, iaka’koa udah ngingkari’ Allah sanape’ koa; man iaka’koa madah alok tantang nang gaib dari tampat nang jauh
Surah Saba, Verse 53
وَحِيلَ بَيۡنَهُمۡ وَبَيۡنَ مَا يَشۡتَهُونَ كَمَا فُعِلَ بِأَشۡيَاعِهِم مِّن قَبۡلُۚ إِنَّهُمۡ كَانُواْ فِي شَكّٖ مُّرِيبِۭ
Man dibare’ pangalang antara nya ka’koa mang ahe nang iaka’koa ingintatn705 sabagemae nang dilakuatn ka’ urakng- urakng nang sapaham mang iaka’koa nang de’e. Sabatolnya iaka’koa de’e (ka’ dunia) dalapm karaguatn nang miah
Surah Saba, Verse 54