Surah Al-Ala - Urdu Translation by Muhammad Taqi Usmani
سَبِّحِ ٱسۡمَ رَبِّكَ ٱلۡأَعۡلَى
اپنے پروردگار کے نام کی تسبیح کرو جس کی شان سب سے اونچی ہے۔
Surah Al-Ala, Verse 1
ٱلَّذِي خَلَقَ فَسَوَّىٰ
جس نے سب کچھ پیدا کیا اور ٹھیک ٹھیک بنایا۔
Surah Al-Ala, Verse 2
وَٱلَّذِي قَدَّرَ فَهَدَىٰ
اور جس نے ہر چیز کو ایک خاص انداز دیا، پھر راستہ بتایا۔
Surah Al-Ala, Verse 3
وَٱلَّذِيٓ أَخۡرَجَ ٱلۡمَرۡعَىٰ
اور جس نے سبز چارہ (زمین سے) نکالا۔
Surah Al-Ala, Verse 4
فَجَعَلَهُۥ غُثَآءً أَحۡوَىٰ
پھر اسے کالے رنگ کا کوڑا بنادیا۔
Surah Al-Ala, Verse 5
سَنُقۡرِئُكَ فَلَا تَنسَىٰٓ
(اے پیغمبر) ہم تمہیں پڑھائیں گے پھر تم بھولو گے نہیں۔
Surah Al-Ala, Verse 6
إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ
سوائے اس کے جسے اللہ چاہے۔ یقین رکھو وہ کھلی ہوئی چیزوں کو بھی جانتا ہے اور ان چیزوں کو بھی جو چھپی ہوئی ہیں۔
Surah Al-Ala, Verse 7
وَنُيَسِّرُكَ لِلۡيُسۡرَىٰ
اور ہم تمہیں آسان شریعت (پر چلنے کے لیے) سہولت دیں گے۔
Surah Al-Ala, Verse 8
فَذَكِّرۡ إِن نَّفَعَتِ ٱلذِّكۡرَىٰ
لہذا تم نصیحت کیے جاؤ، اگر نصیحت کا فائدہ ہو۔
Surah Al-Ala, Verse 9
سَيَذَّكَّرُ مَن يَخۡشَىٰ
جس کے دل میں اللہ کا خوف ہوگا، وہ نصیحت مانے گا۔
Surah Al-Ala, Verse 10
وَيَتَجَنَّبُهَا ٱلۡأَشۡقَى
اور اس سے دور وہ رہے گا جو بڑا بدبخت ہوگا۔
Surah Al-Ala, Verse 11
ٱلَّذِي يَصۡلَى ٱلنَّارَ ٱلۡكُبۡرَىٰ
جو سب سے بڑی آگ میں داخل ہوگا۔
Surah Al-Ala, Verse 12
ثُمَّ لَا يَمُوتُ فِيهَا وَلَا يَحۡيَىٰ
پھر اس آگ میں نہ مرے گا اور نہ جیے گا۔
Surah Al-Ala, Verse 13
قَدۡ أَفۡلَحَ مَن تَزَكَّىٰ
فلاح اس نے پائی ہے جس نے پاکیزگی اختیار کی۔
Surah Al-Ala, Verse 14
وَذَكَرَ ٱسۡمَ رَبِّهِۦ فَصَلَّىٰ
اور اپنے پروردگار کا نام لیا، اور نماز پڑھی۔
Surah Al-Ala, Verse 15
بَلۡ تُؤۡثِرُونَ ٱلۡحَيَوٰةَ ٱلدُّنۡيَا
لیکن تم لوگ دنیوی زندگی کو مقدم رکھتے ہو۔
Surah Al-Ala, Verse 16
وَٱلۡأٓخِرَةُ خَيۡرٞ وَأَبۡقَىٰٓ
حالانکہ آخرت کہیں زیادہ بہتر اور کہیں زیادہ پائیدار ہے۔
Surah Al-Ala, Verse 17
إِنَّ هَٰذَا لَفِي ٱلصُّحُفِ ٱلۡأُولَىٰ
یہ بات یقینا پچھلے (آسمانی) صحیفوں میں بھی درج ہے۔
Surah Al-Ala, Verse 18
صُحُفِ إِبۡرَٰهِيمَ وَمُوسَىٰ
ابراہیم اور موسیٰ کے صحیفوں میں۔
Surah Al-Ala, Verse 19