Surah Al-Ghashiya - Urdu Translation by Muhammad Taqi Usmani
هَلۡ أَتَىٰكَ حَدِيثُ ٱلۡغَٰشِيَةِ
کیا تمہیں اس واقعے (یعنی قیامت) کی خبر پہنچی ہے جو سب پر چھا جائے گا ؟
Surah Al-Ghashiya, Verse 1
وُجُوهٞ يَوۡمَئِذٍ خَٰشِعَةٌ
بہت سے چہرے اس دن اترے ہوئے ہوں گے۔
Surah Al-Ghashiya, Verse 2
عَامِلَةٞ نَّاصِبَةٞ
مصیبت جھیلتے ہوئے، تھکن سے چور۔
Surah Al-Ghashiya, Verse 3
تَصۡلَىٰ نَارًا حَامِيَةٗ
وہ دہکتی ہوئی آگ میں داخل ہوں گے۔
Surah Al-Ghashiya, Verse 4
تُسۡقَىٰ مِنۡ عَيۡنٍ ءَانِيَةٖ
انہیں کھولتے ہوئے چشمے سے پانی پلایا جائے گا۔
Surah Al-Ghashiya, Verse 5
لَّيۡسَ لَهُمۡ طَعَامٌ إِلَّا مِن ضَرِيعٖ
ان کے لیئے ایک کانٹے دار جھاڑ کے سوا کوئی کھانا نہیں ہوگا۔
Surah Al-Ghashiya, Verse 6
لَّا يُسۡمِنُ وَلَا يُغۡنِي مِن جُوعٖ
جو نہ جسم کا وزن بڑھائے گا اور نہ بھوک مٹائے گا۔
Surah Al-Ghashiya, Verse 7
وُجُوهٞ يَوۡمَئِذٖ نَّاعِمَةٞ
بہت سے چہرے اس دن تروتازہ ہوں گے۔
Surah Al-Ghashiya, Verse 8
لِّسَعۡيِهَا رَاضِيَةٞ
(دنیا میں) اپنی کی ہوئی محنت کی وجہ سے پوری طرح مطمئن۔
Surah Al-Ghashiya, Verse 9
فِي جَنَّةٍ عَالِيَةٖ
عالیشان جنت میں ہوں گے
Surah Al-Ghashiya, Verse 10
لَّا تَسۡمَعُ فِيهَا لَٰغِيَةٗ
جس میں وہ کوئی لغو بات نہیں سنیں گے۔
Surah Al-Ghashiya, Verse 11
فِيهَا عَيۡنٞ جَارِيَةٞ
اس جنت میں بہتے ہوئے چشمے ہوں گے۔
Surah Al-Ghashiya, Verse 12
فِيهَا سُرُرٞ مَّرۡفُوعَةٞ
اس میں اونچی اونچی نشستیں ہوں گی۔
Surah Al-Ghashiya, Verse 13
وَأَكۡوَابٞ مَّوۡضُوعَةٞ
اور سامنے رکھے ہوئے پیالے۔
Surah Al-Ghashiya, Verse 14
وَنَمَارِقُ مَصۡفُوفَةٞ
اور قطار میں لگائے ہوئے گداز تکیے۔
Surah Al-Ghashiya, Verse 15
وَزَرَابِيُّ مَبۡثُوثَةٌ
اور بچھے ہوئے قالین۔
Surah Al-Ghashiya, Verse 16
أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ
تو کیا یہ لوگ اونٹوں کو نہیں دیکھتے کہ انہیں کیسے پیدا کیا گیا ؟
Surah Al-Ghashiya, Verse 17
وَإِلَى ٱلسَّمَآءِ كَيۡفَ رُفِعَتۡ
اور آسمان کو کہ اسے کس طرح بلند کیا گیا ؟
Surah Al-Ghashiya, Verse 18
وَإِلَى ٱلۡجِبَالِ كَيۡفَ نُصِبَتۡ
اور پہاڑوں کو کہ انہیں کس طرح گاڑا گیا ؟
Surah Al-Ghashiya, Verse 19
وَإِلَى ٱلۡأَرۡضِ كَيۡفَ سُطِحَتۡ
اور زمین کو کہ اسے کیسے بچھایا گیا ؟
Surah Al-Ghashiya, Verse 20
فَذَكِّرۡ إِنَّمَآ أَنتَ مُذَكِّرٞ
اب (اے پیغمبر) تم نصیحت کیے جاؤ۔ تم تو بس نصیحت کرنے والے ہو۔
Surah Al-Ghashiya, Verse 21
لَّسۡتَ عَلَيۡهِم بِمُصَيۡطِرٍ
آپ کو ان پر زبردستی کرنے کے لیے مسلط نہیں کیا گیا۔
Surah Al-Ghashiya, Verse 22
إِلَّا مَن تَوَلَّىٰ وَكَفَرَ
ہاں مگر جو کوئی منہ موڑے گا، اور کفر اختیار کرے گا۔
Surah Al-Ghashiya, Verse 23
فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ
تو اللہ اس کو بڑا زبردست عذاب دے گا۔
Surah Al-Ghashiya, Verse 24
إِنَّ إِلَيۡنَآ إِيَابَهُمۡ
یقین جانو ان سب کو ہمارے پاس ہی لوٹ کر آنا ہے۔
Surah Al-Ghashiya, Verse 25
ثُمَّ إِنَّ عَلَيۡنَا حِسَابَهُم
پھر یقینا ان کا حساب لینا ہمارے ذمے ہے۔
Surah Al-Ghashiya, Verse 26