Surah AL-Infitar - Kendayan Translation by Unknown
إِذَا ٱلسَّمَآءُ ٱنفَطَرَتۡ
Kade’ dah langit tabalah
Surah AL-Infitar, Verse 1
وَإِذَا ٱلۡكَوَاكِبُ ٱنتَثَرَتۡ
Man kade’ bintakng-bintakng jantu’ basarakatn
Surah AL-Infitar, Verse 2
وَإِذَا ٱلۡبِحَارُ فُجِّرَتۡ
Man kade’ lautan si jadiatn ngaruap
Surah AL-Infitar, Verse 3
وَإِذَا ٱلۡقُبُورُ بُعۡثِرَتۡ
Man kade’ subur-subur di bungkar
Surah AL-Infitar, Verse 4
عَلِمَتۡ نَفۡسٞ مَّا قَدَّمَتۡ وَأَخَّرَتۡ
(maka) satiap nyawa akan ngetahui’ ahe nangudah di karajaatn man nang di laleatn (nya)
Surah AL-Infitar, Verse 5
يَـٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ
Wahe talino! Ahe ke’ nang udah manperdayakan kao (babuat durhaka) tahadap Tuhannyu nang Maha Pangasih
Surah AL-Infitar, Verse 6
ٱلَّذِي خَلَقَكَ فَسَوَّىٰكَ فَعَدَلَكَ
Nang udah nyiptaatn nyu lalu manyumparnaan kajadiannyu man nyadiatn (sunan tubuh) nyu saimbang
Surah AL-Infitar, Verse 7
فِيٓ أَيِّ صُورَةٖ مَّا شَآءَ رَكَّبَكَ
Dalapm bantuk ahe maan nang di kahandaki, ia nyusun tubuhnyu
Surah AL-Infitar, Verse 8
كَلَّا بَلۡ تُكَذِّبُونَ بِٱلدِّينِ
Sakali-kali ame ampakoa! Bahkan kao mandustaatn ari pambalasan
Surah AL-Infitar, Verse 9
وَإِنَّ عَلَيۡكُمۡ لَحَٰفِظِينَ
Man sasungguhnya bagi kao ada (mala’ekat- mala’ekat) nang mangawasi (pakarajaan nyu)
Surah AL-Infitar, Verse 10
كِرَامٗا كَٰتِبِينَ
Namg mulia (ka’ isi Allah) man nang mancatat (pabuatatn nyu)
Surah AL-Infitar, Verse 11
يَعۡلَمُونَ مَا تَفۡعَلُونَ
Ia iaka’koa mengatahui ahe nang kao karajaatn
Surah AL-Infitar, Verse 12
إِنَّ ٱلۡأَبۡرَارَ لَفِي نَعِيمٖ
Sasungguhnya urakng-urakng nang babakti banar-banar baradu dalapm (saruga nang panoh) atnikmatan
Surah AL-Infitar, Verse 13
وَإِنَّ ٱلۡفُجَّارَ لَفِي جَحِيمٖ
Man sasungguhnya urakng-urakng nang durhaka banar-banar baradadalapm naraka
Surah AL-Infitar, Verse 14
يَصۡلَوۡنَهَا يَوۡمَ ٱلدِّينِ
Ia iaka’koa masok ka’ dalapm nya pada ari pambalasan
Surah AL-Infitar, Verse 15
وَمَا هُمۡ عَنۡهَا بِغَآئِبِينَ
Man ia iaka’koa nana’ mungkin kaluar dari naraka koa
Surah AL-Infitar, Verse 16
وَمَآ أَدۡرَىٰكَ مَا يَوۡمُ ٱلدِّينِ
Ma nau’an ke’ kao ahe ke’ ari pambalasan koa
Surah AL-Infitar, Verse 17
ثُمَّ مَآ أَدۡرَىٰكَ مَا يَوۡمُ ٱلدِّينِ
Sakali agi’ nau’an ke’ kao ahe ke’ ari pambalasan koa
Surah AL-Infitar, Verse 18
يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ
(Yakoa) pada ari (katika) seko urakng sama sakali nana’ badaya (nolong) urakng lain. Man sagala urusan pada ari koa dalapm kakuasaan Allah ayat
Surah AL-Infitar, Verse 19