Surah Al-Muddathir - Maranao Translation by Guro Alim Saromantang
يَـٰٓأَيُّهَا ٱلۡمُدَّثِّرُ
Hay (Nabi a) khokolob
Surah Al-Muddathir, Verse 1
قُمۡ فَأَنذِرۡ
Pamayandg ka na, go ka pamakaiktiyar
Surah Al-Muddathir, Verse 2
وَرَبَّكَ فَكَبِّرۡ
Go so Kadnan ka na zlaslaang ka
Surah Al-Muddathir, Verse 3
وَثِيَابَكَ فَطَهِّرۡ
Go so nditarn ka na sotiyang ka
Surah Al-Muddathir, Verse 4
وَٱلرُّجۡزَ فَٱهۡجُرۡ
Go so marzik na pakawataning ka
Surah Al-Muddathir, Verse 5
وَلَا تَمۡنُن تَسۡتَكۡثِرُ
Go di ka phammgay sa pantag sa kaplaba
Surah Al-Muddathir, Verse 6
وَلِرَبِّكَ فَٱصۡبِرۡ
Go makapantag ko Kadnan ka na thigr ka
Surah Al-Muddathir, Verse 7
فَإِذَا نُقِرَ فِي ٱلنَّاقُورِ
Na amay ka iyopn so sanggakala
Surah Al-Muddathir, Verse 8
فَذَٰلِكَ يَوۡمَئِذٖ يَوۡمٌ عَسِيرٌ
Na giyoto man sa alongan oto i alongan a margn
Surah Al-Muddathir, Verse 9
عَلَى ٱلۡكَٰفِرِينَ غَيۡرُ يَسِيرٖ
Sii ko miyamangongkir, kna a ba malbod
Surah Al-Muddathir, Verse 10
ذَرۡنِي وَمَنۡ خَلَقۡتُ وَحِيدٗا
Botawani Akong ka, ago so taw a inadn Ko a tawantawan
Surah Al-Muddathir, Verse 11
وَجَعَلۡتُ لَهُۥ مَالٗا مَّمۡدُودٗا
Go singgayan Ko sa bagian iyan a tamok a madakl
Surah Al-Muddathir, Verse 12
وَبَنِينَ شُهُودٗا
Go manga wata a khipakamamasa
Surah Al-Muddathir, Verse 13
وَمَهَّدتُّ لَهُۥ تَمۡهِيدٗا
Go piyakapangondaya Akn on sa samporna a kapangondaya
Surah Al-Muddathir, Verse 14
ثُمَّ يَطۡمَعُ أَنۡ أَزِيدَ
Oriyan iyan na maiinam iyan a kawmani Ko ron
Surah Al-Muddathir, Verse 15
كَلَّآۖ إِنَّهُۥ كَانَ لِأٓيَٰتِنَا عَنِيدٗا
Di dn oto; ka mataan! skaniyan na miyabaloy sii ko manga ayat Ami a somasangka
Surah Al-Muddathir, Verse 16
سَأُرۡهِقُهُۥ صَعُودًا
Ipaliyogat Akn on so kapanakdg
Surah Al-Muddathir, Verse 17
إِنَّهُۥ فَكَّرَ وَقَدَّرَ
Mataan! a skaniyan ni miyamimikiran go mithakdir
Surah Al-Muddathir, Verse 18
فَقُتِلَ كَيۡفَ قَدَّرَ
Na pimorkaan, andamanaya i kiyathakdir iyan
Surah Al-Muddathir, Verse 19
ثُمَّ قُتِلَ كَيۡفَ قَدَّرَ
Oriyan iyan na pimorkaan andamanaya i kiyathakdir iyan
Surah Al-Muddathir, Verse 20
ثُمَّ نَظَرَ
Oriyan iyan na miyangilaylay
Surah Al-Muddathir, Verse 21
ثُمَّ عَبَسَ وَبَسَرَ
Oriyan iyan na miyakarimng, go komirs
Surah Al-Muddathir, Verse 22
ثُمَّ أَدۡبَرَ وَٱسۡتَكۡبَرَ
Oriyan iyan na tomiyalilkhod go miyanakabor
Surah Al-Muddathir, Verse 23
فَقَالَ إِنۡ هَٰذَآ إِلَّا سِحۡرٞ يُؤۡثَرُ
Na pitharo iyan a: "Da ko ungkaya inonta na balik mata, gii mithatanana
Surah Al-Muddathir, Verse 24
إِنۡ هَٰذَآ إِلَّا قَوۡلُ ٱلۡبَشَرِ
Da ko ungkaya inonta katharo o manosiya
Surah Al-Muddathir, Verse 25
سَأُصۡلِيهِ سَقَرَ
Pakasoldn Ko skaniyan ko naraka Sakar
Surah Al-Muddathir, Verse 26
وَمَآ أَدۡرَىٰكَ مَا سَقَرُ
Na antawaa i miyakandao rka o antonaa i naraka Sakar
Surah Al-Muddathir, Verse 27
لَا تُبۡقِي وَلَا تَذَرُ
A da a plambaan iyan, go da a imbagak iyan
Surah Al-Muddathir, Verse 28
لَوَّاحَةٞ لِّلۡبَشَرِ
Pthotong ko kobal
Surah Al-Muddathir, Verse 29
عَلَيۡهَا تِسۡعَةَ عَشَرَ
Katatagoan sa sapolo ago siyaw (a malaikat)
Surah Al-Muddathir, Verse 30
وَمَا جَعَلۡنَآ أَصۡحَٰبَ ٱلنَّارِ إِلَّا مَلَـٰٓئِكَةٗۖ وَمَا جَعَلۡنَا عِدَّتَهُمۡ إِلَّا فِتۡنَةٗ لِّلَّذِينَ كَفَرُواْ لِيَسۡتَيۡقِنَ ٱلَّذِينَ أُوتُواْ ٱلۡكِتَٰبَ وَيَزۡدَادَ ٱلَّذِينَ ءَامَنُوٓاْ إِيمَٰنٗا وَلَا يَرۡتَابَ ٱلَّذِينَ أُوتُواْ ٱلۡكِتَٰبَ وَٱلۡمُؤۡمِنُونَ وَلِيَقُولَ ٱلَّذِينَ فِي قُلُوبِهِم مَّرَضٞ وَٱلۡكَٰفِرُونَ مَاذَآ أَرَادَ ٱللَّهُ بِهَٰذَا مَثَلٗاۚ كَذَٰلِكَ يُضِلُّ ٱللَّهُ مَن يَشَآءُ وَيَهۡدِي مَن يَشَآءُۚ وَمَا يَعۡلَمُ جُنُودَ رَبِّكَ إِلَّا هُوَۚ وَمَا هِيَ إِلَّا ذِكۡرَىٰ لِلۡبَشَرِ
Na da a tindo Ami a khitotonggo ko naraka a rowar ko manga malaikat; go da a kiyatndo Ami ko itongan iran a rowar sa tpng ko siran a miyamangongkir; ka an makatangkd so piyamgan ko kitab, go an makapagoman so miyamaratiyaya sa paratiyaya, go an di kapaparampangi so piyamgan ko kitab ago so miyamaratiyaya, go an matharo o siran a kiyatagoan so manga poso iran sa gdamn ago so miyamangongkir a: "Antonaa i piyakaantapan o Allah sangkai a ibarat?" Lagid man oto a kandadaga o Allah ko taw a kabaya Iyan, go kathoroa Niyan ko taw a kabaya Iyan: Na da a matao ko manga tantara o Kadnan ka inonta Skaniyan. Na da a salakaw saya a rowar sa pananadm a rk o manosiya
Surah Al-Muddathir, Verse 31
كَلَّا وَٱلۡقَمَرِ
Di dn: Ibt ko olan
Surah Al-Muddathir, Verse 32
وَٱلَّيۡلِ إِذۡ أَدۡبَرَ
Go so gagawii igira a khaypos
Surah Al-Muddathir, Verse 33
وَٱلصُّبۡحِ إِذَآ أَسۡفَرَ
Go so khapita igira a mliwanag
Surah Al-Muddathir, Verse 34
إِنَّهَا لَإِحۡدَى ٱلۡكُبَرِ
Mataan aya! a titho a isa a mala
Surah Al-Muddathir, Verse 35
نَذِيرٗا لِّلۡبَشَرِ
A ipphamakaiktiyar ko manosiya
Surah Al-Muddathir, Verse 36
لِمَن شَآءَ مِنكُمۡ أَن يَتَقَدَّمَ أَوۡ يَتَأَخَّرَ
Sii ko taw a khabaya rkano mangonakona, odi na pphapakawri
Surah Al-Muddathir, Verse 37
كُلُّ نَفۡسِۭ بِمَا كَسَبَتۡ رَهِينَةٌ
Oman i ginawa na sanda ko pinggalbk iyan
Surah Al-Muddathir, Verse 38
إِلَّآ أَصۡحَٰبَ ٱلۡيَمِينِ
Inonta so manga taw ko kawanan
Surah Al-Muddathir, Verse 39
فِي جَنَّـٰتٖ يَتَسَآءَلُونَ
Ka sii ko manga sorga, gi iran pamagizai iyan
Surah Al-Muddathir, Verse 40
عَنِ ٱلۡمُجۡرِمِينَ
So manga baradosa
Surah Al-Muddathir, Verse 41
مَا سَلَكَكُمۡ فِي سَقَرَ
Ino kano phakasold ko naraka Sakar
Surah Al-Muddathir, Verse 42
قَالُواْ لَمۡ نَكُ مِنَ ٱلۡمُصَلِّينَ
Ismbag iran: "Da kami mabaloy a pd ko manga barasambayang
Surah Al-Muddathir, Verse 43
وَلَمۡ نَكُ نُطۡعِمُ ٱلۡمِسۡكِينَ
Go da kami mabaloy a pphamgay sa pangn´ngkn ko miskin
Surah Al-Muddathir, Verse 44
وَكُنَّا نَخُوضُ مَعَ ٱلۡخَآئِضِينَ
Go miyabaloy kami a pphamrak, a pd o pphamamrak
Surah Al-Muddathir, Verse 45
وَكُنَّا نُكَذِّبُ بِيَوۡمِ ٱلدِّينِ
Go miyabaloy kami a gii ami pakambokhagn so alongan a kapamalas
Surah Al-Muddathir, Verse 46
حَتَّىٰٓ أَتَىٰنَا ٱلۡيَقِينُ
Taman sa miyakatalingoma rkami so kapakatangkd (a giyoto so kapatay)
Surah Al-Muddathir, Verse 47
فَمَا تَنفَعُهُمۡ شَفَٰعَةُ ٱلشَّـٰفِعِينَ
Na di kiran makanggay a gona so sapaat o pphamanapaat
Surah Al-Muddathir, Verse 48
فَمَا لَهُمۡ عَنِ ٱلتَّذۡكِرَةِ مُعۡرِضِينَ
Na antonaa i mapmbagian iran sa katatalikhod iran ko pananadm
Surah Al-Muddathir, Verse 49
كَأَنَّهُمۡ حُمُرٞ مُّسۡتَنفِرَةٞ
Lagid o ba siran manga kimar a pphamalagoy
Surah Al-Muddathir, Verse 50
فَرَّتۡ مِن قَسۡوَرَةِۭ
A piyalagoyan iran so arimaw
Surah Al-Muddathir, Verse 51
بَلۡ يُرِيدُ كُلُّ ٱمۡرِيٕٖ مِّنۡهُمۡ أَن يُؤۡتَىٰ صُحُفٗا مُّنَشَّرَةٗ
Kna, ka kabaya o oman i isa kiran a kabgan sa manga sorat a makakayat (a phoon ko Allah)
Surah Al-Muddathir, Verse 52
كَلَّاۖ بَل لَّا يَخَافُونَ ٱلۡأٓخِرَةَ
Di dn oto. Kna, ka di iran ikhalk so akhirat
Surah Al-Muddathir, Verse 53
كَلَّآ إِنَّهُۥ تَذۡكِرَةٞ
Sabnar, a mataan! a giya Qor´an aya! na pananadm
Surah Al-Muddathir, Verse 54
فَمَن شَآءَ ذَكَرَهُۥ
Na sa taw a khabaya na pananadmn iyan oto
Surah Al-Muddathir, Verse 55
وَمَا يَذۡكُرُونَ إِلَّآ أَن يَشَآءَ ٱللَّهُۚ هُوَ أَهۡلُ ٱلتَّقۡوَىٰ وَأَهۡلُ ٱلۡمَغۡفِرَةِ
Na da a phakatadm kiran inonta sa kabaya o Allah: Skaniyan i patot a ikhalk, go patot a phmaap
Surah Al-Muddathir, Verse 56