Surah Al-Ghashiya - Maranao Translation by Guro Alim Saromantang
هَلۡ أَتَىٰكَ حَدِيثُ ٱلۡغَٰشِيَةِ
Ino a miyakatalingoma rka so totholan ko khikolob
Surah Al-Ghashiya, Verse 1
وُجُوهٞ يَوۡمَئِذٍ خَٰشِعَةٌ
Adn a manga paras, sa alongan oto, a khipakatitipadng
Surah Al-Ghashiya, Verse 2
عَامِلَةٞ نَّاصِبَةٞ
A gomagalbk, a khidodokawan
Surah Al-Ghashiya, Verse 3
تَصۡلَىٰ نَارًا حَامِيَةٗ
A phamakasold ko apoy a tanto a mayaw
Surah Al-Ghashiya, Verse 4
تُسۡقَىٰ مِنۡ عَيۡنٍ ءَانِيَةٖ
A phphamakainomn ko bowalan a plikabo
Surah Al-Ghashiya, Verse 5
لَّيۡسَ لَهُمۡ طَعَامٌ إِلَّا مِن ضَرِيعٖ
Daa pangn´ngkn iran a rowar ko sorokn
Surah Al-Ghashiya, Verse 6
لَّا يُسۡمِنُ وَلَا يُغۡنِي مِن جُوعٖ
Di ipkhawlit, go di phakarn sa kaor
Surah Al-Ghashiya, Verse 7
وُجُوهٞ يَوۡمَئِذٖ نَّاعِمَةٞ
Adn a manga paras, sa alongan oto, a madadarandang
Surah Al-Ghashiya, Verse 8
لِّسَعۡيِهَا رَاضِيَةٞ
Sabap ko galbk iran na masosoat siran
Surah Al-Ghashiya, Verse 9
فِي جَنَّةٍ عَالِيَةٖ
Sii ko sorga a maporo
Surah Al-Ghashiya, Verse 10
لَّا تَسۡمَعُ فِيهَا لَٰغِيَةٗ
Daa khan´g iran on a ilang
Surah Al-Ghashiya, Verse 11
فِيهَا عَيۡنٞ جَارِيَةٞ
Katatagoan sa manga bowalan a pphamanoga
Surah Al-Ghashiya, Verse 12
فِيهَا سُرُرٞ مَّرۡفُوعَةٞ
Katatagoan sa manga kantir a manga poporo
Surah Al-Ghashiya, Verse 13
وَأَكۡوَابٞ مَّوۡضُوعَةٞ
Go manga baso a khiaadirn
Surah Al-Ghashiya, Verse 14
وَنَمَارِقُ مَصۡفُوفَةٞ
Go manga olona a khiaantibn
Surah Al-Ghashiya, Verse 15
وَزَرَابِيُّ مَبۡثُوثَةٌ
Go manga paramadali a khikakayatn
Surah Al-Ghashiya, Verse 16
أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ
Ba iran di pnggdagdaa so manga onta o andamanaya i kiyaadna on
Surah Al-Ghashiya, Verse 17
وَإِلَى ٱلسَّمَآءِ كَيۡفَ رُفِعَتۡ
Go so langit o andamanaya i kiniporoon on
Surah Al-Ghashiya, Verse 18
وَإِلَى ٱلۡجِبَالِ كَيۡفَ نُصِبَتۡ
Go so manga palaw o andamanaya i kiyapamakatindga on
Surah Al-Ghashiya, Verse 19
وَإِلَى ٱلۡأَرۡضِ كَيۡفَ سُطِحَتۡ
Go so lopa o andamanaya i kiyakayata on
Surah Al-Ghashiya, Verse 20
فَذَكِّرۡ إِنَّمَآ أَنتَ مُذَكِّرٞ
Na pamakain´ngka ka, a ska na matag pphamakain´ngka
Surah Al-Ghashiya, Verse 21
لَّسۡتَ عَلَيۡهِم بِمُصَيۡطِرٍ
Kna a ba siran rka pakiphan´gln
Surah Al-Ghashiya, Verse 22
إِلَّا مَن تَوَلَّىٰ وَكَفَرَ
Ogaid na sadn sa tomalikhod go mongkir
Surah Al-Ghashiya, Verse 23
فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ
Na isiksa on o Allah so siksa a mala
Surah Al-Ghashiya, Verse 24
إِنَّ إِلَيۡنَآ إِيَابَهُمۡ
Mataan! a sii Rkami so khandodan iran
Surah Al-Ghashiya, Verse 25
ثُمَّ إِنَّ عَلَيۡنَا حِسَابَهُم
Oriyan iyan na mataan! a sii Rkami so itongan kiran
Surah Al-Ghashiya, Verse 26