Surah As-Saaffat - Urdu Translation by Abul A Ala Maududi

وَٱلصَّـٰٓفَّـٰتِ صَفّٗا

قطار در قطار صف باندھنے والوں کی قسم
Surah As-Saaffat, Verse 1

فَٱلزَّـٰجِرَٰتِ زَجۡرٗا

پھر اُن کی قسم جو ڈانٹنے پھٹکارنے والے ہیں
Surah As-Saaffat, Verse 2

فَٱلتَّـٰلِيَٰتِ ذِكۡرًا

پھر اُن کی قسم جو کلام نصیحت سنانے والے ہیں
Surah As-Saaffat, Verse 3

إِنَّ إِلَٰهَكُمۡ لَوَٰحِدٞ

تمہارا معبود حقیقی بس ایک ہی ہے
Surah As-Saaffat, Verse 4

رَّبُّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا وَرَبُّ ٱلۡمَشَٰرِقِ

وہ جو زمین اور آسمانوں کا اور تمام اُن چیزوں کا مالک ہے جو زمین و آسمان میں ہیں، اور سارے مشرقوں کا مالک
Surah As-Saaffat, Verse 5

إِنَّا زَيَّنَّا ٱلسَّمَآءَ ٱلدُّنۡيَا بِزِينَةٍ ٱلۡكَوَاكِبِ

ہم نے آسمان دنیا کو تاروں کی زینت سے آراستہ کیا ہے
Surah As-Saaffat, Verse 6

وَحِفۡظٗا مِّن كُلِّ شَيۡطَٰنٖ مَّارِدٖ

اور ہر شیطان سرکش سے اس کو محفوظ کر دیا ہے
Surah As-Saaffat, Verse 7

لَّا يَسَّمَّعُونَ إِلَى ٱلۡمَلَإِ ٱلۡأَعۡلَىٰ وَيُقۡذَفُونَ مِن كُلِّ جَانِبٖ

یہ شیاطین ملاء اعلیٰ کی باتیں نہیں سن سکتے، ہر طرف سے مارے اور ہانکے جاتے ہیں
Surah As-Saaffat, Verse 8

دُحُورٗاۖ وَلَهُمۡ عَذَابٞ وَاصِبٌ

اور ان کے لیے پیہم عذاب ہے
Surah As-Saaffat, Verse 9

إِلَّا مَنۡ خَطِفَ ٱلۡخَطۡفَةَ فَأَتۡبَعَهُۥ شِهَابٞ ثَاقِبٞ

تاہم اگر کوئی ان میں سے کچھ لے اڑے تو ایک تیز شعلہ اس کا پیچھا کرتا ہے
Surah As-Saaffat, Verse 10

فَٱسۡتَفۡتِهِمۡ أَهُمۡ أَشَدُّ خَلۡقًا أَم مَّنۡ خَلَقۡنَآۚ إِنَّا خَلَقۡنَٰهُم مِّن طِينٖ لَّازِبِۭ

اب اِن سے پوچھو، اِن کی پیدائش زیادہ مشکل ہے یا اُن چیزوں کی جو ہم نے پیدا کر رکھی ہیں؟ اِن کو تو ہم نے لیس دار گارے سے پیدا کیا ہے
Surah As-Saaffat, Verse 11

بَلۡ عَجِبۡتَ وَيَسۡخَرُونَ

تم (اللہ کی قدرت کے کرشموں پر) حیران ہو اور یہ اس کا مذاق اڑا رہے ہیں
Surah As-Saaffat, Verse 12

وَإِذَا ذُكِّرُواْ لَا يَذۡكُرُونَ

سمجھایا جاتا ہے تو سمجھ کر نہیں دیتے
Surah As-Saaffat, Verse 13

وَإِذَا رَأَوۡاْ ءَايَةٗ يَسۡتَسۡخِرُونَ

کوئی نشانی دیکھتے ہیں تو اسے ٹھٹھوں میں اڑاتے ہیں
Surah As-Saaffat, Verse 14

وَقَالُوٓاْ إِنۡ هَٰذَآ إِلَّا سِحۡرٞ مُّبِينٌ

اور کہتے ہیں "یہ تو صریح جادو ہے
Surah As-Saaffat, Verse 15

أَءِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ

بھلا کہیں ایسا ہو سکتا ہے کہ جب ہم مر چکے ہوں اور مٹی بن جائیں اور ہڈیوں کا پنجر رہ جائیں اُس وقت ہم پھر زندہ کر کے اٹھا کھڑے کیے جائیں؟
Surah As-Saaffat, Verse 16

أَوَءَابَآؤُنَا ٱلۡأَوَّلُونَ

اور کیا ہمارے اگلے وقتوں کے آبا و اجداد بھی اٹھائے جائیں گے؟
Surah As-Saaffat, Verse 17

قُلۡ نَعَمۡ وَأَنتُمۡ دَٰخِرُونَ

اِن سے کہو ہاں، اور تم (خدا کے مقابلے میں) بے بس ہو
Surah As-Saaffat, Verse 18

فَإِنَّمَا هِيَ زَجۡرَةٞ وَٰحِدَةٞ فَإِذَا هُمۡ يَنظُرُونَ

بس ایک ہی جھڑکی ہو گی اور یکایک یہ اپنی آنکھوں سے (وہ سب کچھ جس کی خبر دی جا رہی ہے) دیکھ رہے ہوں گے
Surah As-Saaffat, Verse 19

وَقَالُواْ يَٰوَيۡلَنَا هَٰذَا يَوۡمُ ٱلدِّينِ

اُس وقت یہ کہیں گے "ہائے ہماری کم بختی، یہ تو یوم الجزا ہے
Surah As-Saaffat, Verse 20

هَٰذَا يَوۡمُ ٱلۡفَصۡلِ ٱلَّذِي كُنتُم بِهِۦ تُكَذِّبُونَ

یہ وہی فیصلے کا دن ہے جسے تم جھٹلایا کرتے تھے
Surah As-Saaffat, Verse 21

۞ٱحۡشُرُواْ ٱلَّذِينَ ظَلَمُواْ وَأَزۡوَٰجَهُمۡ وَمَا كَانُواْ يَعۡبُدُونَ

(حکم ہو گا) گھیر لاؤ سب ظالموں اور ان کے ساتھیوں اور اُن معبودوں کو جن کی وہ خدا کو چھوڑ کر بندگی کیا کرتے تھے
Surah As-Saaffat, Verse 22

مِن دُونِ ٱللَّهِ فَٱهۡدُوهُمۡ إِلَىٰ صِرَٰطِ ٱلۡجَحِيمِ

پھر ان سب کو جہنم کا راستہ دکھاؤ
Surah As-Saaffat, Verse 23

وَقِفُوهُمۡۖ إِنَّهُم مَّسۡـُٔولُونَ

اور ذرا اِنہیں ٹھیراؤ، اِن سے کچھ پوچھنا ہے
Surah As-Saaffat, Verse 24

مَا لَكُمۡ لَا تَنَاصَرُونَ

کیا ہو گیا تمہیں، اب کیوں ایک دوسرے کی مدد نہیں کرتے؟
Surah As-Saaffat, Verse 25

بَلۡ هُمُ ٱلۡيَوۡمَ مُسۡتَسۡلِمُونَ

ارے، آج تو یہ اپنے آپ کو (اور ایک دوسرے کو) حوالے کیے دے رہے ہیں
Surah As-Saaffat, Verse 26

وَأَقۡبَلَ بَعۡضُهُمۡ عَلَىٰ بَعۡضٖ يَتَسَآءَلُونَ

اس کے بعد یہ ایک دوسرے کی طرف مڑیں گے اور باہم تکرار شروع کر دیں گے
Surah As-Saaffat, Verse 27

قَالُوٓاْ إِنَّكُمۡ كُنتُمۡ تَأۡتُونَنَا عَنِ ٱلۡيَمِينِ

(پیروی کرنے والے اپنے پیشواؤں سے) کہیں گے، "تم ہمارے پاس سیدھے رخ سے آتے تھے
Surah As-Saaffat, Verse 28

قَالُواْ بَل لَّمۡ تَكُونُواْ مُؤۡمِنِينَ

وہ جواب دیں گے، "نہیں بلکہ تم خود ایمان لانے والے نہ تھے
Surah As-Saaffat, Verse 29

وَمَا كَانَ لَنَا عَلَيۡكُم مِّن سُلۡطَٰنِۭۖ بَلۡ كُنتُمۡ قَوۡمٗا طَٰغِينَ

ہمارا تم پر کوئی زور نہ تھا، تم خود ہی سرکش لوگ تھے
Surah As-Saaffat, Verse 30

فَحَقَّ عَلَيۡنَا قَوۡلُ رَبِّنَآۖ إِنَّا لَذَآئِقُونَ

آخرکار ہم اپنے رب کے اِس فرمان کے مستحق ہو گئے کہ ہم عذاب کا مزا چکھنے والے ہیں
Surah As-Saaffat, Verse 31

فَأَغۡوَيۡنَٰكُمۡ إِنَّا كُنَّا غَٰوِينَ

سو ہم نے تم کو بہکا یا، ہم خود بہکے ہوئے تھے
Surah As-Saaffat, Verse 32

فَإِنَّهُمۡ يَوۡمَئِذٖ فِي ٱلۡعَذَابِ مُشۡتَرِكُونَ

اِس طرح وہ سب اُس روز عذاب میں مشترک ہوں گے
Surah As-Saaffat, Verse 33

إِنَّا كَذَٰلِكَ نَفۡعَلُ بِٱلۡمُجۡرِمِينَ

ہم مجرموں کے ساتھ یہی کچھ کیا کرتے ہیں
Surah As-Saaffat, Verse 34

إِنَّهُمۡ كَانُوٓاْ إِذَا قِيلَ لَهُمۡ لَآ إِلَٰهَ إِلَّا ٱللَّهُ يَسۡتَكۡبِرُونَ

یہ وہ لوگ تھے کہ جب ان سے کہا جاتا "اللہ کے سوا کوئی معبود بر حق نہیں ہے" تو یہ گھمنڈ میں آ جاتے تھے
Surah As-Saaffat, Verse 35

وَيَقُولُونَ أَئِنَّا لَتَارِكُوٓاْ ءَالِهَتِنَا لِشَاعِرٖ مَّجۡنُونِۭ

اور کہتے تھے "کیا ہم ایک شاعر مجنون کی خاطر اپنے معبودوں کو چھوڑ دیں؟
Surah As-Saaffat, Verse 36

بَلۡ جَآءَ بِٱلۡحَقِّ وَصَدَّقَ ٱلۡمُرۡسَلِينَ

حالانکہ وہ حق لے کر آیا تھا اور اس نے رسولوں کی تصدیق کی تھی
Surah As-Saaffat, Verse 37

إِنَّكُمۡ لَذَآئِقُواْ ٱلۡعَذَابِ ٱلۡأَلِيمِ

(اب ان سے کہا جائے گا کہ) تم لازماً دردناک سزا کا مزا چکھنے والے ہو
Surah As-Saaffat, Verse 38

وَمَا تُجۡزَوۡنَ إِلَّا مَا كُنتُمۡ تَعۡمَلُونَ

اور تمہیں جو بدلہ بھی دیا جا رہا ہے اُنہی اعمال کا دیا جا رہا ہے جو تم کرتے رہے ہو
Surah As-Saaffat, Verse 39

إِلَّا عِبَادَ ٱللَّهِ ٱلۡمُخۡلَصِينَ

مگر اللہ کے چیدہ بندے (اس انجام بد سے) محفوظ ہوں گے
Surah As-Saaffat, Verse 40

أُوْلَـٰٓئِكَ لَهُمۡ رِزۡقٞ مَّعۡلُومٞ

ان کے لیے جانا بوجھا رزق ہے
Surah As-Saaffat, Verse 41

فَوَٰكِهُ وَهُم مُّكۡرَمُونَ

ہر طرح کی لذیذ چیزیں،
Surah As-Saaffat, Verse 42

فِي جَنَّـٰتِ ٱلنَّعِيمِ

اور نعمت بھری جنتیں
Surah As-Saaffat, Verse 43

عَلَىٰ سُرُرٖ مُّتَقَٰبِلِينَ

جن میں وہ عزت کے ساتھ رکھے جائیں گے تختوں پر آمنے سامنے بیٹھیں گے
Surah As-Saaffat, Verse 44

يُطَافُ عَلَيۡهِم بِكَأۡسٖ مِّن مَّعِينِۭ

شراب کے چشموں سے ساغر بھر بھر کر ان کے درمیان پھرائے جائیں گے
Surah As-Saaffat, Verse 45

بَيۡضَآءَ لَذَّةٖ لِّلشَّـٰرِبِينَ

چمکتی ہوئی شراب، جو پینے والوں کے لیے لذّت ہو گی
Surah As-Saaffat, Verse 46

لَا فِيهَا غَوۡلٞ وَلَا هُمۡ عَنۡهَا يُنزَفُونَ

نہ ان کے جسم کو اس سے کوئی ضرر ہوگا اور نہ ان کی عقل اس سے خراب ہو گی
Surah As-Saaffat, Verse 47

وَعِندَهُمۡ قَٰصِرَٰتُ ٱلطَّرۡفِ عِينٞ

اور ان کے پاس نگاہیں بچانے والی، خوبصورت آنکھوں والی عورتیں ہوں گی
Surah As-Saaffat, Verse 48

كَأَنَّهُنَّ بَيۡضٞ مَّكۡنُونٞ

ایسی نازک جیسے انڈے کے چھلکے کے نیچے چھپی ہوئی جھلی
Surah As-Saaffat, Verse 49

فَأَقۡبَلَ بَعۡضُهُمۡ عَلَىٰ بَعۡضٖ يَتَسَآءَلُونَ

پھر وہ ایک دوسرے کی طرف متوجہ ہو کر حالات پوچھیں گے
Surah As-Saaffat, Verse 50

قَالَ قَآئِلٞ مِّنۡهُمۡ إِنِّي كَانَ لِي قَرِينٞ

ان میں سے ایک کہے گا، "دنیا میں میرا ایک ہم نشین تھا
Surah As-Saaffat, Verse 51

يَقُولُ أَءِنَّكَ لَمِنَ ٱلۡمُصَدِّقِينَ

جو مجھ سے کہا کرتا تھا، کیا تم بھی تصدیق کرنے والوں میں سے ہو؟
Surah As-Saaffat, Verse 52

أَءِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَدِينُونَ

کیا واقعی جب ہم مر چکے ہوں گے اور مٹی ہو جائیں گے اور ہڈیوں کا پنجر بن کر رہ جائیں گے تو ہمیں جزا و سزا دی جائے گی؟
Surah As-Saaffat, Verse 53

قَالَ هَلۡ أَنتُم مُّطَّلِعُونَ

اب کیا آپ لوگ دیکھنا چاہتے ہیں کہ وہ صاحب اب کہاں ہیں؟
Surah As-Saaffat, Verse 54

فَٱطَّلَعَ فَرَءَاهُ فِي سَوَآءِ ٱلۡجَحِيمِ

یہ کہہ کر جونہی وہ جھکے گا تو جہنم کی گہرائی میں اس کو دیکھ لے گا
Surah As-Saaffat, Verse 55

قَالَ تَٱللَّهِ إِن كِدتَّ لَتُرۡدِينِ

اور اس سے خطاب کر کے کہے گا "خدا کی قسم، تُو تو مجھے تباہ ہی کر دینے والا تھا
Surah As-Saaffat, Verse 56

وَلَوۡلَا نِعۡمَةُ رَبِّي لَكُنتُ مِنَ ٱلۡمُحۡضَرِينَ

میرے رب کا فضل شامل حال نہ ہوتا تو آج میں بھی اُن لوگوں میں سے ہوتا جو پکڑے ہوئے آئے ہیں
Surah As-Saaffat, Verse 57

أَفَمَا نَحۡنُ بِمَيِّتِينَ

اچھا تو کیا اب ہم مرنے والے نہیں ہیں؟
Surah As-Saaffat, Verse 58

إِلَّا مَوۡتَتَنَا ٱلۡأُولَىٰ وَمَا نَحۡنُ بِمُعَذَّبِينَ

موت جو ہمیں آنی تھی وہ بس پہلے آ چکی؟ اب ہمیں کوئی عذاب نہیں ہونا؟
Surah As-Saaffat, Verse 59

إِنَّ هَٰذَا لَهُوَ ٱلۡفَوۡزُ ٱلۡعَظِيمُ

یقیناً یہی عظیم الشان کامیابی ہے
Surah As-Saaffat, Verse 60

لِمِثۡلِ هَٰذَا فَلۡيَعۡمَلِ ٱلۡعَٰمِلُونَ

ایسی ہی کامیابی کے لیے عمل کرنے والوں کو عمل کرنا چاہیے
Surah As-Saaffat, Verse 61

أَذَٰلِكَ خَيۡرٞ نُّزُلًا أَمۡ شَجَرَةُ ٱلزَّقُّومِ

بولو، یہ ضیافت اچھی ہے یا زقوم کا درخت؟
Surah As-Saaffat, Verse 62

إِنَّا جَعَلۡنَٰهَا فِتۡنَةٗ لِّلظَّـٰلِمِينَ

ہم نے اُس درخت کو ظالموں کے لیے فتنہ بنا دیا ہے
Surah As-Saaffat, Verse 63

إِنَّهَا شَجَرَةٞ تَخۡرُجُ فِيٓ أَصۡلِ ٱلۡجَحِيمِ

وہ ایک درخت ہے جو جہنم کی تہ سے نکلتا ہے
Surah As-Saaffat, Verse 64

طَلۡعُهَا كَأَنَّهُۥ رُءُوسُ ٱلشَّيَٰطِينِ

اُس کے شگوفے ایسے ہیں جیسے شیطانوں کے سر
Surah As-Saaffat, Verse 65

فَإِنَّهُمۡ لَأٓكِلُونَ مِنۡهَا فَمَالِـُٔونَ مِنۡهَا ٱلۡبُطُونَ

جہنم کے لوگ اُسے کھائیں گے اور اسی سے پیٹ بھریں گے
Surah As-Saaffat, Verse 66

ثُمَّ إِنَّ لَهُمۡ عَلَيۡهَا لَشَوۡبٗا مِّنۡ حَمِيمٖ

پھر اس پر پینے کے لیے کھولتا ہوا پانی ملے گا
Surah As-Saaffat, Verse 67

ثُمَّ إِنَّ مَرۡجِعَهُمۡ لَإِلَى ٱلۡجَحِيمِ

اور اس کے بعد ان کی واپسی اُسی آتش دوزخ کی طرف ہو گی
Surah As-Saaffat, Verse 68

إِنَّهُمۡ أَلۡفَوۡاْ ءَابَآءَهُمۡ ضَآلِّينَ

یہ وہ لوگ ہیں جنہوں نے اپنے باپ دادا کو گمراہ پایا
Surah As-Saaffat, Verse 69

فَهُمۡ عَلَىٰٓ ءَاثَٰرِهِمۡ يُهۡرَعُونَ

اور انہی کے نقش قدم پر دوڑ چلے
Surah As-Saaffat, Verse 70

وَلَقَدۡ ضَلَّ قَبۡلَهُمۡ أَكۡثَرُ ٱلۡأَوَّلِينَ

حالانکہ ان سے پہلے بہت سے لوگ گمراہ ہو چکے تھے
Surah As-Saaffat, Verse 71

وَلَقَدۡ أَرۡسَلۡنَا فِيهِم مُّنذِرِينَ

اور اُن میں ہم نے تنبیہ کرنے والے رسول بھیجے تھے
Surah As-Saaffat, Verse 72

فَٱنظُرۡ كَيۡفَ كَانَ عَٰقِبَةُ ٱلۡمُنذَرِينَ

اب دیکھ لو کہ اُن تنبیہ کیے جانے والوں کا کیا انجام ہوا
Surah As-Saaffat, Verse 73

إِلَّا عِبَادَ ٱللَّهِ ٱلۡمُخۡلَصِينَ

اس بد انجامی سے بس اللہ کے وہی بندے بچے ہیں جنہیں اس نے اپنے لیے خالص کر لیا ہے
Surah As-Saaffat, Verse 74

وَلَقَدۡ نَادَىٰنَا نُوحٞ فَلَنِعۡمَ ٱلۡمُجِيبُونَ

ہم کو (اِس سے پہلے) نوحؑ نے پکارا تھا، تو دیکھو کہ ہم کیسے اچھے جواب دینے والے تھے
Surah As-Saaffat, Verse 75

وَنَجَّيۡنَٰهُ وَأَهۡلَهُۥ مِنَ ٱلۡكَرۡبِ ٱلۡعَظِيمِ

ہم نے اُس کو اور اس کے گھر والوں کو کرب عظیم سے بچا لیا
Surah As-Saaffat, Verse 76

وَجَعَلۡنَا ذُرِّيَّتَهُۥ هُمُ ٱلۡبَاقِينَ

اور اسی کی نسل کو باقی رکھا
Surah As-Saaffat, Verse 77

وَتَرَكۡنَا عَلَيۡهِ فِي ٱلۡأٓخِرِينَ

اور بعد کی نسلوں میں اس کی تعریف و توصیف چھوڑ دی
Surah As-Saaffat, Verse 78

سَلَٰمٌ عَلَىٰ نُوحٖ فِي ٱلۡعَٰلَمِينَ

سلام ہے نوحؑ پر تمام دنیا والوں میں
Surah As-Saaffat, Verse 79

إِنَّا كَذَٰلِكَ نَجۡزِي ٱلۡمُحۡسِنِينَ

ہم نیکی کرنے والوں کو ایسی ہی جزا دیا کرتے ہیں
Surah As-Saaffat, Verse 80

إِنَّهُۥ مِنۡ عِبَادِنَا ٱلۡمُؤۡمِنِينَ

در حقیقت وہ ہمارے مومن بندوں میں سے تھا
Surah As-Saaffat, Verse 81

ثُمَّ أَغۡرَقۡنَا ٱلۡأٓخَرِينَ

پھر دوسرے گروہ کو ہم نے غرق کر دیا
Surah As-Saaffat, Verse 82

۞وَإِنَّ مِن شِيعَتِهِۦ لَإِبۡرَٰهِيمَ

اور نوحؑ ہی کے طریقے پر چلنے والا ابراہیمؑ تھا
Surah As-Saaffat, Verse 83

إِذۡ جَآءَ رَبَّهُۥ بِقَلۡبٖ سَلِيمٍ

جب وہ اپنے رب کے حضور قلب سلیم لے کر آیا
Surah As-Saaffat, Verse 84

إِذۡ قَالَ لِأَبِيهِ وَقَوۡمِهِۦ مَاذَا تَعۡبُدُونَ

جب اُس نے اپنے باپ اور اپنی قوم سے کہا "یہ کیا چیزیں ہیں جن کی تم عبادت کر رہے ہو؟
Surah As-Saaffat, Verse 85

أَئِفۡكًا ءَالِهَةٗ دُونَ ٱللَّهِ تُرِيدُونَ

کیا اللہ کو چھوڑ کر جھوٹ گھڑے ہوئے معبود چاہتے ہو؟
Surah As-Saaffat, Verse 86

فَمَا ظَنُّكُم بِرَبِّ ٱلۡعَٰلَمِينَ

آخر اللہ ربّ العالمین کے بارے میں تمہارا کیا گمان ہے؟
Surah As-Saaffat, Verse 87

فَنَظَرَ نَظۡرَةٗ فِي ٱلنُّجُومِ

پھر اس نے تاروں پر ایک نگاہ ڈالی
Surah As-Saaffat, Verse 88

فَقَالَ إِنِّي سَقِيمٞ

اور کہا میری طبیعت خراب ہے
Surah As-Saaffat, Verse 89

فَتَوَلَّوۡاْ عَنۡهُ مُدۡبِرِينَ

چنانچہ وہ لوگ اسے چھوڑ کر چلے گئے
Surah As-Saaffat, Verse 90

فَرَاغَ إِلَىٰٓ ءَالِهَتِهِمۡ فَقَالَ أَلَا تَأۡكُلُونَ

اُن کے پیچھے وہ چپکے سے اُن کے معبودوں کے مندر میں گھس گیا اور بولا " آپ لوگ کھاتے کیوں نہیں ہیں؟
Surah As-Saaffat, Verse 91

مَا لَكُمۡ لَا تَنطِقُونَ

کیا ہو گیا، آپ لوگ بولتے بھی نہیں؟
Surah As-Saaffat, Verse 92

فَرَاغَ عَلَيۡهِمۡ ضَرۡبَۢا بِٱلۡيَمِينِ

اس کے بعد وہ اُن پر پل پڑا اور سیدھے ہاتھ سے خوب ضربیں لگائیں
Surah As-Saaffat, Verse 93

فَأَقۡبَلُوٓاْ إِلَيۡهِ يَزِفُّونَ

(واپس آ کر) وہ لوگ بھاگے بھاگے اس کے پاس آئے
Surah As-Saaffat, Verse 94

قَالَ أَتَعۡبُدُونَ مَا تَنۡحِتُونَ

اس نے کہا "کیا تم اپنی ہی تراشی ہوئی چیزوں کو پوجتے ہو؟
Surah As-Saaffat, Verse 95

وَٱللَّهُ خَلَقَكُمۡ وَمَا تَعۡمَلُونَ

حالانکہ اللہ ہی نے تم کو بھی پیدا کیا ہے اور اُن چیزوں کو بھی جنہیں تم بناتے ہو
Surah As-Saaffat, Verse 96

قَالُواْ ٱبۡنُواْ لَهُۥ بُنۡيَٰنٗا فَأَلۡقُوهُ فِي ٱلۡجَحِيمِ

انہوں نے آپس میں کہا "اس کے لیے ایک الاؤ تیار کرو اور اسے دہکتی ہوئی آگ کے ڈھیر میں پھینک دو
Surah As-Saaffat, Verse 97

فَأَرَادُواْ بِهِۦ كَيۡدٗا فَجَعَلۡنَٰهُمُ ٱلۡأَسۡفَلِينَ

انہوں نے اس کے خلاف ایک کاروائی کرنی چاہی تھی، مگر ہم نے انہی کو نیچا دکھا دیا
Surah As-Saaffat, Verse 98

وَقَالَ إِنِّي ذَاهِبٌ إِلَىٰ رَبِّي سَيَهۡدِينِ

ابراہیمؑ نے کہا "میں اپنے رب کی طرف جاتا ہوں، وہی میری رہنمائی کرے گا
Surah As-Saaffat, Verse 99

رَبِّ هَبۡ لِي مِنَ ٱلصَّـٰلِحِينَ

اے پروردگار، مجھے ایک بیٹا عطا کر جو صالحوں میں سے ہو
Surah As-Saaffat, Verse 100

فَبَشَّرۡنَٰهُ بِغُلَٰمٍ حَلِيمٖ

(اس دعا کے جواب میں) ہم نے اس کو ایک حلیم (بردبار) لڑکے کی بشارت دی
Surah As-Saaffat, Verse 101

فَلَمَّا بَلَغَ مَعَهُ ٱلسَّعۡيَ قَالَ يَٰبُنَيَّ إِنِّيٓ أَرَىٰ فِي ٱلۡمَنَامِ أَنِّيٓ أَذۡبَحُكَ فَٱنظُرۡ مَاذَا تَرَىٰۚ قَالَ يَـٰٓأَبَتِ ٱفۡعَلۡ مَا تُؤۡمَرُۖ سَتَجِدُنِيٓ إِن شَآءَ ٱللَّهُ مِنَ ٱلصَّـٰبِرِينَ

وہ لڑکا جب اس کے ساتھ دوڑ دھوپ کرنے کی عمر کو پہنچ گیا تو (ایک روز) ابراہیمؑ نے اس سے کہا، "بیٹا، میں خواب میں دیکھتا ہوں کہ میں تجھے ذبح کر رہا ہوں، اب تو بتا، تیرا کیا خیال ہے؟" اُس نے کہا، "ابا جان، جو کچھ آپ کو حکم دیا جا رہا ہے اسے کر ڈالیے، آپ انشاءاللہ مجھے صابروں میں سے پائیں گے
Surah As-Saaffat, Verse 102

فَلَمَّآ أَسۡلَمَا وَتَلَّهُۥ لِلۡجَبِينِ

آخر کو جب اِن دونوں نے سر تسلیم خم کر دیا اور ابراہیمؑ نے بیٹے کو ماتھے کے بل گرا دیا
Surah As-Saaffat, Verse 103

وَنَٰدَيۡنَٰهُ أَن يَـٰٓإِبۡرَٰهِيمُ

اور ہم نے ندا دی کہ "اے ابراہیمؑ
Surah As-Saaffat, Verse 104

قَدۡ صَدَّقۡتَ ٱلرُّءۡيَآۚ إِنَّا كَذَٰلِكَ نَجۡزِي ٱلۡمُحۡسِنِينَ

تو نے خواب سچ کر دکھایا ہم نیکی کرنے والوں کو ایسی ہی جزا دیتے ہیں
Surah As-Saaffat, Verse 105

إِنَّ هَٰذَا لَهُوَ ٱلۡبَلَـٰٓؤُاْ ٱلۡمُبِينُ

یقیناً یہ ایک کھلی آزمائش تھی
Surah As-Saaffat, Verse 106

وَفَدَيۡنَٰهُ بِذِبۡحٍ عَظِيمٖ

اور ہم نے ایک بڑی قربانی فدیے میں دے کر اس بچے کو چھڑا لیا
Surah As-Saaffat, Verse 107

وَتَرَكۡنَا عَلَيۡهِ فِي ٱلۡأٓخِرِينَ

اور اس کی تعریف و توصیف ہمیشہ کے لیے بعد کی نسلوں میں چھوڑ دی
Surah As-Saaffat, Verse 108

سَلَٰمٌ عَلَىٰٓ إِبۡرَٰهِيمَ

سلام ہے ابراہیمؑ پر
Surah As-Saaffat, Verse 109

كَذَٰلِكَ نَجۡزِي ٱلۡمُحۡسِنِينَ

ہم نیکی کرنے والوں کو ایسی ہی جزا دیتے ہیں
Surah As-Saaffat, Verse 110

إِنَّهُۥ مِنۡ عِبَادِنَا ٱلۡمُؤۡمِنِينَ

یقیناً وہ ہمارے مومن بندوں میں سے تھا
Surah As-Saaffat, Verse 111

وَبَشَّرۡنَٰهُ بِإِسۡحَٰقَ نَبِيّٗا مِّنَ ٱلصَّـٰلِحِينَ

اور ہم نے اسے اسحاقؑ کی بشارت دی، ایک نبی صالحین میں سے
Surah As-Saaffat, Verse 112

وَبَٰرَكۡنَا عَلَيۡهِ وَعَلَىٰٓ إِسۡحَٰقَۚ وَمِن ذُرِّيَّتِهِمَا مُحۡسِنٞ وَظَالِمٞ لِّنَفۡسِهِۦ مُبِينٞ

اور اسے اور اسحاقؑ کو برکت دی اب ان دونوں کی ذریّت میں سے کوئی محسن ہے اور کوئی اپنے نفس پر صریح ظلم کرنے والا ہے
Surah As-Saaffat, Verse 113

وَلَقَدۡ مَنَنَّا عَلَىٰ مُوسَىٰ وَهَٰرُونَ

اور ہم نے موسیٰؑ و ہارونؑ پر احسان کیا
Surah As-Saaffat, Verse 114

وَنَجَّيۡنَٰهُمَا وَقَوۡمَهُمَا مِنَ ٱلۡكَرۡبِ ٱلۡعَظِيمِ

اُن کو اور ان کی قوم کو کرب عظیم سے نجات دی
Surah As-Saaffat, Verse 115

وَنَصَرۡنَٰهُمۡ فَكَانُواْ هُمُ ٱلۡغَٰلِبِينَ

اُنہیں نصرت بخشی جس کی وجہ سے وہی غالب رہے
Surah As-Saaffat, Verse 116

وَءَاتَيۡنَٰهُمَا ٱلۡكِتَٰبَ ٱلۡمُسۡتَبِينَ

ان کو نہایت واضح کتاب عطا کی
Surah As-Saaffat, Verse 117

وَهَدَيۡنَٰهُمَا ٱلصِّرَٰطَ ٱلۡمُسۡتَقِيمَ

انہیں راہ راست دکھائی
Surah As-Saaffat, Verse 118

وَتَرَكۡنَا عَلَيۡهِمَا فِي ٱلۡأٓخِرِينَ

اور بعد کی نسلوں میں ان کا ذکر خیر باقی رکھا
Surah As-Saaffat, Verse 119

سَلَٰمٌ عَلَىٰ مُوسَىٰ وَهَٰرُونَ

سلام ہے موسیٰؑ اور ہارونؑ پر
Surah As-Saaffat, Verse 120

إِنَّا كَذَٰلِكَ نَجۡزِي ٱلۡمُحۡسِنِينَ

ہم نیکی کرنے والوں کو ایسی ہی جزا دیتے ہیں
Surah As-Saaffat, Verse 121

إِنَّهُمَا مِنۡ عِبَادِنَا ٱلۡمُؤۡمِنِينَ

در حقیقت وہ ہمارے مومن بندوں میں سے تھے
Surah As-Saaffat, Verse 122

وَإِنَّ إِلۡيَاسَ لَمِنَ ٱلۡمُرۡسَلِينَ

اور الیاسؑ بھی یقیناً مرسلین میں سے تھا
Surah As-Saaffat, Verse 123

إِذۡ قَالَ لِقَوۡمِهِۦٓ أَلَا تَتَّقُونَ

یاد کرو جب اس نے اپنی قوم سے کہا تھا کہ "تم لوگ ڈرتے نہیں ہو؟
Surah As-Saaffat, Verse 124

أَتَدۡعُونَ بَعۡلٗا وَتَذَرُونَ أَحۡسَنَ ٱلۡخَٰلِقِينَ

کیا تم بعل کو پکارتے ہو اور احسن الخالقین کو چھوڑ دیتے ہو
Surah As-Saaffat, Verse 125

ٱللَّهَ رَبَّكُمۡ وَرَبَّ ءَابَآئِكُمُ ٱلۡأَوَّلِينَ

اُس اللہ کو جو تمہارا اور تمہارے اگلے پچھلے آبا و اجداد کا رب ہے؟
Surah As-Saaffat, Verse 126

فَكَذَّبُوهُ فَإِنَّهُمۡ لَمُحۡضَرُونَ

مگر انہوں نے اسے جھٹلا دیا، سو اب یقیناً وہ سزا کے لیے پیش کیے جانے والے ہیں
Surah As-Saaffat, Verse 127

إِلَّا عِبَادَ ٱللَّهِ ٱلۡمُخۡلَصِينَ

بجز اُن بندگان خدا کے جن کو خالص کر لیا گیا تھا
Surah As-Saaffat, Verse 128

وَتَرَكۡنَا عَلَيۡهِ فِي ٱلۡأٓخِرِينَ

اور الیاسؑ کا ذکر خیر ہم نے بعد کی نسلوں میں باقی رکھا
Surah As-Saaffat, Verse 129

سَلَٰمٌ عَلَىٰٓ إِلۡ يَاسِينَ

سلام ہے الیاسؑ پر
Surah As-Saaffat, Verse 130

إِنَّا كَذَٰلِكَ نَجۡزِي ٱلۡمُحۡسِنِينَ

ہم نیکی کرنے والوں کو ایسی ہی جزا دیتے ہیں
Surah As-Saaffat, Verse 131

إِنَّهُۥ مِنۡ عِبَادِنَا ٱلۡمُؤۡمِنِينَ

واقعی وہ ہمارے مومن بندوں میں سے تھا
Surah As-Saaffat, Verse 132

وَإِنَّ لُوطٗا لَّمِنَ ٱلۡمُرۡسَلِينَ

اور لوطؑ بھی انہی لوگوں میں سے تھا جو رسول بنا کر بھیجے گئے ہیں
Surah As-Saaffat, Verse 133

إِذۡ نَجَّيۡنَٰهُ وَأَهۡلَهُۥٓ أَجۡمَعِينَ

یاد کرو جب ہم نے اس کو اور اس کے سب گھر والوں کو نجات دی
Surah As-Saaffat, Verse 134

إِلَّا عَجُوزٗا فِي ٱلۡغَٰبِرِينَ

سوائے ایک بڑھیا کے جو پیچھے رہ جانے والوں میں سے تھی
Surah As-Saaffat, Verse 135

ثُمَّ دَمَّرۡنَا ٱلۡأٓخَرِينَ

پھر باقی سب کو تہس نہس کر دیا
Surah As-Saaffat, Verse 136

وَإِنَّكُمۡ لَتَمُرُّونَ عَلَيۡهِم مُّصۡبِحِينَ

آج تم شب و روز اُن کے اجڑے دیار پر سے گزرتے ہو
Surah As-Saaffat, Verse 137

وَبِٱلَّيۡلِۚ أَفَلَا تَعۡقِلُونَ

کیا تم کو عقل نہیں آتی؟
Surah As-Saaffat, Verse 138

وَإِنَّ يُونُسَ لَمِنَ ٱلۡمُرۡسَلِينَ

اور یقیناً یونسؑ بھی رسولوں میں سے تھا
Surah As-Saaffat, Verse 139

إِذۡ أَبَقَ إِلَى ٱلۡفُلۡكِ ٱلۡمَشۡحُونِ

یاد کرو جب وہ ایک بھری کشتی کی طرف بھاگ نکلا
Surah As-Saaffat, Verse 140

فَسَاهَمَ فَكَانَ مِنَ ٱلۡمُدۡحَضِينَ

پھر قرعہ اندازی میں شریک ہوا اور اس میں مات کھائی
Surah As-Saaffat, Verse 141

فَٱلۡتَقَمَهُ ٱلۡحُوتُ وَهُوَ مُلِيمٞ

آخرکار مچھلی نے اسے نگل لیا اور وہ ملامت زدہ تھا
Surah As-Saaffat, Verse 142

فَلَوۡلَآ أَنَّهُۥ كَانَ مِنَ ٱلۡمُسَبِّحِينَ

اب اگر وہ تسبیح کرنے والوں میں سے نہ ہوتا تو
Surah As-Saaffat, Verse 143

لَلَبِثَ فِي بَطۡنِهِۦٓ إِلَىٰ يَوۡمِ يُبۡعَثُونَ

روز قیامت تک اسی مچھلی کے پیٹ میں رہتا
Surah As-Saaffat, Verse 144

۞فَنَبَذۡنَٰهُ بِٱلۡعَرَآءِ وَهُوَ سَقِيمٞ

آخرکار ہم نے اسے بڑی سقیم حالت میں ایک چٹیل زمین پر پھینک دیا
Surah As-Saaffat, Verse 145

وَأَنۢبَتۡنَا عَلَيۡهِ شَجَرَةٗ مِّن يَقۡطِينٖ

اور اُس پر ایک بیل دار درخت اگا دیا
Surah As-Saaffat, Verse 146

وَأَرۡسَلۡنَٰهُ إِلَىٰ مِاْئَةِ أَلۡفٍ أَوۡ يَزِيدُونَ

اس کے بعد ہم نے اُسے ایک لاکھ، یا اس سے زائد لوگوں کی طرف بھیجا
Surah As-Saaffat, Verse 147

فَـَٔامَنُواْ فَمَتَّعۡنَٰهُمۡ إِلَىٰ حِينٖ

وہ ایمان لائے اور ہم نے ایک وقت خاص تک انہیں باقی رکھا
Surah As-Saaffat, Verse 148

فَٱسۡتَفۡتِهِمۡ أَلِرَبِّكَ ٱلۡبَنَاتُ وَلَهُمُ ٱلۡبَنُونَ

پھر ذرا اِن لوگوں سے پوچھو، کیا (اِن کے دل کو یہ بات لگتی ہے کہ) تمہارے رب کے لیے تو ہوں بیٹیاں اور ان کے لیے ہوں بیٹے
Surah As-Saaffat, Verse 149

أَمۡ خَلَقۡنَا ٱلۡمَلَـٰٓئِكَةَ إِنَٰثٗا وَهُمۡ شَٰهِدُونَ

کیا واقعی ہم نے ملائکہ کو عورتیں ہی بنا یا ہے اور یہ آنکھوں دیکھی بات کہہ رہے ہیں؟
Surah As-Saaffat, Verse 150

أَلَآ إِنَّهُم مِّنۡ إِفۡكِهِمۡ لَيَقُولُونَ

خوب سن رکھو، دراصل یہ لوگ اپنی من گھڑت سے یہ بات کہتے ہیں
Surah As-Saaffat, Verse 151

وَلَدَ ٱللَّهُ وَإِنَّهُمۡ لَكَٰذِبُونَ

کہ اللہ اولاد رکھتا ہے، اور فی الواقع یہ جھوٹے ہیں
Surah As-Saaffat, Verse 152

أَصۡطَفَى ٱلۡبَنَاتِ عَلَى ٱلۡبَنِينَ

کیا اللہ نے بیٹوں کے بجائے بیٹیاں اپنے لیے پسند کر لیں؟
Surah As-Saaffat, Verse 153

مَا لَكُمۡ كَيۡفَ تَحۡكُمُونَ

تمہیں کیا ہو گیا ہے، کیسے حکم لگا رہے ہو
Surah As-Saaffat, Verse 154

أَفَلَا تَذَكَّرُونَ

کیا تمہیں ہوش نہیں آتا
Surah As-Saaffat, Verse 155

أَمۡ لَكُمۡ سُلۡطَٰنٞ مُّبِينٞ

یا پھر تمہارے پاس اپنی ان باتوں کے لیے کوئی صاف سند ہے
Surah As-Saaffat, Verse 156

فَأۡتُواْ بِكِتَٰبِكُمۡ إِن كُنتُمۡ صَٰدِقِينَ

تو لاؤ اپنی وہ کتاب اگر تم سچے ہو
Surah As-Saaffat, Verse 157

وَجَعَلُواْ بَيۡنَهُۥ وَبَيۡنَ ٱلۡجِنَّةِ نَسَبٗاۚ وَلَقَدۡ عَلِمَتِ ٱلۡجِنَّةُ إِنَّهُمۡ لَمُحۡضَرُونَ

اِنہوں نے اللہ اور ملائکہ کے درمیان نسب کا رشتہ بنا رکھا ہے، حالانکہ ملائکہ خوب جانتے ہیں کہ یہ لوگ مجرم کی حیثیت سے پیش ہونے والے ہیں
Surah As-Saaffat, Verse 158