Surah AL-Infitar - Afar Translation by Sheikh Mahmoud Abdel Qader Hamz And Group Of Scholars
إِذَا ٱلسَّمَآءُ ٱنفَطَرَتۡ
Qaran qanxixa waqdi
Surah AL-Infitar, Verse 1
وَإِذَا ٱلۡكَوَاكِبُ ٱنتَثَرَتۡ
Kaadu cutuk luuqa waqdi
Surah AL-Infitar, Verse 2
وَإِذَا ٱلۡبِحَارُ فُجِّرَتۡ
Kaadu badwa sittal tanfuxxukumeeh, sittat tangale wagqdi
Surah AL-Infitar, Verse 3
وَإِذَا ٱلۡقُبُورُ بُعۡثِرَتۡ
Magooqa fokkaqsimtaah addat sugtem iró ciggilsinta waqdi
Surah AL-Infitar, Verse 4
عَلِمَتۡ نَفۡسٞ مَّا قَدَّمَتۡ وَأَخَّرَتۡ
Woo waqdi ummaan nafsi yaaxigeh yuysukumem kee udurrusem taamak
Surah AL-Infitar, Verse 5
يَـٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ
Kee seehadaytow maca koo duquurussaah ku Rabbiy cinda lek
Surah AL-Infitar, Verse 6
ٱلَّذِي خَلَقَكَ فَسَوَّىٰكَ فَعَدَلَكَ
Kaay koo gineeh, koo massoyseeh soolo koo yeymeeqe
Surah AL-Infitar, Verse 7
فِيٓ أَيِّ صُورَةٖ مَّا شَآءَ رَكَّبَكَ
Isih faxxa hee weelol koo bicseeh gine
Surah AL-Infitar, Verse 8
كَلَّا بَلۡ تُكَذِّبُونَ بِٱلدِّينِ
Tonna hinnay, a korosey isin nummah gital matanin galtoh ayró dirabbossaana ikkalah
Surah AL-Infitar, Verse 9
وَإِنَّ عَلَيۡكُمۡ لَحَٰفِظِينَ
Diggah, sin dacrissa malayka dacayrih siinit tan
Surah AL-Infitar, Verse 10
كِرَامٗا كَٰتِبِينَ
Yallih garil massakaxxa le kutbe abta malayka sin taama dacrissam
Surah AL-Infitar, Verse 11
يَعۡلَمُونَ مَا تَفۡعَلُونَ
Isin abba haytaanam taaxigeh
Surah AL-Infitar, Verse 12
إِنَّ ٱلۡأَبۡرَارَ لَفِي نَعِيمٖ
Diggah meqe mari jannatal yalli keenih yeceeh yan niqmatat yan
Surah AL-Infitar, Verse 13
وَإِنَّ ٱلۡفُجَّارَ لَفِي جَحِيمٖ
Kaadu diggah umam aba mari (koros kinnuk) Jaciim deqsitta girah addal yan
Surah AL-Infitar, Verse 14
يَصۡلَوۡنَهَا يَوۡمَ ٱلدِّينِ
Usun galtoh ayró (Qhiyaamah ayró kinnuk) tet culan
Surah AL-Infitar, Verse 15
وَمَا هُمۡ عَنۡهَا بِغَآئِبِينَ
Kaadu usun teetik cerrita mara hinnon (inkinnah teetik mayawqan)
Surah AL-Infitar, Verse 16
وَمَآ أَدۡرَىٰكَ مَا يَوۡمُ ٱلدِّينِ
Kaadu maca koo tiysixxigeeh galtoh ayró kinnim
Surah AL-Infitar, Verse 17
ثُمَّ مَآ أَدۡرَىٰكَ مَا يَوۡمُ ٱلدِّينِ
Tohuk lakal maca koo tiysixxigeeh, galtoh ayró kinnim
Surah AL-Infitar, Verse 18
يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ
Woh ayroy nafsi nafsih tu edde xiqe waah, woo saaku amri Yalli le
Surah AL-Infitar, Verse 19