Surah As-Saaffat - Urdu Translation by Muhammad Hussain Najafi

وَٱلصَّـٰٓفَّـٰتِ صَفّٗا

باقاعدہ طور پر صف باندھنے والی ہستیوں کی قسم۔
Surah As-Saaffat, Verse 1

فَٱلزَّـٰجِرَٰتِ زَجۡرٗا

(برائی سے) جھڑکنے (اور) ڈانٹنے والی ہستیوں کی قسم۔
Surah As-Saaffat, Verse 2

فَٱلتَّـٰلِيَٰتِ ذِكۡرًا

پھر ذکر (قرآن) کی تلاوت کرنے والی ہستیوں کی قسم۔
Surah As-Saaffat, Verse 3

إِنَّ إِلَٰهَكُمۡ لَوَٰحِدٞ

تمہارا الٰہ (خدا) ایک ہی ہے۔
Surah As-Saaffat, Verse 4

رَّبُّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا وَرَبُّ ٱلۡمَشَٰرِقِ

جو آسمانوں اور زمین کا اور جو کچھ ان کے درمیان ہے (سب کا) پروردگار ہے۔
Surah As-Saaffat, Verse 5

إِنَّا زَيَّنَّا ٱلسَّمَآءَ ٱلدُّنۡيَا بِزِينَةٍ ٱلۡكَوَاكِبِ

بے شک ہم نے آسمانِ دنیا کو ستاروں کی آرائش سے آراستہ کیا ہے۔
Surah As-Saaffat, Verse 6

وَحِفۡظٗا مِّن كُلِّ شَيۡطَٰنٖ مَّارِدٖ

اور ہر سرکش و شیطان کی (دراندازی سے اسے) محفوظ کر دیا ہے۔
Surah As-Saaffat, Verse 7

لَّا يَسَّمَّعُونَ إِلَى ٱلۡمَلَإِ ٱلۡأَعۡلَىٰ وَيُقۡذَفُونَ مِن كُلِّ جَانِبٖ

(اب) ملاءِ اعلیٰ (عالمِ بالا) کی باتوں کو کان لگا کر نہیں سن سکتے اور وہ ہر طرف سے مارے جاتے ہیں۔
Surah As-Saaffat, Verse 8

دُحُورٗاۖ وَلَهُمۡ عَذَابٞ وَاصِبٌ

(ان کو) دھتکارنے (اور بھگانے) کیلئے اور ان کیلئے دائمی عذاب ہے۔
Surah As-Saaffat, Verse 9

إِلَّا مَنۡ خَطِفَ ٱلۡخَطۡفَةَ فَأَتۡبَعَهُۥ شِهَابٞ ثَاقِبٞ

مگر یہ کہ کوئی شیطان (فرشتوں کی) کوئی اڑتی ہوئی خبر اچک لے تو ایک تیز شعلہ اس کا پیچھا کرتا ہے۔
Surah As-Saaffat, Verse 10

فَٱسۡتَفۡتِهِمۡ أَهُمۡ أَشَدُّ خَلۡقًا أَم مَّنۡ خَلَقۡنَآۚ إِنَّا خَلَقۡنَٰهُم مِّن طِينٖ لَّازِبِۭ

پس آپ(ص) ان سے پوچھئے کہ آیا ان کی خلقت زیادہ سخت ہے یا ان کی جن کو ہم نے پیدا کیا؟ بے شک ہم نے انہیں ایک لیس دار مٹی سے پیدا کیا ہے۔
Surah As-Saaffat, Verse 11

بَلۡ عَجِبۡتَ وَيَسۡخَرُونَ

تم تو (ان کے انکار پر) تعجب کرتے ہو مگر وہ اس کا مذاق اڑا رہے ہیں۔
Surah As-Saaffat, Verse 12

وَإِذَا ذُكِّرُواْ لَا يَذۡكُرُونَ

اور جب انہیں نصیحت کی جاتی ہے تو وہ قبول نہیں کرتے۔
Surah As-Saaffat, Verse 13

وَإِذَا رَأَوۡاْ ءَايَةٗ يَسۡتَسۡخِرُونَ

اور جب کوئی نشانی (معجزہ) دیکھتے ہیں تو اس کا مذاق اڑاتے ہیں۔
Surah As-Saaffat, Verse 14

وَقَالُوٓاْ إِنۡ هَٰذَآ إِلَّا سِحۡرٞ مُّبِينٌ

اور کہتے ہیں کہ یہ تو کھلا ہوا جادو ہے۔
Surah As-Saaffat, Verse 15

أَءِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ

بھلا جب ہم مر جائیں گے اور (مر کر) مٹی اور ہڈیاں ہو جائیں گے تو کیا ہم (زندہ کر کے) اٹھائے جائیں گے۔
Surah As-Saaffat, Verse 16

أَوَءَابَآؤُنَا ٱلۡأَوَّلُونَ

یا کیا ہمارے اگلے باپ دادا بھی (اٹھائے جائیں گے؟)
Surah As-Saaffat, Verse 17

قُلۡ نَعَمۡ وَأَنتُمۡ دَٰخِرُونَ

آپ کہیے کہ ہاں اور تم (اس وقت) ذلیل و خوار ہوگے۔
Surah As-Saaffat, Verse 18

فَإِنَّمَا هِيَ زَجۡرَةٞ وَٰحِدَةٞ فَإِذَا هُمۡ يَنظُرُونَ

بس وہ قیامت تو صرف ایک جھڑک ہوگی (اس کے بعد) ایک دم (زندہ ہو کر ادھر اُدھر) دیکھ رہے ہوں گے۔
Surah As-Saaffat, Verse 19

وَقَالُواْ يَٰوَيۡلَنَا هَٰذَا يَوۡمُ ٱلدِّينِ

اور کہیں گے ہائے ہماری بدبختی! یہ تو جزا (و سزا) کا دن ہے۔
Surah As-Saaffat, Verse 20

هَٰذَا يَوۡمُ ٱلۡفَصۡلِ ٱلَّذِي كُنتُم بِهِۦ تُكَذِّبُونَ

(ہاں) یہ وہی فیصلہ کا دن ہے جسے تم جھٹلایا کرتے تھے۔
Surah As-Saaffat, Verse 21

۞ٱحۡشُرُواْ ٱلَّذِينَ ظَلَمُواْ وَأَزۡوَٰجَهُمۡ وَمَا كَانُواْ يَعۡبُدُونَ

(فرشتوں کو حکم ہوگا کہ) جن لوگوں نے ظلم کیا اور ان کے ہم مشربوں کو اور اللہ کو چھوڑ کر جن کی یہ پرستش کرتے تھے ان سب کو جمع کرو۔
Surah As-Saaffat, Verse 22

مِن دُونِ ٱللَّهِ فَٱهۡدُوهُمۡ إِلَىٰ صِرَٰطِ ٱلۡجَحِيمِ

اور پھر سب کو دوزخ کا راستہ دکھاؤ۔
Surah As-Saaffat, Verse 23

وَقِفُوهُمۡۖ إِنَّهُم مَّسۡـُٔولُونَ

اور انہیں ٹھہراؤ (ابھی) ان سے کچھ پوچھنا ہے۔
Surah As-Saaffat, Verse 24

مَا لَكُمۡ لَا تَنَاصَرُونَ

تمہیں کیا ہوگیا ہے کہ تم ایک دوسرے کی مدد نہیں کرتے؟
Surah As-Saaffat, Verse 25

بَلۡ هُمُ ٱلۡيَوۡمَ مُسۡتَسۡلِمُونَ

بلکہ وہ تو آج سرِ تسلیم خم کئے ہوئے ہیں۔
Surah As-Saaffat, Verse 26

وَأَقۡبَلَ بَعۡضُهُمۡ عَلَىٰ بَعۡضٖ يَتَسَآءَلُونَ

اور (اس کے بعد) ایک دوسرے کی طرف متوجہ ہوں گے (اور) باہم سوال و جواب کریں گے۔
Surah As-Saaffat, Verse 27

قَالُوٓاْ إِنَّكُمۡ كُنتُمۡ تَأۡتُونَنَا عَنِ ٱلۡيَمِينِ

(کمزور گروہ دوسرے بڑے گروہ سے) کہے گا کہ تم ہی ہمارے پاس دائیں جانب سے (بڑی شد و مد سے) آیا کرتے تھے (اور ہمیں کفر پر آمادہ کرتے تھے)۔
Surah As-Saaffat, Verse 28

قَالُواْ بَل لَّمۡ تَكُونُواْ مُؤۡمِنِينَ

وہ کہیں گے بلکہ تم خود ہی ایمان نہیں لائے تھے۔
Surah As-Saaffat, Verse 29

وَمَا كَانَ لَنَا عَلَيۡكُم مِّن سُلۡطَٰنِۭۖ بَلۡ كُنتُمۡ قَوۡمٗا طَٰغِينَ

اور ہمارا تم پر کوئی زور نہیں تھا بلکہ تم خود ہی سرکش لوگ تھے۔
Surah As-Saaffat, Verse 30

فَحَقَّ عَلَيۡنَا قَوۡلُ رَبِّنَآۖ إِنَّا لَذَآئِقُونَ

سو ہم پر ہمارے پروردگار کی بات پوری ہوگئی ہے اب ہم (سب عذابِ خداوندی کا مزہ) چکھنے والے ہیں۔
Surah As-Saaffat, Verse 31

فَأَغۡوَيۡنَٰكُمۡ إِنَّا كُنَّا غَٰوِينَ

پس ہم نے تمہیں گمراہ کیا (کیونکہ) ہم خود بھی گمراہ تھے۔
Surah As-Saaffat, Verse 32

فَإِنَّهُمۡ يَوۡمَئِذٖ فِي ٱلۡعَذَابِ مُشۡتَرِكُونَ

سو وہ سب اس دن عذاب میں باہم شریک ہوں گے۔
Surah As-Saaffat, Verse 33

إِنَّا كَذَٰلِكَ نَفۡعَلُ بِٱلۡمُجۡرِمِينَ

بے شک ہم مجرموں کے ساتھ ایسا ہی سلوک کرتے ہیں۔
Surah As-Saaffat, Verse 34

إِنَّهُمۡ كَانُوٓاْ إِذَا قِيلَ لَهُمۡ لَآ إِلَٰهَ إِلَّا ٱللَّهُ يَسۡتَكۡبِرُونَ

وہ ایسے (شریر) لوگ تھے کہ جب ان سے کہا جاتا تھا کہ اللہ کے سوا کوئی حقیقی معبود نہیں ہے تو یہ تکبر کیا کرتے تھے۔
Surah As-Saaffat, Verse 35

وَيَقُولُونَ أَئِنَّا لَتَارِكُوٓاْ ءَالِهَتِنَا لِشَاعِرٖ مَّجۡنُونِۭ

اور کہتے تھے کہ آیا ایک دیوانے شاعر کی خاطر ہم اپنے خداؤں کو چھوڑ دیں۔
Surah As-Saaffat, Verse 36

بَلۡ جَآءَ بِٱلۡحَقِّ وَصَدَّقَ ٱلۡمُرۡسَلِينَ

حالانکہ وہ (دینِ) حق لے کر آیا تھا اور (سارے) رسولوں(ص) کی تصدیق کی تھی۔
Surah As-Saaffat, Verse 37

إِنَّكُمۡ لَذَآئِقُواْ ٱلۡعَذَابِ ٱلۡأَلِيمِ

(اے مجرمو!) تم ضرور دردناک عذاب کا مزہ چکھنے والے ہو۔
Surah As-Saaffat, Verse 38

وَمَا تُجۡزَوۡنَ إِلَّا مَا كُنتُمۡ تَعۡمَلُونَ

اور تمہیں اسی کا بدلہ دیا جائے گا جو کچھ تم کیا کرتے تھے۔
Surah As-Saaffat, Verse 39

إِلَّا عِبَادَ ٱللَّهِ ٱلۡمُخۡلَصِينَ

ہاں البتہ اللہ کے برگزیدہ بندے (اس سے مستثنیٰ ہوں گے)۔
Surah As-Saaffat, Verse 40

أُوْلَـٰٓئِكَ لَهُمۡ رِزۡقٞ مَّعۡلُومٞ

یہ وہ (خوش نصیب) ہیں جن کیلئے معلوم و معین رزق ہے۔
Surah As-Saaffat, Verse 41

فَوَٰكِهُ وَهُم مُّكۡرَمُونَ

یعنی طرح طرح کے میوے اور وہ عزت و اکرام کے ساتھ ہوں گے۔
Surah As-Saaffat, Verse 42

فِي جَنَّـٰتِ ٱلنَّعِيمِ

باغہائے بہشت میں۔
Surah As-Saaffat, Verse 43

عَلَىٰ سُرُرٖ مُّتَقَٰبِلِينَ

(مرصع) پلنگوں پر آمنے سامنے بیٹھے ہوں گے۔
Surah As-Saaffat, Verse 44

يُطَافُ عَلَيۡهِم بِكَأۡسٖ مِّن مَّعِينِۭ

(شرابِ طہور کے) جام چشموں سے پُر کرکے ان کے درمیان گردش کر رہے ہوں گے۔
Surah As-Saaffat, Verse 45

بَيۡضَآءَ لَذَّةٖ لِّلشَّـٰرِبِينَ

(یعنی بالکل) سفید براق شراب جو پینے والوں کیلئے بڑی لذیذ ہوگی۔
Surah As-Saaffat, Verse 46

لَا فِيهَا غَوۡلٞ وَلَا هُمۡ عَنۡهَا يُنزَفُونَ

نہ اس میں دردِ سر و بدحواسی ہوگی اور نہ ہی مدہوشی کی وجہ سے وہ بہکی ہوئی باتیں کریں گے۔
Surah As-Saaffat, Verse 47

وَعِندَهُمۡ قَٰصِرَٰتُ ٱلطَّرۡفِ عِينٞ

اور ان کے پاس نگاہیں نیچے رکھنے والی (باحیا) اور غزال چشم (بیویاں) ہوں گی۔
Surah As-Saaffat, Verse 48

كَأَنَّهُنَّ بَيۡضٞ مَّكۡنُونٞ

(وہ رنگ و روپ اور نزاکت میں) گویا چھپے ہوئے انڈے ہیں۔
Surah As-Saaffat, Verse 49

فَأَقۡبَلَ بَعۡضُهُمۡ عَلَىٰ بَعۡضٖ يَتَسَآءَلُونَ

پھر وہ (بہشتی لوگ) ایک دوسرے کی طرف متوجہ ہوں گے اور سوال و جواب کریں گے۔
Surah As-Saaffat, Verse 50

قَالَ قَآئِلٞ مِّنۡهُمۡ إِنِّي كَانَ لِي قَرِينٞ

(چنانچہ) ان میں سے ایک کہے گا کہ (دنیا میں) میرا ایک رفیق تھا۔
Surah As-Saaffat, Verse 51

يَقُولُ أَءِنَّكَ لَمِنَ ٱلۡمُصَدِّقِينَ

جو (مجھ سے) کہتا تھا کہ آیا تم بھی (قیامت کی) تصدیق کرتے ہو؟
Surah As-Saaffat, Verse 52

أَءِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَدِينُونَ

کب جب مر جائیں گے اور (سڑ گل کر) مٹی اور ہڈیاں ہو جائیں گے تو (اس وقت زندہ کرکے) ہمیں جزا و سزا دی جائے گی؟
Surah As-Saaffat, Verse 53

قَالَ هَلۡ أَنتُم مُّطَّلِعُونَ

پھر وہ (اپنے جنتی ساتھیوں سے) کہے گا کیا تم اسے جھانک کر دیکھنا چاہتے ہو؟ (کہ اب وہ رفیق کہاں اور کس حال میں ہے؟)
Surah As-Saaffat, Verse 54

فَٱطَّلَعَ فَرَءَاهُ فِي سَوَآءِ ٱلۡجَحِيمِ

پھر جب وہ جھانک کر دیکھے گا تو اسے جہنم کے وسط میں پائے گا۔
Surah As-Saaffat, Verse 55

قَالَ تَٱللَّهِ إِن كِدتَّ لَتُرۡدِينِ

اس وقت (اس سے خطاب کرکے) کہے گا کہ خدا کی قسم تو تو مجھے ہلاک کرنا ہی چاہتا تھا۔
Surah As-Saaffat, Verse 56

وَلَوۡلَا نِعۡمَةُ رَبِّي لَكُنتُ مِنَ ٱلۡمُحۡضَرِينَ

اور اگر میرے پروردگار کا فضل و کرم نہ ہوتا تو آج میں بھی اس گروہ میں شامل ہوتا جو پکڑ کر لایا گیا ہے۔
Surah As-Saaffat, Verse 57

أَفَمَا نَحۡنُ بِمَيِّتِينَ

(جنتی لوگ) کہیں گے کیا اب تو ہم نہیں مریں گے؟
Surah As-Saaffat, Verse 58

إِلَّا مَوۡتَتَنَا ٱلۡأُولَىٰ وَمَا نَحۡنُ بِمُعَذَّبِينَ

سوائے پہلی موت کے اور نہ ہی ہمیں کوئی عذاب ہوگا۔
Surah As-Saaffat, Verse 59

إِنَّ هَٰذَا لَهُوَ ٱلۡفَوۡزُ ٱلۡعَظِيمُ

بے شک یہ بڑی کامیابی ہے۔
Surah As-Saaffat, Verse 60

لِمِثۡلِ هَٰذَا فَلۡيَعۡمَلِ ٱلۡعَٰمِلُونَ

ایسی ہی کامیابی کیلئے عمل کرنے والوں کو عمل کرنا چاہیے۔
Surah As-Saaffat, Verse 61

أَذَٰلِكَ خَيۡرٞ نُّزُلًا أَمۡ شَجَرَةُ ٱلزَّقُّومِ

کیا یہ ضیافت اچھی ہے یا زقوم کا درخت؟
Surah As-Saaffat, Verse 62

إِنَّا جَعَلۡنَٰهَا فِتۡنَةٗ لِّلظَّـٰلِمِينَ

جسے ہم نے ظالموں کیلئے آزمائش بنایا۔
Surah As-Saaffat, Verse 63

إِنَّهَا شَجَرَةٞ تَخۡرُجُ فِيٓ أَصۡلِ ٱلۡجَحِيمِ

وہ ایک درخت ہے جو جہنم کی گہرائی سے نکلتا ہے۔
Surah As-Saaffat, Verse 64

طَلۡعُهَا كَأَنَّهُۥ رُءُوسُ ٱلشَّيَٰطِينِ

اس کے شگوفے ایسے ہیں جیسے شیطانوں کے سر۔
Surah As-Saaffat, Verse 65

فَإِنَّهُمۡ لَأٓكِلُونَ مِنۡهَا فَمَالِـُٔونَ مِنۡهَا ٱلۡبُطُونَ

جہنمی لوگ اسے کھائیں گے اور اسی سے پیٹ بھریں گے۔
Surah As-Saaffat, Verse 66

ثُمَّ إِنَّ لَهُمۡ عَلَيۡهَا لَشَوۡبٗا مِّنۡ حَمِيمٖ

(پھر زقوم کھانے کے بعد) انہیں (پینے کیلئے) کھولتا ہوا پانی ملا کر دیا جائے گا۔
Surah As-Saaffat, Verse 67

ثُمَّ إِنَّ مَرۡجِعَهُمۡ لَإِلَى ٱلۡجَحِيمِ

پھر ان کی بازگشت جہنم ہی کی طرف ہوگی۔
Surah As-Saaffat, Verse 68

إِنَّهُمۡ أَلۡفَوۡاْ ءَابَآءَهُمۡ ضَآلِّينَ

ان لوگوں نے اپنے باپ دادا کو گمراہ پایا۔
Surah As-Saaffat, Verse 69

فَهُمۡ عَلَىٰٓ ءَاثَٰرِهِمۡ يُهۡرَعُونَ

اور یہ (بے سوچے سمجھے) انہی کے نقش قدم پر دوڑتے رہے۔
Surah As-Saaffat, Verse 70

وَلَقَدۡ ضَلَّ قَبۡلَهُمۡ أَكۡثَرُ ٱلۡأَوَّلِينَ

اور بے شک ان سے پہلے بھی اگلوں میں اکثر لوگ گمراہ ہو چکے تھے۔
Surah As-Saaffat, Verse 71

وَلَقَدۡ أَرۡسَلۡنَا فِيهِم مُّنذِرِينَ

اور ہم نے ان میں ڈرانے والے (رسول) بھیجے تھے۔
Surah As-Saaffat, Verse 72

فَٱنظُرۡ كَيۡفَ كَانَ عَٰقِبَةُ ٱلۡمُنذَرِينَ

تو دیکھو کہ ڈرائے ہوؤں کا انجام کیا ہوا؟
Surah As-Saaffat, Verse 73

إِلَّا عِبَادَ ٱللَّهِ ٱلۡمُخۡلَصِينَ

ہاں البتہ اللہ کے برگزیدہ بندے اس سے مستثنیٰ ہیں۔
Surah As-Saaffat, Verse 74

وَلَقَدۡ نَادَىٰنَا نُوحٞ فَلَنِعۡمَ ٱلۡمُجِيبُونَ

اور یقینا نوح(ع) نے ہم کو پکارا تو ہم کیا اچھا جواب دینے والے تھے۔
Surah As-Saaffat, Verse 75

وَنَجَّيۡنَٰهُ وَأَهۡلَهُۥ مِنَ ٱلۡكَرۡبِ ٱلۡعَظِيمِ

اور ہم نے انہیں اور ان کے اہل کو سخت تکلیف سے نجات دی۔
Surah As-Saaffat, Verse 76

وَجَعَلۡنَا ذُرِّيَّتَهُۥ هُمُ ٱلۡبَاقِينَ

اور ہم نے انہی کی نسل کو باقی رہنے والا بنایا۔
Surah As-Saaffat, Verse 77

وَتَرَكۡنَا عَلَيۡهِ فِي ٱلۡأٓخِرِينَ

اور ہم نے بعد میں آنے والے لوگوں میں ان کا ذکرِ خیر باقی رکھا۔
Surah As-Saaffat, Verse 78

سَلَٰمٌ عَلَىٰ نُوحٖ فِي ٱلۡعَٰلَمِينَ

تمام جہانوں میں نوح(ع) پر سلام ہو۔
Surah As-Saaffat, Verse 79

إِنَّا كَذَٰلِكَ نَجۡزِي ٱلۡمُحۡسِنِينَ

بیشک ہم نیکی کرنے والوں کو ایسی ہی جزا دیتے ہیں۔
Surah As-Saaffat, Verse 80

إِنَّهُۥ مِنۡ عِبَادِنَا ٱلۡمُؤۡمِنِينَ

بے شک وہ ہمارے ایماندار بندوں میں سے تھے۔
Surah As-Saaffat, Verse 81

ثُمَّ أَغۡرَقۡنَا ٱلۡأٓخَرِينَ

پھر دوسرے لوگوں کو ہم نے غرق کر دیا۔
Surah As-Saaffat, Verse 82

۞وَإِنَّ مِن شِيعَتِهِۦ لَإِبۡرَٰهِيمَ

اور انہی (نوح(ع)) کے پیروکاروں میں سے ابراہیم(ع) بھی تھے۔
Surah As-Saaffat, Verse 83

إِذۡ جَآءَ رَبَّهُۥ بِقَلۡبٖ سَلِيمٍ

جبکہ وہ اپنے پروردگار کی بارگاہ میں قلبِ سلیم کے ساتھ حاضر ہوئے۔
Surah As-Saaffat, Verse 84

إِذۡ قَالَ لِأَبِيهِ وَقَوۡمِهِۦ مَاذَا تَعۡبُدُونَ

جبکہ انہوں نے اپنے باپ (یعنی چچا) اور اپنی قوم سے کہا کہ تم کس چیز کی عبادت کرتے ہو؟
Surah As-Saaffat, Verse 85

أَئِفۡكًا ءَالِهَةٗ دُونَ ٱللَّهِ تُرِيدُونَ

کیا تم اللہ کو چھوڑ کر جھوٹے گھڑے ہوئے خداؤں کو چاہتے ہو۔
Surah As-Saaffat, Verse 86

فَمَا ظَنُّكُم بِرَبِّ ٱلۡعَٰلَمِينَ

آخر تمام جہانوں کے پروردگار کے بارے میں تمہارا کیا خیال ہے؟
Surah As-Saaffat, Verse 87

فَنَظَرَ نَظۡرَةٗ فِي ٱلنُّجُومِ

پھر آپ نے ستاروں پر ایک نگاہ ڈالی۔
Surah As-Saaffat, Verse 88

فَقَالَ إِنِّي سَقِيمٞ

اور کہا کہ میں بیمار ہونے والا ہوں۔
Surah As-Saaffat, Verse 89

فَتَوَلَّوۡاْ عَنۡهُ مُدۡبِرِينَ

اس پر وہ لوگ پیٹھ پھیر کر ان کے پاس سے چلے گئے۔
Surah As-Saaffat, Verse 90

فَرَاغَ إِلَىٰٓ ءَالِهَتِهِمۡ فَقَالَ أَلَا تَأۡكُلُونَ

پس چپکے سے ان کے دیوتاؤں کی طرف گئے اور (ان سے) کہا کہ تم کھاتے کیوں نہیں؟
Surah As-Saaffat, Verse 91

مَا لَكُمۡ لَا تَنطِقُونَ

تمہیں کیا ہوگیا ہے کہ تم بولتے بھی نہیں ہو۔
Surah As-Saaffat, Verse 92

فَرَاغَ عَلَيۡهِمۡ ضَرۡبَۢا بِٱلۡيَمِينِ

پھر ان پر پَل پڑے اور اپنے دائیں ہاتھ سے خوب ضربیں لگائیں۔
Surah As-Saaffat, Verse 93

فَأَقۡبَلُوٓاْ إِلَيۡهِ يَزِفُّونَ

پھر وہ لوگ دوڑتے ہوئے ان (ابراہیم(ع)) کے پاس آئے۔
Surah As-Saaffat, Verse 94

قَالَ أَتَعۡبُدُونَ مَا تَنۡحِتُونَ

آپ(ع) نے کہا کیا تم ان چیزوں کی پرستش کرتے ہو جنہیں خود تراشتے ہو؟
Surah As-Saaffat, Verse 95

وَٱللَّهُ خَلَقَكُمۡ وَمَا تَعۡمَلُونَ

حالانکہ اللہ ہی نے تم کو پیدا کیا ہے اور ان چیزوں کو بھی جو تم بناتے ہو۔
Surah As-Saaffat, Verse 96

قَالُواْ ٱبۡنُواْ لَهُۥ بُنۡيَٰنٗا فَأَلۡقُوهُ فِي ٱلۡجَحِيمِ

ان لوگوں نے کہا کہ ان کیلئے ایک آتش کدہ بناؤ اور اسے دہکتی ہوئی آگ میں ڈال دو۔
Surah As-Saaffat, Verse 97

فَأَرَادُواْ بِهِۦ كَيۡدٗا فَجَعَلۡنَٰهُمُ ٱلۡأَسۡفَلِينَ

سو انہوں نے آپ(ع) کے خلاف چال چلنا چاہی مگر ہم نے انہی کو نیچا دکھا دیا۔
Surah As-Saaffat, Verse 98

وَقَالَ إِنِّي ذَاهِبٌ إِلَىٰ رَبِّي سَيَهۡدِينِ

آپ(ع) نے فرمایا کہ میں اپنے پروردگار کی طرف جاتا ہوں وہ میری راہنمائی فرمائے گا۔
Surah As-Saaffat, Verse 99

رَبِّ هَبۡ لِي مِنَ ٱلصَّـٰلِحِينَ

(اور عرض کیا) اے میرے پروردگار مجھے ایک بیٹا عطا فرما جو صالحین میں سے ہو۔
Surah As-Saaffat, Verse 100

فَبَشَّرۡنَٰهُ بِغُلَٰمٍ حَلِيمٖ

(اس دعا کے بعد) ہم نے ان کو ایک حلیم و بردبار بیٹے کی بشارت دی۔
Surah As-Saaffat, Verse 101

فَلَمَّا بَلَغَ مَعَهُ ٱلسَّعۡيَ قَالَ يَٰبُنَيَّ إِنِّيٓ أَرَىٰ فِي ٱلۡمَنَامِ أَنِّيٓ أَذۡبَحُكَ فَٱنظُرۡ مَاذَا تَرَىٰۚ قَالَ يَـٰٓأَبَتِ ٱفۡعَلۡ مَا تُؤۡمَرُۖ سَتَجِدُنِيٓ إِن شَآءَ ٱللَّهُ مِنَ ٱلصَّـٰبِرِينَ

پس جب وہ لڑکا آپ کے ساتھ چلنے پھرنے کے قابل ہوا تو آپ(ع) نے فرمایا (اے بیٹا) میں نے خواب میں دیکھا ہے کہ میں تمہیں ذبح کر رہا ہوں تم غور کرکے بتاؤ کہ تمہاری رائے کیا ہے؟ عرض کیا بابا جان! آپ کو جو حکم دیا گیا ہے وہ بجا لائیے اللہ نے چاہا تو آپ مجھے صبر کرنے والوں میں سے پائیں گے۔
Surah As-Saaffat, Verse 102

فَلَمَّآ أَسۡلَمَا وَتَلَّهُۥ لِلۡجَبِينِ

پس جب دونوں (باپ بیٹے) نے سرِ تسلیم خم کر دیا اور باپ نے بیٹے کو پیشانی کے بل لٹا دیا۔
Surah As-Saaffat, Verse 103

وَنَٰدَيۡنَٰهُ أَن يَـٰٓإِبۡرَٰهِيمُ

تو ہم نے ندا دی اے ابراہیم(ع)
Surah As-Saaffat, Verse 104

قَدۡ صَدَّقۡتَ ٱلرُّءۡيَآۚ إِنَّا كَذَٰلِكَ نَجۡزِي ٱلۡمُحۡسِنِينَ

تم نے (اپنے) خواب کو سچ کر دکھایا بے شک ہم نیکوکاروں کو اسی طرح جزا دیتے ہیں۔
Surah As-Saaffat, Verse 105

إِنَّ هَٰذَا لَهُوَ ٱلۡبَلَـٰٓؤُاْ ٱلۡمُبِينُ

بے شک یہ ایک کھلی ہوئی آزمائش تھی۔
Surah As-Saaffat, Verse 106

وَفَدَيۡنَٰهُ بِذِبۡحٍ عَظِيمٖ

اور ہم نے ایک عظیم قربانی کے عوض اس کو چھڑا لیا۔
Surah As-Saaffat, Verse 107

وَتَرَكۡنَا عَلَيۡهِ فِي ٱلۡأٓخِرِينَ

اور ہم نے اس کا ذکر خیر آنے والوں میں چھوڑا۔
Surah As-Saaffat, Verse 108

سَلَٰمٌ عَلَىٰٓ إِبۡرَٰهِيمَ

سلام ہو ابراہیم(ع) پر۔
Surah As-Saaffat, Verse 109

كَذَٰلِكَ نَجۡزِي ٱلۡمُحۡسِنِينَ

ہم اسی طرح نیکوکاروں کو جزا دیتے ہیں۔
Surah As-Saaffat, Verse 110

إِنَّهُۥ مِنۡ عِبَادِنَا ٱلۡمُؤۡمِنِينَ

یقیناً وہ ہمارے ایمانداروں میں سے تھے۔
Surah As-Saaffat, Verse 111

وَبَشَّرۡنَٰهُ بِإِسۡحَٰقَ نَبِيّٗا مِّنَ ٱلصَّـٰلِحِينَ

اور ہم نے انہیں اسحاق(ع) کی بشارت دی جو نیک بندوں میں سے نبی ہوں گے۔
Surah As-Saaffat, Verse 112

وَبَٰرَكۡنَا عَلَيۡهِ وَعَلَىٰٓ إِسۡحَٰقَۚ وَمِن ذُرِّيَّتِهِمَا مُحۡسِنٞ وَظَالِمٞ لِّنَفۡسِهِۦ مُبِينٞ

اور ہم نے انہیں اور اسحاق(ع) کو برکت عطا کی اور ان دونوں کی اولاد میں سے نیوکار بھی ہوں گے اور اپنے نفس پر کھلا ظلم کرنے والے بھی۔
Surah As-Saaffat, Verse 113

وَلَقَدۡ مَنَنَّا عَلَىٰ مُوسَىٰ وَهَٰرُونَ

بے شک ہم نے موسیٰ(ع) و ہارون(ع) پر (بھی) احسان کیا۔
Surah As-Saaffat, Verse 114

وَنَجَّيۡنَٰهُمَا وَقَوۡمَهُمَا مِنَ ٱلۡكَرۡبِ ٱلۡعَظِيمِ

اور ہم نے ان دونوں کو اور ان کی قوم کو عظیم کرب و بلا سے نجات دی۔
Surah As-Saaffat, Verse 115

وَنَصَرۡنَٰهُمۡ فَكَانُواْ هُمُ ٱلۡغَٰلِبِينَ

اور ہم نے ان کی مدد کی (جس کی وجہ سے) وہی غالب رہے۔
Surah As-Saaffat, Verse 116

وَءَاتَيۡنَٰهُمَا ٱلۡكِتَٰبَ ٱلۡمُسۡتَبِينَ

اور ہم نے ان دونوں کو واضح کتاب (توراۃ) عطا کی۔
Surah As-Saaffat, Verse 117

وَهَدَيۡنَٰهُمَا ٱلصِّرَٰطَ ٱلۡمُسۡتَقِيمَ

اور ہم نے (ہی) ان دونوں کو راہِ راست دکھائی۔
Surah As-Saaffat, Verse 118

وَتَرَكۡنَا عَلَيۡهِمَا فِي ٱلۡأٓخِرِينَ

اور ہم نے آئندہ آنے والوں میں ان کا ذکرِ خیر باقی رکھا۔
Surah As-Saaffat, Verse 119

سَلَٰمٌ عَلَىٰ مُوسَىٰ وَهَٰرُونَ

موسیٰ(ع) و ہارون(ع) پر سلام ہو۔
Surah As-Saaffat, Verse 120

إِنَّا كَذَٰلِكَ نَجۡزِي ٱلۡمُحۡسِنِينَ

اسی طرح ہم نیکوکاروں کو جزا دیتے ہیں۔
Surah As-Saaffat, Verse 121

إِنَّهُمَا مِنۡ عِبَادِنَا ٱلۡمُؤۡمِنِينَ

بیشک یہ دونوں ہمارے مؤمن بندوں میں سے تھے۔
Surah As-Saaffat, Verse 122

وَإِنَّ إِلۡيَاسَ لَمِنَ ٱلۡمُرۡسَلِينَ

اور بے شک الیاس(ع) (بھی) پیغمبروں میں سے تھے۔
Surah As-Saaffat, Verse 123

إِذۡ قَالَ لِقَوۡمِهِۦٓ أَلَا تَتَّقُونَ

(وہ وقت یاد کرو) جب انہوں نے اپنی قوم سے کہا کہ تم (اللہ سے) ڈرتے نہیں ہو؟
Surah As-Saaffat, Verse 124

أَتَدۡعُونَ بَعۡلٗا وَتَذَرُونَ أَحۡسَنَ ٱلۡخَٰلِقِينَ

کیا تم بعل (نامی بت) کو پکارتے ہو (اور اس کی پرستش کرتے ہو) اور بہترین خالق اللہ کو چھوڑتے ہو۔
Surah As-Saaffat, Verse 125

ٱللَّهَ رَبَّكُمۡ وَرَبَّ ءَابَآئِكُمُ ٱلۡأَوَّلِينَ

جو تمہارا بھی پروردگار ہے اور تمہارے پہلے والے آباء و اجداد کا بھی پروردگار ہے۔
Surah As-Saaffat, Verse 126

فَكَذَّبُوهُ فَإِنَّهُمۡ لَمُحۡضَرُونَ

سو ان لوگوں نے انہیں جھٹلایا۔ لہٰذا وہ (سزا کیلئے) ضرور (پکڑ کر) حاضر کئے جائیں گے۔
Surah As-Saaffat, Verse 127

إِلَّا عِبَادَ ٱللَّهِ ٱلۡمُخۡلَصِينَ

ہاں البتہ جو اللہ کے مخلص اور برگزیدہ بندے ہیں وہ اس سے مستثنیٰ ہیں۔
Surah As-Saaffat, Verse 128

وَتَرَكۡنَا عَلَيۡهِ فِي ٱلۡأٓخِرِينَ

اور ہم نے آئندہ آنے والوں میں ان کا ذکرِ خیر باقی رکھا۔
Surah As-Saaffat, Verse 129

سَلَٰمٌ عَلَىٰٓ إِلۡ يَاسِينَ

سلام ہو الیاس(ع)‌(ع)(ع) پر۔
Surah As-Saaffat, Verse 130

إِنَّا كَذَٰلِكَ نَجۡزِي ٱلۡمُحۡسِنِينَ

ہم اسی طرح نیکوکاروں کو جزا دیتے ہیں۔
Surah As-Saaffat, Verse 131

إِنَّهُۥ مِنۡ عِبَادِنَا ٱلۡمُؤۡمِنِينَ

بیشک وہ مؤمن بندوں میں سے تھے۔
Surah As-Saaffat, Verse 132

وَإِنَّ لُوطٗا لَّمِنَ ٱلۡمُرۡسَلِينَ

اور یقیناً لوط(ع) (بھی) پیغمبروں میں سے تھے۔
Surah As-Saaffat, Verse 133

إِذۡ نَجَّيۡنَٰهُ وَأَهۡلَهُۥٓ أَجۡمَعِينَ

جب کہ ہم نے انہیں اور ان کے گھر والوں کو نجات دی۔
Surah As-Saaffat, Verse 134

إِلَّا عَجُوزٗا فِي ٱلۡغَٰبِرِينَ

سوائے ایک بڑھیا (بیوی) کے جو پیچھے رہ جانے والوں میں سے تھی۔
Surah As-Saaffat, Verse 135

ثُمَّ دَمَّرۡنَا ٱلۡأٓخَرِينَ

پھر دوسروں کو ہم نے تہس نہس کر دیا۔
Surah As-Saaffat, Verse 136

وَإِنَّكُمۡ لَتَمُرُّونَ عَلَيۡهِم مُّصۡبِحِينَ

اور تم لوگ صبح بھی ان (کی ویران شدہ بستیوں) پر سے گزرتے ہو۔
Surah As-Saaffat, Verse 137

وَبِٱلَّيۡلِۚ أَفَلَا تَعۡقِلُونَ

اور شام کو بھی کیا پھر بھی عقل سے کام نہیں لیتے؟
Surah As-Saaffat, Verse 138

وَإِنَّ يُونُسَ لَمِنَ ٱلۡمُرۡسَلِينَ

اور یقیناً یونس(ع) (بھی) پیغمبروں میں سے تھے۔
Surah As-Saaffat, Verse 139

إِذۡ أَبَقَ إِلَى ٱلۡفُلۡكِ ٱلۡمَشۡحُونِ

جبکہ وہ (سوار ہونے کیلئے) بھری ہوئی کشتی کی طرف بھاگ کر گئے۔
Surah As-Saaffat, Verse 140

فَسَاهَمَ فَكَانَ مِنَ ٱلۡمُدۡحَضِينَ

پھر وہ قرعہ اندازی میں شریک ہوئے تو وہ پھینک دیئے گئے۔
Surah As-Saaffat, Verse 141

فَٱلۡتَقَمَهُ ٱلۡحُوتُ وَهُوَ مُلِيمٞ

تو انہیں مچھلی نے نگل لیا درآنحالیکہ کہ وہ (اپنے آپ کو) ملامت کر رہے تھے۔
Surah As-Saaffat, Verse 142

فَلَوۡلَآ أَنَّهُۥ كَانَ مِنَ ٱلۡمُسَبِّحِينَ

پس اگر وہ تسبیح (خدا) کرنے والوں میں سے نہ ہوتے۔
Surah As-Saaffat, Verse 143

لَلَبِثَ فِي بَطۡنِهِۦٓ إِلَىٰ يَوۡمِ يُبۡعَثُونَ

تو (دوبارہ) اٹھائے جانے والے دن (قیامت) تک اسی (مچھلی) کے پیٹ میں رہتے۔
Surah As-Saaffat, Verse 144

۞فَنَبَذۡنَٰهُ بِٱلۡعَرَآءِ وَهُوَ سَقِيمٞ

سو ہم نے انہیں (مچھلی کے پیٹ سے نکال کر) ایک کھلے میدان میں ڈال دیا۔ اس حال میں کہ وہ بیمار تھے۔
Surah As-Saaffat, Verse 145

وَأَنۢبَتۡنَا عَلَيۡهِ شَجَرَةٗ مِّن يَقۡطِينٖ

اور ہم نے ان پر (سایہ کرنے کیلئے) کدو کا ایک درخت لگا دیا۔
Surah As-Saaffat, Verse 146

وَأَرۡسَلۡنَٰهُ إِلَىٰ مِاْئَةِ أَلۡفٍ أَوۡ يَزِيدُونَ

اور ہم نے ان کو ایک لاکھ یا اس سے کچھ زیادہ لوگوں کی طرف بھیجا۔
Surah As-Saaffat, Verse 147

فَـَٔامَنُواْ فَمَتَّعۡنَٰهُمۡ إِلَىٰ حِينٖ

پس وہ ایمان لائے تو ہم نے انہیں ایک مدت تک (زندگی سے) لطف اندوز ہونے دیا۔
Surah As-Saaffat, Verse 148

فَٱسۡتَفۡتِهِمۡ أَلِرَبِّكَ ٱلۡبَنَاتُ وَلَهُمُ ٱلۡبَنُونَ

ان سے ذرا پوچھئے! کہ تمہارے پروردگار کیلئے بیٹیاں ہیں اور خود ان کیلئے بیٹے؟
Surah As-Saaffat, Verse 149

أَمۡ خَلَقۡنَا ٱلۡمَلَـٰٓئِكَةَ إِنَٰثٗا وَهُمۡ شَٰهِدُونَ

کیا ہم نے فرشتوں کو عورت پیدا کیا اور وہ دیکھ رہے تھے؟
Surah As-Saaffat, Verse 150

أَلَآ إِنَّهُم مِّنۡ إِفۡكِهِمۡ لَيَقُولُونَ

آگاہ ہو جاؤ کہ یہ دروغ بافی کرتے ہیں۔
Surah As-Saaffat, Verse 151

وَلَدَ ٱللَّهُ وَإِنَّهُمۡ لَكَٰذِبُونَ

جب کہتے ہیں کہ اللہ کے اولاد ہے اور بلاشبہ وہ جھوٹے ہیں۔
Surah As-Saaffat, Verse 152

أَصۡطَفَى ٱلۡبَنَاتِ عَلَى ٱلۡبَنِينَ

کیا اللہ نے بیٹوں کے مقابلہ میں بیٹیوں کو ترجیح دی۔
Surah As-Saaffat, Verse 153

مَا لَكُمۡ كَيۡفَ تَحۡكُمُونَ

تمہیں کیا ہوگیا ہے تم کیا فیصلہ کرتے ہو؟
Surah As-Saaffat, Verse 154

أَفَلَا تَذَكَّرُونَ

کیا تم اتنا بھی نہیں سمجھتے؟
Surah As-Saaffat, Verse 155

أَمۡ لَكُمۡ سُلۡطَٰنٞ مُّبِينٞ

کیا تمہارے پاس کوئی واضح دلیل ہے؟
Surah As-Saaffat, Verse 156

فَأۡتُواْ بِكِتَٰبِكُمۡ إِن كُنتُمۡ صَٰدِقِينَ

اگر تم سچے ہو تو پھر اپنی وہ دستاویز پیش کرو۔
Surah As-Saaffat, Verse 157

وَجَعَلُواْ بَيۡنَهُۥ وَبَيۡنَ ٱلۡجِنَّةِ نَسَبٗاۚ وَلَقَدۡ عَلِمَتِ ٱلۡجِنَّةُ إِنَّهُمۡ لَمُحۡضَرُونَ

کیا ان لوگوں نے اس (خدا) اور جنوں کے درمیان کوئی رشتہ ناطہ قرار دیا ہے؟ حالانکہ خود جنات جانتے ہیں کہ وہ (جزا و سزا کیلئے) پکڑ کر حاضر کئے جائیں گے۔
Surah As-Saaffat, Verse 158