Surah At-Takwir - Maranao Translation by Guro Alim Saromantang
إِذَا ٱلشَّمۡسُ كُوِّرَتۡ
Amay ka so alongan na kowaan sa sindaw
Surah At-Takwir, Verse 1
وَإِذَا ٱلنُّجُومُ ٱنكَدَرَتۡ
Go amay ka so manga bitoon na manga oolog
Surah At-Takwir, Verse 2
وَإِذَا ٱلۡجِبَالُ سُيِّرَتۡ
Go amay ka so manga palaw na mamangi kayontong
Surah At-Takwir, Verse 3
وَإِذَا ٱلۡعِشَارُ عُطِّلَتۡ
Go amay ka so manga onta a mawgat na indaraynon
Surah At-Takwir, Verse 4
وَإِذَا ٱلۡوُحُوشُ حُشِرَتۡ
Go amay ka so manga binatang na timoon
Surah At-Takwir, Verse 5
وَإِذَا ٱلۡبِحَارُ سُجِّرَتۡ
Go amay ka so manga kalodan na pakakadgn
Surah At-Takwir, Verse 6
وَإِذَا ٱلنُّفُوسُ زُوِّجَتۡ
Go amay ka so manga niyawa na itoon ko manga ganap iyan
Surah At-Takwir, Verse 7
وَإِذَا ٱلۡمَوۡءُۥدَةُ سُئِلَتۡ
Go amay ka so bagowaraga a inilbng a oyagoyag na iiza
Surah At-Takwir, Verse 8
بِأَيِّ ذَنۢبٖ قُتِلَتۡ
O antonaa i dosa a sabap a inibono on
Surah At-Takwir, Verse 9
وَإِذَا ٱلصُّحُفُ نُشِرَتۡ
Go amay ka so manga daptar (a siyoratan ko manga amal) na kayatn
Surah At-Takwir, Verse 10
وَإِذَا ٱلسَّمَآءُ كُشِطَتۡ
Go amay ka so langit na pokasn ko darpa iyan
Surah At-Takwir, Verse 11
وَإِذَا ٱلۡجَحِيمُ سُعِّرَتۡ
Go amay ka so naraka Jahim na pakazokhaya on
Surah At-Takwir, Verse 12
وَإِذَا ٱلۡجَنَّةُ أُزۡلِفَتۡ
Go amay ka so sorga na ipakarani (ko miyamananggila)
Surah At-Takwir, Verse 13
عَلِمَتۡ نَفۡسٞ مَّآ أَحۡضَرَتۡ
Na katokawan o ginawa so pithiyagar iyan
Surah At-Takwir, Verse 14
فَلَآ أُقۡسِمُ بِٱلۡخُنَّسِ
Na pzapa Ako sa ibt ko (manga bitoon a) sombang somdp
Surah At-Takwir, Verse 15
ٱلۡجَوَارِ ٱلۡكُنَّسِ
A pphamalalagoy a pphamangigaib
Surah At-Takwir, Verse 16
وَٱلَّيۡلِ إِذَا عَسۡعَسَ
Go so gagawii igira a phakalibotng
Surah At-Takwir, Verse 17
وَٱلصُّبۡحِ إِذَا تَنَفَّسَ
Go so khapita igira a phakaliwanag
Surah At-Takwir, Verse 18
إِنَّهُۥ لَقَوۡلُ رَسُولٖ كَرِيمٖ
Mataan! (a giya Qor´an aya) na titho a gii matharo o Sogo a sslaan
Surah At-Takwir, Verse 19
ذِي قُوَّةٍ عِندَ ذِي ٱلۡعَرۡشِ مَكِينٖ
Mabagr sii ko Khirk ko kapaar, a adn a pangkatan Iyan
Surah At-Takwir, Verse 20
مُّطَاعٖ ثَمَّ أَمِينٖ
Pkhaonotan roo, a kasasanaan
Surah At-Takwir, Verse 21
وَمَا صَاحِبُكُم بِمَجۡنُونٖ
Na da ko bolayoka iyo (a Mohammad) iba pmbthanga
Surah At-Takwir, Verse 22
وَلَقَدۡ رَءَاهُ بِٱلۡأُفُقِ ٱلۡمُبِينِ
Na sabnsabnar a miyailay niyan skaniyan (a Jibril) ko sindadan o kaylay sa poro a mapayag
Surah At-Takwir, Verse 23
وَمَا هُوَ عَلَى ٱلۡغَيۡبِ بِضَنِينٖ
Go kna a ba niyan inipligt so katawan iyan ko da mapayag
Surah At-Takwir, Verse 24
وَمَا هُوَ بِقَوۡلِ شَيۡطَٰنٖ رَّجِيمٖ
Go kna a ba aya katharo a shaytan a pradiyamn
Surah At-Takwir, Verse 25
فَأَيۡنَ تَذۡهَبُونَ
Na anda kano zong
Surah At-Takwir, Verse 26
إِنۡ هُوَ إِلَّا ذِكۡرٞ لِّلۡعَٰلَمِينَ
Daa salakaw saya a rowar sa pananadm a bagian o manga kaadn
Surah At-Takwir, Verse 27
لِمَن شَآءَ مِنكُمۡ أَن يَسۡتَقِيمَ
Sii ko taw a kabaya iyan rkano a kapakaontol iyan
Surah At-Takwir, Verse 28
وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ
Na da a kapaar iyo, inonta sa kabaya o Allah, a Kadnan o manga kaadn
Surah At-Takwir, Verse 29