Surah An-Naba - Urdu Translation by Muhammad Hussain Najafi
عَمَّ يَتَسَآءَلُونَ
یہ لوگ کس چیز کے بارے میں ایک دوسرے سے سوال و جواب کر رہے ہیں؟
Surah An-Naba, Verse 1
عَنِ ٱلنَّبَإِ ٱلۡعَظِيمِ
کیا اس بڑی خبر کے بارے میں۔
Surah An-Naba, Verse 2
ٱلَّذِي هُمۡ فِيهِ مُخۡتَلِفُونَ
جس کے متعلق وہ باہم اختلاف کر رہے ہیں۔
Surah An-Naba, Verse 3
كَلَّا سَيَعۡلَمُونَ
ہرگز نہیں! عنقریب انہیں معلوم ہو جائے گا۔
Surah An-Naba, Verse 4
ثُمَّ كَلَّا سَيَعۡلَمُونَ
پھر ہرگز نہیں! عنقریب انہیں معلوم ہو جائے گا۔
Surah An-Naba, Verse 5
أَلَمۡ نَجۡعَلِ ٱلۡأَرۡضَ مِهَٰدٗا
کیا ہم نے زمین کو بچھونا نہیں بنایا؟
Surah An-Naba, Verse 6
وَٱلۡجِبَالَ أَوۡتَادٗا
اور پہاڑوں کو میخیں۔
Surah An-Naba, Verse 7
وَخَلَقۡنَٰكُمۡ أَزۡوَٰجٗا
اور ہم نے تمہیں جوڑا جوڑا پیدا کیا۔
Surah An-Naba, Verse 8
وَجَعَلۡنَا نَوۡمَكُمۡ سُبَاتٗا
اور تمہاری نیند کو راحت و آرام کا ذریعہ۔
Surah An-Naba, Verse 9
وَجَعَلۡنَا ٱلَّيۡلَ لِبَاسٗا
اور رات کو پردہ پوش۔
Surah An-Naba, Verse 10
وَجَعَلۡنَا ٱلنَّهَارَ مَعَاشٗا
اور دن کو تحصیلِ معاش کا وقت بنایا۔
Surah An-Naba, Verse 11
وَبَنَيۡنَا فَوۡقَكُمۡ سَبۡعٗا شِدَادٗا
اور ہم نے تم پر سات مضبوط (آسمان) بنائے۔
Surah An-Naba, Verse 12
وَجَعَلۡنَا سِرَاجٗا وَهَّاجٗا
اور ہم ہی نے (دن میں) ایک نہایت روشن چراغ (سورج) بنایا۔
Surah An-Naba, Verse 13
وَأَنزَلۡنَا مِنَ ٱلۡمُعۡصِرَٰتِ مَآءٗ ثَجَّاجٗا
اور ہم نے پانی سے لبریز بادلوں سے موسلادھار پانی برسایا۔
Surah An-Naba, Verse 14
لِّنُخۡرِجَ بِهِۦ حَبّٗا وَنَبَاتٗا
تاکہ ہم اس کے ذریعہ سے غلہ اور سبزی اگائیں۔
Surah An-Naba, Verse 15
وَجَنَّـٰتٍ أَلۡفَافًا
اور گھنے باغات۔
Surah An-Naba, Verse 16
إِنَّ يَوۡمَ ٱلۡفَصۡلِ كَانَ مِيقَٰتٗا
بےشک فیصلے کے دن (قیامت) کا ایک معیّن وقت ہے۔
Surah An-Naba, Verse 17
يَوۡمَ يُنفَخُ فِي ٱلصُّورِ فَتَأۡتُونَ أَفۡوَاجٗا
جس دن صور پھونکا جائے گا تو تم لوگ فوج در فوج آؤ گے۔
Surah An-Naba, Verse 18
وَفُتِحَتِ ٱلسَّمَآءُ فَكَانَتۡ أَبۡوَٰبٗا
اور آسمان کھول دیا جائے گا اور وہ دروازے ہی دروازے ہو جائے گا۔
Surah An-Naba, Verse 19
وَسُيِّرَتِ ٱلۡجِبَالُ فَكَانَتۡ سَرَابًا
اور پہاڑ چلائے جائیں گے اور وہ بالکل سراب ہو جائیں گے۔
Surah An-Naba, Verse 20
إِنَّ جَهَنَّمَ كَانَتۡ مِرۡصَادٗا
بےشک جہنم گھات میں ہے۔
Surah An-Naba, Verse 21
لِّلطَّـٰغِينَ مَـَٔابٗا
جو سرکشوں کا ٹھکانہ ہے۔
Surah An-Naba, Verse 22
لَّـٰبِثِينَ فِيهَآ أَحۡقَابٗا
وہ اس میں مدتہائے دراز تک پڑے رہیں گے۔
Surah An-Naba, Verse 23
لَّا يَذُوقُونَ فِيهَا بَرۡدٗا وَلَا شَرَابًا
وہ اس میں نہ ٹھنڈک کامزہ چکھیں گے اور نہ کوئی پینے کی چیز۔
Surah An-Naba, Verse 24
إِلَّا حَمِيمٗا وَغَسَّاقٗا
سوائے گرم پانی اور پیپ کے۔
Surah An-Naba, Verse 25
جَزَآءٗ وِفَاقًا
یہ (ان کے اعمال) کے مطابق بدلہ ہے۔
Surah An-Naba, Verse 26
إِنَّهُمۡ كَانُواْ لَا يَرۡجُونَ حِسَابٗا
یہ لوگ (روزِ) حساب (قیامت) کی توقع ہی نہیں رکھتے تھے۔
Surah An-Naba, Verse 27
وَكَذَّبُواْ بِـَٔايَٰتِنَا كِذَّابٗا
اور یہ ہماری آیتوں کو بےدریغ جھٹلاتے تھے۔
Surah An-Naba, Verse 28
وَكُلَّ شَيۡءٍ أَحۡصَيۡنَٰهُ كِتَٰبٗا
اور ہم نے ہر چیز کو ایک نوشتہ میں شمار کر رکھا ہے۔
Surah An-Naba, Verse 29
فَذُوقُواْ فَلَن نَّزِيدَكُمۡ إِلَّا عَذَابًا
چکھو اس کامزہ ہم تمہارے عذاب میں اضافہ ہی کریں گے۔
Surah An-Naba, Verse 30
إِنَّ لِلۡمُتَّقِينَ مَفَازًا
بےشک پرہیزگاروں کیلئے کامیابی و کامرانی ہے۔
Surah An-Naba, Verse 31
حَدَآئِقَ وَأَعۡنَٰبٗا
یعنی باغ اور انگور ہیں۔
Surah An-Naba, Verse 32
وَكَوَاعِبَ أَتۡرَابٗا
اور اٹھتی جوانیوں والی ہم عمر لڑکیاں (حوریں)۔
Surah An-Naba, Verse 33
وَكَأۡسٗا دِهَاقٗا
اور چھلکتے ہوئے (شرابِ طہور کے) جام۔
Surah An-Naba, Verse 34
لَّا يَسۡمَعُونَ فِيهَا لَغۡوٗا وَلَا كِذَّـٰبٗا
وہ لوگ وہاں نہ کوئی بےہودہ بات سنیں گے اور نہ کوئی جھوٹ۔
Surah An-Naba, Verse 35
جَزَآءٗ مِّن رَّبِّكَ عَطَآءً حِسَابٗا
یہ تمہارے پروردگار کی طرف سے بطور عطیہ صلہ ہے جو کافی و وافی ہے۔
Surah An-Naba, Verse 36
رَّبِّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا ٱلرَّحۡمَٰنِۖ لَا يَمۡلِكُونَ مِنۡهُ خِطَابٗا
یعنی وہ ربِ رحمان کی طرف سے جو آسمانوں اور زمین اور ان کے درمیان کی سب چیزوں کا پروردگار (اور مالک) ہے (جس کی ہیبت سے) لوگوں کو اس سے بات کرنے کایارا نہیں ہے۔
Surah An-Naba, Verse 37
يَوۡمَ يَقُومُ ٱلرُّوحُ وَٱلۡمَلَـٰٓئِكَةُ صَفّٗاۖ لَّا يَتَكَلَّمُونَ إِلَّا مَنۡ أَذِنَ لَهُ ٱلرَّحۡمَٰنُ وَقَالَ صَوَابٗا
جس دن روح اور فرشتے صف باندھے کھڑے ہوں گے کوئی بات نہیں کرے گا مگر جسے خدائے رحمان اجازت دے گا اور وہ ٹھیک بات کہے گا۔
Surah An-Naba, Verse 38
ذَٰلِكَ ٱلۡيَوۡمُ ٱلۡحَقُّۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا
یہ دن برحق ہے پس جو چاہے اپنے پروردگار کی طرف اپنا ٹھکانہ بنائے۔
Surah An-Naba, Verse 39
إِنَّآ أَنذَرۡنَٰكُمۡ عَذَابٗا قَرِيبٗا يَوۡمَ يَنظُرُ ٱلۡمَرۡءُ مَا قَدَّمَتۡ يَدَاهُ وَيَقُولُ ٱلۡكَافِرُ يَٰلَيۡتَنِي كُنتُ تُرَٰبَۢا
بےشک ہم نے تمہیں عنقریب آنے والے عذاب سے ڈرا دیا ہے جس دن آدمی وہ (کمائی) دیکھے گا جو اس کے ہاتھوں نے آگے بھیجی ہوگی اور کافر کہے گا کہ کاش میں مٹی ہوتا۔
Surah An-Naba, Verse 40