Surah At-Takwir - Afar Translation by Sheikh Mahmoud Abdel Qader Hamz And Group Of Scholars
إِذَا ٱلشَّمۡسُ كُوِّرَتۡ
Ayró xambaqsintaah diifi teetik kata waqdi
Surah At-Takwir, Verse 1
وَإِذَا ٱلنُّجُومُ ٱنكَدَرَتۡ
Kaadu cutuk luuqa waqdi
Surah At-Takwir, Verse 2
وَإِذَا ٱلۡجِبَالُ سُيِّرَتۡ
Kaadu qaleelá baaxô baguk gexsimtaah foyya takke waqdi
Surah At-Takwir, Verse 3
وَإِذَا ٱلۡعِشَارُ عُطِّلَتۡ
Kaadu tabuni gaali loynamalita waqdi. (idqa gaalá kinnuk)
Surah At-Takwir, Verse 4
وَإِذَا ٱلۡوُحُوشُ حُشِرَتۡ
Kaadu dubaali wariggâ gibdah gaaboysima waqdi
Surah At-Takwir, Verse 5
وَإِذَا ٱلۡبِحَارُ سُجِّرَتۡ
Kaadu badwa giráh innah ursumta wagqdi
Surah At-Takwir, Verse 6
وَإِذَا ٱلنُّفُوسُ زُوِّجَتۡ
Kaadu nafsitte ise celtaamat xibbansinta waqdi. (woh meqe mara meqe marâ luk, uma mara uma marâ luk massoysan waqdi)
Surah At-Takwir, Verse 7
وَإِذَا ٱلۡمَوۡءُۥدَةُ سُئِلَتۡ
Kaadu nuwwih yoogoqen awká esserinta waqdi
Surah At-Takwir, Verse 8
بِأَيِّ ذَنۢبٖ قُتِلَتۡ
Maa dambih qiddinteeh (tiggifimeeh) teetik axcuk
Surah At-Takwir, Verse 9
وَإِذَا ٱلصُّحُفُ نُشِرَتۡ
Kaadu aben taamá elle tan kitooba xayyoysintaah, fakkimta waqdi
Surah At-Takwir, Verse 10
وَإِذَا ٱلسَّمَآءُ كُشِطَتۡ
Kaadu qaran laaracak siibima waqdi
Surah At-Takwir, Verse 11
وَإِذَا ٱلۡجَحِيمُ سُعِّرَتۡ
Kaadu jaciim deqsitta girá ursuntaah, hadiidigsinta waqdi
Surah At-Takwir, Verse 12
وَإِذَا ٱلۡجَنَّةُ أُزۡلِفَتۡ
Kaadu jannat Yallak meesita marah xayyoysima waqdi
Surah At-Takwir, Verse 13
عَلِمَتۡ نَفۡسٞ مَّآ أَحۡضَرَتۡ
Too waqdi, nafsi maqaanek hinnay umaanek xayoysitem yaaxigeh
Surah At-Takwir, Verse 14
فَلَآ أُقۡسِمُ بِٱلۡخُنَّسِ
Yalli laqó ifi kak qellita cutuukal xiibite
Surah At-Takwir, Verse 15
ٱلۡجَوَارِ ٱلۡكُنَّسِ
Gexxa cutuukay isi aroocat qellittal xiibite
Surah At-Takwir, Verse 16
وَٱلَّيۡلِ إِذَا عَسۡعَسَ
Kaadu bari dité baaha waqdil xiibite
Surah At-Takwir, Verse 17
وَٱلصُّبۡحِ إِذَا تَنَفَّسَ
Kaadu maaci diifu baaha waqdil xiibite
Surah At-Takwir, Verse 18
إِنَّهُۥ لَقَوۡلُ رَسُولٖ كَرِيمٖ
Diggah qhuraan massâ kaxxa le farmoytih (jibriil kinnuk) maxca
Surah At-Takwir, Verse 19
ذِي قُوَّةٍ عِندَ ذِي ٱلۡعَرۡشِ مَكِينٖ
Usuk (Jibriil kinnuk) caylaleeh fayya le arac le, qarshi le rabbih xaqul
Surah At-Takwir, Verse 20
مُّطَاعٖ ثَمَّ أَمِينٖ
Wokkel malayka kaa oggoltaah, wacyil amaanat le
Surah At-Takwir, Verse 21
وَمَا صَاحِبُكُم بِمَجۡنُونٖ
Kaadu sin kataysa (Nabii kinnuk) cabuli akke waamal xiibite
Surah At-Takwir, Verse 22
وَلَقَدۡ رَءَاهُ بِٱلۡأُفُقِ ٱلۡمُبِينِ
Nummah Nabii jibriil, Yalli kaa edde gine weelot ayro mawqa le gambik baxxaqqa le ikkel kaa yuble
Surah At-Takwir, Verse 23
وَمَا هُوَ عَلَى ٱلۡغَيۡبِ بِضَنِينٖ
Usuk (Nabii kinnuk) wacyi gudduysiyyal cillaaleli hinna. (cinnaane li/gabâ gibda li)
Surah At-Takwir, Verse 24
وَمَا هُوَ بِقَوۡلِ شَيۡطَٰنٖ رَّجِيمٖ
Kaadu ta Qhuraan Yallih Racmatak xiiriyime sheetaanih maxca hinna
Surah At-Takwir, Verse 25
فَأَيۡنَ تَذۡهَبُونَ
Toysa anke gexxaanaah qhuraan dirabbosseenik
Surah At-Takwir, Verse 26
إِنۡ هُوَ إِلَّا ذِكۡرٞ لِّلۡعَٰلَمِينَ
Usuk (Qhuraan kinnuk) gersim hinna, Yallak kassiisih insii kee jinnih oobe kitab akke waytek
Surah At-Takwir, Verse 27
لِمَن شَآءَ مِنكُمۡ أَن يَسۡتَقِيمَ
Siinik cakkii kee iimaanal soolam faxah yan numuh kassiisi
Surah At-Takwir, Verse 28
وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ
Isin faxxaanam matakka Yallay ginô Rabbih yani faxah akke waytek
Surah At-Takwir, Verse 29