Surah Al-Adiyat - Yoruba Translation by Shaykh Abu Rahimah Mikael Aykyuni

Allāhu búra pẹ̀lú àwọn ẹṣin t’ó ń sáré t’ó ń mí hẹlẹhẹlẹ ní ojú-ogun
Surah Al-Adiyat, Verse 1

Ó tún búra pẹ̀lú àwọn ẹṣin tí pátákò ẹsẹ̀ wọn ń ṣáná (níbi eré sísá)
Surah Al-Adiyat, Verse 2

Ó tún búra pẹ̀lú àwọn ẹṣin t’ó ń kọlu ọ̀tá ẹ̀sìn ní òwúrọ̀ kùtùkùtù
Surah Al-Adiyat, Verse 3

Wọ́n sì fi (pátákò ẹsẹ̀ wọn) tu eruku (ilẹ̀ ọ̀tá) sókè
Surah Al-Adiyat, Verse 4

Wọ́n tún bẹ́ gìjà papọ̀ pẹ̀lú rẹ̀ sáààrin àkójọ ọ̀tá
Surah Al-Adiyat, Verse 5

Dájúdájú ènìyàn ni aláìmoore sí Olúwa rẹ̀
Surah Al-Adiyat, Verse 6

Dájúdájú Allāhu sì ń jẹ́ Ẹlẹ́rìí lórí ìyẹn
Surah Al-Adiyat, Verse 7

Àti pé dájúdájú ènìyàn le gan-an níbi ìfẹ́ oore ayé
Surah Al-Adiyat, Verse 8

Ṣé kò mọ̀ pé nígbà tí wọ́n bá tú ohun t’ó wà nínú sàréè jáde (fún àjíǹde)
Surah Al-Adiyat, Verse 9

tí wọ́n sì tú ohun t’ó wà nínú igbá-àyà ẹ̀dá síta pátápátá
Surah Al-Adiyat, Verse 10

dájúdájú Olúwa wọn ni Alámọ̀tán nípa wọn ní Ọjọ́ yẹn
Surah Al-Adiyat, Verse 11

Author: Shaykh Abu Rahimah Mikael Aykyuni

Yoruba Translations by other Authors