Surah Abasa - Maranao Translation by Guro Alim Saromantang
عَبَسَ وَتَوَلَّىٰٓ
Miyakarimng (so Nabi) go tomiyalikhod
Surah Abasa, Verse 1
أَن جَآءَهُ ٱلۡأَعۡمَىٰ
Sa kiyapakatalingoma on o bota (a si Abdollah Ibno Ommi Maktoom)
Surah Abasa, Verse 2
وَمَا يُدۡرِيكَ لَعَلَّهُۥ يَزَّكَّىٰٓ
Na antawaa i kaphakitokawan iyan rka sa masikn a skaniyan na pzoti
Surah Abasa, Verse 3
أَوۡ يَذَّكَّرُ فَتَنفَعَهُ ٱلذِّكۡرَىٰٓ
O di na phakindao na makanggay ron a gona so ndao
Surah Abasa, Verse 4
أَمَّا مَنِ ٱسۡتَغۡنَىٰ
Na so taw a mitharambisa
Surah Abasa, Verse 5
فَأَنتَ لَهُۥ تَصَدَّىٰ
Na ska na ayang ka gii zasagipaan
Surah Abasa, Verse 6
وَمَا عَلَيۡكَ أَلَّا يَزَّكَّىٰ
A kna a ba rka khisndit a di niyan kapzoti
Surah Abasa, Verse 7
وَأَمَّا مَن جَآءَكَ يَسۡعَىٰ
Na so pman so miyakaoma rka a mananamar
Surah Abasa, Verse 8
وَهُوَ يَخۡشَىٰ
A skaniyan na maalkn (ko Allah)
Surah Abasa, Verse 9
فَأَنتَ عَنۡهُ تَلَهَّىٰ
Na ska na ikaririmorng ka
Surah Abasa, Verse 10
كَلَّآ إِنَّهَا تَذۡكِرَةٞ
Ding ka oto ppharomani, mataan aya! a pananadm
Surah Abasa, Verse 11
فَمَن شَآءَ ذَكَرَهُۥ
Na sadn sa khabaya, na pananadmn iyan
Surah Abasa, Verse 12
فِي صُحُفٖ مُّكَرَّمَةٖ
Matatago ko manga kitab a sslaan
Surah Abasa, Verse 13
مَّرۡفُوعَةٖ مُّطَهَّرَةِۭ
A ipoporo, a sosotin
Surah Abasa, Verse 14
بِأَيۡدِي سَفَرَةٖ
A minggolalan ko manga lima o manga panonorat
Surah Abasa, Verse 15
كِرَامِۭ بَرَرَةٖ
A khisslaan a pphamangongonotan
Surah Abasa, Verse 16
قُتِلَ ٱلۡإِنسَٰنُ مَآ أَكۡفَرَهُۥ
Pimorkaan so manosiya (a miyongkir)! Sayana a da a tadm iyan
Surah Abasa, Verse 17
مِنۡ أَيِّ شَيۡءٍ خَلَقَهُۥ
Antonaa shay´ i pakapoon iyan, sa kiyaadna on o Allah
Surah Abasa, Verse 18
مِن نُّطۡفَةٍ خَلَقَهُۥ فَقَدَّرَهُۥ
Miyakapoon sa notfa, inadn Iyan go pindidiyangka Iyan
Surah Abasa, Verse 19
ثُمَّ ٱلسَّبِيلَ يَسَّرَهُۥ
Oriyan iyan na so lalan na libod Iyan on
Surah Abasa, Verse 20
ثُمَّ أَمَاتَهُۥ فَأَقۡبَرَهُۥ
Oriyan iyan na inisabap Iyan a kiyapatay Niyan, na piyakikobor Iyan
Surah Abasa, Verse 21
ثُمَّ إِذَا شَآءَ أَنشَرَهُۥ
Oriyan iyan na amay ko kabaya Iyan na oyagn Iyan bo
Surah Abasa, Verse 22
كَلَّا لَمَّا يَقۡضِ مَآ أَمَرَهُۥ
Sabnar, a da Niyan nggolalann so inisogo on (o Allah)
Surah Abasa, Verse 23
فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ
Na pamimikirana o manosiya so pangn´ngkn iyan
Surah Abasa, Verse 24
أَنَّا صَبَبۡنَا ٱلۡمَآءَ صَبّٗا
A mataan! a Skami na inodod Ami so ig sa samporna a kawdod
Surah Abasa, Verse 25
ثُمَّ شَقَقۡنَا ٱلۡأَرۡضَ شَقّٗا
Oriyan iyan na piyakambabatkad Ami so lopa sa maroni a kambabatkad
Surah Abasa, Verse 26
فَأَنۢبَتۡنَا فِيهَا حَبّٗا
Na piyamakathoan Ami skaniyan sa prpran
Surah Abasa, Verse 27
وَعِنَبٗا وَقَضۡبٗا
Go anggor, go llthaan
Surah Abasa, Verse 28
وَزَيۡتُونٗا وَنَخۡلٗا
Go zayton, go korma
Surah Abasa, Verse 29
وَحَدَآئِقَ غُلۡبٗا
Go manga pamomolan a manga rarabong
Surah Abasa, Verse 30
وَفَٰكِهَةٗ وَأَبّٗا
Go manga onga, go manga paotanotan
Surah Abasa, Verse 31
مَّتَٰعٗا لَّكُمۡ وَلِأَنۡعَٰمِكُمۡ
Ka an iyo kanggonai ago so manga ayam iyo
Surah Abasa, Verse 32
فَإِذَا جَآءَتِ ٱلصَّآخَّةُ
Na amay ko makatalingoma so lalis
Surah Abasa, Verse 33
يَوۡمَ يَفِرُّ ٱلۡمَرۡءُ مِنۡ أَخِيهِ
Sii ko alongan a palagoyan o taw so pagari niyan
Surah Abasa, Verse 34
وَأُمِّهِۦ وَأَبِيهِ
Go so ina iyan, ago so ama iyan
Surah Abasa, Verse 35
وَصَٰحِبَتِهِۦ وَبَنِيهِ
Go so karoma niyan, go so manga wata iyan
Surah Abasa, Verse 36
لِكُلِّ ٱمۡرِيٕٖ مِّنۡهُمۡ يَوۡمَئِذٖ شَأۡنٞ يُغۡنِيهِ
Oman i isa kiran sa alongan oto, na adn a btad a makattmbang on
Surah Abasa, Verse 37
وُجُوهٞ يَوۡمَئِذٖ مُّسۡفِرَةٞ
Adn a manga paras sa alongan oto a khisisigay
Surah Abasa, Verse 38
ضَاحِكَةٞ مُّسۡتَبۡشِرَةٞ
Makakhakala, a mabababaya
Surah Abasa, Verse 39
وَوُجُوهٞ يَوۡمَئِذٍ عَلَيۡهَا غَبَرَةٞ
Go adn a manga paras sa alongan oto - a masasalapot a lopapk
Surah Abasa, Verse 40
تَرۡهَقُهَا قَتَرَةٌ
A kakokoloban sa malibotng
Surah Abasa, Verse 41
أُوْلَـٰٓئِكَ هُمُ ٱلۡكَفَرَةُ ٱلۡفَجَرَةُ
Siran man na siran so miyamangongkir a manga baradosa
Surah Abasa, Verse 42