Surah Abasa - Urdu Translation by Muhammad Karam Shah Al Azhari
عَبَسَ وَتَوَلَّىٰٓ
چیں برجبیں ہوئے اور منہ پھیر لیا
Surah Abasa, Verse 1
أَن جَآءَهُ ٱلۡأَعۡمَىٰ
(اس وجہ سے کہ) ان کے پاس ایک نابینا آیا
Surah Abasa, Verse 2
وَمَا يُدۡرِيكَ لَعَلَّهُۥ يَزَّكَّىٰٓ
اور آپ کیا جانیں شاید وہ پاکیزہ تر ہوجاتا
Surah Abasa, Verse 3
أَوۡ يَذَّكَّرُ فَتَنفَعَهُ ٱلذِّكۡرَىٰٓ
یا وہ غور وفکر کرتا تو نفع پہنچاتی اسے یہ نصیحت
Surah Abasa, Verse 4
أَمَّا مَنِ ٱسۡتَغۡنَىٰ
لیکن وہ جو پروا نہیں کرتا
Surah Abasa, Verse 5
فَأَنتَ لَهُۥ تَصَدَّىٰ
آپ اس کی طرف تو توجہ کرتے ہیں
Surah Abasa, Verse 6
وَمَا عَلَيۡكَ أَلَّا يَزَّكَّىٰ
اور آپ پر کوئی ضرر نہیں اگر وہ نہ سدھرے
Surah Abasa, Verse 7
وَأَمَّا مَن جَآءَكَ يَسۡعَىٰ
اور جو آپ کے پاس آیا ہے دوڑتا ہوا
Surah Abasa, Verse 8
وَهُوَ يَخۡشَىٰ
اور وہ ڈر بھی رہا ہے
Surah Abasa, Verse 9
فَأَنتَ عَنۡهُ تَلَهَّىٰ
تو آپ اس سے بےرخی برتتے ہیں
Surah Abasa, Verse 10
كَلَّآ إِنَّهَا تَذۡكِرَةٞ
ایسا نہ چاہیے یہ تو نصیحت ہے ،
Surah Abasa, Verse 11
فَمَن شَآءَ ذَكَرَهُۥ
سو جس کا جی چاہے اسے قبول کرلے
Surah Abasa, Verse 12
فِي صُحُفٖ مُّكَرَّمَةٖ
یہ ایسے صحیفوں میں (ثبت ) ہے جو معزز ہیں
Surah Abasa, Verse 13
مَّرۡفُوعَةٖ مُّطَهَّرَةِۭ
جو بلند مرتبہ پاکیزہ ہیں
Surah Abasa, Verse 14
بِأَيۡدِي سَفَرَةٖ
ایسے کاتبوں کے ہاتھوں سے لکھے ہیں
Surah Abasa, Verse 15
كِرَامِۭ بَرَرَةٖ
جو بڑے بزرگ اور نیکو کار ہیں
Surah Abasa, Verse 16
قُتِلَ ٱلۡإِنسَٰنُ مَآ أَكۡفَرَهُۥ
غارت ہو (منکر) انسان! وہ کتنا احسان فراموش ہے
Surah Abasa, Verse 17
مِنۡ أَيِّ شَيۡءٍ خَلَقَهُۥ
کسی چز سے اللہ نے اسے پیدا کیا
Surah Abasa, Verse 18
مِن نُّطۡفَةٍ خَلَقَهُۥ فَقَدَّرَهُۥ
ایک بوند سے ۔ اسے پیدا کیا پھر اس کی ہرچیز اندازہ سے بنائی
Surah Abasa, Verse 19
ثُمَّ ٱلسَّبِيلَ يَسَّرَهُۥ
پھر زندگی کی راہ اس کے لیے آسان کردی
Surah Abasa, Verse 20
ثُمَّ أَمَاتَهُۥ فَأَقۡبَرَهُۥ
پھر اسے موت دی اور اسے قبر میں پہنچا دیا
Surah Abasa, Verse 21
ثُمَّ إِذَا شَآءَ أَنشَرَهُۥ
پھر جب چاہے گا اسے دوبارہ زندہ کردے گا
Surah Abasa, Verse 22
كَلَّا لَمَّا يَقۡضِ مَآ أَمَرَهُۥ
یقیناً وہ بجا نہ لایا جو اللہ نے اسے حکم دیا تھا
Surah Abasa, Verse 23
فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ
پھر ذرا انسان غور سے دیکھے اپنی غذا کو
Surah Abasa, Verse 24
أَنَّا صَبَبۡنَا ٱلۡمَآءَ صَبّٗا
بے شک ہم نے زور سے پانی برسایا
Surah Abasa, Verse 25
ثُمَّ شَقَقۡنَا ٱلۡأَرۡضَ شَقّٗا
پھر اچھی طرح پھاڑا زمین کو
Surah Abasa, Verse 26
فَأَنۢبَتۡنَا فِيهَا حَبّٗا
پھر ہم نے اگایا اس میں غلہ
Surah Abasa, Verse 27
وَعِنَبٗا وَقَضۡبٗا
اور انگور اور ترکاریاں
Surah Abasa, Verse 28
وَزَيۡتُونٗا وَنَخۡلٗا
اور زیتون اور کھجوریں
Surah Abasa, Verse 29
وَحَدَآئِقَ غُلۡبٗا
اور گھنے باغات
Surah Abasa, Verse 30
وَفَٰكِهَةٗ وَأَبّٗا
اور (طرح طرح کے ) پھل اور گھاس
Surah Abasa, Verse 31
مَّتَٰعٗا لَّكُمۡ وَلِأَنۡعَٰمِكُمۡ
سامان زیست تمہارے لیے اور تمہارے مویشیوں کے لیے
Surah Abasa, Verse 32
فَإِذَا جَآءَتِ ٱلصَّآخَّةُ
پھر جب کان بہرا کرنے والا شور اٹھے گا
Surah Abasa, Verse 33
يَوۡمَ يَفِرُّ ٱلۡمَرۡءُ مِنۡ أَخِيهِ
اس دن آدمی بھاگے گا اپنے بھائی سے
Surah Abasa, Verse 34
وَأُمِّهِۦ وَأَبِيهِ
اور اپنی ماں سے اور اپنے باپ سے
Surah Abasa, Verse 35
وَصَٰحِبَتِهِۦ وَبَنِيهِ
اور اپنی بیوی سے اور اپنے بچوں سے
Surah Abasa, Verse 36
لِكُلِّ ٱمۡرِيٕٖ مِّنۡهُمۡ يَوۡمَئِذٖ شَأۡنٞ يُغۡنِيهِ
ہر شخص کو ان میں سے اس دن ایسی فکر لاحق ہوگی جو اسے (سب سے) بےپروا کردے گی
Surah Abasa, Verse 37
وُجُوهٞ يَوۡمَئِذٖ مُّسۡفِرَةٞ
کتنے ہی چہرے اس دن (نور ایمان سے) چمک رہے ہوں گے
Surah Abasa, Verse 38
ضَاحِكَةٞ مُّسۡتَبۡشِرَةٞ
ہنستے ہوئے خوش وخرم
Surah Abasa, Verse 39
وَوُجُوهٞ يَوۡمَئِذٍ عَلَيۡهَا غَبَرَةٞ
اور کئی منہ اس دن غبار آلود ہوں گے
Surah Abasa, Verse 40
تَرۡهَقُهَا قَتَرَةٌ
ان پر کالک لگی ہوگی
Surah Abasa, Verse 41
أُوْلَـٰٓئِكَ هُمُ ٱلۡكَفَرَةُ ٱلۡفَجَرَةُ
یہی وہ کافر (و) فاجر لوگ ہوں گے
Surah Abasa, Verse 42