Surah Al-Muddathir - Urdu Translation by Muhammad Taqi Usmani
يَـٰٓأَيُّهَا ٱلۡمُدَّثِّرُ
اے کپڑے میں لپٹنے والے
Surah Al-Muddathir, Verse 1
قُمۡ فَأَنذِرۡ
اٹھو اور لوگوں کو خبردار کرو۔
Surah Al-Muddathir, Verse 2
وَرَبَّكَ فَكَبِّرۡ
اور اپنے پروردگار کی تکبیر کہو۔
Surah Al-Muddathir, Verse 3
وَثِيَابَكَ فَطَهِّرۡ
اور اپنے کپڑوں کو پاک رکھو
Surah Al-Muddathir, Verse 4
وَٱلرُّجۡزَ فَٱهۡجُرۡ
اور گندگی سے کنارہ کرلو۔
Surah Al-Muddathir, Verse 5
وَلَا تَمۡنُن تَسۡتَكۡثِرُ
اور کوئی احسان اس نیت سے نہ کرو کہ زیادہ وصول کرسکو۔
Surah Al-Muddathir, Verse 6
وَلِرَبِّكَ فَٱصۡبِرۡ
اور اپنے پروردگار کی خاطر صبر سے کام لو۔
Surah Al-Muddathir, Verse 7
فَإِذَا نُقِرَ فِي ٱلنَّاقُورِ
پھر جب صور میں پھونک مار دی جائے گی۔
Surah Al-Muddathir, Verse 8
فَذَٰلِكَ يَوۡمَئِذٖ يَوۡمٌ عَسِيرٌ
تو وہ بڑا مشکل دن ہوگا۔
Surah Al-Muddathir, Verse 9
عَلَى ٱلۡكَٰفِرِينَ غَيۡرُ يَسِيرٖ
اور کافروں کے لیے وہ آسان نہیں ہوگا۔
Surah Al-Muddathir, Verse 10
ذَرۡنِي وَمَنۡ خَلَقۡتُ وَحِيدٗا
اس شخص کا معاملہ مجھ پر چھوڑ دو جسے میں نے اکیلا پیدا کیا۔
Surah Al-Muddathir, Verse 11
وَجَعَلۡتُ لَهُۥ مَالٗا مَّمۡدُودٗا
اور اس کو مال دیا جو دور تک پھیلا پڑا ہے۔
Surah Al-Muddathir, Verse 12
وَبَنِينَ شُهُودٗا
اور بیٹے دیے جو سامنے موجود رہتے ہیں۔
Surah Al-Muddathir, Verse 13
وَمَهَّدتُّ لَهُۥ تَمۡهِيدٗا
اور اس کے لیے ہر کام کے راستے ہموار کردیے۔
Surah Al-Muddathir, Verse 14
ثُمَّ يَطۡمَعُ أَنۡ أَزِيدَ
پھر بھی وہ یہ لالچ کرتا ہے کہ میں اسے اور زیادہ دوں۔
Surah Al-Muddathir, Verse 15
كَلَّآۖ إِنَّهُۥ كَانَ لِأٓيَٰتِنَا عَنِيدٗا
ہرگز نہیں ! وہ ہماری آیتوں کا دشمن بن گیا ہے۔
Surah Al-Muddathir, Verse 16
سَأُرۡهِقُهُۥ صَعُودًا
عنقریب میں اسے ایک کٹھن چڑھائی پر چڑھاؤں گا۔
Surah Al-Muddathir, Verse 17
إِنَّهُۥ فَكَّرَ وَقَدَّرَ
اس کا حال تو یہ ہے کہ اس نے سوچ کر ایک بات بنائی۔
Surah Al-Muddathir, Verse 18
فَقُتِلَ كَيۡفَ قَدَّرَ
خدا کی مار ہو اس پر کہ کیسی بات بنائی۔
Surah Al-Muddathir, Verse 19
ثُمَّ قُتِلَ كَيۡفَ قَدَّرَ
دوبارہ خدا کی مار ہو اس پر کہ کیسی بات بنائی۔
Surah Al-Muddathir, Verse 20
ثُمَّ نَظَرَ
پھر اس نے نظر دوڑائی۔
Surah Al-Muddathir, Verse 21
ثُمَّ عَبَسَ وَبَسَرَ
پھر تیوری چڑھائی، اور منہ بنایا۔
Surah Al-Muddathir, Verse 22
ثُمَّ أَدۡبَرَ وَٱسۡتَكۡبَرَ
پھر پیچھے کو مڑا، اور غرور دکھایا۔
Surah Al-Muddathir, Verse 23
فَقَالَ إِنۡ هَٰذَآ إِلَّا سِحۡرٞ يُؤۡثَرُ
پھر کہنے لگا کہ : کچھ نہیں، یہ تو ایک روایتی جادو ہے۔
Surah Al-Muddathir, Verse 24
إِنۡ هَٰذَآ إِلَّا قَوۡلُ ٱلۡبَشَرِ
کچھ نہیں یہ تو ایک انسان کا کلام ہے۔
Surah Al-Muddathir, Verse 25
سَأُصۡلِيهِ سَقَرَ
عنقریب میں اس شخص کو دوزخ میں جھونک دوں گا۔
Surah Al-Muddathir, Verse 26
وَمَآ أَدۡرَىٰكَ مَا سَقَرُ
اور تمہیں کیا پتہ کہ دوزخ کیا چیز ہے ؟
Surah Al-Muddathir, Verse 27
لَا تُبۡقِي وَلَا تَذَرُ
وہ نہ کسی کو باقی رکھے گی، اور نہ چھوڑے گی۔
Surah Al-Muddathir, Verse 28
لَوَّاحَةٞ لِّلۡبَشَرِ
وہ کھالوں کو جھلس دینے والی چیز ہے۔
Surah Al-Muddathir, Verse 29
عَلَيۡهَا تِسۡعَةَ عَشَرَ
اس پر انیس (کارندے) مقرر ہوں گے۔
Surah Al-Muddathir, Verse 30
وَمَا جَعَلۡنَآ أَصۡحَٰبَ ٱلنَّارِ إِلَّا مَلَـٰٓئِكَةٗۖ وَمَا جَعَلۡنَا عِدَّتَهُمۡ إِلَّا فِتۡنَةٗ لِّلَّذِينَ كَفَرُواْ لِيَسۡتَيۡقِنَ ٱلَّذِينَ أُوتُواْ ٱلۡكِتَٰبَ وَيَزۡدَادَ ٱلَّذِينَ ءَامَنُوٓاْ إِيمَٰنٗا وَلَا يَرۡتَابَ ٱلَّذِينَ أُوتُواْ ٱلۡكِتَٰبَ وَٱلۡمُؤۡمِنُونَ وَلِيَقُولَ ٱلَّذِينَ فِي قُلُوبِهِم مَّرَضٞ وَٱلۡكَٰفِرُونَ مَاذَآ أَرَادَ ٱللَّهُ بِهَٰذَا مَثَلٗاۚ كَذَٰلِكَ يُضِلُّ ٱللَّهُ مَن يَشَآءُ وَيَهۡدِي مَن يَشَآءُۚ وَمَا يَعۡلَمُ جُنُودَ رَبِّكَ إِلَّا هُوَۚ وَمَا هِيَ إِلَّا ذِكۡرَىٰ لِلۡبَشَرِ
اور ہم نے دوزخ کے یہ کارندے کوئی اور نہیں، فرشتے مقرر کیے ہیں۔ اور ان کی جو تعداد مقرر کی ہے وہ صرف اس لیئے کہ اس کے ذریعے کافروں کی آزمائش ہو، تاکہ اہل کتاب کو یقین آجائے اور جو لوگ ایمان لاچکے ہیں ان کے ایمان میں اور اضافہ ہو، اور اہل کتاب اور مومن لوگ کسی شک میں نہ پڑیں، اور تاکہ وہ لوگ جن کے دلوں میں روگ ہے اور جو لوگ کافر ہیں، وہ یہ کہیں کہ بھلا اس عجیب سی بات سے اللہ کی کیا مراد ہے ؟ اسی طرح اللہ جس کو چاہتا ہے گمراہ کردیتا ہے اور جس کو چاہتا ہے ہدایت دیتا ہے، اور تمہارے پروردگار کے لشکروں کو اس کے سوا کوئی نہیں جانتا۔ اور یہ ساری بات تو نوع بشر کے لیے ایک یاد دہانی کرانے والی نصیحت ہے اور بس۔
Surah Al-Muddathir, Verse 31
كَلَّا وَٱلۡقَمَرِ
خبردار ! قسم ہے چاند۔
Surah Al-Muddathir, Verse 32
وَٱلَّيۡلِ إِذۡ أَدۡبَرَ
اور رات کی جب وہ منہ پھیر کر جانے لگے۔
Surah Al-Muddathir, Verse 33
وَٱلصُّبۡحِ إِذَآ أَسۡفَرَ
اور صبح کی جب اس کا اجالا پھیل جائے۔
Surah Al-Muddathir, Verse 34
إِنَّهَا لَإِحۡدَى ٱلۡكُبَرِ
کہ یہ بڑی بڑی باتوں میں سے ایک ہے۔
Surah Al-Muddathir, Verse 35
نَذِيرٗا لِّلۡبَشَرِ
جو تمام انسانوں کو خبردار کر رہی ہے۔
Surah Al-Muddathir, Verse 36
لِمَن شَآءَ مِنكُمۡ أَن يَتَقَدَّمَ أَوۡ يَتَأَخَّرَ
تم میں سے ہر اس شخص کو جو آگے بڑھنا یا پیچھے ہٹنا چاہے۔
Surah Al-Muddathir, Verse 37
كُلُّ نَفۡسِۭ بِمَا كَسَبَتۡ رَهِينَةٌ
ہر شخص اپنے کرتوت کی وجہ سے گروی رکھا ہوا ہے۔
Surah Al-Muddathir, Verse 38
إِلَّآ أَصۡحَٰبَ ٱلۡيَمِينِ
سوائے دائیں ہاتھ والوں کے
Surah Al-Muddathir, Verse 39
فِي جَنَّـٰتٖ يَتَسَآءَلُونَ
کہ وہ جنتوں میں ہوں گے۔ وہ پوچھ رہے ہوں گے۔
Surah Al-Muddathir, Verse 40
عَنِ ٱلۡمُجۡرِمِينَ
مجرموں کے بارے میں۔
Surah Al-Muddathir, Verse 41
مَا سَلَكَكُمۡ فِي سَقَرَ
کہ : تمہیں کس چیز نے دوزخ میں داخل کردیا ؟
Surah Al-Muddathir, Verse 42
قَالُواْ لَمۡ نَكُ مِنَ ٱلۡمُصَلِّينَ
وہ کہیں گے کہ : ہم نماز پڑھنے والوں میں سے نہیں تھے۔
Surah Al-Muddathir, Verse 43
وَلَمۡ نَكُ نُطۡعِمُ ٱلۡمِسۡكِينَ
اور ہم مسکین کو کھانا نہیں کھلاتے تھے۔
Surah Al-Muddathir, Verse 44
وَكُنَّا نَخُوضُ مَعَ ٱلۡخَآئِضِينَ
اور جو لوگ بےہودہ باتوں میں گھستے، ہم بھی ان کے ساتھ گھس جایا کرتے تھے۔
Surah Al-Muddathir, Verse 45
وَكُنَّا نُكَذِّبُ بِيَوۡمِ ٱلدِّينِ
اور ہم روز جزاء کو جھوٹ قرار دیتے تھے۔
Surah Al-Muddathir, Verse 46
حَتَّىٰٓ أَتَىٰنَا ٱلۡيَقِينُ
یہاں تک کہ وہ یقینی بات ہمارے پاس آہی گئی۔
Surah Al-Muddathir, Verse 47
فَمَا تَنفَعُهُمۡ شَفَٰعَةُ ٱلشَّـٰفِعِينَ
چنانچہ سفارش کرنے والوں کی سفارش ایسے لوگوں کے کام نہیں آئے گی۔
Surah Al-Muddathir, Verse 48
فَمَا لَهُمۡ عَنِ ٱلتَّذۡكِرَةِ مُعۡرِضِينَ
اب ان لوگوں کو کیا ہوگیا ہے کہ یہ نصیحت کی بات سے منہ موڑے ہوئے ہیں ؟
Surah Al-Muddathir, Verse 49
كَأَنَّهُمۡ حُمُرٞ مُّسۡتَنفِرَةٞ
اس طرح جیسے وہ جنگلی گدھے ہوں۔
Surah Al-Muddathir, Verse 50
فَرَّتۡ مِن قَسۡوَرَةِۭ
جو کسی شیر سے (ڈر کر) بھاگ پڑے ہوں۔
Surah Al-Muddathir, Verse 51
بَلۡ يُرِيدُ كُلُّ ٱمۡرِيٕٖ مِّنۡهُمۡ أَن يُؤۡتَىٰ صُحُفٗا مُّنَشَّرَةٗ
بلکہ ان میں سے ہر شخص یہ چاہتا ہے کہ اسے کھلے ہوئے صحیفے پکڑا دیئے جائیں۔
Surah Al-Muddathir, Verse 52
كَلَّاۖ بَل لَّا يَخَافُونَ ٱلۡأٓخِرَةَ
ہرگز نہیں ! بات اصل میں یہ ہے کہ ان کو آخرت کا خوف نہیں ہے۔
Surah Al-Muddathir, Verse 53
كَلَّآ إِنَّهُۥ تَذۡكِرَةٞ
ہرگز نہیں ! یہ (قرآن ہی) ایک نصیحت ہے۔
Surah Al-Muddathir, Verse 54
فَمَن شَآءَ ذَكَرَهُۥ
اب جو چاہے، اس سے نصیحت حاصل کرلے۔
Surah Al-Muddathir, Verse 55
وَمَا يَذۡكُرُونَ إِلَّآ أَن يَشَآءَ ٱللَّهُۚ هُوَ أَهۡلُ ٱلتَّقۡوَىٰ وَأَهۡلُ ٱلۡمَغۡفِرَةِ
اور یہ لوگ نصیحت حاصل کریں گے نہیں، الا یہ کہ اللہ ہی ایسا چاہے۔ وہی اس بات کا اہل ہے کہ اس سے ڈرا جائے اور وہی اس کا اہل ہے کہ لوگوں کی مغفرت کرے۔
Surah Al-Muddathir, Verse 56