Surah At-Takwir - Urdu Translation by Muhammad Karam Shah Al Azhari
إِذَا ٱلشَّمۡسُ كُوِّرَتۡ
(یاد کرو) جب سورج لپیٹ دیا جائے گا
Surah At-Takwir, Verse 1
وَإِذَا ٱلنُّجُومُ ٱنكَدَرَتۡ
اور جب ستارے بکھر جائیں گے
Surah At-Takwir, Verse 2
وَإِذَا ٱلۡجِبَالُ سُيِّرَتۡ
اور جب پہاڑوں کو اکھیڑ دیا جائے گا
Surah At-Takwir, Verse 3
وَإِذَا ٱلۡعِشَارُ عُطِّلَتۡ
اور جب دس ماہ کی گابھن اونٹنیاں چھٹی پھریں گی
Surah At-Takwir, Verse 4
وَإِذَا ٱلۡوُحُوشُ حُشِرَتۡ
اور جب وحشی جانور یکجا کر دیے جائیں گے
Surah At-Takwir, Verse 5
وَإِذَا ٱلۡبِحَارُ سُجِّرَتۡ
اور جب سمندر بھڑکا دیے جائیں گے
Surah At-Takwir, Verse 6
وَإِذَا ٱلنُّفُوسُ زُوِّجَتۡ
اور جب جانیں (جسموں سے) جوری جائیں گی
Surah At-Takwir, Verse 7
وَإِذَا ٱلۡمَوۡءُۥدَةُ سُئِلَتۡ
اور جب زندہ درگور کی ہوئی (بچی) سے پوچھا جائے گا
Surah At-Takwir, Verse 8
بِأَيِّ ذَنۢبٖ قُتِلَتۡ
کہ وہ کس گناہ کے باعث ماری گئی
Surah At-Takwir, Verse 9
وَإِذَا ٱلصُّحُفُ نُشِرَتۡ
اور جب اعمال نامے کھولے جائیں گے
Surah At-Takwir, Verse 10
وَإِذَا ٱلسَّمَآءُ كُشِطَتۡ
اور جب آسمان کی کھال ادھیڑ لی جائے گی
Surah At-Takwir, Verse 11
وَإِذَا ٱلۡجَحِيمُ سُعِّرَتۡ
اور جب جہنم دہکائی جائے گی
Surah At-Takwir, Verse 12
وَإِذَا ٱلۡجَنَّةُ أُزۡلِفَتۡ
اور جب جنت قریب کردی جائے گی
Surah At-Takwir, Verse 13
عَلِمَتۡ نَفۡسٞ مَّآ أَحۡضَرَتۡ
(تو اس دن) ہر شخص جان لے گا کہ وہ کیا لے کر آیا ہے
Surah At-Takwir, Verse 14
فَلَآ أُقۡسِمُ بِٱلۡخُنَّسِ
پھر میں قسم کھاتا ہوں پیچھے ہٹ جانے والے تاروں کی
Surah At-Takwir, Verse 15
ٱلۡجَوَارِ ٱلۡكُنَّسِ
(اور قسم کھاتا ہوں) سیدھے چلنے والے ، رکے رہنے والے تاروں کی
Surah At-Takwir, Verse 16
وَٱلَّيۡلِ إِذَا عَسۡعَسَ
اور رات کی جب وہ رخصت ہونے لگے
Surah At-Takwir, Verse 17
وَٱلصُّبۡحِ إِذَا تَنَفَّسَ
اور صبح کی جب وہ سانس لے
Surah At-Takwir, Verse 18
إِنَّهُۥ لَقَوۡلُ رَسُولٖ كَرِيمٖ
کہ یہ (قرآن) ایک معزز قاصد کا (لایا ہوا) قول ہے
Surah At-Takwir, Verse 19
ذِي قُوَّةٍ عِندَ ذِي ٱلۡعَرۡشِ مَكِينٖ
جو قوت والا ہے مالک عرش کے ہاں عزت والا ہے
Surah At-Takwir, Verse 20
مُّطَاعٖ ثَمَّ أَمِينٖ
(سب فرشتوں کا) سردار اور وہاں کا امین ہے
Surah At-Takwir, Verse 21
وَمَا صَاحِبُكُم بِمَجۡنُونٖ
اور تمہارا یہ ساتھی کوئی مجنون تو نہیں
Surah At-Takwir, Verse 22
وَلَقَدۡ رَءَاهُ بِٱلۡأُفُقِ ٱلۡمُبِينِ
اور بلاشبہ اس نے اس قاصد کو دیکھا ہے روشن کنارے پر
Surah At-Takwir, Verse 23
وَمَا هُوَ عَلَى ٱلۡغَيۡبِ بِضَنِينٖ
اور یہ نبی غیب بتانے میں ذرا بخیل نہیں
Surah At-Takwir, Verse 24
وَمَا هُوَ بِقَوۡلِ شَيۡطَٰنٖ رَّجِيمٖ
اور یہ (قرآن) کسی شیطان مردود کا قول نہیں
Surah At-Takwir, Verse 25
فَأَيۡنَ تَذۡهَبُونَ
پھر تم (منہ اٹھائے) کدھر چلے جارہے ہو
Surah At-Takwir, Verse 26
إِنۡ هُوَ إِلَّا ذِكۡرٞ لِّلۡعَٰلَمِينَ
نہیں ہے یہ مگر نصیحت سب اہل جہان کے لیے
Surah At-Takwir, Verse 27
لِمَن شَآءَ مِنكُمۡ أَن يَسۡتَقِيمَ
(لیکن ہدایت وہی پاتا ہے) جو تم میں سے سیدھی راہ چلنا چاہے
Surah At-Takwir, Verse 28
وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ
اور تم نہیں چاہ سکتے بجز اس کے کہ اللہ چاہے جو رب العالمین ہے
Surah At-Takwir, Verse 29