Surah Al-Muddathir - Urdu Translation by Muhammad Hussain Najafi
يَـٰٓأَيُّهَا ٱلۡمُدَّثِّرُ
اے چادر اوڑھنے والے (رسول(ص))۔
Surah Al-Muddathir, Verse 1
قُمۡ فَأَنذِرۡ
اٹھئے اور (لوگوں کو عذابِ الٰہی) سے ڈرائیے۔
Surah Al-Muddathir, Verse 2
وَرَبَّكَ فَكَبِّرۡ
اور اپنے پروردگار کی بڑائی بیان کیجئے۔
Surah Al-Muddathir, Verse 3
وَثِيَابَكَ فَطَهِّرۡ
اور اپنے کپڑے پاک رکھئے۔
Surah Al-Muddathir, Verse 4
وَٱلرُّجۡزَ فَٱهۡجُرۡ
اور (بتوں کی) نجاست سے دور رہیے۔
Surah Al-Muddathir, Verse 5
وَلَا تَمۡنُن تَسۡتَكۡثِرُ
اور (کسی پر) احسان نہ کیجئے زیادہ حاصل کرنے کیلئے۔
Surah Al-Muddathir, Verse 6
وَلِرَبِّكَ فَٱصۡبِرۡ
اور اپنے پروردگار کیلئے صبر کیجئے۔
Surah Al-Muddathir, Verse 7
فَإِذَا نُقِرَ فِي ٱلنَّاقُورِ
اور جب صور پھونکا جائے گا۔
Surah Al-Muddathir, Verse 8
فَذَٰلِكَ يَوۡمَئِذٖ يَوۡمٌ عَسِيرٌ
تو وہ دن بڑا سخت دن ہوگا۔
Surah Al-Muddathir, Verse 9
عَلَى ٱلۡكَٰفِرِينَ غَيۡرُ يَسِيرٖ
اور کافروں پر آسان نہ ہوگا۔
Surah Al-Muddathir, Verse 10
ذَرۡنِي وَمَنۡ خَلَقۡتُ وَحِيدٗا
مجھے اور اس شخص کو چھوڑ دیجئے جسے میں نے تنہا پیدا کیا۔
Surah Al-Muddathir, Verse 11
وَجَعَلۡتُ لَهُۥ مَالٗا مَّمۡدُودٗا
اور اسے پھیلا ہوا (فراواں) مال و زر دیا۔
Surah Al-Muddathir, Verse 12
وَبَنِينَ شُهُودٗا
اور پاس حاضر رہنے والے بیٹے دے۔
Surah Al-Muddathir, Verse 13
وَمَهَّدتُّ لَهُۥ تَمۡهِيدٗا
اور اس کیلئے (سرداری کا) ہر قِسم کا سامان مہیا کیا۔
Surah Al-Muddathir, Verse 14
ثُمَّ يَطۡمَعُ أَنۡ أَزِيدَ
پھر بھی وہ طمع رکھتا ہے کہ میں اسے زیادہ دوں۔
Surah Al-Muddathir, Verse 15
كَلَّآۖ إِنَّهُۥ كَانَ لِأٓيَٰتِنَا عَنِيدٗا
ہرگز نہیں وہ تو ہماری آیتوں کا سخت مخالف ہے۔
Surah Al-Muddathir, Verse 16
سَأُرۡهِقُهُۥ صَعُودًا
میں عنقریب (دوزخ کی) ایک سخت چڑھائی پر اسے چڑھا دوں گا۔
Surah Al-Muddathir, Verse 17
إِنَّهُۥ فَكَّرَ وَقَدَّرَ
اس نے سوچا اور ایک بات تجویز کی۔
Surah Al-Muddathir, Verse 18
فَقُتِلَ كَيۡفَ قَدَّرَ
سو وہ غارت ہو اس نے کیسی بات تجویز کی؟
Surah Al-Muddathir, Verse 19
ثُمَّ قُتِلَ كَيۡفَ قَدَّرَ
پھر وہ غارت ہو اس نے کیسی بات تجویز کی؟
Surah Al-Muddathir, Verse 20
ثُمَّ نَظَرَ
پھر اس نے دیکھا۔
Surah Al-Muddathir, Verse 21
ثُمَّ عَبَسَ وَبَسَرَ
پھر اس نے تیوری چڑھائی اور منہ بنایا۔
Surah Al-Muddathir, Verse 22
ثُمَّ أَدۡبَرَ وَٱسۡتَكۡبَرَ
پھر پیٹھ پھیری اور تکبر کیا۔
Surah Al-Muddathir, Verse 23
فَقَالَ إِنۡ هَٰذَآ إِلَّا سِحۡرٞ يُؤۡثَرُ
پھر کہا کہ یہ تو محض جادو ہے جو پہلوں سے نقل ہوتا ہوا آرہا ہے۔
Surah Al-Muddathir, Verse 24
إِنۡ هَٰذَآ إِلَّا قَوۡلُ ٱلۡبَشَرِ
یہ نہیں ہے مگر آدمی کا کلام۔
Surah Al-Muddathir, Verse 25
سَأُصۡلِيهِ سَقَرَ
میں عنقریب اسے دوزخ میں جھونکوں گا۔
Surah Al-Muddathir, Verse 26
وَمَآ أَدۡرَىٰكَ مَا سَقَرُ
اور تم کیا سمجھو کہ دوزخ کیا ہے؟
Surah Al-Muddathir, Verse 27
لَا تُبۡقِي وَلَا تَذَرُ
وہ نہ (کوئی چیز) باقی رکھتی ہے اور نہ چھوڑتی ہے۔
Surah Al-Muddathir, Verse 28
لَوَّاحَةٞ لِّلۡبَشَرِ
وہ کھال کو جھلس دینے والی ہے۔
Surah Al-Muddathir, Verse 29
عَلَيۡهَا تِسۡعَةَ عَشَرَ
اس پر اُنیس فرشتے (دارو غے) مقرر ہیں۔
Surah Al-Muddathir, Verse 30
وَمَا جَعَلۡنَآ أَصۡحَٰبَ ٱلنَّارِ إِلَّا مَلَـٰٓئِكَةٗۖ وَمَا جَعَلۡنَا عِدَّتَهُمۡ إِلَّا فِتۡنَةٗ لِّلَّذِينَ كَفَرُواْ لِيَسۡتَيۡقِنَ ٱلَّذِينَ أُوتُواْ ٱلۡكِتَٰبَ وَيَزۡدَادَ ٱلَّذِينَ ءَامَنُوٓاْ إِيمَٰنٗا وَلَا يَرۡتَابَ ٱلَّذِينَ أُوتُواْ ٱلۡكِتَٰبَ وَٱلۡمُؤۡمِنُونَ وَلِيَقُولَ ٱلَّذِينَ فِي قُلُوبِهِم مَّرَضٞ وَٱلۡكَٰفِرُونَ مَاذَآ أَرَادَ ٱللَّهُ بِهَٰذَا مَثَلٗاۚ كَذَٰلِكَ يُضِلُّ ٱللَّهُ مَن يَشَآءُ وَيَهۡدِي مَن يَشَآءُۚ وَمَا يَعۡلَمُ جُنُودَ رَبِّكَ إِلَّا هُوَۚ وَمَا هِيَ إِلَّا ذِكۡرَىٰ لِلۡبَشَرِ
اور ہم نے دوزخ کے داروغے صرف فرشتے بنائے ہیں اور ہم نے ان کی تعداد کو کافروں کیلئے آزمائش کا ذریعہ بنایا ہے تاکہ اہلِ کتاب یقین کریں اور اہلِ ایمان کے ایمان میں اضافہ ہو جائے اور اہلِ کتاب اور اہلِ ایمان شک و شبہ نہ کریں اور جن کے دلوں میں بیماری ہے اور کافر لوگ کہیں گے کہ اس بیان سے اللہ کی کیا مراد ہے؟ اسی طرح اللہ جسے چاہتا ہے گمراہی میں چھوڑ دیتا ہے اور یہ (دوزخ کا) بیان نہیں ہے مگر انسانوں کے لئے نصیحت۔
Surah Al-Muddathir, Verse 31
كَلَّا وَٱلۡقَمَرِ
ہرگز نہیں! قَسم ہے چاند کی۔
Surah Al-Muddathir, Verse 32
وَٱلَّيۡلِ إِذۡ أَدۡبَرَ
اور رات کی جب وہ جانے لگے۔
Surah Al-Muddathir, Verse 33
وَٱلصُّبۡحِ إِذَآ أَسۡفَرَ
اور صبح کی جب وہ روشن ہو جائے۔
Surah Al-Muddathir, Verse 34
إِنَّهَا لَإِحۡدَى ٱلۡكُبَرِ
وہ (دوزخ) بڑی چیزوں میں سے ایک بڑی چیز ہے۔
Surah Al-Muddathir, Verse 35
نَذِيرٗا لِّلۡبَشَرِ
(جو) انسانوں کیلئے ڈراوا ہے۔
Surah Al-Muddathir, Verse 36
لِمَن شَآءَ مِنكُمۡ أَن يَتَقَدَّمَ أَوۡ يَتَأَخَّرَ
یعنی تم میں سے (ہر اس) شخص کیلئے جو آگے بڑھنا چاہے یا پیچھے ہٹنا چاہے۔
Surah Al-Muddathir, Verse 37
كُلُّ نَفۡسِۭ بِمَا كَسَبَتۡ رَهِينَةٌ
ہر شخص اپنے اعمال کے بدلے میں گروی ہے۔
Surah Al-Muddathir, Verse 38
إِلَّآ أَصۡحَٰبَ ٱلۡيَمِينِ
سوائے دائیں ہاتھ والے (جنتیوں) کے۔
Surah Al-Muddathir, Verse 39
فِي جَنَّـٰتٖ يَتَسَآءَلُونَ
جو بہشت کے باغوں میں ہوں گے۔
Surah Al-Muddathir, Verse 40
عَنِ ٱلۡمُجۡرِمِينَ
(اور) مجرموں سے سوال و جواب کرتے ہوں گے۔
Surah Al-Muddathir, Verse 41
مَا سَلَكَكُمۡ فِي سَقَرَ
کہ تمہیں کیا چیز دوزخ میں لے گئی؟
Surah Al-Muddathir, Verse 42
قَالُواْ لَمۡ نَكُ مِنَ ٱلۡمُصَلِّينَ
وہ کہیں گے کہ ہم نماز نہیں پڑھا کرتے تھے۔
Surah Al-Muddathir, Verse 43
وَلَمۡ نَكُ نُطۡعِمُ ٱلۡمِسۡكِينَ
اور مسکینوں کو کھانا نہیں کھلاتے تھے۔
Surah Al-Muddathir, Verse 44
وَكُنَّا نَخُوضُ مَعَ ٱلۡخَآئِضِينَ
اور بےہودہ باتیں کرنے والوں کے ساتھ مل کر ہم بھی بےہودہ کام کرتے تھے۔
Surah Al-Muddathir, Verse 45
وَكُنَّا نُكَذِّبُ بِيَوۡمِ ٱلدِّينِ
اور ہم جزا و سزا کے دن کو جھٹلاتے تھے۔
Surah Al-Muddathir, Verse 46
حَتَّىٰٓ أَتَىٰنَا ٱلۡيَقِينُ
یہاں تک کہ یقینی چیز (موت) ہمارے سامنے آگئی۔
Surah Al-Muddathir, Verse 47
فَمَا تَنفَعُهُمۡ شَفَٰعَةُ ٱلشَّـٰفِعِينَ
تو ایسے لوگوں کو شفاعت کرنے والوں کی شفاعت کوئی فائدہ نہیں پہنچائے گی۔
Surah Al-Muddathir, Verse 48
فَمَا لَهُمۡ عَنِ ٱلتَّذۡكِرَةِ مُعۡرِضِينَ
سو انہیں کیا ہوگیا ہے کہ وہ نصیحت سے رُوگردانی کرتے ہیں؟
Surah Al-Muddathir, Verse 49
كَأَنَّهُمۡ حُمُرٞ مُّسۡتَنفِرَةٞ
گویا وہ بدکے ہوئے گدھے ہیں۔
Surah Al-Muddathir, Verse 50
فَرَّتۡ مِن قَسۡوَرَةِۭ
جوشیر سے (ڈر کر) بھاگے جا رہے ہیں۔
Surah Al-Muddathir, Verse 51
بَلۡ يُرِيدُ كُلُّ ٱمۡرِيٕٖ مِّنۡهُمۡ أَن يُؤۡتَىٰ صُحُفٗا مُّنَشَّرَةٗ
بلکہ ان میں سے ہر ایک شخص یہ چاہتا ہے کہ اسے کھلی ہوئی کتابیں دے دی جائیں۔
Surah Al-Muddathir, Verse 52
كَلَّاۖ بَل لَّا يَخَافُونَ ٱلۡأٓخِرَةَ
ایسا نہیں ہے بلکہ وہ آخرت کا خوف نہیں رکھتے۔
Surah Al-Muddathir, Verse 53
كَلَّآ إِنَّهُۥ تَذۡكِرَةٞ
ہرگز نہیں یہ تو ایک نصیحت ہے۔
Surah Al-Muddathir, Verse 54
فَمَن شَآءَ ذَكَرَهُۥ
جو چاہے اس سے نصیحت حاصل کرے۔
Surah Al-Muddathir, Verse 55
وَمَا يَذۡكُرُونَ إِلَّآ أَن يَشَآءَ ٱللَّهُۚ هُوَ أَهۡلُ ٱلتَّقۡوَىٰ وَأَهۡلُ ٱلۡمَغۡفِرَةِ
اور وہ اس سے نصیحت حاصل نہیں کریں گے مگر یہ کہ اللہ چاہے وہی اس کا حق دار ہے کہ اس سے ڈرا جائے اور وہی اس قابل ہے کہ مغفرت فرمائے۔
Surah Al-Muddathir, Verse 56