Surah Al-Ghashiya - Urdu Translation by Muhammad Hussain Najafi
هَلۡ أَتَىٰكَ حَدِيثُ ٱلۡغَٰشِيَةِ
کیا تمہیں (کائنات پر) چھا جانے والی (مصیبت یعنی قیامت) کی خبر پہنچی ہے؟
Surah Al-Ghashiya, Verse 1
وُجُوهٞ يَوۡمَئِذٍ خَٰشِعَةٌ
اس دن کچھ چہرے ذلیل (اترے ہوئے) ہوں گے۔
Surah Al-Ghashiya, Verse 2
عَامِلَةٞ نَّاصِبَةٞ
سخت محنت کرنے والے (نڈھال اور) تھکے ماندے ہوں گے۔
Surah Al-Ghashiya, Verse 3
تَصۡلَىٰ نَارًا حَامِيَةٗ
وہ دہکتی ہوئی آگ میں پڑیں گے (اور جھلسیں گے)۔
Surah Al-Ghashiya, Verse 4
تُسۡقَىٰ مِنۡ عَيۡنٍ ءَانِيَةٖ
انہیں کھولتے ہوئے چشمہ کا پانی پلایا جائے گا۔
Surah Al-Ghashiya, Verse 5
لَّيۡسَ لَهُمۡ طَعَامٌ إِلَّا مِن ضَرِيعٖ
(وہاں) ان کیلئے کوئی کھانا نہ ہوگا سوائے خاردار جھاڑ کے۔
Surah Al-Ghashiya, Verse 6
لَّا يُسۡمِنُ وَلَا يُغۡنِي مِن جُوعٖ
جو نہ (انہیں) موٹا کرے گا اور نہ بھوک دور کرے گا۔
Surah Al-Ghashiya, Verse 7
وُجُوهٞ يَوۡمَئِذٖ نَّاعِمَةٞ
(اور) کچھ چہرے اس دن تر و تازہ (اور با رونق) ہوں گے۔
Surah Al-Ghashiya, Verse 8
لِّسَعۡيِهَا رَاضِيَةٞ
اپنی کاوش و کوشش پر خوش اور مطمئن ہوں گے۔
Surah Al-Ghashiya, Verse 9
فِي جَنَّةٍ عَالِيَةٖ
(اور) عالیشان جنت میں ہوں گے۔
Surah Al-Ghashiya, Verse 10
لَّا تَسۡمَعُ فِيهَا لَٰغِيَةٗ
جہاں وہ کوئی بےہودہ بات نہیں سنیں گے۔
Surah Al-Ghashiya, Verse 11
فِيهَا عَيۡنٞ جَارِيَةٞ
اس میں چشمہ رواں دواں ہوگا۔
Surah Al-Ghashiya, Verse 12
فِيهَا سُرُرٞ مَّرۡفُوعَةٞ
اس میں اونچے اونچے تخت (بچھے ہوئے) ہوں گے۔
Surah Al-Ghashiya, Verse 13
وَأَكۡوَابٞ مَّوۡضُوعَةٞ
اور جام و ساغر رکھے ہوں گے۔
Surah Al-Ghashiya, Verse 14
وَنَمَارِقُ مَصۡفُوفَةٞ
اور گاؤ تکیے قطار در قطار لگے ہوئے ہوں گے۔
Surah Al-Ghashiya, Verse 15
وَزَرَابِيُّ مَبۡثُوثَةٌ
اور طرح طرح کے نفیس فرش و فروش بچھے ہوئے ہوں گے۔
Surah Al-Ghashiya, Verse 16
أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ
کیا یہ لوگ اونٹ کو (غور سے) نہیں دیکھتے کہ وہ کیونکر پیدا کیا گیا ہے؟
Surah Al-Ghashiya, Verse 17
وَإِلَى ٱلسَّمَآءِ كَيۡفَ رُفِعَتۡ
اور آسمان کی طرف نہیں دیکھتے کہ کیسے بلند کیا گیا ہے۔
Surah Al-Ghashiya, Verse 18
وَإِلَى ٱلۡجِبَالِ كَيۡفَ نُصِبَتۡ
اور پہاڑوں کی طرف نہیں دیکھتے کہ کیونکر کھڑے کئے گئے ہیں؟
Surah Al-Ghashiya, Verse 19
وَإِلَى ٱلۡأَرۡضِ كَيۡفَ سُطِحَتۡ
اور زمین کی طرف نہیں دیکھتے کہ کیسے بچھائی گئی ہے۔
Surah Al-Ghashiya, Verse 20
فَذَكِّرۡ إِنَّمَآ أَنتَ مُذَكِّرٞ
پس(اے رسول(ص)) آپ(ص) نصیحت کیجئے (اور سمجھائیے) کہ آپ(ص) نصیحت کرنے (اور سمجھانے) والے ہیں۔
Surah Al-Ghashiya, Verse 21
لَّسۡتَ عَلَيۡهِم بِمُصَيۡطِرٍ
آپ(ص) ان پر داروغہ نہیں ہیں۔
Surah Al-Ghashiya, Verse 22
إِلَّا مَن تَوَلَّىٰ وَكَفَرَ
ہاں البتہ جو شخص رُوگردانی کرے گا اور کفر کرے گا۔
Surah Al-Ghashiya, Verse 23
فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ
تو اللہ اس کو بڑا عذاب دے گا۔
Surah Al-Ghashiya, Verse 24
إِنَّ إِلَيۡنَآ إِيَابَهُمۡ
یقیناً ان کی بازگشت ہماری طرف ہے۔
Surah Al-Ghashiya, Verse 25
ثُمَّ إِنَّ عَلَيۡنَا حِسَابَهُم
پھر بیشک ان کا حساب کتاب ہمارے ذمہ ہے۔
Surah Al-Ghashiya, Verse 26