Surah Abasa - Filipino Translation by Abdullatif Eduardo M. Arceo
عَبَسَ وَتَوَلَّىٰٓ
(Ang Propeta) ay kumunot at lumayo
Surah Abasa, Verse 1
أَن جَآءَهُ ٱلۡأَعۡمَىٰ
Sapagkat may bulag na lalaki na lumapit sa kanya (at nang-aabala, alalaong baga, si Abdullah bin Umm-Maktum, na pumaroon sa Propeta habang siya ay nangangaral sa isa o ilang pinuno ng Quraish)
Surah Abasa, Verse 2
وَمَا يُدۡرِيكَ لَعَلَّهُۥ يَزَّكَّىٰٓ
Datapuwa’t ano ang makakapagsabi sa iyo na baka sakaling siya ay maging dalisay (sa mga kasalanan at umunladsaispiritwalnapang-unawa)
Surah Abasa, Verse 3
أَوۡ يَذَّكَّرُ فَتَنفَعَهُ ٱلذِّكۡرَىٰٓ
osiyaaytumanggap ng pangaral at ang tagubilin ay maging kapakinabangan sa kanya
Surah Abasa, Verse 4
أَمَّا مَنِ ٱسۡتَغۡنَىٰ
At siya na nag-aakala sa kanyang sarili na siya 940 ay may sariling kasapatan (hindi nangangailangan ng anuman)
Surah Abasa, Verse 5
فَأَنتَ لَهُۥ تَصَدَّىٰ
Sa kanya, ikaw (o Muhammad) ay nag-uukol ng iyong panahon
Surah Abasa, Verse 6
وَمَا عَلَيۡكَ أَلَّا يَزَّكَّىٰ
Ito ay hindi mo pananagutan kung siya ay hindi maging dalisay (sa pananalig at makinabang sa ispiritwal na biyaya; ikaw ay isa lamang Tagapagbalita at ang iyong tungkulin ay iparating ang Mensahe ni Allah)
Surah Abasa, Verse 7
وَأَمَّا مَن جَآءَكَ يَسۡعَىٰ
At sa kanya (Abdullah bin Umm-Maktum) na lumapit sa iyo na may pagsusumamo
Surah Abasa, Verse 8
وَهُوَ يَخۡشَىٰ
At may pangangamba (kay Allah sa kanyang puso)
Surah Abasa, Verse 9
فَأَنتَ عَنۡهُ تَلَهَّىٰ
Ikaw sa kanya ay hindi nagbibigay pahalaga (o nag-aasikaso)
Surah Abasa, Verse 10
كَلَّآ إِنَّهَا تَذۡكِرَةٞ
Hindi, (huwag mong gawin ito o Muhammad), katotohanan, ito (ang mga talata ng Qur’an) ay mga pagpapaala-ala at tagubilin
Surah Abasa, Verse 11
فَمَن شَآءَ ذَكَرَهُۥ
Kaya’t sinuman ang magnais, hayaan siyang mag-ukol ng panahon dito (sa pag-aala-ala)
Surah Abasa, Verse 12
فِي صُحُفٖ مُّكَرَّمَةٖ
(Ito ay nasa) mga Talaan (na iniingatan sa karangalan, ang Al-Lauh Al-Mahfuz)
Surah Abasa, Verse 13
مَّرۡفُوعَةٖ مُّطَهَّرَةِۭ
Na mataas (sa karangalan), na nananatiling dalisay at banal
Surah Abasa, Verse 14
بِأَيۡدِي سَفَرَةٖ
Sa kamay ng mga tagasulat (mga Anghel)
Surah Abasa, Verse 15
كِرَامِۭ بَرَرَةٖ
Na karangal-rangal at masunurin
Surah Abasa, Verse 16
قُتِلَ ٱلۡإِنسَٰنُ مَآ أَكۡفَرَهُۥ
Kasumpa-sumpa ang tao! Ano ang nagtulak sa kanya upang itakwil si Allah
Surah Abasa, Verse 17
مِنۡ أَيِّ شَيۡءٍ خَلَقَهُۥ
Sa ano bang bagay siya ay nilikha Namin
Surah Abasa, Verse 18
مِن نُّطۡفَةٍ خَلَقَهُۥ فَقَدَّرَهُۥ
Siya ay nilikha Namin mula sa Nutfah (mga patak ng semilya ng lalaki at babae), at Aming binigyan siya ng ganap na sukat
Surah Abasa, Verse 19
ثُمَّ ٱلسَّبِيلَ يَسَّرَهُۥ
At Kanyang ginawa na maging magaan ang daan sa kanya
Surah Abasa, Verse 20
ثُمَّ أَمَاتَهُۥ فَأَقۡبَرَهُۥ
At Kanyang kinitlan siya ng buhay, at inilagay siya sa kanyang libingan
Surah Abasa, Verse 21
ثُمَّ إِذَا شَآءَ أَنشَرَهُۥ
At kung ito ay Kanyang kalooban, siya ay Kanyang bubuhayin (sa Araw ng Muling Pagkabuhay)
Surah Abasa, Verse 22
كَلَّا لَمَّا يَقۡضِ مَآ أَمَرَهُۥ
Hindi, datapuwa’t (ang tao) ay hindi tumupad sa ipinag-uutos Niya sa kanya
Surah Abasa, Verse 23
فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ
Kaya’t hayaan ang tao ay magsaalang-alang ng kanyang pagkain (naAming ipinagkaloob)
Surah Abasa, Verse 24
أَنَّا صَبَبۡنَا ٱلۡمَآءَ صَبّٗا
At kung paano Namin ibinuhos ang saganang tubig
Surah Abasa, Verse 25
ثُمَّ شَقَقۡنَا ٱلۡأَرۡضَ شَقّٗا
At hinati Namin ang kalupaan (at pinatag)
Surah Abasa, Verse 26
فَأَنۢبَتۡنَا فِيهَا حَبّٗا
At pinapangyari Namin na ang butil ay tumubo rito
Surah Abasa, Verse 27
وَعِنَبٗا وَقَضۡبٗا
Ang ubas, at pagkaing halaman (sa mga bakahan)
Surah Abasa, Verse 28
وَزَيۡتُونٗا وَنَخۡلٗا
Ang oliba at punong palmera (datiles)
Surah Abasa, Verse 29
وَحَدَآئِقَ غُلۡبٗا
At halamanan na makapal (at malago) sa maraming puno
Surah Abasa, Verse 30
وَفَٰكِهَةٗ وَأَبّٗا
At mga bungangkahoy at Abba (herba, luntiang damo, atbp)
Surah Abasa, Verse 31
مَّتَٰعٗا لَّكُمۡ وَلِأَنۡعَٰمِكُمۡ
(Bilang) ikabubuhay at pagkain sa inyo at sa inyong bakahan
Surah Abasa, Verse 32
فَإِذَا جَآءَتِ ٱلصَّآخَّةُ
Hindi maglalaon, at kung sumapit na ang As-Sakhkhah (ang pangalawang pag-ihip ng Tambuli sa Araw ng Muling Pagkabuhay)
Surah Abasa, Verse 33
يَوۡمَ يَفِرُّ ٱلۡمَرۡءُ مِنۡ أَخِيهِ
Sa Araw na ang tao ay tatakas sa kanyang sariling kapatid
Surah Abasa, Verse 34
وَأُمِّهِۦ وَأَبِيهِ
At sa kanyang ina at sa kanyang ama
Surah Abasa, Verse 35
وَصَٰحِبَتِهِۦ وَبَنِيهِ
At sa kanyang asawa at sa kanyang mga anak
Surah Abasa, Verse 36
لِكُلِّ ٱمۡرِيٕٖ مِّنۡهُمۡ يَوۡمَئِذٖ شَأۡنٞ يُغۡنِيهِ
Sa Araw na ito, ang bawat tao ay mababahala lamang sa kanyang sarili at hindi makakapagbigay ng pansin sa iba
Surah Abasa, Verse 37
وُجُوهٞ يَوۡمَئِذٖ مُّسۡفِرَةٞ
Sa Araw na ito, ang ibang mga mukha ay magniningning na tulad ng bukang liwayway (bilang isang tunay na sumasampalataya sa Kaisahan ni Allah at sa Islam)
Surah Abasa, Verse 38
ضَاحِكَةٞ مُّسۡتَبۡشِرَةٞ
Na humahalakhak at nagsasaya sa magandang balita (ng Paraiso)
Surah Abasa, Verse 39
وَوُجُوهٞ يَوۡمَئِذٍ عَلَيۡهَا غَبَرَةٞ
Sa Araw na ito, ang ibang mga mukha ay may bahid ng dumi
Surah Abasa, Verse 40
تَرۡهَقُهَا قَتَرَةٌ
Ang kadiliman ang lalambong sa kanila
Surah Abasa, Verse 41
أُوْلَـٰٓئِكَ هُمُ ٱلۡكَفَرَةُ ٱلۡفَجَرَةُ
Sila nga ang Kafarah (mga nagtatakwil kay Allah at sa Kanyang Kaisahan at sa Kanyang Tagapagbalita na si Muhammad, atbp.), ang Fajarah (mga mapaggawa ng katampalasanan, buktot, buhong, atbp)
Surah Abasa, Verse 42